Дэлхийн банк: 2017 онд Монголын эдийн засагт өсөлт гарахгүй

2017-04-13 14:42

Дэлхийн банк өнөөдөр Зүүн Ази, Номхон далайн бүс нутгийн эдийн засгийн тайлангаа танилцууллаа. Уг тайланд тус бүс нутгийн эдийн засгийн нөхцөл байдал ерөнхийдөө өсөлттэй байх боловч тодорхойгүй байдал оршсоор байгааг санууллаа. Тодруулбал макро эдийн засгийн бодлогын оновчтой байдал болон худалдааны үзүүлэлтүүд томоохон нөлөөтэй байх талаар дурджээ.

Монголын хувьд хэдийгээр түүхий эдийн үнэ сэргэж, Оюутолгой зэрэг томоохон төслүүдийн хөрөнгө оруулалтын нөлөөгөөр гадаад хөрөнгө оруулалтын үзүүлэлт сайжрахаар байгаа ч төсвийн алдагдлыг бууруулах, өрийн хэмжээг багасгах бодлогын үр дүнд ойрын хоёр жилд өсөлт төдийлөн их байж чадахгүй гэж үзэж байна. Түүнчлэн түүхий эдийн үнийн өсөлт нь тогтвортой бус байж мэдэх тул нүүрсний үнийн өсөлтийг эдийн засгийн өсөлтөд нөлөөлнө гэж тооцоход эрт байгааг санууллаа.

Үүнээс гадна төсвийг чангалж буй нь энэ онд хувийн хэвшлийн бизнесийн өсөлтөд сөргөөр нөлөөлнө гэж Дэлхийн банкны Ахлах эдийн засагч Тае Хиун Ли мэдэгдлээ. Гэхдээ ирэх жилүүдэд төсвийн алдагдал буурахын хэрээр банкуудын зээл олголт сайжирч, эргээд дотоодын бизнесийн орчин сайжирч магадгүй гэж тэрбээр тайлбарлав.

Дэлхийн банкны уг тайланд өсөлтийн төлөвийг нэлээд хашир байдлаар авч үзсэнийг онцолсон бөгөөд 2018, 2019 оноос өсөлт аажмаар гарахаар байгаа юм. Энэ тайланг Дэлхийн банк жилд хоёр удаа гаргадаг бөгөөд өнгөрсөн намрын тайланд Монгол улсын өсөлтийн төлөвийг энэ онд 2.0%, ирэх 2018 онд 3.5%-тай байна гэж тооцоолж байсан нь энэ удаагийн тайланд харьцангуй буурсан дүнтэйгээр тэмдэглэгджээ.

Гацуурт, Тавантолгой, Оюутолгой зэрэг томоохон төслүүдийг дагасан хөрөнгө оруулалт, бүтээгдэхүүний гарц нэмэгдэж, улмаар 2018, 2019 онд эдийн засгийн өсөлт ажиглагдана гэж тооцжээ.

Эдийн засгийн өсөлтийн төсөөлөл (%-иар)

 

2015

2016

2017

2018

2019

Монгол

2.2

1.0

-0.2

1.9

8.0

 

Ийнхүү Монгол улсын хувьд эдийн засгийн нөхцөл байдлын төлөв энэ онд сул байгаа бол ирэх онд 650 сая гаруй долларын (nonconcessional) зээл төлөх асуудал тулгарахыг тайланд тусгасан байна. Эрсдэлт хүчин зүйлсийн дунд цаашид түүхий эдийн, ялангуяа нүүрс, зэсийн үнийн болзошгүй бууралт, гадаадын хөрөнгө оруулалт саатвал эдийн засагт мэдэгдэхүйц сөрөг нөлөөтэйг анхааруулжээ.

Уг бүс нутгийн хамгийн нөлөө бүхий эдийн засаг болох Хятад улсын хувьд ирэх жилүүдэд харьцангуй тогтуун өсөлтийн жимийг хадгалах бөгөөд энэ онд өсөлт 6.5%, ирэх онуудад 6.3%-тай байна гэж тооцжээ. Хятадын эдийн засгийн өсөлт ийнхүү аажим буурахаар байгаа нь хэрэглээ, үйлчилгээний салбарт хийгдэж буй бүтцийн өөрчлөлттэй холбоотой юм байна. Түүнчлэн Хятадын хувьд төрийн өмчийн компаниудын үлэмж өрийг бууруулах, бүтцийг нь өөрчлөх талаар идэвхийлэн ажиллаж буй нь аажимдаа эдийн засагт нь эерэг нөлөө үзүүлэхээр байгааг тэмдэглэжээ.

Уг бүс нутгийн орнуудад төсвийн алдагдал нэмэгдэх хандлагатай байгаа бөгөөд цаашид төсвийн зардлын үр ашгийг нэмэгдүүлэх чиглэлд анхаарах шаардлагатай байгааг Дэлхийн банкны эдийн засагч Судхир Шэтти санууллаа.

Зүүн Ази, Номхон Далайн бүсийн ДНБ-ийн өсөлтийн төсөөлөл

(өмнөх жилээс өөрчлөлт, хувиар)

 

2015

2016

2017

2018

2019

Хятад

6.9

6.7

6.5

6.3

6.3

Индонез

4.9

5.0

5.2

5.3

5.4

Малайз

5.0

4.2

4.3

4.5

4.5

Филиппин

5.9

6.8

6.9

6.9

6.8

Тайланд

2.9

3.2

3.2

3.3

3.4

Вьетнам

6.7

6.2

6.3

6.4

6.4

Камбож

7.0

6.9

6.9

6.9

6.7

Лаос

7.4

7.0

7.0

6.8

7.2

Бирм

7.3

6.5

6.9

7.2

7.3

Монгол

2.2

1.0

-0.2

1.9

8.0

Фижи

3.6

2.0

3.7

3.5

3.3

Папуа Шинэ Гвиней

6.8

2.4

3.0

3.2

3.4

Соломон Арлууд

3.3

3.0

3.3

3.0

3.0

Зүүн Тимор

4.3

5.1

4.0

5.0

6.0

 

 Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.