“Оюутолгой” компани үндэсний компаниудад 279 сая доллар зарцуулжээ

2017-02-01 00:43

“Оюутолгой” компанийн ханган нийлүүлэгчдийн форум хоёр дахь жилдээ зохион байгуулагдлаа. Форум өнөөдөр Шангри Ла зочид буудалд болсон бөгөөд 675 ханган нийлүүлэгч байгууллага, 1200 төлөөлөгч оролцсон юм. Энэ жилийн форумын онцлог нь Оюутолгой уурхайн ашиглалтын хугацаанд болон гүний уурхайн бүтээн байгуулалтад шаардагдах бараа, үйлчилгээг монгол хүн, Монгол оронд үйлдвэрлэхийг зорилго болгож буй бөгөөд дотоодын ханган нийлүүлтийн сүлжээг өргөжүүлж, нэмүү өртөг шингэсэн үйлчилгээний бүтэцтэй ханган нийлүүлэлтийн сүлжээ байгуулах бололцоог нэмэгдүүлэхэд чиглэж байгаа аж.

Форумын нээлтийн үеэр “Оюутолгой” ХХК-ийн Ерөнхий захирал Армандо Торрес “Бид хамтдаа Монгол улсад үйлдвэрлэсэн бүтээгдэхүүнийг дэлхийн тавцанд гаргаж, үндэсний компаниудын ур чадвар, өндөр чанарын бэлгэ тэмдэг болж чадна. Тогтвортой, хүлээн зөвшөөрөгдсөн брэнд, нэр хүндийг бий болгохын тулд бид хүндлэл, ёс зүй, хамтын зүтгэл, үүрэг хариуцлага гэсэн үнэт зүйлсээ үйлдэл болгондоо агуулан ажиллах ёстой. Ингэснээр бид алсын хараандаа хүрч, байгалийн баялгаас эрдэм мэдлэг, ур чадвар, үнэт зүйлсийг бүтээлцэж чадна” хэмээн хэлэв. Мөн “Эрдэнэс Монгол” ХХК-ийн Гүйцэтгэх захирал  Ц.Түмэнцогт “Оюутолгой төсөл нь Монгол улсын нэрийг дэлхийд таниулах түүчээ болсон бөгөөд уул уурхайн салбарт аюулгүй ажиллагааны сайн үзүүлэлтээр тэргүүлж, Монгол улсад татвар төлөгчдийн эхний байрт тогтмол орж байгаа” гэдгийг онцоллоо.

Өнгөрсөн онд “Оюутолгой” компани 371.5 сая ам.долларын бүтээгдэхүүн, үйлчилгээ худалдан авснаас 279 сая ам долларыг үндэсний компаниудад зарцуулжээ. Үүнээс Өмнөговь аймгийн аж ахуйн нэгжүүдээс худалдан авсан бүтээгдэхүүн, үйлчилгээний хэмжээ 70 сая ам.долларт хүрчээ. Тухайлбал, Ханбогд сумаас ингэний сүүний үйлдвэрлэл, гурил гурилан бүтээгдэхүүн, модон эдлэл, нэхмэл сүлжмэл, ноосон эдлэл, талх нарийн боов, оёдол эсгүүр зэрэг жижиг дунд үйлдвэрлэлийн бүтээгдэхүүн ханган нийлүүлж байгаа юм. Энэхүү хэмжээг цаашид нэмэгдүүлэх нь Ханган нийлүүлэлтийн форумын нэг зорилго аж.

“Оюутолгой” компанид одоогоор 8000 орчим хүн ажиллаж байгаа бөгөөд гэрээлэгч компаниудаар дамжуулан 6,244 ажлын байр бий болгосноос гадна шууд бусаар 35,000 ажлын байрыг дэмжин ажиллаж байна.

А.Хулангоо

 

 

            

