China Investment Corporation “Саусгоби Ресурс” дахь эзэмшлээ нэмэгдүүлэв

2017-01-18 16:04

Хятадын төрийн өмчит хөрөнгө оруулалтын сан болох China Investment Corporation-ий охин компани Land Breeze II S.a.r.l. “Саусгоби Ресурс” дахь хувьцааны тоогоо 14.8 сая ширхэгээр нэмэгдүүлжээ. Ингэснээр тус компани “Саусгоби Ресурс”-ын нийт 64 сая 766 мянган ширхэг хувьцаа буюу 23.76 хувийг эзэмшихээр болж байгаа аж. “Саусгоби Ресурс” компанийн цахим сайтад мэдээлснээр өнгөрсөн оны 10 дугаар сарын тавны байдлаар China Investment Corporation тус компанийн 49.8 сая ширхэг хувьцаа буюу нийт хувьцааны 19.35 хувийг эзэмшиж байжээ. Тус хөрөнгө оруулалтын сан 2009 онд “Саусгоби Ресурс” компанийн 500 сая долларын хөрвөгч өрийн бичгийг худалдан авсантай холбоотой юм. Улмаар 2010 онд China Investment Corporation уг 500 сая долларын өрийн бичгийнхээ 250 сая долларыг нь хувьцаа руу хөрвүүлж, 21.5 сая ширхэг хувьцааг нь шилжүүлэн авсан байдаг. Мөн үлдсэн 250 сая долларын өрийн бичгийг эзэмшиж буй бөгөөд түүнийгээ хувьцаа руу хөрвүүлвэл нийт 102.9 сая ширхэг хувьцаа буюу 37.75 хувийг эзэмших боломжтой болох юм. Ингэснээр China Investment Corporation нь “Саусгоби Ресурс”-н хамгийн том хувьцаа эзэмшигч болж байна.

Үүнээс гадна “Саусгоби Ресурс”-ын 27.99 хувийг эзэмшигч Novel Sunrise Investments Limited компани өөрийн эзэмшлийн хувьцаагаа 17.99 хувь болгож бууруулсан талаар өнгөрсөн 7 хоногт мэдээлсэн байна. Voyage Wisdom Limited компанитай өнгөрсөн 4 дүгээр сард байгуулсан гэрээний дагуу Novel Sunrise Investments Limited өөрийн эзэмшиж байсан 25 сая 768 мянган ширхэг хувьцааг Voyage Wisdom Limited-д заржээ. Тодорхой нөхцлүүдтэй байгуулсан уг гэрээний үнийн дүн 24 сая ам.доллар болж байгаа бөгөөд 2017 оны 12 дугаар сарын 31-нээс өмнө төлбөрийг шилжүүлэх аж. Энэхүү хэлцлийн дараа “Саусгоби Ресурс” компанийн 18 орчим хувийг Novel Sunrise Investments Limited, 9.9 орчим хувийг Voyage Wisdom Limited компани эзэмшихээр болж байгаа юм. Дашрамд дурдахад Novel Sunrise Investments Limited-ийг өнгөрсөн 7 дугаар сард Хятадын төрийн өмчит China Cinda компани 100 хувь эзэмшихээр болж байсан юм.


