Засгийн газраас чиглэл авсны дараа Тусгай зөвшөөрлийн өргөдөл хүлээн авах ажлыг эхлүүлнэ

2016-02-02 10:50


Ашигт малтмалын газрын даргын үүргийг түр орлон гүйцэтгэгч Д.Үүрийнтуяагаас  хайгуулын тусгай зөвшөөрөл тойрсон асуудлууд болон Канадын Торонто хотноо болох дэлхийн уул уурхайн салбарынхны томоохон цугларалт болох PDAC хуралд Монголын уул уурхайн салбар ямар түвшинд оролцох талаар тодрууллаа.




Хайгуулын тусгай зөвшөөрлийг сонгон шалгаруулалтын журмаар, өргөдлөөр олгож эхэлснээс хойш өнөөдрийг хүртэл яг хэдэн тусгай зөвшөөрөл олгогдоод байна вэ?
Хайгуулын тусгай зөвшөөрлийг 2015 оны нэгдүгээр сарын 26-ны өдрөөс өргөдлийн журмаар олгож эхэлсэн. Түүнээс хойш 850 хайгуулын тусгай зөвшөөрлийг шийдвэрлээд байна. Харин сонгон шалгаруулалтын журмын дагуу есөн удаагийн сонгон шалгаруулалт амжилттай зохион байгуулж, 44 талбайд хайгуулын тусгай зөвшөөрөл олгосон.

Өнгөрсөн жил олгогдсон хайгуулын тусгай зөвшөөрлөөс хамгийн олон болон хамгийн цөөхөн олгогдсон нь ямар аймаг, сум байгаа вэ?
Өнөөдрийн байдлаар нийт олгогдсон тусгай зөвшөөрлөөс Увс аймагт хамгийн их буюу 165, Говь-Алтай аймагт 108 тусгай зөвшөөрөл олгоод байна. Говьсүмбэр аймагт 1, Сүхбаатар аймагт 2 тусгай зөвшөөрөл олгосон нь хамгийн бага тусгай зөвшөөрөлтэйд орж байна. Гэхдээ шийдвэрлэх шатандаа хүлээгдэж байгаа нэлээд хүсэлт байгаа. Эцсийн байдлаар шийдсэний дараа тоо илүү тодорхой болно.

Цаашид хайгуулын тусгай зөвшөөрөл олгох сонгон шалгаруулалтыг яаж явуулах вэ? Хэдий хэмжээний тусгай зөвшөөрлийн талбай зарлах бол?      
Засгийн газрын 2015 оны 511 дүгээр тогтоолоор төрөөс тогтоосон хайгуулын тусгай зөвшөөрөл олгох талбайн солбицолд өөрчлөлт орсон. 2016 онд сонгон шалгаруулалтаар хайгуулын тусгай зөвшөөрөл олгох үйл ажиллагаа үргэлжилнэ. Хайгуулын тусгай зөвшөөрөл олгох сонгон шалгаруулалтыг сард хоёр удаа зохион байгуулахаар төлөвлөн ажиллаж байна. Шинээр батлагдсан сонгон шалгаруулалтын талбай 1.55 сая га байгаа. Тусгай зөвшөөрлийн тоог одоогоор яг таг хэлэх боломжгүй.

Хайгуулын тусгай зөвшөөрөл хүссэн өргөдөл хүлээн авах ажиллагааг 2015 оны арванхоёрдугаар сарын 24-нөөс түр хугацаагаар зогсоосон. Хэзээ дахин эхлүүлэх вэ?
Засгийн газрын 2014 оны долдугаар сарын 28-ны өдрийн Хайгуулын тусгай зөвшөөрөл олгох талбайн солбицлыг тогтоох тухай 239 дүгээр тогтоолд өөрчлөлт оруулан тусгай зөвшөөрөл олгох талбайн солбицлыг шинээр нэмж тогтоох ажил хийгдэж байгаа.

