Магистрын хөтөлбөрийн хичээлүүд Германы шилдэг багш нарын удирдлага дор явагдана

2016-10-17 17:23
Монгол-Германы хамтарсан ашигт малтмал, технологийн их сургуулийн Сургалт хариуцсан дэд захирал Катя Поланскитай ярилцлаа. Тус сургууль 2013 онд Монгол, Герман хоёр улсын Засгийн газруудын дэмжлэгээр байгуулагдсан билээ. Сургуулийн хотхон нь Улаанбаатар хотын Налайх дүүрэгт байрладаг бөгөөд Монголын хамгийн залуу, орчин үеийн тохилог оюутны хотхонтой төрийн өмчийн отгон их сургууль юм. Монголын дээд боловсролын салбарын шинэчлэлд загвар болохын сацуу дэлхийн түвшний инженерүүдийг бэлтгэх үндсэн зорилготой тус сургууль уул уурхайн боловсруулалтын инженер, механик инженер, хүрээлэн буй орчны инженер, үйлдвэрийн эдийн засагч инженер гэсэн бакалаврын 4 хөтөлбөрөөс гадна Байгалийн нөөц, хүрээлэн буй орчны олон улсын менежментийн магистрын хөтөлбөрүүд хэрэгжүүлж байна.

Техник технологийн өндөр мэдлэг эзэмшихээр олон монгол залуус гадны улс орныг зорих боллоо. Энэ нь муу зүйл биш ч маш өндөр зардлаар тэр мэдлэг боловсролыг олж авдаг. Танай сургуулийн хувьд гадаад улс оронд эзэмшиж буй мэдлэг чадварыг Монголд эзэмшүүлж байгаа гэж сонссон?

Тиймээ, энэ нь манай сургуулийн гол зорилго юм. Дэлхийн түвшний чадварлаг инженерүүдийг бэлтгэхэд шаардагддаг маш олон хүчин зүйлийг бид бүрдүүлж байна. Тухалбал, тухайн мэргэжлийн хөдөлмөрийн зах зээл дээрх эрэлт хэрэгцээг судлах, олон улсын стандартад нийцсэн сургалтын хөтөлбөр боловсруулах, чадварлаг, туршлагатай багш мэргэжилтнүүдийн баг бүрдүүлэх, оюутны сурч амьдрах ая тухтай орчныг бий болгох гэх мэтчилэн олон талын нөхцөл бололцоог олон улсын стандартад нийцүүлэн бий болгохын төлөө ажиллаж байна. Монгол залуус ийм орчин нөхцөлд эх орондоо инженер, технологийн өндөр мэдлэг эзэмших нь эдийн засгийн хувьд хэмнэлттэй төдийгүй бусад олон давуу талтай боломжуудыг эдлэх юм.

Танай сургалтын хөтөлбөрүүд судалгаан дээр үндэслэж хийгддэг юм байна. Магистрын хөтөлбөр мөн адилхан уу? Энэ хөтөлбөрийн талаар дэлгэрэнгүй мэдээлэл өгнө үү?

Хөдөлмөрийн зах зээлийн эрэлт хэрэгцээ болон аж үйлдвэрийн компаниудын судалгаан дээр үндэслэдгээрээ манай хөтөлбөрүүд онцлогтой. Магистрийн хөтөлбөрийн хувьд энэ хичээлийн жилд шинээр нээгдэж байгаа. “Байгалийн нөөц, хүрээлэн буй орчны олон улсын менежмент”- ийн хөтөлбөр. Хөтөлбөрийн гол зорилго нь төгсөгчдөд байгалийн нөөц, хүрээлэн буй орчныг хамгаалахад чиглэсэн бизнес, менежментийн мэдлэг, ур чадварыг олгох юм. Хөтөлбөрт Монгол орны төдийгүй олон улсын чиг хандлагын талаарх геологи, экологи, уул уурхайн инженерчлэл, эрх зүй, эдийн засаг, санхүүгийн талаарх хичээлүүд багтсан. Хөтөлбөрийн бүх хичээл англи хэл дээр Германы шилдэг багш нарын удирдлага дор явагдана.

Энэ мэргэжлийг эзэмшихэд ирээдүйн ажлын байрны боломжууд ямар байх бол?

