ОУСК: Өмнийн говийн усны менежментийг сайжруулна

2016-02-04 15:12

Өмнийн говийн бүс нутагт уул уурхайн үйл ажиллагаа явуулж буй голлох компаниудын төлөөлөл өнөөдөр усны менежментийн үйл ажиллагааны сайн дурын кодекст гарын үсэг зурлаа. Нийт зургаан зарчим бүхий энэхүү сайн дурын кодекс нь тус бүс нутагт үйл ажиллагаа явуулж байгаа уул уурхайн компаниудын усны менежментийг бий болгоход дэмжлэг үзүүлэх зорилготой бөгөөд Олон улсын санхүүгийн корпораци (ОУСК) санаачлан хэрэгжүүлж буй юм. Кодексын зарчимд Хариуцлагатай ил тод байх; Үндэсний хууль тогтоомж болон олон улсын стандартад нийцэж ажиллах; Санаачилгатай харилцаж, оролцоог хангах; Усны нөөцийн үр дүнтэй менежмент ба хамгаалал; Эерэг нөлөөллийг бий болгох; Орон нутгийн усны дэд бүтэц ба холбогдох үйлчилгээг дэмжих гэсэн хэсгүүд оржээ.

Говийн бүсэд уул уурхайн томоохон төслүүд ажиллах урт хугацааны төлөв буй ч эсрэгээр усны урт хугацааны менежмент дутмаг байгаа нь уул уурхайн хөгжлийг саатуулж улмаар Монголын төлөвлөсөн ирээдүйн өсөлтөд ихээхэн саад болох эрсдэлтэй байна. Иймд хайгуул, олборлолтын компаниуд усыг дундын баялаг байдлаар хамтран зохицуулах шаардлагатайг сайтар ойлгожээ.

Уг кодекс амжилттай хэрэгжсэнээр усыг байгальд ээлтэйн сацуу эдийн засгийн үр ашигтайгаар ашиглах боломж бүрдэхэд дөхөм болно гэж ОУСК үзэж буй юм.

Сүүлийн жил хагасын хугацаанд өмнийн говийн нийт 13 голлох компанийн төлөөлөл зөвшилцсөний үндсэн дээр ОУСК олон улсын шилдэг туршлагад тулгуурлан Монголын нөхцөлд нийцүүлсэн байдлаар энэхүү сайн дурын кодексыг боловсруулжээ. Кодекст “Эрдэнэс Монгол”, “Оюутолгой”, “Энержи Ресурс”, “Эрдэнэс Тавантолгой”, “Эрдэнэ Монгол”, “Саусгоби Сэндс”, “Терра Энержи”, “Гоби Коал энд Энержи” зэрэг компанийн төлөөлөл гарын үсэг зурсан юм.

Усны менежментийн кодекс нь компанийн хариуцлагын маш тод жишээ бөгөөд Монгол улсын говийн бүс нутгийн иргэдийн усны хэрэгцээ болон уул уурхайн салбарын хөгжлийг харилцан тэнцвэржүүлэхэд зайлшгүй хэрэгтэй юм гэж компаниудын төлөөлөл хэллээ.

ОУСК-ийн Монгол дахь суурин төлөөлөгч Туен Нгуен кодекст гарын үсэг зурах ёслолын үеэр Монголын хувьд ус бол хамтын удирдлага, зохицуулалт шаардсан дундын нөөц болохыг тодотгон хэлэв.

Кодексыг хэрэгжүүлснээр компаниуд усны мониторингийн ажлыг илүү өндөр түвшинд жигд хийж эхлэх үүрэгтэйн сацуу энэ ажлыг орон нутгийн оролцогч талуудын хамтаар биелүүлэх юм. Үүний хажуугаар малчдад хүнд хэцүү цагт туслалцаа дэмжлэг өгөх үүрэг ч багтжээ. Түүнчлэн кодексын хүрээнд цаашид усны зарцуулалт, усны мониторингийн үр дүнг олон нийтэд хүртээмжтэй байдлаар танилцуулах төлөвлөгөөтэй байна.

Уг төслийг Канадын Засгийн газар, 2030 Усны нөөцийн бүлэг, Австралийн олон улсын хөгжлийн агентлаг, Европын сэргээн босголт хөгжлийн банк, Уул уурхай, төмөрлөгийн олон улсын зөвлөл зэрэг байгууллага дэмжин ажиллажээ.


Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 14 цаг 27 минутад
    Монгол Улсад газрын тосны салбар үүсч хөгжсөний 80 жил, газрын тосны инженер бэлтгэж эхэлсний 25 жилийн ой энэ жил тохиож байна. Уг ойг угтан  салбарын яам Ажлын хэсэг байгуулан ажиллаж эхлээд байгаа бөгөөд тодорхой ажлуудыг хийхээр төлөвлөжээ. Хэдхэн хоногийн өмнө   салбарын яамны зүгээс газрын тосны ашиглалт, олборлолт, экспортын үйл ажиллагаа эрхэлдэг шилдэг компаниудыг тодруулан өргөмжилсөн. Тэгвэл энэ сарын 21-нд ШУТИС-ийн Геологи, уул уурхайн сургуулиас “Газрын тос 2020” эрдэм шинжилгээ, онол практикийн XXVI хурлыг зохион байгуулахаар болжээ.
  • Уржигдар 11 цаг 38 минутад
    Дэлхий дахины амьдралын хэмнэл орвонгоороо өөрчлөгдөж, хүн төрөлхтний хөгжил олон сорилттой тулгарсан  2020 он улирч байна. Ирээдүйд асар их үр дагавар дагуулах олон үйл явдлын эхлэл тавигдсан энэ оныг  халдварт вирусын хамт дэлхий нийт угтсан юм. Коронавирус  дэгдсэнээр  улс орнууд хорио цээрийн дэглэмд  шилжиж, эдийн засаг, худалдаа үйлдвэрлэл, аялал жуулчлал, ложистик, зар сурталчилгаа, спорт, соёл урлагийн гээд бүхий л салбар асар их алдагдал хүлээж байна.  Сорилт, бэрхшээл Монголыг ч тойроогүй. Цар тахлын бодит аюултай нүүр тулсан улс орнуудын иргэдээ хамгаалсан, эдийн засгаа идэвхжүүлсэн туршлага бүр Монгол Улсыг алдаа гаргахаас сэргийлж, оновчтой бодлого хэрэгжүүлэх зүг чиг болох учиртай.
  • 2021-01-15 19:10
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • 2021-01-14 18:32
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • 2021-01-14 18:17
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.