Иймд хайгуулын тусгай зөвшөөрөл хүссэн өргөдөл хүлээн авах ажиллагааг түр хугацаагаар зогсоосон. Энэ өөрчлөлтийн хүрээнд Байгалийн нөөцийн үндэсний парк байгуулахаар төлөвлөсөн, Экологийн чухал ач холбогдол бүхий газар нутаг, орон нутгийн тусгай хэрэгцээнд авсан болон Улсын тусгай хамгаалалтад шинээр авахаар төлөвлөж буй талбайнуудыг хасч байгаа юм.

Тусгай зөвшөөрлийн өргөдөл хүлээн авах ажлыг удахгүй эхлүүлэх төлөвлөгөөтэй байна. Үүнээс өмнө 2015 онд хайгуулын тусгай зөвшөөрлийг өргөдлөөр авахаар ирүүлсэн аж ахуйн нэгжүүдийн хүсэлтийг эцэслэн шийдвэрлэх, тулгарч буй хүндрэл бэрхшээлийг  Засгийн газарт танилцуулан чиглэл авсны дараагаар эхлүүлэх болно.

Ашигт малтмалын тусгай зөвшөөрөл олгоход орон нутгийн ард иргэдийн саналыг бодитой тусгадаггүй гэсэн мэдээлэл байна?
Ашигт малтмалын тухай хуулийн дагуу Ашигт малтмалын газар тухайн аймгийн Засаг даргын саналын дагуу л тусгай зөвшөөрлийг олгож байгаа.     

2016 оны гуравдугаар сарын 6-9-ний өдрүүдэд Канадын Торонто хотноо болох олон улсын геологи, уул уурхайн хөрөнгө оруулагчдын PDAC чуулганд Монголын уул уурхайн салбарын төлөөллүүд ямар хөтөлбөртэй оролцох гэж байна вэ? Энэ жилийн хурлын онцлог юу вэ?
“PDAC 2016” үзэсгэлэн, чуулга уулзалтад Уул уурхайн яам, Ашигт малтмалын газар, Хөрөнгө оруулалтын газар, “Эрдэнэс Монгол” ХХК хамтран оролцоно. Бид жил болгон энэ чуулганд оролцож ирлээ. Энэ удаад Монгол улсын уул уурхайн салбар дахь хуулийн шинэчлэл  болон хөрөнгө оруулалтын орчны таатай нөхцөл бүрдсэнийг олон улсын хөрөнгө оруулагчдад таниулан сурталчилна.

Үүнээс гадна хөрөнгө оруулалт болон хамтрагч хайж байгаа аж ахуйн нэгжүүдийн төлөөлөл өөрсдийн төсөл, үйл ажиллагааг танилцуулах өргөн боломж нээлттэй байгааг харуулах зорилгоор PDAC чуулганд Монголын томоохон аж ахуйн нэгжүүд, мэргэжлийн холбоодыг өргөнөөр оролцуулахаар ажиллаж байна.

PDAC чуулганд оролцох үеэрээ хайгуулын тусгай зөвшөөрлийг сонгон шалгаруулалтаар болон талбайн мэдээллийг өргөдлөөр олгож байгаа үйл явц, талбайн мэдээллийг тайлбарлан таниулах, сонгон шалгаруулалтаар зарлагдсан талбайд оролцох хүсэлтэй компаниудын материалыг хүлээж авах ажиллагаа зохион байгуулахаар ажиллаж байна.

