2017 онд Хятадын төмрийн хүдрийн импорт “дээд амжилт” тогтооно

2017-07-16 14:46
2017 онд Хятадын төмрийн хүдрийн импорт хэмжээ 1.08 тэрбум тоннд хүрч 2016 оны импортын хэмжээг давах төлөвтэй байна. Энэ тухай тус улсын “China Merchants Futures” компанийн шинжээч Жао Чаю таамаглал дэвшүүлжээ.

Хятадын Гаалийн Ерөнхий газрын мэдээллээр, зургаадугаар сард 94.7 сая тонн хүдэр импортолсон нь тавдугаар сарын 91.5 сая тонноос давж, 3.5%-иар өссөн үзүүлэлттэй байгаа юм. Энэ оны хагас жилийн байдлаар Хятадын төмрийн хүдрийн импорт өмнөх оны мөн үеэс 9.3%-иар өсч 539 сая тоннд хүрсэн аж. 2016 онд 1 тэрбум 24 сая тонн төмрийн хүдэр импортолжээ. Энэ нь өмнөх оныхоос 7.5%-иар өссөн үзүүлэлт юм.

Хятад руу нийлүүлэх төмрийн хүдрийн экспортоор Австрали, Бразил улс тэргүүлдэг. Австралийн тухайд тус улсын Засгийн газраас дэвшүүлсэн таамаглалаар Хятад руу нийлүүлэх төмрийн хүдрийн экспорт 2017 онд 851 сая, 2018 онд 885 сая болоод 2019 онд 897 сая тоннд тус тус хүргэхээр зорьж буй.

“Goldman Sachs Group”-ийн тандалтаар ирэх жил төмрийн хүдрийн дундаж үнэ 47 ам.доллар байх төлөвтэй гарчээ. “Metal Bulletin”-ийн мэдээллээр, долдугаар сарын 12-ны байдлаар Хятадын Циндао боомт дээр төмрийн 62%-ийн агууламжтай хүдрийн үнэ 64.5 ам.доллар байна. Он гарснаас хойш төмрийн хүдрийн үнэ 19%-иар буураад байна. 

Э.Од

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 6 цаг 3 минутын өмнө
    Н.Алгаа нь 1975-1980 онд ОХУ-ын Свердловск хотын Уралын политехникийн дээд сургуульд суралцан өнгөт төмөрлөгийн инженер мэргэжил эзэмшсэн. 1990-1991 онд Японы Сендай хотын Тохоку их сургуульд мэргэжил дээшлүүлж, 2009-2012 онд МУИС-ийн хууль зүйн сургуульд эчнээгээр суралцжээ. Тэрээр Монголын Уул уурхайн Үндэсний Ассоциацийн Гүйцэтгэх захирал, Ерөнхийлөгчөөр тус тус ажиллаж байсан бөгөөд өдгөө “Дат консалтинг” ХХК-ийн Гүйцэтгэх захирлын албыг хашиж байна. Монголын уул уурхайн салбарын тэргүүлэх мэргэжилтэн Н.Алгаагийн салбарын үйл явцад дүн шинжилгээ хийсэн нийтлэлийг The Mongolian Mining Journal  уншигчдадаа цувралаар хүргэж байна.  
  • 2019-09-20 15:51
    Казахстан улс нь Хятадын Лянюнган боомтоор дамжин Зүүн өмнөд Азийн зах зээлд нүүрс экспортолно. Энэ тухай тус улсын Үйлдвэр, дэд бүтцийн хөгжлийн сайд Роман Скляр мэдэгджээ. Казахстаны Ерөнхийлөгч Касым-Жомарта Токаев анх удаа БНХАУ-д хийсэн айлчлалын үеэр хоёр улс тохиролцсон байна. Казахстан нь жил бүр  хоёр сая тонн нүүрсийг Хятадын нутгаар дамжуулан тээвэрлэж экспортлохоор урьдчилсан хэлэлцээр байгуулжээ. Казахстаны хувьд далайд гарцгүй орон бөгөөд Оросын нутгаар дамжин нүүрсээ экспортолдог. Сүүлийн жил Казахстаны экспортын нүүрсийг Оросын нутгаар дамжуулан тээвэрлэх асуудалд хүндрэл үүсээд байгаа юм.
  • 2019-09-20 11:11
    “Эрдэнэт үйлдвэр” ТӨҮГ өнгөрсөн тавдугаар сард Байгаль орчин, ногоон хөгжлийн хэлтэстэй болсон юм. Тус хэлтэс нь  Орхон аймгийн АЖБОГ-тай хамтран дүйцүүлэн нөхөн сэргээлтийн ажлыг хийж эхлээд байна. Энэ хүрээнд Баян Өндөр хайрханы Хүрэнбулагийн аманд нөхөн сэргээлтийн ажил үргэлжилж буй.   
  • 2019-09-20 11:01
    Бичил уурхайчид, нинжа, хувиараа алт олборлогчид гэж хэнийг хэлэх вэ? Өмнөговь аймгийн Бичил уурхай эрхлэгчдийн холбоо ямар үйл ажиллагаа явуулдаг талаарх мэдээллийг хүргэж байна
  • 2019-09-19 16:06
    “Трансвест Монголиа” ХХК нь Комацугийн уул уурхай, зам барилгын тоног төхөөрөмж болон тус брэндийн баталгаат сэлбэг хэрэгсэл, эд ангиудыг үйлдвэрээс шууд ханган нийлүүлэх хүчин чадал бүхий Комацугийн Монгол дахь цорын ганц албан ёсны дистрибьютер юм. Тус компани үүсэн байгуулагдсаны 10 жилийн ой энэ сард тохиолоо.