“Трансвест Монголиа” ХХК Berco компанийн албан ёсны дистрибьютер боллоо

2017-03-15 10:43




2017.02.15.
“Трансвест Монголиа” компани дэлхийн уул уурхай, барилга, дэд бүтэц, бүтээн байгуулалтын зах зээлд тоног төхөөрөмжийн явах эд ангийн бүтээгдэхүүн үйлдвэрлэлээрээ манлайлагч, 90 гаруй жилийн арвин туршлагатай  “Berco” компанийн  Монгол дахь  албан ёсны дистрибьютер болсноо харилцагч нартаа дуулгалаа.

Тус компанийн төв оффисын сургалтын танхимд энэ өдөр харилцагч түншүүд нь цуглаж,  “Berco of America Inc” компанийн Борлуулалт хариуцсан захирал Тим Хансоноос орчин үеийн хамгийн дэвшилтэт бүтээгдэхүүний талаар сонирхолтой мэдээллүүд сонссон юм.

“Berco брэндийн бүтээгдэхүүнийг Та бүхэндээ санал болгож буйдаа бид баяртай байна. Тус компанийн харилцагчдадаа санал болгодог давуу тал нь  үнэ, чанар. Монголын зах зээлд танигдсан сайн чанарын брэндийн албан ёсны дистрибьютер болсноор хэрэглэгчдэдээ  ашиглалтын зардал, бүтээгдэхүүний өөрийн өртгийг бууруулах боломжийг олгох юм” хэмээн “Трансвест Монголиа” ХХК-ийн Гүйцэтгэх захирал Дэвид Төрнбулл  сургалт-семинарыг нээж хэлсэн үгэндээ онцоллоо.

“Berco” компанийг 1999 онд Германы “ThуssenKrupp” групп худалдан авч, өөртөө нэгтгэснээр дэлхийн зах зээлд илүү өргөн хүрээнд үйл ажиллагаа явуулах болжээ. 80 гаруй улсад 155.000 гаруй ажиллагсадтай “ThyssenKrupp” группын худалдааны эргэлт  2014 оны байдлаар 41 тэрбум еврод хүрсэн байна.

Харин “Berco” компани Хойд Америк, тэр дундаа Канад, АНУ-д  албан ёсны 25 дистрибьютер  компани, 200 гаруй салбартай, Канадын  10 мужид 46 салбартай  “Эс-Эм-Эс Экьюпмент” (SMS Equipment) компанийг дистрибьютерээр сонгон ажиллуулдаг аж. “Трансвест Монголиа” компанийн хувьд  дэлхийд тэргүүлэх “Комацү” брэндийн дистрибьютер болох  “Эс-Эм-Эс Экьюпмент” компанийн охин компани юм.

“Манай компани “Эс-Эм-Эс Экьюпменттэй дистрибьютерийн гэрээтэй ажилладаг болохоор  “Berco” компанитай хамтарч ажиллахад илүү  дөхөм. Тус компанийн борлуулагч байхаас дистрибьютер байх нь илүү хариуцлага хүлээдэг. Техникийн болон худалдан авалтын бүх чиглэлээр дэмжиж ажилладаг нь бидэнд  өргөн боломж олгодог”  хэмээн “Трансвест Монголиа” ХХК-ийн Худалдаа, маркетинг хариуцсан захирал Д.Болдсүх  сургалтын үеэр онцолж байв.

Чанарын өндөр түвшний материал, давталт болон хатаалт, нэг цагт ногдох ногдол ашиг, бүтээгдэхүүний бэлэн байдал, баталгаа, тогтмол судалгаанд суурилсан бүтээгдэхүүн, хөгжүүлэлт, инженерчлэл болон захиалгат бүтээгдэхүүн, ворis  онлайн систем болон ажлын талбар дахь дэмжлэг гээд олон давуу талаараа Berco брэнд  ялгардаг.

Түүнээс гадна “Berco” компани  нь  жижиг,  дунд оврын явах эд анги, уул уурхайн болон ойн аж ахуйн  бүтээгдэхүүн, гинжний систем, robustus TM-эргэх бушингтай гинжний систем,  засвар үйлчилгээний багаж хэрэгсэл гээд олон төрлийн бүтээгдэхүүн  үйлдвэрлэдэг бөгөөд  эдгээр нь ихэвчлэн уул уурхай, хөдөө аж ахуй, дэд бүтэц, барилгын салбарын техникүүдэд  нийлүүлэгддэг  байна.  Лиебхерр, Комацүгийн  үйлдвэрээс гарч байгаа техникүүд гэхэд л   Berco-гийн гинжүүдийг суурилуулдаг.

“Бид зүгээр нэг бэлтгэн нийлүүлэгч биш, инженеринг технологийн хамгийн сүүлийн үеийн туршилт судалгаа хийсэн бүтээгдэхүүн үйлдвэрлэдэг. Гинжинд орох бүх эд ангийг туршиж шалгаж, тестэлдэг. Өөрөөр хэлбэл, металлургийн боловсруулалт хийгдэхийн өмнө бүх зүйлүүдээ туршиж байж үйлдвэрлэдэг” хэмээн “Berco of America Inc” компанийн Борлуулалт хариуцсан захирал Тим Хансон  ярилаа.

