Байгаль орчны хохиролд Вале, BHP-гээс 44 тэрбум доллар нэхэмжлэв

2016-05-05 13:50

Өнгөрсөн оны 11 дүгээр сарын 5-нд Samarco уурхайн хаягдлын далан сэтэрсний улмаас хөрсний гулгалт үүсч, 19 хүн амь үрэгдэж, хүнд метал, хорт бодисын агууламж бүхий 60 гаруй сая тонн шингэн хаягдал Доси мөрөн рүү алдагдан, улмаар Атлантын далай хүрсэн тухай хэвлэлүүдээр мэдээлсэн. Энэ нь хамгийн их хор хөнөөл учруулсан осолд тооцогдож буй учир хохирлын нөхөн төлбөрийн хэмжээ ч тэр чинээгээр өндөр байх нь тодорхой байсан.

Жилд 30 сая тонн төмрийн хүдэр олборлох хүчин чадалтай тус уурхайн эзэмшигчид болох Вале, BHP Billiton 6.2 тэрбум долларыг байгаль орчны нөхөн төлбөр болон бусад хохиролд 15 жилийн хугацаанд төлөхөөр өнгөрсөн 3 дугаар сард Бразилийн Засгийн газартай тохиролцоонд хүрсэн юм.

Гэвч Бразилийн хуульчид иргэдийнхээ эрх ашгийн үүднээс хэргийг дахин шинжилж үзэн байгаль орчны нөхөн төлбөр, хохирол амссан айл өрхүүд болон бусад торгуульд нийт 43.6 тэрбум ам.долларыг хоёр компаниас нэхэмжлэхээр шүүхэд ханджээ. Энэхүү төлбөрийн хэмжээг 2010 онд Мексикийн буланд BP газрын тосны магнатын эзэмшлийн Deepwater Horizon хэмээх газрын тосны өрөмдлөгийн тавцан дэлбэрсний улмаас олон сая баррель нефть задгай далайд алдагдаж, 11 хүн амь үрэгдсэн ослын хэрэгт үндэслэн тогтоожээ. Мексикийн булан дахь осол нь газрын тосны салбарын түүхэн дэх хамгийн том осол болсон бөгөөд торгуулийн хэмжээ урьд хожид байгаагүй өндөр хэмжээтэй болсон юм. BP нь байгаль орчны нөхөн сэргээлт, байгалийн нөөцийг сүйтгэсний төлбөр, хохирсон айл өрхийн төлбөр болон бусад торгуульд нийт 54 тэрбум доллар төлөхөөр болсон. Энэ нь тус компанийн 2012 оноос хойш хийсэн нийт цэвэр ашгийн дүнгээс ч их мөнгө юм.

Бразилийн хуульчид тус улсын ард иргэдийн хохирол, байгаль орчны сүйтгэлийн төлбөр өөр бусад улс орныхоос доогуур хэмжигдэх ёсгүй гэж үзэж буйгаа мэдэгдэлдээ дурдсан байна.

Харин BHP-гийн хэвлэлийн алба дээрхтэй холбоотой ямар нэгэн шаардлага хүлээн аваагүй бөгөөд Бразилийн эрх баригчидтай хийсэн урьдны тохиролцоо ослыг арилгах зөв арга зам гэдэгт итгэлтэй байгаагаа мэдэгджээ.

Энэхүү мэдээлэл цацагдсанаас хойш BHP, Vale-гийн хувьцаа Нью-Йоркийн бирж дээр 6.6%-иар буурчээ. Samarco уурхайг хоёр компани оны сүүлээр нээхээр найдаж байгаа юм.

