Хойд Солонгосын хориг нүүрсний үнийг өсгөв

2017-07-16 17:06

Хятадын Гаалийн газрын мэдээгээр 6 дугаар сард 21.6 сая тонн нүүрс /эрчим хүч, коксжих болон бусад төрөл/ импортолсон нь 5 дугаар сараас 2.7%-иар буурсан дүн хэдий ч өнгөрсөн оны 6 дугаар сартай адил хэмжээнд байгаа юм. Тус улс эхний 6 сарын байдлаар нийт 133.3 сая тонн нүүрс импортолсон нь өнгөрсөн оны мөн үеэс 23.5%-иар өссөн байна.

Хятадын Хойд Солонгосоос тээвэрлэх нүүрсний хэмжээ 75% буурсан байна. Өнгөрсөн 2 дугаар сард НҮБ-аас Хойд Солонгост тавьсан хоригийн дагуу Хятад улс нүүрс импортлохоо буруулж эхэлсэн. Оны эхний 6 сарын байдлаар ердөө 2.7 сая тонн нүүрс Хойд Солонгосоос импортолжээ. 2016 онд тус улсаас 22.4 сая тонн антрицит нүүрс импортолсон нь 2015 оноос 15% өссөн дүн байв.

Хойд Солонгосын нүүрсний хоригтой холбоотойгоор нүүрсний үнэ бага хэмжээгээр өсөв. Квийнсланд мужид болсон Дэбби шуурганаас улбаатайгаар 4 дүгээр сарын дундуур коксжих нүүрсний үнэ 300 доллар давж өсөөд байсантай харьцуулахад одоо даруй 150 орчим ам.доллараар ханш суларчээ.  Гэвч одоогийн 160 доллар/тонн-ын үнэ коксжих нүүрс олборлогчдын хувьд харьцангуй боломжийн үнэ юм. Өнгөрсөн баасан гаригт Австралийн өндөр чанартай коксжих нүүрсний FOB нөхцөлтэй үнэ /боомт дээрх үнэ/ 167.6 ам.доллар болж 2.8%-иар өсөөд байгаа юм.

Зарим шинжээчийн таамаглаж буйгаар энэ оны сүүлийн улиралд Австралийн FOB нөхцөлтэй коксжих нүүрний үнэ дунджаар 146 ам.доллар байх төлөвтэй байна. Дээрх үнэ 2016 онд дунджаар 126 ам.доллар, 2015 онд 90 ам.доллар байжээ.

2016 онд Хятад улс нийт 14.15 тэрбум ам.долларын үнийн дүн бүхий 255.5 сая тонн нүүрс импортолсон нь 2015 онтой харьцуулахад үнийн дүнгийн хувьд 16.8%-иар, биет хэмжээний хувьд 25.2%-иар өссөн дүн юм. Харин Монгол улсын хувьд энэ оны эхний 5 сарын байдлаар 15 сая тонн нүүрс Хятад руу экспортлоод байна.

С.Болд-Эрдэнэ

Сэтгэгдэл (1)

