Л.Пүрэвбаатар: Царигийн асуудлаар Монгол улс тодорхой шийдвэрт хүрнэ

2016-09-14 22:00
Орос, Монгол, Хятад улсын “Эдийн засгийн коридор”-ын нэг хэсэг Транссибирийн төмөр замд тулгуурлан Ази-Европ тивийн хооронд ачаа тээврийг нэмэгдүүлэх, үүнд Монгол улсаар транзит тээвэр хийх боломж зэрэг асуудлыг хөндсөн олон улсын чуулган өнөөдөр Туушин зочид буудалд эхэллээ. Монгол улсын санаачилгаар “Транссибирийн тээврийг зохицуулах зөвлөл”-ийн XXV ээлжит хурал анх удаа Улаанбаатар хотноо зохион байгуулагдаж байгаа юм.

Хурлыг нээж Монгол улсын талаас Зам тээврийн хөгжлийн сайд Д.Ганбат, УБТЗ-ын дарга Л.Пүрэвбаатар, ОХУ-аас Монгол улсад суугаа Онц бөгөөд Бүрэн Эрхт Элчин сайд И.К Азизов, РЖД нийгмэлэгийн Ерөнхийлөгч, Транссибирийн тээврийг зохицуулах Зөвлөлийн дарга О.В Белозёров нар үг хэлсэн. Ноён Белозёровын хувьд өнгөрсөн оны наймдугаар сард РЖД-ийн тэргүүнээр томилогдсон. Тэрээр Монгол улсад анх удаа хийж буй айлчлалынхаа хүрээнд Ерөнхий сайд Ж.Эрдэнэбатад бараалхсан юм.

УБТЗ-ын дарга Л.Пүрэвбаатар Монгол улсын төмөр замын бодлого, газар нутгийн давуу талыг ашиглан гурван улсын “Эдийн засгийн коридор” дахь үүрэг оролцооны талаар илтгэл тавьсан бол РЖД нийгэмлэгийн Ерөнхийлөгч О.В Белозёров Оросын төмөр замын  ачаа эргэлтийг нэмэгдүүлэхэд олон улс дахь хамтын ажиллагаанд анхааран чиглэсэн бодлого хэрэгжүүлэх талаар илтгэлээ.    
  
Мөн хурлаар Австри, Беларуссь, Герман, Казахстан, Хятад, Өмнөд Солонгос, Латви, Норвеги, Франц, Чех, Швейцарь, Эстони, Япон зэрэг орны тээвэр логистикийн томоохон компаниуд Европ, Ази хооронд ямар чиглэлээр ачаа тээвэр хийж байгаа талаарх  туршлагаасаа хуваалцсан юм. Зарим компаниуд Оросын газар нутгаар дамжин Транссибирийн төмөр замаар Европ Хятадын шууд чиглэлийн ачаа тээврийн туршилт хийсэн маршрутаа танилцуулсан нь зочдын анхаарлыг ихээхэн татсан.

Түүнчлэн, Хятадын далайн Инкоу, Далян, Чанчун зэрэг далайн боомтын удирдлагууд оролцож, сонирхолтой илтгэл тавьсан.      
Хурлыг даргалан явуулсан “Транссибирийн тээврийг зохицуулах зөвлөл”-ийн Ерөнхий нарийн бичгийн дарга Г.И.Бессоновын хувьд өнгөрсөн оны хурлын үр дүнг тайлагнасан юм. 

Хоёр дахь өдөр хурлын зарим зочид төлөөлөгчид Замын-Үүдийн боомтын өнөөгийн хүчин чадал, ачаа нэвтрүүлэх боломж нөхцөлийн талаар газар дээр нь очиж танилцах аялалыг арга хэмжээний хөтөлбөрт тусгажээ.  
 