Маш өргөн боломжууд бий. Тухайлбал төгсөгчид уул уурхай, эрдэс баялаг, хог хаягдлын дахин боловсруулалт, эрчим хүч, зам тээвэр, төрийн захиргаа болон санхүү-хөрөнгө оруулалт, үйлдвэрийн тоног төхөөрөмжийн үйлдвэрлэл, ханган нийлүүлэлт, ложистик, зөвлөх үйлчилгээ зэрэг салбарт хөрвөж ажиллах боломжтой.

Ямар хүмүүс суралцаж болох вэ?

Байгалийн нөөц, олон улсын менежментийн чиглэлээр удирдах ур чадвараа нэмэгдүүлэх сонирхолтой байгалийн ухааны эрдэмтэд, инженерүүд суралцах боломжтой.


Ямар хугацаанд суралцах вэ? Суралцах хугацаанд Германд очиж суралцах боломжтой юу?

Энэ хөтөлбөр маань 4 семестр үргэлжилнэ. Нийт 120 багц цагийг цуглуулна. Мөн модуль хөтөлбөрүүдийг тусад нь дүүргээд гэрчилгээ авах боломжтойгоороо бас онцлог. Энэ талаар дэлгэрэнгүй мэдээллэл авахыг хүсвэл www.gmit.edu.mn цахим хуудсаар орж танилцаж болно. Оюутнууд суралцах явцдаа ХБНГУ-ын түнш их сургуулиудад 1-2 семистр суралцах боломжтой.

Энэ хөтөлбөрөөр ажиллангаа суралцаж болно. Бүртгэл 10 дугаар сарын 20-ныг дуустал онлайнаар хийгдэнэ. Хичээл 2016 оны 10 дугаар сарын 28-нд эхэлнэ. Хичээлийн  жилийн эхний улирлын урьдчилсан хуваарь болон сургалтын нарийвчилсан төлөвлөгөөг  www.gmit.edu.mn цахим хуудаснаас татаж үзэх боломжтой.

Сургалтын төлбөр, тэтгэлгийн тухайд ямар боломжууд байгаа вэ?

Энэхүү хөтөлбөрөөр суралцахдаа тэтгэлэг авах бүрэн боломжтой. Гагцхүү энэ хөтөлбөрөөр яагаад тэтгэлэгтэй суралцахыг хүсч буй тухайгаа эссэндээ тодорхой бичих хэрэгтэй. Түүнчлэн байгууллагын журмаар суралцаж буй хүмүүст бусад боломжуудыг санал болгодог. Сургалтын төлбөрийн 1 кр оноо нь 133,000 төгрөг байгаа. Бас нэг зүйлийг нэмж хэлэхэд  IELTS,  TOEFL-ийн оноогүй бол МГТИС-ийн англи хэлний түвшин тогтоох шалгалтыг өгч болно. Бүрдүүлэх материалуудын жагсаалтыг мөн цахим хуудаснаас аваарай.  