С.Болд-Эрдэнэ

  • үү (202.21.120.146)
    энэ хаанаас эх сурвалж авсан юм болоо
    2017 оны 01 сарын 19 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 42 минутын өмнө
    Төсөл санаачлагчийг төлөөлж, “Эрдэнэс-тавантолгой” ХК төслийн нийт санхүүжилтийн 30 хүртэлх хувийг санхүүжүүлэх, тендерт оролцогч үлдэгдэл санхүүжилтийг Засгийн газрын баталгааг үндэслэн өөрөө санхүүжүүлэх (EPC+F) хувилбар санал ирүүлэх олон улсын нээлттэй тендер сонгон шалгаруулалтыг энэ оны аравдугаар сарын 21-ний өдөр зарлаж, 90 хоногийн хугацаанд гүйцэтгэгчийг сонгон шалгаруулна.
  • 14 цаг 56 минутын өмнө
    “Баян зам” тээвэрчдийн холбооноос өнөөдөр /2021.10.20/ мэдээлэл хийж, Зам тээврийн хөгжлийн сайд Л.Халтарыг иргэдэд буруу мэдээлэл өгсөн гэх үндэслэлээр шүүхэд өгч байгаагаа мэдэгдлээ. Төрийн тогтворгүй үйл ажиллагаанаас үүдэн нүүрс тээврийн үйл ажиллагаа зогссон гэж үзээд тус холбооны 2000 тээвэрчдийг  шланзтай нь хотод авчирна гэлээ. “Баян зам” тээвэрчдийн холбооны Удирдах зөвлөлийн дарга П.Баярхүү: -Зам тээврийн хөгжлийн сайд Л.Халтар мэдээлэл хийхдээ хэд хэдэн баримтаар тээвэрчдийг, тээвэрчдийн холбоог гүжирдлээ. Тодруулбал, “Баянзүрх” тээвэрчдийн холбоо нь тээвэрчдийн эрх ашгийг хамгаалах ёстой атлаа бизнес хийж байна гэж ярьсан. Мөн энэ холбоонд 100 гаруй компани байдаг байтал 31 компани гэсэн. Холбоог замын хураамжаа өг, үгүй бол тээвэрт явуулахгүй гэж дарамталдаг гэлээ. Ийм буруу мэдээлэл хийж, нэр төрд халдсан гэх үндэслэлээр өнөөдөр /2021.10.20/ түүнийг шүүхэд өгч байна.
  • 15 цаг 13 минутын өмнө
    Лондоны металын бирж дээр өчигдөр (2021.10.19) нэг тонн зэсийн шууд худалдааны үнэ 7.2%-иар өсч 11299.5 ам.долларт хүрснээр шинэ дээд амжилт тогтоосон байна. Мөн Нью-Йоркийн түүхий эдийн бирж дээр 10572 ам.доллар/тонн-д хүрсэн нь тус биржийн түүхэн дэх хамгийн өндөр ханшаар тэмдэглэгдлээ. Хаалтын ханшийн тухайд Лондоны металын бирж дээр өчигдөр зэсийн шууд худалдааны үнэ 10652 ам.доллар/тонн, гурван сарын гэрээт үнэ 10270 ам.доллар/тонн-оор тогтжээ. Ханш өсөхөд зэсийн нийлүүлэлт буурч буй мэдээлэл нөлөөлсөн байна.
  • 17 цаг 6 минутын өмнө
    Уул уурхайн салбарын төрийн зохицуулалтын нэгэн хэлбэр болгон Уул уурхайн бүтээгдэхүүний биржийг байгуулахаар зэхэж байна. Холбогдох хуулийн төслийг УУХҮЯ цахим хуудастаа нийтлэн танилцуулжээ. Эрдэс баялгийн бирж хэмээн өмнөх хэлэлцүүлгүүдийн үеэр нэрлэж байсан боловч хуулийн танилцуулгад Уул уурхайн бүтээгдэхүүний бирж хэмээн нэрийг нь өөрчлөв. Уул уурхайн салбар нь Монгол Улсын эдийн засгийн зонхилох салбар болоод удаж байна. Сүүлийн 15 жилд уул уурхайн салбарын улсын төсөвт төвлөрүүлэх орлого тогтвортой нэмэгдсээр ирсэн. 2021 оны эхний долоон сарын гүйцэтгэлээр Монгол Улсын нэгдсэн төсвийн орлогын 32.5%-ийг бүрдүүлж байна. Уул уурхайн бүтээгдэхүүний биржийг байгуулах шаардлага, үндсэн зорилгыг улсын эдийн засагт үзүүлж байгаа салбарын үр өгөөжийг улам нэмэгдүүлэх, салбарын орлогыг ил тод болгох, уул уурхайн экспортын бүтээгдэхүүний стандартыг хангах юм.
  • Уржигдар 10 цаг 48 минутад
    Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэх, хүний аюулгүй байдлын соёлыг нэмэгдүүлэхэд тодорхой хувь нэмэр оруулж буй “Нэн түрүүнд ХАБ” (Хөдөлмөрийн аюулгүй байдал) бага хурал нь “Аюулгүй байдал ба Ковид-19” уриан дор 2021 оны 10-р сарын 21, 22-ны өдрүүдэд цахимаар зохион байгуулагдах гэж байна.