Орос, Хятад хамтарсан Хөрөнгө оруулалтын сан байгуулна

2017-07-05 18:18
Энэ сарын 3-нд эхэлсэн БНХАУ-ын дарга Си Жинпины ОХУ дахь төрийн айлчлал хоёр өдөр үргэлжлээд өнөөдөр өндөрлөж байна. Айлчлалын хүрээнд Хятадын удирдагч ОХУ-ын Ерөнхийлөгч Владимир Путинтай уулзаж, улс төр, эдийн засаг, худалдаа, нийгэм, соёлын салбарыг хамарсан цөөнгүй баримт бичиг, гэрээ хэлэлцээрүүдийг үзэглэсэн юм. Тэр дундаа хоёр улсын 2017-2020 оны хөрш орны найрамдал, хамтын ажиллагааны хэлэлцээрийг хэрэгжүүлэх төлөвлөгөөг баталлаа.

Уул уурхайн салбарт хоёр улсын газар нутаг дээр нүүрсний хийн хайгуул хийх,  олборлох, боловсруулах хамтын ажиллагааг өргөжүүлэхээр тохиролцсон байна. Газрын тосны чиглэлд “Роснефть”, CEFC компаниуд стратегийн түншлэлийн гэрээ байгуулжээ. Хоёр талын худалдаанд рубль, юанийн хэрэглээг нэмэгдүүлэхээр болов. Мөн Хятадын тал “Нэг зам нэг бүс” санаачилгадаа нэгтгэх сонирхолтой Оросын “Евразийн эдийн засгийн коридор”-т багтаж буй олон улсын тээврийн “Приоморье 1“,“Приоморье 2“ коридорын хүрээнд хамтран ажиллах санамж бичгийг байгуулжээ. Түүнчлэн, талууд нийт 10 тэрбум ам.долларын дүрмийн сантай хамтарсан Хөрөнгө оруулалтын сан байгуулахаар тохиролцлоо. Тус сан нь байгалийн баялгийн олборлолт, боловсруулалт болон уул уурхай, дэд бүтэц, зам тээвэр, хөдөө аж ахуй, технологийн инновацийн салбарт хөрөнгө оруулах зорилготой. Сангийн хөрөнгө оруулалтаар эхний хоёр жилийн хугацаанд “Европ-баруун Хятад” тээврийн коридорын Оросын талын бүтээн байгуулалтыг хийхээс гадна сансрын хамтарсан судалгаа эхлүүлэхээр төлөвлөж байна.    

Харин  “Сибирийн хүч 2”  буюу “баруун” чиглэлийн хоолойгоор Баруун Сибирийн нутгаас Алтайн хязгаараар дайран Хятад руу байгалийн хий нийлүүлэх гэрээг энэ удаа үзэглэсэнгүй.    
           
Орос, Хятадын худалдааны эргэлт 2016 онд 4%-иар өсч 66 тэрбум хүрсэн юм. Энэ оны  эхний дөрвөн сарын байдлаар 24,5 тэрбум ам.долларын худалдаа хийжээ. БНХАУ-ын дарга Си Жинпин айлчлалынхаа төгсгөлд есдүгээр сарын 3-5-нд Хятадад зохион байгуулагдах БРИКС-ийн орнуудын уулзалтад ОХУ-ын Ерөнхийлөгч Владимир Путиныг оролцохыг албан ёсоор урилаа.