“Berco” компанийн бусад өрсөлдөгчдөөсөө ялгарах технологийн гол давуу тал бол болд төмрийн хатаалт.  Металлургийн хайлуулалт, халаалтын процессыг харуулсан хэд хэдэн видеог Тим Хансон захирал сургалтын үеэр үзүүлэв.  Тус компани нь үйлдвэрлэлийн процессуу­даа бүрэн автоматжуулсан бөгөөд хүний оролцоог аль болох багасгасаар иржээ.  Автоматжуулалтаараа метал боловсруулалт, бүтээгдэхүүн үйлдвэрлэлийн бүх битүүмжлэлийг 100 хувь шалгадаг нь чанартай эд ангиудыг хэрэглэгчдэдээ хүргэх үндсэн нөхцөл болдог байна.

“Berco” компани брэнд үйлдвэрлэгчийн хувьд санхүү, бүтэц, зохион байгуулалт сайтай компанийг дистрибьютерээр сонгож ажилладаг нь амжилтынх нь  нэг гол үндэс.  Тиймдээ ч  Монгол Улсад өөрийн найдвартай харилцагчидтай, уул уурхай, дэд бүтцийн салбарт хэдийнэ танил болсон “Трансвест Монголиа” компанийг дистрибьютерээр сонго­сон­доо сэтгэл өндөр байгаагаа Тим Хансон захирал сургалтад оролцогчдод хандан хэлж байлаа.   





ТИМ ХАНСОН: BЕrco брэндийн талаар ойлголттой байгааг харахад таатай  байна   

“Трансвест Монголиа” компаниас зохион байгуулсан  Berco брэндийн сургалтын үеэр “Berco of America Inc” компанийн Борлуулалт хариуцсан захирал Тим Хансоноос зарим зүйлийг тодрууллаа.

Berco брэндийн тоног төхөөрөмжийн явах эд ангиуд  Монголд хэдийнэ танил болсон. Энэ утгаараа Та  манай зах зээлийн талаар тодорхой  мэдээлэлтэй байгаа байх. “Трансвест Монголиа” компанийг дистрибьютерээр сонгосон нь үүнтэй холбоотой юу?  

Юуны өмнө хоёр гол зүйлийг ярианы эхэнд дурдмаар байна. Нэгд, бид  Монголын уул уурхай, дэд бүтцийн салбарт ямар компанитай хамтарч ажиллахаа  эхнээс нь харж сонгож орж ирсэн.   
Хоёрдугаарт, Монгол улсад тоног төхөөрөмжийн хуурамч эд ангиуд их зарагдаж байна. Тиймээс бид  оригнал   бүтээгдэхүүнийг албан ёсны дистрибьютерээрээ дамжуулан хэрэглэгчдэд хүргэнэ. Хуурамч бүтээгдэхүүнүүдийг зах зээлээс шахаж гаргаснаар  эцсийн дүнд  хэрэглэгчид л хожино. Тэд чанартай  бүтээгдэхүүнийг хэрэглэснээр  ажлын бүтээмж,  үр дүн нь  сайжрах юм.   

Та өнөөдрийн сургалтаар Berco брэндийн  талаар тодорхой, ойлгомжтой, мэдээлэл сайтай  танилцууллаа. Хэрэглэгчдэд танай бүтээгдэхүүн хэдийнээс хүрч эхлэх вэ?
Bercо бүтээгдэхүүнийг Монголд нийлүүлэх эрх нээгдсэн болохоор үнийн саналаа танилцуулж эхлээд байна. Эхний ээлжинд агуулахад ямар бүтээгдэхүүнүүдийг авчирч байршуулах талаар жагсаалт гаргасан. Тээвэрлэлт  жар хоногийн хугацаанд хийгдэнэ. Эхний эд ангиудыг агуулахад авчирч тавьсан. Цаашид хэрэглэгчдийн хэрэгцээнд тулгуурлаад бүтээгдэхүүнээ нийлүүлнэ.  

Борлуулалтын дараах үйлчилгээг “Berco” компани өндөр түвшинд гүйцэтгэдэг. Монголд ч энэ жишиг үйлчлэх үү?
Тийм ээ. Бид бүтээгдэхүүнээ борлуулаад эхлэхээр хэрэглэгчид Америк болон Итали руу утсаар шууд холбогдож, мэдээлэл  авах боломж нээгдэнэ. Дагалдах техникийн зөвлөгөө  ч үзүүлнэ. “Трансвест Монголиа” компани Berco брэндийн албан ёсны дистрибьютер болсон тул засвар үйлчилгээний ажилтнуудыг сургах программыг ирэх зун хийнэ. Berсо-гийн албан ёсны засвар үйлчилгээ  явуулах  эрхтэй болно гэсэн үг.  
Манайхаас хэрэглэгчид бүтээгдэхүүн авсны дараа ажил хийх явцад нь ямар нэгэн эвдрэл гарвал түүнийгээ тогтмол бүртгэж, шинжилж, шийдлээ олох боломжтой.

Сургалтын үеэр хэрэглэгчид Bеrcо брэндийн талаар нэлээд мэдээлэлтэй байгаа нь анзаарагдаж байсан?
Bеrco брэндийн бүтээгдэхүүний талаар “Трансвест Монголиа” компанийн хамт олон өмнө нь сайн мэдээллүүд өгчээ гэж би ойл­го­сон. Намайг Америкаас ирж сургалт хий­хийг хараад “Трансвест Монголиа”   Bеrco-гийн  дистрибьютер болжээ гэдэгт бүрэн дүү­рэн итгэсэн байх. Ер нь Монголын зах зээлд манай бүтээгдэхүүний талаар нэлээд ойл­голттой байгааг харахад сэтгэл өндөр байна.

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Уржигдар 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Уржигдар 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.