Төмрийн хүдрийн S11D төслийн экспорт 2017 онд эхэлнэ

2016-10-04 14:18
Бразилийн “Vale” компани дэлхийд томоохонд тооцогдож буй төмрийн хүдрийн S11D төслийг хэрэгжүүлж байгаа билээ. Төслийн уурхайгаас төмрийн 66%-ийн агууламжтай хүдрийн  олборлолт болон экспортыг 2017 оны нэгдүгээр сард эхлүүлэхээр төлөвлөж байгаа юм.

Төмрийн хүдэр экспортлох зорилгоор уурхайгаас Carajas Railway төмөр зам хүртэл 101 км төмөр замыг бүтээн байгуулах ажлыг энэ сард эхлүүлэх аж. Энэ салаа замыг байгуулснаар Мексикийн Сан Луис дахь Донта де Майдера боомтоор дамжин дэлхийн зах зээлд төмрийн хүдрээ экспортлохоор төлөвлөж буй.

S11D төслийн уурхайг эхний ээлжинд жилд 90 сая тонн төмрийн хүдэр олборлох хүчин чадалтайгаар ашиглалтад оруулах юм байна. 2020 он гэхэд уг төслийн үйлдвэрлэл бүрэн хүчин чадалдаа хүрнэ хэмээн “Vale” компанийн Логистик болон маркетинг хариуцсан захирал Луис Мериса мэдэгджээ.

Хэдийгээр төмрийн хүдрийн гол худалдан авагч Хятад улс гангийн үйлдвэрлэлээ бууруулж байгаа ч он гарснаас хойш дэлхийн зах зээл дээр түүхий эдийн үнэ нийт 28%-иар өссөн юм. Төмрийн хүдрийн томоохон үйлдвэрлэгч Австрали болон Бразил улсын хувьд экспортоо нэмэгдүүлсээр байна. Эдгээр улс 2016 оны санхүүгийн жилд экспортоо 50 сая тонноор нэмэгдүүлнэ гэсэн судалгааг хөрөнгө оруулалтын “Liberum Capital” банкнаас гаргажээ. Уг банкны тооцоолсноор жилийн хоёрдугаар хагаст Австралийн BHP Billiton, “Рио Тинто” болон “Рой Хилл” нь нийт 677,8 сая тонн, ирэх жилийн эхний зургаан сард нийт 686 сая тонн төмрийн хүдэр дэлхийн зах зээлд нийлүүлэх хандлагатай байгаа аж.

Зөвхөн Австрали гэхэд 2016 оны 835 сая тоннын төлөвлөгөөгөө нэмэгдүүлж, 2020 он гэхэд 934 сая тоннд хүргэх тооцоо байна. Тэгвэл Бразил улсын төмрийн хүдрийн экспорт 371 сая тонноос 480 сая тоннд хүрч нэмэгдэх бололтой. Тус улсын Vale компанийн S11D төсөл хэрэгжиж эхэлмэгц 2017 оны эхний хагас жилд дэлхийн зах зээл дээр 20 сая тонн хүдэр нэмэгдэх төлөв бий. Энэ нөхцөл байдлаас хамаарч зах зээл дэх төмрийн хүдрийн үнэ энэ оны сүүлчээр буурч эхэлнэ гэж Morgan Stanley, Citigroup, BHP Billiton үзэж байна. Citigroup-ийн дэвшүүлсэн таамаглалаар төмрийн хүдрийн дундаж үнэ 2017 онд 45 ам.доллар, 2018 онд 38 ам.долларт хүрч буурах гэнэ.  
 
Өнгөрсөн долоо хоногийн байдлаар Хятадын Циндао боомт дээр төмрийн 62%-ийн агууламжтай 1 тонн төмрийн хүдэр 56,79 ам.доллараар худалдаалагдсан билээ. 

Э.Од
   
    

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 14 цаг 56 минутад
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.