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 1 цаг 6 минутын өмнө
    Дэлхийн уул уурхайн хоёр дахь том компани “Рио Тинто” 2020 оны тайлангаа танилцууллаа. Тус компанийн мэдээлснээр өнгөрсөн онд нийт борлуулалтын нэгдсэн орлого 44.6 тэрбум ам.долларт хүрсэн байна. Уг үзүүлэлт 2019 онд 43.2 тэрбум ам.доллартай байсан юм. Энэ дундаа төмрийн хүдрийн борлуулалт дийлэнхийг бүрдүүллээ. Тодруулбал Австралийн Пилбара дахь төмрийн хүдрийн уурхайнуудаас нийтдээ 333.4 сая тонн төмрийн хүдэр олборлож, борлуулалтын орлого нийтдээ 27.5 тэрбум ам.доллараар хэмжигдлээ. Өнгөрсөн онд зах зээлд төмрийн хүдрийн ханш нэмэгдсэнтэй холбоотойгоор тус компанийн суурь орлогын (underlying earnings) үзүүлэлт 12.5 орчим тэрбум ам.долларт хүрсэн нь 2019 оны дүнгээс даруй 2.1 тэрбум ам.доллараар өсөлттэй гарчээ.
  • 3 цаг 53 минутын өмнө
    Эрдэс баялаг эмэгтэйчүүдийн холбоо ТББ-аас анхны үндэсний чуулганаа 2018 онд Эрдэнэт үйлдвэрийн дэмжлэгтэйгээр Эрдэнэт хотод зохион байгуулсан нь  салбарын эмэгтэйчүүд дуу хоолойгоо нэгтгэсэн  томоохон үйл явдал болж байсан. Үүний дараа (2019.05.03) Улаанбаатар хотноо  II чуулган  “Хамтын хүч  хөгжлийн гарц” уриан дор (2021.03.16) болж байжээ. Тэгвэл энэ удаагийн чуулган мөн Улаанбаатар хотноо “Эмэгтэйчүүд хариуцлагатай уул уурхайг манлайлах нь   уриан дор цахимаар хуралдах юм. Одоогоор эрдэс баялгийн  салбарт ажиллагсадын 15% эмэгтэйчүүд эзэлж байгаа бөгөөд зарим компанид нийт ажиллагсдын 25% нь эмэгтэйчүүд байна.
  • 23 цаг 54 минутын өмнө
    Быстринскийн зэсийн төслийн хувь эзэмшигчид Оросын “Норильский никель” компани, Хятадын “Highland Fund” консорциум нь опцион гэрээ байгуулжээ. Тус гэрээгээр, уг төслийн 13.3%-ийн эзэмшлээ Хятадын хөрөнгө оруулагчид худалдах эрхтэй болж байна. Оросын “Норильский никель” компанийн мэдээлснээр,  опцион гэрээ нь 2021 оныг дуустал хүчинтэй аж. Энэхүү төслийн 50.7%-ийг Оросын “Норильский никель”, 13.3%-ийг Хятадын “Highland Fund” консорциум, 36.6%-ийг Оросын “CIS NRF Holdings” компани тус тус эзэмшиж байгаа юм.
  • 2021-02-26 23:06
    Монгол Улсын татварын албаны нэхэмжлэхийн дагуу “Оюутолгой” ХХК нь татварын актаар нөхөн ногдуулсан 229.8 тэрбум төгрөгийн татварыг (2021.02.25) төсөвт төлсөн байна.  Засгийн газрын Ажлын хэсгээс Оюутолгой төслийн хөрөнгө оруулагч талтай хийж буй яриа хэлэлцээний хүрээнд “Оюутолгой” ХХК нь Монгол Улсын татварын хууль тогтоомжийг биелүүлж, Монгол Улсад үйл ажиллагаа явуулж буй бүхий л аж ахуйн нэгжийн нэгэн адил Монгол Улсад татвараа бүрэн төлөх шаардлагыг тууштай тавьсны үр дүнд татварын актаар тогтоогдсон нийт төлбөрөөс эхний ээлжийн 229.8 тэрбум төгрөгийн төлбөрийг ийнхүү төлж эхэлжээ.  
  • 2021-02-25 16:47
    “Эрдэнэт үйлдвэр” ТӨҮГ  хүдрийн ил уурхайн дэргэдээ Эмульсийн тэсрэх бодисын шинэ үйлдвэр байгуулж байна. Одоогоор тус үйлдвэрийн барилга, угсралтын ажил 60%, инженерийн шугам сүлжээний ажил 80 орчим хувь, төслийн  нийт гүйцэтгэлийн ажил 50 гаруй хувьд хүрснийг компани мэдээллээ. Үйлдвэрийг 2020 оны хөрөнгө оруулалтаар барьж байгаа аж.  Хэдийгээр “Эрдэнэт үйлдвэр” 1993 онд Монголд анх удаа 10 мянган тонн тэсрэх бодис үйлдвэрлэх хүчин чадалтай  Эмульсийн тэсрэх бодисын үйлдвэрийг байгуулж өнөөдрийг хүртэл ажиллуулж байгаа ч цаашид аюулгүй ажиллагааг хангаж, эрсдэлээс хамгаалах үүднээс  дахин шинэ үйлдвэр байгуулахаар болжээ.