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 18 цаг 43 минутын өмнө
    Салхитын ордод бонд гаргах тухай төр засгийн шийд­вэрийг Та хэрхэн харж байгаа вэ? Төрийн, хувийн өмчтэй ялгаагүй аливаа компани үйл ажиллагаандаа шаардлагатай хөрөнгө босгох зорилгоор бонд гаргадаг. Компанийн бонд гэдэг бол зарчим юм. Санхүүгийн зах зээл тодорхой дүрэмтэй. Одоо ил болсон ТЭЗҮ-ээс харахад Салхитын ордыг 7 жил ашиглах үйл ажиллагааны ашиг байтугай орлого нь тэтгэврийн зээлийг тэглэж хүрэхгүй байна. Ийм ордыг барьцаалж тэтгэврийн зээлийг тэглэх зорилгоор бонд гаргах нь санхүүгийн зах зээлийн зөв, эрүүл тогтолцоог эвдэж буй. Санхүүгийн зах зээлд байж боломгүй этгээд, гаж үзэгдэл юм.
  • 20 цаг 38 минутын өмнө
    Засгийн газрын хуралдаанаар, Алт цэвэршүүлэх үйлдвэрийг гадаад, дотоодын хөрөнгө оруулалтаар барих боломжийг судалж танилцуулахыг холбогдох сайд, агентлагийн дарга, бусад албан тушаалтанд даалгажээ. Монгол Улсын Ерөнхий сайд Казахстан улсад хийсэн албан айлчлалын үеэр Алт цэвэршүүлэх үйлдвэрийг барих тухай гэрээнд талууд гарын үсэг зурсан юм. Нийт 81.9 сая ам.доллар шаардлагатай бөгөөд урьдчилгаа 30%-ийг санхүүжүүлсэн тохиолдолд ажил нь эхлэх боломжтой. Үйлдвэр жилд 50 тонн алт, 25 тонн мөнгө үйлдвэрлэх хүчин чадалтай байх юм. 
  • 21 цаг 21 минутын өмнө
    Монгол Улсын эдийн засаг, нийгмийн хөгжилд тэргүүлэх байр суурь эзэлж буй эрдэс баялгийн салбарынхан дэлхийн олон оронд тархаад буй COVID-19 вирусийн эсрэг сайн үйлсийн хандивын аяныг эхлүүлж байна. Албан бичгээ УУХҮ-ийн сайд Д.Сумъяабазарт(2020.02.18) гардууллаа. Энэхүү хандивын аянг салбарын сайд дэмжиж байгаагаа илэрхийлж өөрийнхөө нэг өдрийн цалинг хандивлан хандивын аян эхлүүлж уриалж байгаагаа илэрхийлэв. Уг хандивыг Монгол Улсын Засгийн газраас вирусийн эсрэг авч буй арга хэмжээг дэмжих, өмнөд хөршийн ард түмэнд сэтгэлийн болон эд материалын дэмжлэг үзүүлэхэд зориулж байгаа юм.
  • Уржигдар 20 цаг 35 минутад
    “Эрдэнэс Тавантолгой" ХК нь 1072 ширхэг хувьцааны ногдол ашиг олгох шийдвэр гарсантай холбогдуулан Уул уурхайн хүнд үйлдвэрийн сайд Д.Сумьяабазар уул уурхайн зарим төслүүдийн явцын талаар дурдсан юм. Тодруулбал, бүтээн байгуулалтын хүрээнд Тавантолгой-Зүүнбаян чиглэлийн төмөр зам, баяжуулах үйлдвэр, коксын үйлдвэр, уурхайн хүчин чадлыг нэмэгдүүлэх, тоног төхөөрөмжийн шинэчлэлийн ажлууд хийгдэж байгааг тэрээр хэллээ. Тухайлбал, Тавантолгой-Гашуунсухайт чиглэлийн төмөр замын төсөл бэлтгэлээ ажлаа хангаж бүтээн байгуулалт гуравдугаар сарын 1-нд эхлэх байсан ч коронавирусын дэгдэлтийн улмаас тодорхой хугацаагаар буюу нэг сараар хойшлох төлөвтэй байна.
  • Уржигдар 14 цаг 48 минутад
    Эрдэнэс-Тавантолгой” ХК-ийн Төлөөлөн Удирдах Зөвлөл хувьцаа эзэмшигчиддээ ногдол ашиг өгөх шийдвэр гаргасантай холбогдуулан өнөөдөр /2020.02.17/ Уул уурхай, хүнд үйлдвэрийн сайд Д.Сумьяабазар, “Эрдэнэс-Тавантолгой” ХК-ийн ТУЗ-ийн дарга Б.Баярсайхан болон Гүйцэтгэх захирал Б.Ганхуяг нар мэдээлэл өглөө. Нэгж хувьцаанд 90 төгрөг олгох бөгөөд 1072 ширхэг хувьцаатай иргэнд 96480 төгрөг оногдож байна. Компанийн тухай хуулийн дагуу Төлөөлөн удирдах зөвлөлөөс гаргасан уг шийдвэрийг энэ оны 05 дугаар сарын нэгний дотор Хувьцаа эзэмшигчдийн хурлаар хэлэлцүүлнэ. Мөн Санхүүгийн зохицуулах хорооны ногдол ашиг хуваарилах шинэ журмын дагуу 2020 онд Үнэт цаасны төвлөрсөн хадгаламжийн төвөөр дамжуулан хувьцаа эзэмшигчдэд ногдол ашгийг олгох юм.