Данийн компани 9МВт-ын хүчин чадалтай салхин турбин бүтээлээ

2017-02-13 13:55

Данийн эрчим хүчний “MHI Vestas” компани 9МВт-ын хүчин чадалтай V164 салхин турбиныг өнгөрсөн оны сүүлээр ажиллуулж эхэлсэн тухай  өнгөрсөн сарын 27-нд мэдээлсэн байна. Дэлхийд хамгийн өндөр хүчин чадалтайд тооцогдох уг салхин турбин 24 цагийн дотор 216 мянган кВт/цаг эрчим хүч үйлдвэрлэж, дэлхийн дээд амжилтыг шинээр тогтоожээ. Энэ нь АНУ-ын 240 айлын цахилгааны сарын хэрэгцээтэй дүйхүйц юм.

Уг V164 салхин турбины далбангийн урт нь 80 метр, жин нь 38 тонн, турбины баганын өндөр нь 220 метр юм байна. Ашиглалтын хугацаа нь 25 жил бөгөөд ашиглагдаж дуусах үед турбины эд ангийн 80%-ийг дахин боловсруулах боломжтой байхаар бүтээжээ.

Данийн компани энэ турбиныг далайд суурилуулсан бөгөөд сүүлийн жилүүдэд далайн эргийн салхин турбины хэмжээ томорч, бүтээмж нь улам сайжирсаар байгаа билээ. Хойд Европын ихэнх орнууд чулуужсан түлшнээс татгалзах алхмын хүрээнд салхин сэнсний үйлдвэрлэлд хөрөнгө оруулалт эрчимтэй хийж байна. Европын холбооны цахилгаан хангамжид салхины эрчим хүчний эзлэх хувь 2000 онд дөнгөж 2%-тай байсан бол одоогийн байдлаар 12% болтлоо өсчээ.

Зөвхөн Европ ч гэлтгүй Канад улсын хувьд салхины эрчим хүчний эх үүсвэр хүрээгээ тэлсээр байна. Канадын Нова Скоша, Кэбэк, Онтарио зэрэг мужид нийтдээ 702 МВт-ын хүчин чадал бүхий 21 салхин станцын төслийг өнгөрсөн онд хэрэгжүүлжээ. Канад улсын хэмжээнд суурилуулаад буй салхин турбинуудын нийт хүчин чадал одоогийн байдлаар 11,898 МВт-д хүрээд байгаа нь тус улсын цахилгааны нийт хэрэглээний 6%-ийг хангахуйц болоод буй юм. Энэ онд шинээр нэмж 700МВт бүхий салхины станц байгуулах төлөвтэй байгааг тус улсын Салхины эрчим хүчний холбоо мэдээлжээ. Сүүлийн 11 жилийн турш Канад улс өөр бусад төрлийн эрчим хүчнээс илүүтэйгээр салхины эрчим хүчний төслүүд хэрэгжүүлснийг тус холбооны Ерөнхийлөгч Роберт Хорнунг онцолжээ.


Уул уурхайн салбарт ч салхины эрчим хүчний хэрэглээ дэлгэрч эхлээд байна. Тухайлбал Чили улсад хэрэгжиж буй Los Pelambres зэсийн уурхайн цахилгааны хэрэглээг залгуулахаар 115МВт-ын хүчин чадал бүхий салхины станц 2014 онд байгуулагдсан байна. Станцаас үйлдвэрлэгдэх цахилгааны 70%-ийг уурхайд, үлдсэнийг зах зээлд нийлүүлдэг ажээ.

Los Pelambres уурхай нь дэлхийд томд тооцогдох зэсийн орд бөгөөд 2016 онд 355 мянган тонн зэс, 7.1 мянган тонн молибден, 58 орчим мянган унц алт үйлдвэрлэжээ.  Цаашид тус уурхай 22 жил ажиллах төлөвтэй байгаа бөгөөд энэ хугацаанд салхин станцаас эрчим хүч тогтмол худалдаж авах юм.

Яг энэ төсөл шиг томоохон салхины төсөл уул уурхайн салбарт хэрэгжээгүй боловч бага хүчин чадалтай салхины станц юмуу салхи-дизель хосолсон эрчим хүчний төслүүд Канад, Аргентин, Мавритан болон бусад улс оронд хэрэгжсэн жишээ олон байдаг. Эдгээр нь сэргээгдэх эрчим хүчний хүрээ хурдацтай тэлж буйн тод илрэл юм.


А.Хулангоо

 

Сэтгэгдэл байхгүй байна

  • Уншигч
    Баярлалаа Сайхан нийтлэл байна
    2017 оны 02 сарын 14 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 7 цаг 25 минутын өмнө
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 7 цаг 26 минутын өмнө
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 8 цаг 18 минутын өмнө
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.