“Нэн түрүүнд ХАБ-2017” хоёр дахь өдрөө үргэлжлэв

2017-04-12 17:31

Хөдөлмөрийн аюулгүй байдал, эрүүл ахуйн тогтолцоог төгөлдөржүүлэхээр тодорхой хувь нэмэр оруулж буй “Нэн түрүүнд ХАБ-2017” бага хурал  “Хөдөлмөрийн аюулгүй байдал, эрүүл ахуйн менежмэнт-Тогтвортой хөгжил” уриан дор энэ сарын 11-12-нд “Корпорейт” зочид буудалд зохион байгуулагдаж байна.

 Уг бага хурлыг Мэргэшсэн Хөдөлмөрийн аюулгүй байдал, эрүүл ахуйн мэргэжилтнүүдийн холбоо, Монголын Уул уурхайн Үндэсний Ассоциаци, Нийгмийн тогтвортой хөгжлийн үндэсний нийгэмлэг, Монголын барилгын үндэсний ассоциаци, Монголын Үйлдвэрчний эвлэлийн холбоо, “Эс Эф Си Эс” компани хамтран зохион байгуулж байгаа юм.

Бага хурлын эхний өдрийн УИХ-ын гишүүн, Хөдөлмөр, нийгмийн хамгааллын сайд Н.Номтойбаяр, Уул уурхай, хүнд үйлдвэрийн яамны Уул уурхайн бодлогын газрын дарга Ж.Ганбаатар, Мэргэжлийн хяналтын ерөнхий газрын дарга Н.Цагаанхүү, Монголын Үйлдвэрчний Эвлэлийн Холбооны Ерөнхий нарийн бичгийн дарга Г.Адъяа  нар оролцсон юм.    

Дэлхийд өдөрт 6400 буюу жилдээ 2,3 сая хүн, Монгол Улсад ажлын гурав хоногт нэг буюу жилдээ 65 хүн үйлдвэрлэлийн осол, мэргэжлээс шалтгаалах өвчнөөр эндэх, хөдөлмөрийн чадвараа алдах тохиолдол гарч буйг анхаарууллаа. 

Зөвхөн 2013-2015 онд бүртгэгдсэн үйлдвэрлэлийн ослын тоо 1500-д хүрч, 150 гаруй хүн амь эрсэдсэн нь ХАБ-ын асуудалд төр засаг, бизнес эрхлэгчид, мэргэжлийн байгууллагууд онцгой анхаарч, бодитой, үр дүнтэй арга хэмжээ авах шаардлагатай болсон гэдгийг хуралд оролцогчид онцолж байсан юм.  

Энэ удаагийн бага хурал нь  ХАБЭА-г сайжруулах Үндэсний 5 дугаар хөтөлбөрийн төслийг хэлэлцэж, нийгмийн түншүүд Засгийн газар, Үйлдвэрчний эвлэл, Ажил олгогч болон ХАБЭА-н ажилтан мэргэжилтнүүд, Хөдөлмөрийн улсын байцаагчдын санал бодлыг тусгахаар ХАБЭА-н Үндэсний хороог шийдвэрлэсэн чухал цаг үед зохион байгуулагдсаныг Г.Адъяа дарга  хуралдааны  үеэр тодотгов.

Монгол Улс НҮБ-ын Зохистой хөдөлмөр эрхлэлтийн стратегид нэгдээд 10 гаруй жил болж,  энэ чиглэлээр тодорхой бодлого хэрэгжүүлж байгаа ч зохистой хөдөлмөр эрхлэлтийг  бодит амьдралд дээр хэрэгжүүлж чадаагүйгээс осол, мэргэжлээс шалтгаалах өвчний тууштай бууруулж чадахгүй байгаа аж.

