Нүүрсний экспортын орлого 5 дахин нэмэгдэв

2017-04-13 12:10

Үндэсний статистикийн хорооноос 2017 оны эхний улирлын нийгэм эдийн засгийн байдлыг танилцуулав. Гадаад худалдааны эргэлт 2 тэрбум 76 сая доллар болж, сүүлийн 5 жилийн хамгийн өндөр эхний улирал болов. Экспорт. ын хэмжээ 1.3 тэрбум ам.доллар болж, өмнөх оны мөн үеэс 35 хувиар өсчээ. Түүнчлэн Монгол улсын түүхэнд хамгийн өндөр экспортын ороготой нэгдүгээр улирал болж байгаа аж. Экспортын орлого ийн өсөхөд нүүрсний экспортын орлого 5 дахин өссөн шууд нөлөөлсөн байна.

Гадаад худалдааны тэнцэл 523 сая долларын ашигтай гарсан нь мөн л хамгийн өндөр ашигтай гарсан улирал болж байгаа аж.

Экспортын орлогын дийлэнхийг эрдэс бүтээгдэхүүний экспорт бүрдүүлдэг. Хамгийн том хувийг эзэлдэг таван бүтээгдэхүүний мэдээллийг өнгөрсөн оны мөн үетэй харьцуулж харвал,

-Зэсийн баяжмалын экспортын биет хэмжээ эхний улиралд 366  мянган тонн болж, өмнөх оны мөн үеэс 11 хувиар буурчээ. Мөн экспортын орлого 380 сая ам.доллар болж, 21 хувиар буурчээ. Зэсийн экспорт нийт экспортын 29.2 хувийг бүрдүүлж байна. Өмнөх оны мөн үед нийт экспортын 50 хувийг бүрдүүлж байв.

-Нүүрсний экспорт 8.1 сая тонн болсон нь өмнөх оны мөн үеэс 4.8 сая тонноор өссөн үзүүлэлт юм. Харин экспортын орлого 541.3 сая доллар болж, 5 дахин нэмэгджээ. Өнгөрсөн оны мөн үед 99 сая долларын орлогыг нүүрсний экспортоос олж байсан юм. Нүүрсний экспорт нийт экспортын 41.6 хувийг бүрдүүлж байгаа нь сүүлийн 4 жилийн хамгийн өндөр үзүүлэлт юм. Мөн нүүрсний орлого зэсийн орлогоос давж байгаа бөгөөд энэ нь Оюутолгойн уурхай ашиглалтад орсоноос хойш анхны тохиолдол юм. Нүүрсний экспорт огцом нэмэгдсэн нь нүүрсний үнэ өссөнтэй шууд холбоотой юм. Зөвхөн 3 дугаар сард 3.3 сая тонн нүүрс экспортолж, 214 орчим сая долларын орлого олжээ.

-Төмрийн хүдрийн экспортын биет хэмжээ 1.1 сая тонн болж, 11 хувиар өссөн бол экспортын орлого 40 сая доллараар нэмэгдэж, 70.1 сая доллар болжээ.

-Алтны экспортын биет хэмжээ 1.8 тонноор буурч 1.1 тонн болов. Экспортын орлого өнгөрсөн оны мөн үед 111 сая доллар байсан бол 60 хувиар буурч 43.7 сая доллар болжээ.

-Газрын тосны экспортын хэмжээ 17 хувиар буурч, 1.8 сая баррель болжээ. Харин экспортын орлого 93.1 сая доллар болж, 20 орчим сая доллараар өссөн байна. Нийт экспортын 7.6 хувийг бүрдүүлж байсан бол энэ жил 7 хувийг бүрдүүлж байна.

Дээрх 5 бүтээгдэхүүний экспорт 1.1 тэрбум ам.доллар болж, нийт экспортын 86.8 хувийг бүрдүүлж байна. Өнгөрсөн оны мөн үед уг үзүүлэлт 82.8 хувь байсан бөгөөд 4 нэгж хувиар өссөн байна.



С.Болд-Эрдэнэ

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.