 

Б.Төгс

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • Уржигдар 10 цаг 50 минутад
    Архангай аймгийн Тариат сумын Бөөрөлжүүт багийн нутаг дахь Цагаан Уулын орд газраас хүрмэн чулууг хууль бусаар олборлох, тээвэрлэхийг зургаадугаар сарын 6-ны өдрөөс эхлэн хориглосон байна. Сумын Засаг даргын зургаадугаар сарын 10-ны өдрийн А/80 дугаар бүхий захирамжийн дагуу ийнхүү хоригложээ. Дээрх шийдвэрийг Ашигт малтмалын тухай хууль, Газрын хэвлийн тухай хууль, Архангай аймгийн Мэргэжлийн хяналтын газрын Байгаль орчин, геологи уул уурхайн техникийн хяналтын улсын байцаагчийн үйл ажиллагааг зогсоох тухай 2013 оны 03/04/017/38 тоот акт, зөрчил арилгуулах тухай 2016 оны 03/05/017/135 тоот албан шаардлага, зөвлөмж, мөн МХГ-ын улсын байцаагчийн 2019 оны тавдугаар сарын 24-ны өдрийн үйл ажиллагааг зогсоох тухай 03/05/017/27 тоот актыг үндэслэн гаргасан аж.
  • 2019-06-13 14:06
    Хөвсгөл аймаг Монгол орны аялал жуулчлалын гол бүс нутаг. Аялал жуулчлалыг хөгжүүлэх зорилтын хүрээнд ИТХ-ын  хуралдаанаар 2009 онд аймгийн 50 дугаар өргөргөөс хойш газар нутгийг орон нутгийн тусгай хэрэгцээнд таван жилийн хугацаатай авсан байдаг. Энэ шийдвэрийг 2014 онд 25 жилийн хугацаагаар сунгасан юм. Үүн дээр эко системийн хувьд тухайн бүс нутагтаа чухал ач холбогдол бүхий 50 дугаар өргөрөгөөс урагш Бүрэнтогтох, Төмөрбулаг, Тосонцэнгэл, Цагаан-Уул, Цагаан-Үүр, Эрдэнэбулган зэрэг сумдын зарим газар нутгийн тодорхой хэсгүүдийг орон нутгийн хамгаалалтад авч чадсан. Энэхүү шийдвэр нь 2008 оноос эхлэн аймгийн үе үеийн удирдлагууд бодлогын түвшинд ярьж, төлөвлөж, тооцоо судалгаа гарган хэрэгжүүлж ирсний үр дүн юм. Хөвсгөлчүүд бид газар нутгаа орон нутгийн тусгай хамгаалалтад 100% авсан нь түүхэн амжилт. 
  • 2019-06-13 13:09
    “Оюутолгой” ХХК, Америкийн худалдааны танхим, Азийн сан хамтран бизнесийн ёс зүйн сургалтыг өнөөдөр “Блю Скай”-н хурлын танхимд зохион байгууллаа. Уг сургалт нь компанийн удирдлага, ажилтнуудад бизнесийн ёс зүй, авлига, ашиг сонирхлын зөрчил, холбогдох хууль, тогтоомжийн талаар мэдлэг ойлголт өгөх, компанид ёс зүйн болон авлигаас урьдчилан сэргийлэх жишиг, дүрэм, журам хэрэгжүүлэхийг санал болгоход чиглэсэн юм. 
  • 2019-06-13 13:03
    Орхон аймгийн Засаг дарга Д.Батлут, “Эрдэнэт үйлдвэр” ТӨҮГ-ын захирал Х.Бадамсүрэн нар үзэглэсэн “Хамтын ажиллагаа”-ны гэрээний хүрээнд аймгийн боловсролын салбарт 500 сая төгрөгийн хөрөнгө оруулалт 2019 онд хийнэ. Энэ дагуу Орхон аймгийн төрийн болон төрийн бус өмчийн 42 цэцэрлэгийн 272 бүлэгт “Бумбардай” номны 6 цувралыг олгож байна. Уг ажлыг “Нүүдлийн зурган өгүүлэмж” ТББ гүйцэтгэжээ. Мөн ерөнхий боловсролын16 сургуульд гурван сая төгрөгийн үнэ бүхий “LEGO” тоглоом хүлээлгэн өгөв.
  • 2019-06-13 00:00