Э.Од
    

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 1 цаг 24 минутын өмнө
    Дорнод аймгийн Цагаан овоо сумын нутагт орших Алтан цагаан овоо алтны үндсэн ордын төсөл хэрэгжүүлж буй “Steppe Gold” (TSE:STGO) компани “Ди Би Эм ассет менежмент ҮЦК” ХХК-иас 3 сая ам.долларын хөрөнгө татан төвлөрүүлэхээр болсон талаараа (01.22) мэдээллээ. Тодруулбал Хөгжлийн банкны охин компани болох “Ди Би Эм ассет менежмент ҮЦК”-ийн удирдлага дор ажилладаг “Монголын үндэсний хөрөнгө оруулалтын сан ХОЗ ТЗК”-иас (Mongolian National Investment Fund PIF SPV) уг хөрөнгийг татан төвлөрүүлж байна. Ингэснээр тус компани нь энэхүү сангаас хөрөнгө татан төвлөрүүлсэн анхны компани болж байна.
  • 23 цаг 17 минутын өмнө
    "Build Mongolia 2020" буюу "Бүтээн байгуулалт-2020" барилга хот байгуулалт, зам тээвэр, эрчим хүч, хүнд үйлдвэрийн салбаруудыг багтаасан олон улсын үзэсгэлэн 2020 оны дөрөвдүгээр сарын  13 – 15-ны өдрүүдэд Буянт–Ухаа Спортын ордонд зохион байгуулна. Монгол Улсын бүтээн байгуулалт дэд бүтцийн хамгийн чухал салбаруудын төлөөлөл нэгэн дээвэр дор цугларч гурван өдрийн турш бараа материал, техник технологи зэргийг дэлгэн үзүүлэхээс гадна яамдын төлөөллүүд дээрх салбаруудад тулгамдаж буй асуудлын талаар семинар зөвлөгөөн зохион явуулна.
  • Өчигдөр 10 цаг 41 минутад
    Монгол Улсын Засгийн газрын 2019 оны нэгдүгээр сарын 16-ны өдрийн 28 дугаар тогтоолд үндэслэн тавдугаар сарын 16-нд  Асгатын мөнгөний ордын ашиглалтын тусгай зөвшөөрлийг “Эрдэнэс Монгол” ХХК-д  шилжүүлж, улмаар тус ордыг эдийн засгийн эргэлтэд оруулахаар болсон юм. Далд уурхайн нөхцөл байдлыг үнэлэх хамтарсан Ажлын хэсэг энэ оны долдугаар сарын сүүлчээр ажиллаж, одоогийн байдлаар далд уурхайн 1 болон 1А амуудыг нээх, далд малталтын бэхэлгээг сэргээх, технологийн дээж бэлтгэх шатандаа оржээ. 
  • Уржигдар 15 цаг 04 минутад
    Монгол орны газрын ховор элементийн геологи, хайгуулын судалгааг идэвхжүүлэх, нөөц өсгөх, ашиглах, үйлдвэрлэл, техник, технологийг хөгжүүлэх, салбарын өрсөлдөх чадвар, хөрөнгө оруулалтыг нэмэгдүүлэх замаар улсын эдийн засагт эерэг нөлөө үзүүлэх, салбарын хөгжлийг дэмжих, боловсон хүчнийг чадавхижуулах, ажлын байр нэмэгдүүлэх зорилгоор “Газрын ховор элемент” хөтөлбөрийг Уул уурхай, хүнд үйлдвэрийн яам боловсруулж байна. Тус яамны хурлын танхимд өнөөдөр уг хөтөлбөртэй холбоотой талуудын хэлэлцүүлгийг зохион байгуулж байгаа бөгөөд тодорхой саналуудыг тусгахаар ажиллаж байна. 
  • Уржигдар 13 цаг 25 минутад
    Монгол Улсын нэгдсэн төсвийн орлого 2019 оны гүйцэтгэлээр 11.9 их наяд төгрөгт хүрч өнгөрсөн оны мөн үеэс 1.9 их наяд төгрөг буюу 18.6%-иар өссөн байна. Үүнээс, эрдэс баялгийн салбараас төсөвт төвлөрүүлсэн орлого 2.9 их наяд төгрөгт хүрч өнгөрсөн оны мөн үеэс 590.7 тэрбум төгрөг буюу 25.4%-иар өссөн байна. Улсын төсөвт оруулсан орлого өнгөрсөн оны мөн үетэй харьцуулахад 570.05 тэрбум төгрөг буюу 27.8%-иар өссөн байна. Гэхдээ энэ дундаа цайр болон бусад ангилалд багтах эрдсийн татварын үзүүлэлт буурчээ.