Түүнчлэн  ХАБЭА-г мөнгө олох хэрэгсэл гэж үзэн, чанаргүй сургалтууд хийдэг хүмүүс олон болсныг анхааралдаа авах болсныг хуралд оролцогчид анхааруулж, ХАБЭА-н Үндэсний хороо сургалтын байгууллагуудад тавих шаардлагаа дээшлүүлэх, стандарт гаргах нь зүйтэй гэдэг дээр санал нэгдэж байв.   

Бага хурал  “ХАБ-ын түншлэл”, “Хөдөлмөрийн эрүүл мэнд ба даатгал” зэрэг сэдвээр өрнөж, сэдэвчилсэн хуралдаануудаар үргэлжилсэн бөгөөд Барилга хот байгуулалтын яамны ХАБЭА-н асуудал хариуцсан мэргэжилтэн Д.Батзориг,  “Барилгын салбарын ХАБЭА-н удирдлагын тогтолцоо”, ХАБЭА-н Үндэсний хорооны гишүүн Г.Дүгэрээ “ ХАБЭА-н үндэсний бүтэц, салбар хороод, зөвлөлийн үйл ажиллагаа” зэрэг сэдвээр илтгэл тавилаа.

“Сүүлийн 10 гаруй жилд бүртгэгдсэн үйлдвэрлэлтэй холбогдсон ослын 20 шахам хувь нь технологийн горим зөрчиж, аюулгүй ажиллагааны арга барил дутуугаас гарсан. Иймд ХАБЭА-н хороо, зөвлөлийн бүтцээ чадавхижуулах, Жижиг, дунд үйлдвэрлэлийн ажил олгогчдыг чадавхижуулах, ажиллагчдын мэргэжлийн ур чадварыг системтэй дээшлүүлэх гэсэн гурван багц асуудалд бүх нийтээр анхаарлаа хандуулах цаг болжээ” хэмээн ХАБЭА-н Үндэсний хорооны гишүүн Г.Дүгэрээ илтгэлдээ онцоллоо.

                                       Г.Идэр

 

