Армандо Торрес: Оюутолгойг дэлхийн тэргүүлэгч уурхай болгоно

2017-05-11 15:19

“Энэ онд бид борлуулалтын орлоготойгоо харьцуулахад 110 хувьтай тэнцэх мөнгийг арилжааны 5 банкаар дамжуулж Монголд оруулна. Өнгөрсөн жил энэ үзүүлэлт 66 хувьтай байсан” хэмээн “Оюутолгой” компанийн Гүйцэтгэх ерөнхий захирал Армандо Торрес онцолсон. Сүүлийн үед УИХ-ОУВС-“Рио Тинто” гэсэн гурвалын дунд үүссэн асуудлын үндсэн шалтгаанд “Оюутолгой” компанийн Гүйцэтгэх захирал ийн хариулт өглөө.  

Армандо Торрес өнгөрсөн долоо хоногт “Оюутолгой” компанийн Гүйцэтгэх ерөнхий захирлаар албан ёсоор томилогдсон. Сүүлийн 3 жил гаруйн хугацаанд 3 дахь Гүйцэтгэх Ерөнхий захирлын нүүр үзэж байгаа “Оюутолгой” компанийг ирэх 10 жилд дэлхийн зэсийн зах зээлийн шилдэг компани болгох зорилготой хэмээн Армандо Торрес онцолсон.

Тэрбээр урьд нь “Рио Тинто” компанийн Хөнгөн цагааны группийн Үйл ажиллагаа хариуцсан захирлаар ажиллаж байхдаа 4 баяжуулах үйлдвэр, 2 уурхай хариуцан ажиллаж байжээ. Мөн 3 ч төслийн өргөтгөлийг хийж байсан туршлагатай түүнд Оюутолгой төслийн гүний уурхайн бүтээн байгуулалтыг дуусгах хариуцлагатай үүрэг тохоогдож байгаа юм. “Миний хувьд уурхай, баяжуулах үйлдвэрлэлийн төсөл дээр ажиллаж байсан туршлагатай. Оюутолгойд хийх гол ажил бол хүмүүстэй ажиллах, хүмүүсийг бэлтгэх чиглэлээр өөрийн хувь нэмрээ оруулах. Сайн инженерийн зураг төсөл, барилга, бүтээн байгуулалтад тулгуурлан босч байгаа энэ уурхайг цаашид авч явах боловсон хүчнийг бэлтгэх нь миний хамгийн гол зорилго, гол төлөвлөгөө юм. Бид энэ уурхайг олон арван жилээр ажиллуулах төлөвлөгөөтэй  тул үндэсний боловсон хүчнийг бэлтгэхэд ихээхэн хүч, хөрөнгө гаргаж ажиллах болно” хэмээн Армандо Торрес тодотгож байв.

Өнөөдрийн байдлаар уурхайн үйл ажиллагааны багуудын 96 хувийг монгол ажилчид эзэлж байна. Гүний уурхайн төслийн ажиллах хүчин  богино хугацаанд 3500 болж өссөн бөгөөд үүний 87 орчим хувийг монгол ажилчид эзэлж байгаа аж.

Оюутолгой төслийн хувьд одоо олборлолт явуулж буй ил уурхай нь цаашид багадаа 20 жил ажиллана. Харин гүний уурхайн хувьд 2020 онд эхний хүдрээ олборлох төлөвлөгөөтэй байгаа юм.

