Энэтхэгийн зээлийг төмөр замын бүтээн байгуулалтад зарцуулна

2016-04-18 13:34

The Mongolian Mining Journal /2016.3 сар №087/

2015 оны 5 дугаар сард Энэтхэгийн Ерөнхий сайд Нарендра Модигийн Монгол Улсад хийсэн албан ёсны айлчлалын үеэр Энэтхэг улсаас нэг тэрбум ам.долларын  хөнгөлөлттэй зээлийн шугам нээхээр болсон билээ. Уг зээлийн шугамыг ашиглах талаар ямар ажил хийгдэж байгааг   Гадаад хэргийн сайд Л.Пүрэвсүрэнгээс тодрууллаа.  




Э.Оджаргал


Өнгөрсөн оны 5 дугаар сард Энэтхэг улсаас Монгол улсад 1 тэрбум ам.долларын зээл олгох тухай мэдэгдсэн. Зээлийн зориулалтыг тухайн үед юу гэж тохиролцсон юм бэ?
БНЭУ-ын Ерөнхий сайд Нарендра Моди манай улсад 2015 оны 5 дугаар сард Төрийн айлчлал хийсэн. Айлчлалын үеэр хоёр улсын Ерөнхий сайд нар албан ёсны хэлэлцээр хийж, харилцаа, хамтын ажиллагааг өргөжүүлэх асуудлаар санал солилцсон юм. БНЭУ-ын Засгийн газраас Монгол Улсын хөгжилд дэд бүтцийн салбар чухал ач холбогдолтойг харгалзан эдийн засгийн өсөлтийг хангахад зориулж, 1 тэрбум ам.долларын зээлийн шугам нээхээр шийдвэрлэснийг айлчлалын үеэр Энэтхэгийн Ерөнхий сайд Н.Моди мэдэгдсэн.

Урт хугацааны хөнгөлөлттэй зээл учир зээлийг олгох нөхцөл, зарцуулалтын талаар тодорхой шаардлага Энэтхэг улсын зүгээс тавьсан уу?

Манай улс 1990 оноос хойш БНЭУ-аас 27,51 сая ам.долларын хөнгөлөлттэй зээл авсан нь нийт хөнгөлөлттэй зээлийн 1 хувийг эзэлж байна. Ерөнхий сайд Н.Моди 1 тэрбум ам.долларын хөнгөлөлттэй зээлийг манай дэд бүтцийн салбарт зориулж олгохоо мэдэгдсэн. Энэтхэгийн талаас анх Libor+1.5%, 8 жилийн хугацаанд эргэн төлөгдөх санал тавьж байсан. Энэ сарын эхээр манай ЗГХЭГ, Сангийн яам, Гадаад хэргийн яам, Зам тээврийн яам зэрэг байгууллагаас бүрдсэн Засгийн газрын төлөөлөгчид Дели хотноо ажиллаж, зээлийн нөхцөлийг хөнгөвчлөх талаар ярилцсанаар зээлийн хүүг жилийн 1,75%, хугацааг 25 жил, зээлийн үндсэн төлбөрөөс чөлөөлөгдөх хугацааг 7 жил байхаар тохиролцоод ирлээ. Одоо зээлийн ерөнхий хэлэлцээрийг ойрын хугацаанд байгуулахаар ажиллаж байна. Энэхүү зээлийг бүхэлд нь дэд бүтцийн салбар, тодруулбал төмөр замын бүтээн байгуулалтад зарцуулахаар төлөвлөж байгаа юм.

Тус зээлийг олгох тодорхой хугацааг тохирсон болов уу?
Дээр дурдсанчлан ойрын хугацаанд Зээлийн ерөнхий хэлэлцээр байгуулж, дараагийн алхмуудыг хийх шаардлагатай.  

2016 онд Монгол улсад орж ирэх тодорхой зээл тусламж байгаа  юу?
Энэтхэгийн хөнгөлттэй зээлээс гадна БНХАУ-ын “Эксим” банкны 1 тэрбум ам.долларын зээлийн асуудал яригдаж байна. Азийн хөгжлийн банк, Дэлхийн банк зэрэг олон улсын банк, санхүүгийн байгууллагаас хөнгөлөлттэй зээл авах асуудал нээлттэй. Монгол Улсын Өрийн удирдлагын тухай хуулийн дагуу үүнийг зохицуулдаг.


Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 12 цаг 46 минутад
    “Монгол Нүүрс ассоциаци” дэлхий дахинд тархаад буй коронавирусын улмаас Монголын зогсонги байдалд ороод буй коксжих нүүрсний экспортын цаашдын төлөв, Хятадын нүүрсний импортын төлөв байдлыг хэлэлцэхээр олборлогч болон худалдан авагчдын төлөөллийг оролцуулсан онлайн хурал (2020.03.26) зохион байгууллаа. Уг хуралд Монголын талаас Уул уурхай, хүнд үйлдвэрийн яам, Ашигт малтмал, газрын тосны газар, Зам, тээврийн хөгжлийн яам, Монгол Нүүрс ассоциаци, дотоодын нүүрс олборлогч компаниудын төлөөлөл, Хятадын талаас импортлогч компаниуд, нүүрсний мэргэжлийн холбоодын төлөөлөл оролцсон юм. Хурлын үеэр цаашид Монголын нүүрсийг импортлох хэрэгцээ Хятадын талд их байгаа ч шинэ коронавирусын дэгдэлтээс нөхцөл байдал шууд хамаарахыг тус улсын худалдан авагч  компаниудын төлөөлөл ярьж байна.
  • 2020-03-25 14:08
    Монгол Улсад Үндэсний Геологийн Алба байгуулах хууль эрх зүйн орчин бүрдэж, хууль тогтоох байгууллагын зүгээс ч тодорхой шийдвэр гарлаа. Энэ талаар Уул уурхай, хүнд үйлдвэрийн яамны Геологи, уул уурхайн бодлогын хэрэгжилтийг зохицуулах газрын дарга Б.Мөнхтөртэй ММJ-ийн сэтгүүлч Г.Идэрхангай ярилцлаа.    Үндэсний геологийн албыг байгуулах УИХ-ын тогтоол батлагдлаа. Олон жил яригдсан ч бодит ажил хэрэг болж чадахгүй байсан асуудал нэг тийшээ шийдэгдэж байна. Уг албыг байгуулахын гол ач холбогдол нь юу вэ?  Үндэсний геологийн албыг байгуулж, түүний бүтэц зохион байгуулалтыг бий болгох асуудал бараг 30 жил яригдсан.
  • 2020-03-23 13:11
    Монголын нүүрс экспортын гол суваг Гашуунсухайт боомтоор нүүрсний экспорт өнөөдрөөс албан ёсоор эхэлж байна. Тус боомтоор хоёрдугаар сарын 10-наас хойш буюу сар хагасын хугацаанд нүүрсний экспорт тасалдсан юм. Эхний ээлжинд Гашуунсухайт боомтоор өдөрт 70 машин гаргахаар төлөвлөжээ. Нүүрсний экспортыг гагцхүү чингэлэг тээврээр хийхдээ нэг машинд дунджаар 80 тонн нүүрс ачна гэдгийг Гашуунсухайт боомтын газар мэдээллээ. Чингэлэг тээврээр нүүрсний экспорт хийхдээ жолооч машинаас бууж, суух шаардлагагүй төдийгүй Хятадын талд нүүрстэй чингэлгийг хоосон чингэлгээр шууд солих юм. Ингэснээр ариутгал, халдваргүйжүүлэлтийг чанд горимыг сахиж тухайн машин хилээр гарсан өдөртөө буцаж орж ирнэ.
  • 2020-03-23 12:03
    Уул уурхай, хүнд үйлдвэрийн яам салбарын 2020 оны хоёрдугаар сарын гүйцэтгэлийн талаарх статистик мэдээллийг олон нийтэд танилцууллаа.  Монгол Улсын нэгдсэн төсвийн орлого 2020 оны эхний хоёр сарын гүйцэтгэлээр 1.46 их наяд төгрөг болж, өнгөрсөн оны мөн үеэс 173.7 тэрбум төгрөг буюу 10.6%-иар буурсан байна. Үүнээс, эрдэс баялгийн салбараас төсөвт төвлөрүүлсэн орлого 347.3 тэрбум төгрөг болж, өнгөрсөн оны мөн үеэс 170.4 тэрбум төгрөг буюу 32.9%-иар буурлаа.
  • 2020-03-20 16:30
    Үндэсний статистикийн хорооны мэдээлснээр, гуравдугаар сарын дунд үеийн байдлаар манай улсын гадаад худалдааны нийт бараа эргэлт 1.8 тэрбум ам.долларт хүрч өмнөх оны мөн үеийнхээс 29.3%-иар буурчээ. Энэ дотроо экспорт 898.8 сая ам.доллар, импорт 918.7 сая ам.долларыг эзэлсэн нь экспорт 44.2%, импорт 11.4%-иар тус тус буурсныг илтгэнэ. Монголын гадаад худалдаа оны эхний хоёр сард багахан ашигтай гарсаар ирсэн ч гуравдугаар сарын дунд үеийн байдлаар 19.9 сая ам.долларын алдагдалтай болж эхэлснийг статистик тоон үзүүлэлтээс харж байна.