  • angela gonzalez
    Бүх зүйл сайн байна Ноён Iwaniuk dariusz намайг Ноён Iwaniuk dariusz хийсэн гэж хэлэхэд баяртай байна. Би түүнд 6000 € зээлийг асууж, тантай ярих үед таныг худал хэлэхгүй гэж би гэрчлэв. 6000 еврог миний дансанд оруулсныг олж мэдсэн юм. Энэ бол миний урьд өмнө алдсан баяр баясгаланг олох боломжийг надад олгосон энэхүү гайхамшигтай ноён надад гэрчилсэн энэхүү баяр баясгалан юм. Тиймээс хэрэгцээтэй байгаа хүмүүст цаашид ямар ч харагдахгүй, түүнтэй холбоо бариарай мэйл: iwaniukdariusz1234@gmail.com WIISAPP 0022 960 495 638
    2019 оны 05 сарын 23 | Хариулах
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • Уржигдар 14 цаг 56 минутад
    Томилолтын замыг талдаа хоёр хоног туулан алсын аймгаас зорих, үүр цайхтай уралдан ойрын нутгаас ирэх 21 аймгийн сэтгүүлчид эх орны нийслэлд учрах шалтгаан “Орон нутгийн сэтгүүлчдийн сүлжээ” сургалт байлаа. Тав дахь жилдээ хэрэгжиж байгаа энэхүү төслийн анхны сургалтаас хамрагдаж буй “нэг ангийн” 35 сэтгүүлчид тэд. Жил бүрийн уулзалтыг хүлээн учирсан анд нөхдийн сэтгэл догдлом баярт мөч, халуун дулаан уур амьсгал дунд  энэ жилийн сургалтын үйл ажиллагаа эхэлсэн юм. Хоёр өдрийн турш үргэлжилсэн сургалтын сэдэв “Уул уурхайн салбарын эдийн засагт үзүүлж буй нөлөөлөл”.
  • Уржигдар 13 цаг 24 минутад
    “Энержи Ресурс” компани 2019 оны эхний хагас жилийн санхүүгийн тайлангаа албан ёсоор мэдээлсэн байна. Оны эхний зургаан сард нийт 4 сая тонн нүүрс олборлож, 2.5 сая тонн баяжуулсан нүүрс экспортолсон бөгөөд борлуулалтын орлого өмнөх оны мөн үеэс 20 орчим хувиар нэмэгдэж 325.6 сая ам.долларт хүрчээ. Мөн хугацаанд баяжуулсан коксжих нүүрсийг  тонн тутамд дунджаар 147 ам.доллараар борлуулж Монгол Улсад экспортын нүүрсний үнийг хамгийн өндрөөр тогтоосон хэвээр байна гэж мэдээлэв.
  • 2019-08-21 12:39
    Өнөөдрийн Засгийн газрын хуралдаанаар шинээр болон өргөтгөлөөр 9 газрыг Улсын тусгай хамгаалалтад авах УИХ-ын тогтоолын төслийг дэмжлээ. Тэр дундаа Гутайн даваа-Хөмүүл голын эхийг байгалийн цогцолборт газрын ангиллаар тусгай хамгаалалтад авснаар Онон голын эхэд үйл ажиллагаа явуулж буй уул уурхайнуудыг таслан зогсоох боломж бүрдлээ. Ингэснээр Улсын тусгай хамгаалалттай газар нутгийг 1.2 сая га буюу 0.83 хувиар нэмэгдэж байгаа юм.
  • 2019-08-19 17:56
    Сүхбаатар аймгийн төсөвт 2018 онд нийт 3.2 тэрбум төгрөг төвлөрснөөс 1.8 тэрбумыг уул уурхайн татварын орлого бүрдүүлсэн байна. Өнөөгийн байдлаар аймгийн хэмжээнд ашигт малтмалын ашиглалтын тусгай зөвшөөрөлтэй 28 компани бий. Тус компаниуд орон нутагт төлөх ёстой татвараа хуулийн хүрээнд төвлөрүүлж буй бөгөөд уул уурхайн татварын орлого жил ирэх бүр өсөлттэй байгааг Сүхбаатар аймгийн Татварын газраас мэдээллээ. Цаашид уул уурхайн үйл ажиллагаа явуулдаг компаниудыг аймагт бүртгэлтэй болох саналыг орон нутгийн зүгээс тавьж байна.
  • 2019-08-16 11:18
    Нийт экспортын дийлэнх хэсгийг бүрдүүлдэг эрдсийн экспорт оны эхний долоон сард 3833.8 сая ам.долларт хүрсэн нь өнгөрсөн оны мөн үетэй харьцуулахад 9.5%-иар өссөн дүн боллоо. Эрдсийн экспорт дундаа нүүрсний экспортын дүн 1.79 тэрбум ам.долларыг эзэлж байна. Энэ нь өнгөрсөн оны мөн үеийнхтэй харьцуулбал орлогын дүн 10.6%-иар нэмэгдсэн гэсэн үг. Оны эхний долоон сарын байдлаар нүүрсний экспортын биет жин 20.9 сая тоннд хүрсэн нь өмнөх оны мөн үеийн түвшинд хадгалагдсан дүнтэй гарч байна.