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 2019-12-05 13:52
    Чили улсын төрийн өмчит, дэлхийн зэсийн хамгийн том үйлдвэрлэгч “Codelco” компани нь ирэх 10 жилийн хөгжлийн хөтөлбөрийн хөрөнгө оруулалтаа 20%-иар танаж 32 тэрбум ам.доллар болгож бууруулжээ. 2028 он хүртэлх хөтөлбөрөөр 40 тэрбум ам.долларын хөрөнгө оруулалт хийхээр төлөвлөж байсан юм. Хөрөнгө оруулалтын хэмжээг танасан шалтгааныг дэлхийн зэсийн зах зээл дэх таагүй нөхцөл байдал, мөн Чили улсын нийгэмд чиглэсэн санхүүжилтийг нэмэгдүүлэх шаардлагатай гэж компанийн зүгээс тайлбарлаж байна. Энэ намар тус улсыг хамарсан томоохон эсэргүүцлийн дараа Чилийн эрх баригчид Засгийн газрын зардлыг нэмэгдүүлэх шийдэлд хүрсэн юм. Үүнтэй холбогдуулан “Codelco” компанийн нийт ашгаас улсын төсөв рүү хуваарилах хэмжээг 2021 оноос эхлэн жилд 1 тэрбум доллараар нэмэгдүүлэхээр тооцоолжээ. 
  • 2019-12-05 12:32
    Монголын Геологийн холбооны VI чуулган арваннэгдүгээр сарын 29-нд ШУТИС-д зохион байгуулагдаж, хурлын хөтөлбөрийн дагуу тус холбооны Ерөнхийлөгч Т.Мөнхбат, Гүйцэтгэх захирал М.Тодбилэг нар 2014-2019 оны үйл ажиллагааны болон санхүүгийн тайланг холбооны гишүүддээ танилцуулжээ. Энэ үеэр мөн холбооны Хяналтын зөвлөл ажлаа танилцуулсан байна. Танилцуулгын дараа салбарын өнөөгийн байдал, тулгамдаад байгаа асуудлын талаар хэлэлцүүлэг өрнөж Монголын Геологийн холбооны VI чуулганд оролцогчдоос нийт геологчдод хандан уриалга гаргасан байна. Монголын Геологийн Холбооны дүрэм ёсоор 2014 онд сонгогдсон Удирдах зөвлөлийн гишүүдийн сонгуульт хугацаа дууссан учир 2019-2024 он хүртэл нийт геологчдыг төлөөлөн ажиллах шинэ Удирдах зөвлөлөө сонгох сонгуулийг явуулсан юм.
  • 2019-12-04 18:37
    Монгол Улсын Ерөнхий сайд У.Хүрэлсүх Засгийн газрын дарга Д.А.Медведевийн урилгаар Орос улсад арванхоёрдугаар сарын 3-6-ны өдрүүдэд албан айлчлал хийж байна. Айлчлалаар Ерөнхий сайд тус улсын Ерөнхийлөгч В.В.Путинд бараалхаж, Засгийн газрын дарга Д.А.Медведевтэй албан ёсны хэлэлцээ хийсэн юм. Хэлэлцээрийн үр дүн Засгийн газар болон яамд хооронд нийт 15 баримт бичгийг байгуулжээ. Монгол Улсын Ерөнхий сайдын энэхүү айлчлал нь есөн жилийн дараа ОХУ-ад хийж байгаагаараа онцлог юм.
  • 2019-12-04 12:19
    Сэлэнгэ аймгийн Ерөө сумын нутаг өвлийн цэнгэг агаар, нар гийсэн тунгалаг өглөөтэй угтав. “Баянгол” төмөр замын “Хандгайт” өртөөнд зочид гийчдийн хөл хөдөлгөөн их. Одоогоос 15 жилийн өмнө энэ нутагт төмрийн хүдрийн хайгуулын ажлыг эхлүүлж, өдгөө уурхайн цогц бүтээн байгуулалт, эрчим хүч болоод төмөр замын дэд бүтцийн хамтаар байгуулсан компани бол “Болдтөмөр Ерөө гол” юм. Тэмдэглэлт энэ ойд төмөр замын үйл ажиллагаа хариуцсан “Монголиан Транс Ложистик” компанийг үүсгэн байгуулсаны 10 жил мөн тохиож байна. Давхар ойгоо угтан шинэ бүтээн байгуулалтаар компанийн намтар түүхээ зузаатгажээ. “Баянгол” уурхайн ажилчдын хотхоныг шинэчлэн тохижуулахын сацуу төмөр замын Хөдлөх бүрэлдэхүүний засварын орчин үеийн депо байгуулж ашиглалтад орууллаа.
  • 2019-12-04 11:55
    Сүхбаатар аймгийн “Сүхбаатарын өнгө” сонины эрхлэгч Д.Улаанхүүхэн   The Mongolian Mining Journal сэтгүүлийн дэргэдэх  “Хөгжлийн төлөө сэтгүүл зүй” ТББ,  Канадын Бритиш Колумбын их сургуулийн сэтгүүл зүйн сургууль болон Global Reporting Centre-ийн дэмжлэгтэй хамтран хэрэгжүүлж буй  “ОРОН НУТАГ БА УУЛ УУРХАЙ” мэдээллийн сүлжээ төсөлд   “Сүхбаатар аймаг хариуцлагатай уул уурхайг дэмжиж ажиллана”,  “Уул уурхайн орлогоор баялгийн санг бүрдүүлэх нь зүйтэй”  зэрэг ярилцлага, сурвалжлага, бэлтгэсэн мэдээллээр  амжилттай оролцож,  бүтээлч сэтгэлгээ, ур чадвар, сэтгүүл зүйн бүтээлийн чанараараа манлайлсныг нь үнэлэн  ГРАН ПРИ-ШИЛДЭГИЙН ШИЛДЭГ БҮТЭЭЛ-ээр тодруулан өргөмжлөв.