УБТЗ нийгэмлэгийн дарга Л.Пүрэвбаатар
Өнөөдөр дэлхийд хуурай газрын 2 том шугам өрсөлдөж байна. Нэг нь урд талаар Хятадын “Торгоны замын эдийн засгийн бүс”-ийн зам бол нөгөө нь хойд талаар Евроазийг холбох Транссибирийн төмөр зам юм. Транссибирийн төмөр замын асуудлаар түлхүү ярихаар 20 гаруй орны төлөөлөгчид өнөөдөр Улаанбаатар хотноо хуран чуулж байна. Энэ хурлыг Монголд зохион байгуулж байгаа учир шалтгаан нь Монгол улсын газар нутаг дээрх төмөр зам нь Транссибирийн төмөр замын сүлжээний нэг хэсэг бөгөөд Хятад улстай холбох чухал зам гэж авч үзэн, ярилцаж байгаа хэрэг.

Монголын газар нутгийн хоёр талаар Казахстан, Манжуур чиглэлийн ачаа тээвэр нэлээд хийгддэг тухай Европын зарим компаниудын төлөөлөгчид өнөөдрийн хурлын илтгэлдээ  ярилаа. Энэ ачаа тээвэр Монгол улсын газар нутгаар дамжин хийгдэхгүй байгааг манай улсын төмөр замын үе үеийн удирдлагууд өнөөг хүртэл шийдвэрлэж чадахгүй байгаа нь багагүй шүүмжлэлд өртдөг. Энэ асуудлыг УБТЗ-ын зүгээс энэ удаагийн хурлаар шийдвэрлэх зорилготой байна.

Хоёр улсын төмөр замын царигийн ялгааг арилгах асуудлыг өөрийн нутаг дэвсгэр дээрээ шийдвэрлэх боломжтой тод жишээ бол Польш юм. Тус улсын хувьд Европын холбоо болон хуучин ЗХУ-ын бүрэлдэхүүнд байсан орнуудын хоорондын төмөр замын царигийн ялгааг зохицуулсан туршлагатай. Тэгвэл өнөөдрийн хурлаар Монгол улсын төмөр замын тээвэрт хоёр улсын царигийн ялгаанаас үүсэх шилжүүлэн ачилт, ачааг барааг хадгалах, гаалийн бичиг баримтыг бүрдүүлэх зэрэг ажлуудыг монголчууд өөрийн нутаг дэвсгэр дээрээ зохион байгуулах хэрэгтэй гэсэн тодорхой шийдвэрт хүрч чадах байх.
 
