EG4EG:ОУВС-ийн хөтөлбөрийн хэрэгжилтэд төсвийн сахилга бат нэн чухал

2017-07-10 15:19

“Төлөвлөлт, төсөв зохиох үйл явц болоод хөгжлийн төлөвлөлт болон төсвийн хууль тогтоомжтой тэдгээрийн нийцэх байдалд Улс төр, эдийн засгийн шинжилгээ хийх нь сэдэвт оролцогч талуудын семинар” өнгөрсөн пүрэв гарагт боллоо.

Европын холбооноос санхүүжүүлж буй Эдийн засгийн тэгш өсөлтийг хангах сайн засаглал (EG4EG) төслийн хүрээнд Монголын төр болон төрийн бус байгууллага, эрдэмтдийн төлөөллийг оролцуулсан энэхүү семинарыг зохион байгууллаа.

Монгол улс сүүлийн жилүүдэд эрдсийн зах зээлийн уналт өсөлтөөс шалтгаалан төсвийн хувьд ихээхэн хэлбэлзэлтэй явж ирсэн. Энэхүү нөхцөл байдалд манай улс илүү тогтвортой, “дархлаа”-тай байх үүднээс Төсвийн тогтворжуулалтын сан байгуулах, Төсвийн тогтвортой байдлын тухай хууль батлах зэргээр багагүй ахицтай ажилласан ч анх гаргасан хуулийн заалтыг удаа дараа өөрчлөх, үзэл баримтлалаасаа олон ч удаа ухарсаар ирсэн юм. Энэ бүгд нь Монгол улсын төсвийн баганыг аажмаар ганхуулж, улмаар өнөөдрийн өрийн хямрал, гадны зээл санхүүжилтийг царайчлах нөхцөл байдалд хөтөлсөн билээ.

Саяхан батлагдаад буй ОУВС-ийн Өргөтгөсөн санхүүжилтийн хөтөлбөрийн хэрэгжилтээр манай улсад ойрын жилүүдэд 5.5 тэрбум ам.долларын санхүүжилт орж ирж, аажимдаа эдийн засгийн хямралаас гарах найдвар байгаа боловч төсвийн сахилга батыг ягштал баримтлах нь туйлаас чухал юм.

Яг энэ чухал мөчид төсвийн сахилга батыг сайжруулах чиглэлд Засгийн газар болон Европын холбоонд өргөн барих тайлан боловсруулж буй EG4EG төслийн ахлах зөвлөх Саха Мияанатан семинарын үеэр “Төсвийн алдагдал бол мөсөн уулын орой, харин усан доорх бүр том хэсгийг олж тогтоох хэрэгтэй” тухай онцоллоо.

Үндэслэлгүй өндөр хүлээлт, улс төр хоёрын нийлбэр нь төсвийн төсөөллийг гажуудуулдгийг тэрбээр мөн тэмдэглэлээ.

Үндэсний Аудитын газар ОУВС-ийн хөтөлбөрийн санхүүжилт буюу 5.5 тэрбум долларын зарцуулалт дээр их нарийн хяналт тавьж ажиллах хэрэгтэй гэсэн саналыг тэрбээр дэвшүүлсэн юм.

Тодруулбал тэрбээр Өргөтгөсөн санхүүжилтийн хөтөлбөрийн хэрэгжилтэд манай улсын үүрэх хариуцлага туйлын чухал байгааг ийн тайлбарлалаа. “ОУВС-ийн хөтөлбөрт эрсдэл ямаршуухан өндөр түвшинд байгааг бүх тал сайн ойлгож байгаа. Улс орны чадавх буурах, түүхий эдийн үнэ уруудах, гадаад эдийн засаг сулрах зэргээс гадна улс төрчдийн бодлогогүй сөрөг алхмууд хөтөлбөрийн хэрэгжилтэд нөлөөлж болзошгүй. Тухайлбал улс төрчдийн таамаглашгүй алхмууд нь төсвийн тогтвортой байдлын тухай хуулиа мөрдөж ажиллаж чадах эсэхэд эргэлзээ төрүүлж мэдэх юм. Гэсэн хэдий ч энэ хөтөлбөр хэрэгжихээр болсон. Нэг ёсондоо эрсдлээ үүрээд явахаар шийдсэн хэрэг шүү дээ” гэдгийг тэрбээр тодотгосон юм.

Сүүлийн жилүүдэд Монголын Засгийн газар эдийн засгийн өсөлт болон төсвийн орлогыг хэтэрхий өөдрөгөөр төсөөлдөг алдаа дутагдлаа тогтмол давтаж байгааг уг төслийн ахлах зөвлөх Н.Дорждарь семинарын үеэр тайлбарласан юм.

Дашрамд дурдахад ОУВС-ийн тусламжийн хөтөлбөрийн хүрээнд Монгол улс Төсвийн зөвлөлийг байгуулж ажиллах үүрэг хүлээгээд байгаа юм. Энэ ондоо багтаагаад Төсвийн зөвлөлийн тухай хууль эрх зүйн зохицуулалтаа хийх ажил хүлээгдэж байна. Хөгжингүй улс орнуудад энэхүү зөвлөлийг байгуулж ажилладаг туршлага нэлээд түгээмэл бөгөөд уг зөвлөл нь төсвийн бодлого, хэрэгжилтэд хяналт тавьж, үнэлгээ өгч ажилладаг хараат бус байгууллага юм. Улс орнуудын туршлагаас харахад Төсвийн зөвлөлийн бүрэлдэхүүн нь академич, бодлогын шинжээч, улс төрч, нийгмийн ажилтан, бусад салбарын төлөөллөөс бүрддэг хэдий ч Монголд яг ямар төлөөллөөс бүрдэх нь одоохондоо тодорхойгүй байна.


Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.