С.Болд-Эрдэнэ

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 5 цаг 51 минутын өмнө
    “Степ голд” компанийн эзэмшлийн Алтан цагаан овоо алтны ордын нөөц 1.22 саяас 2.45 сая унц болж хоёр дахин өссөн байна. Уг нөөцийн тооцоололд үндэслэн 2021 оны хоёрдугаар улиралд ТЭЗҮ-ээ шинэчлэн боловсруулжээ. Энэ нь II шатны үйлдвэрлэлийн ажилд түлхэц болохоос гадна анхдагч хүдрийн нөөцийг 2.5 сая тонноор нэмэгдүүлсэн байна. Анхдагч хүдрийн нөөц нэмэгдсэнээр төслийн үргэлжлэх хугацааг уртасгаж жилд 150 мянган унц алт олборлох хүчин чадалд хүрнэ гэж төсөл хэрэгжүүлэгчид үзэж байна.
  • 7 цаг 32 минутын өмнө
    Дэлхийн уул уурхайн хоёр дахь том компани “Рио Тинто” 2020 оны тайлангаа танилцууллаа. Тус компанийн мэдээлснээр өнгөрсөн онд нийт борлуулалтын нэгдсэн орлого 44.6 тэрбум ам.долларт хүрсэн байна. Уг үзүүлэлт 2019 онд 43.2 тэрбум ам.доллартай байсан юм. Энэ дундаа төмрийн хүдрийн борлуулалт дийлэнхийг бүрдүүллээ. Тодруулбал Австралийн Пилбара дахь төмрийн хүдрийн уурхайнуудаас нийтдээ 333.4 сая тонн төмрийн хүдэр олборлож, борлуулалтын орлого нийтдээ 27.5 тэрбум ам.доллараар хэмжигдлээ. Өнгөрсөн онд зах зээлд төмрийн хүдрийн ханш нэмэгдсэнтэй холбоотойгоор тус компанийн суурь орлогын (underlying earnings) үзүүлэлт 12.5 орчим тэрбум ам.долларт хүрсэн нь 2019 оны дүнгээс даруй 2.1 тэрбум ам.доллараар өсөлттэй гарчээ.
  • 10 цаг 19 минутын өмнө
    Эрдэс баялаг эмэгтэйчүүдийн холбоо ТББ-аас анхны үндэсний чуулганаа 2018 онд Эрдэнэт үйлдвэрийн дэмжлэгтэйгээр Эрдэнэт хотод зохион байгуулсан нь  салбарын эмэгтэйчүүд дуу хоолойгоо нэгтгэсэн  томоохон үйл явдал болж байсан. Үүний дараа (2019.05.03) Улаанбаатар хотноо  II чуулган  “Хамтын хүч  хөгжлийн гарц” уриан дор (2021.03.16) болж байжээ. Тэгвэл энэ удаагийн чуулган мөн Улаанбаатар хотноо “Эмэгтэйчүүд хариуцлагатай уул уурхайг манлайлах нь   уриан дор цахимаар хуралдах юм. Одоогоор эрдэс баялгийн  салбарт ажиллагсадын 15% эмэгтэйчүүд эзэлж байгаа бөгөөд зарим компанид нийт ажиллагсдын 25% нь эмэгтэйчүүд байна.
  • Өчигдөр 14 цаг 36 минутад
    Быстринскийн зэсийн төслийн хувь эзэмшигчид Оросын “Норильский никель” компани, Хятадын “Highland Fund” консорциум нь опцион гэрээ байгуулжээ. Тус гэрээгээр, уг төслийн 13.3%-ийн эзэмшлээ Хятадын хөрөнгө оруулагчид худалдах эрхтэй болж байна. Оросын “Норильский никель” компанийн мэдээлснээр,  опцион гэрээ нь 2021 оныг дуустал хүчинтэй аж. Энэхүү төслийн 50.7%-ийг Оросын “Норильский никель”, 13.3%-ийг Хятадын “Highland Fund” консорциум, 36.6%-ийг Оросын “CIS NRF Holdings” компани тус тус эзэмшиж байгаа юм.
  • 2021-02-26 23:06
    Монгол Улсын татварын албаны нэхэмжлэхийн дагуу “Оюутолгой” ХХК нь татварын актаар нөхөн ногдуулсан 229.8 тэрбум төгрөгийн татварыг (2021.02.25) төсөвт төлсөн байна.  Засгийн газрын Ажлын хэсгээс Оюутолгой төслийн хөрөнгө оруулагч талтай хийж буй яриа хэлэлцээний хүрээнд “Оюутолгой” ХХК нь Монгол Улсын татварын хууль тогтоомжийг биелүүлж, Монгол Улсад үйл ажиллагаа явуулж буй бүхий л аж ахуйн нэгжийн нэгэн адил Монгол Улсад татвараа бүрэн төлөх шаардлагыг тууштай тавьсны үр дүнд татварын актаар тогтоогдсон нийт төлбөрөөс эхний ээлжийн 229.8 тэрбум төгрөгийн төлбөрийг ийнхүү төлж эхэлжээ.