Э.Од

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 2019-12-05 13:52
    Чили улсын төрийн өмчит, дэлхийн зэсийн хамгийн том үйлдвэрлэгч “Codelco” компани нь ирэх 10 жилийн хөгжлийн хөтөлбөрийн хөрөнгө оруулалтаа 20%-иар танаж 32 тэрбум ам.доллар болгож бууруулжээ. 2028 он хүртэлх хөтөлбөрөөр 40 тэрбум ам.долларын хөрөнгө оруулалт хийхээр төлөвлөж байсан юм. Хөрөнгө оруулалтын хэмжээг танасан шалтгааныг дэлхийн зэсийн зах зээл дэх таагүй нөхцөл байдал, мөн Чили улсын нийгэмд чиглэсэн санхүүжилтийг нэмэгдүүлэх шаардлагатай гэж компанийн зүгээс тайлбарлаж байна. Энэ намар тус улсыг хамарсан томоохон эсэргүүцлийн дараа Чилийн эрх баригчид Засгийн газрын зардлыг нэмэгдүүлэх шийдэлд хүрсэн юм. Үүнтэй холбогдуулан “Codelco” компанийн нийт ашгаас улсын төсөв рүү хуваарилах хэмжээг 2021 оноос эхлэн жилд 1 тэрбум доллараар нэмэгдүүлэхээр тооцоолжээ. 
  • 2019-12-05 12:32
    Монголын Геологийн холбооны VI чуулган арваннэгдүгээр сарын 29-нд ШУТИС-д зохион байгуулагдаж, хурлын хөтөлбөрийн дагуу тус холбооны Ерөнхийлөгч Т.Мөнхбат, Гүйцэтгэх захирал М.Тодбилэг нар 2014-2019 оны үйл ажиллагааны болон санхүүгийн тайланг холбооны гишүүддээ танилцуулжээ. Энэ үеэр мөн холбооны Хяналтын зөвлөл ажлаа танилцуулсан байна. Танилцуулгын дараа салбарын өнөөгийн байдал, тулгамдаад байгаа асуудлын талаар хэлэлцүүлэг өрнөж Монголын Геологийн холбооны VI чуулганд оролцогчдоос нийт геологчдод хандан уриалга гаргасан байна. Монголын Геологийн Холбооны дүрэм ёсоор 2014 онд сонгогдсон Удирдах зөвлөлийн гишүүдийн сонгуульт хугацаа дууссан учир 2019-2024 он хүртэл нийт геологчдыг төлөөлөн ажиллах шинэ Удирдах зөвлөлөө сонгох сонгуулийг явуулсан юм.
  • 2019-12-04 18:37
    Монгол Улсын Ерөнхий сайд У.Хүрэлсүх Засгийн газрын дарга Д.А.Медведевийн урилгаар Орос улсад арванхоёрдугаар сарын 3-6-ны өдрүүдэд албан айлчлал хийж байна. Айлчлалаар Ерөнхий сайд тус улсын Ерөнхийлөгч В.В.Путинд бараалхаж, Засгийн газрын дарга Д.А.Медведевтэй албан ёсны хэлэлцээ хийсэн юм. Хэлэлцээрийн үр дүн Засгийн газар болон яамд хооронд нийт 15 баримт бичгийг байгуулжээ. Монгол Улсын Ерөнхий сайдын энэхүү айлчлал нь есөн жилийн дараа ОХУ-ад хийж байгаагаараа онцлог юм.
  • 2019-12-04 12:19
    Сэлэнгэ аймгийн Ерөө сумын нутаг өвлийн цэнгэг агаар, нар гийсэн тунгалаг өглөөтэй угтав. “Баянгол” төмөр замын “Хандгайт” өртөөнд зочид гийчдийн хөл хөдөлгөөн их. Одоогоос 15 жилийн өмнө энэ нутагт төмрийн хүдрийн хайгуулын ажлыг эхлүүлж, өдгөө уурхайн цогц бүтээн байгуулалт, эрчим хүч болоод төмөр замын дэд бүтцийн хамтаар байгуулсан компани бол “Болдтөмөр Ерөө гол” юм. Тэмдэглэлт энэ ойд төмөр замын үйл ажиллагаа хариуцсан “Монголиан Транс Ложистик” компанийг үүсгэн байгуулсаны 10 жил мөн тохиож байна. Давхар ойгоо угтан шинэ бүтээн байгуулалтаар компанийн намтар түүхээ зузаатгажээ. “Баянгол” уурхайн ажилчдын хотхоныг шинэчлэн тохижуулахын сацуу төмөр замын Хөдлөх бүрэлдэхүүний засварын орчин үеийн депо байгуулж ашиглалтад орууллаа.
  • 2019-12-04 11:55
    Сүхбаатар аймгийн “Сүхбаатарын өнгө” сонины эрхлэгч Д.Улаанхүүхэн   The Mongolian Mining Journal сэтгүүлийн дэргэдэх  “Хөгжлийн төлөө сэтгүүл зүй” ТББ,  Канадын Бритиш Колумбын их сургуулийн сэтгүүл зүйн сургууль болон Global Reporting Centre-ийн дэмжлэгтэй хамтран хэрэгжүүлж буй  “ОРОН НУТАГ БА УУЛ УУРХАЙ” мэдээллийн сүлжээ төсөлд   “Сүхбаатар аймаг хариуцлагатай уул уурхайг дэмжиж ажиллана”,  “Уул уурхайн орлогоор баялгийн санг бүрдүүлэх нь зүйтэй”  зэрэг ярилцлага, сурвалжлага, бэлтгэсэн мэдээллээр  амжилттай оролцож,  бүтээлч сэтгэлгээ, ур чадвар, сэтгүүл зүйн бүтээлийн чанараараа манлайлсныг нь үнэлэн  ГРАН ПРИ-ШИЛДЭГИЙН ШИЛДЭГ БҮТЭЭЛ-ээр тодруулан өргөмжлөв.