The Mongolian Mining Journal. 2016.001 /086

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 10 цаг 42 минутад
    Гадаад харилцааны сайд Д.Цогтбаатар, Зам тээврийн хөгжлийн сайд Б.Энх-Амгалан нар (2020.04.01) БНХАУ-аас суугаа Элчин сайд Чай Вэньруйг хүлээн авч уулзжээ. Уулзалтын эхэнд сайд нар шинэ коронавирусын тархалтыг хязгаарлах чиглэлээр хоёр улсын Засгийн газраас авч хэрэгжүүлж байгаа арга хэмжээнүүдийн талаар харилцан мэдээлэл солилцов.  Мөн “Covid-19” мэт цар тахлын үед улс орнууд шуурхай хамтран ажиллах нөхцөлийг бүрдүүлэх зорилготой бүс нутгийн хэмжээний механизм байгуулах санаачилгыг хоёр тал хамтран урагшлуулах талаар ч санал солилцсон байна.  Шинэ төрлийн вирусийн тархалтын улмаас Монгол, Хятадын худалдаа, эдийн засгийн хамтын ажиллагаанд тулгарч буй сөрөг нөлөөг бууруулах үүднээс хоёр тал илүү идэвхтэй хамтран ажиллах шаардлагатай гэж талууд үзжээ.
  • 2020-04-01 10:17
    Монгол Улсын Ерөнхийлөгч Х.Баттулга, УИХ-ын гишүүн, Зам, тээврийн хөгжлийн сайд Б.Энх-Амгалан, УИХ-ын гишүүн, УУХҮ-ийн сайд Д.Сумъяабазар нар өнгөрөгч амралтын өдрүүдэд холбогдох албаны хүмүүсийн хамт Дорноговь, Өмнөговь аймгуудад ажиллаж, үндэсний их бүтээн байгуулалт Тавантолгой-Зүүнбаян чиглэлийн 414.6 километр төмөр замын трассын дагуу барилгын ажлын явцтай танилцан, үүрэг чиглэл өглөө.
  • 2020-03-31 14:50
    Дараалсан сонгууль  болон улс төрийн зорилго агуулсан шийдвэрүүдээ Засгийн газар үргэлжлүүлэх боломжгүй болсныг эдийн засгийн гинжин хямрал  харуулж байна. Эдийн засгийн шинэ сорилтын эсрэг төр засгаас оновчтой эрэмбэлсэн, өргөн цар хүрээтэй, ард иргэддээ хүрсэн бодлогыг хурдтай хэрэгжүүлэхийг энэ цаг үе тулгаж байна.   Улс орнуудыг дамнасан гинжин эдийн засгийн хямралын эхний чичиргээ Монголын эдийн засагт мэдрэгдэж эхэлснийг нэгдүгээр улирлын урьдчилсан  үзүүлэлт харуулж байна. Эрчээрээ эхний хоёр сар ялимгүй өссөн гадаад худалдааны үзүүлэлт гуравдугаар сарын дундаас уруудав. Дотоодод доллар оруулдаг экспорт  44.2%-иар буурчээ. Үүнд шууд нөлөөлсөн эрдсийн экспорт, тэр дундаа нүүрсний нийлүүлэлт хоёр сар тэг зогсолт хийж энэ оны төсөвт төлөвлөсөн 42 сая тоннд хүрэх магадлал бага боллоо. Нүүрсний нийлүүлэлт буурснаар экспортын тэргүүлэгч эрдсээр зэс тодроод байна. Хэдийгээр Оюутолгойн зэсийн баяжмалын тээвэр тасралтгүй үргэлжилж байгаа ч  экспорт 13%-иар буурчээ.
  • 2020-03-30 14:43
    Улсын Онцгой Комиссын (УОК) шийдвэрээр өнөөдөр (2020.03.30) Шивээхүрэн боомтоор онцгой горимоор нарийн зохион байгуулалт дор нүүрс тээврийг явуулж эхэллээ. “Нүүрс тээврийн жолооч Хятадад хоноглохгүй, ямар нэгэн харилцаа үүсгэхгүйгээр тээврийн үйл ажиллагаа явагдана. Эхний ээлжинд өдөрт 130-150 тээврийн хэрэгсэл нэвтрүүлж гаргахаа холбогдох байгууллагууд бэлтгэл ажлыг хангалаа” хэмээн Өмнөговь аймгийн Онцгой байдлын газрын удирдлагууд мэдэгдэв.
  • 2020-03-27 12:46
    “Монгол Нүүрс ассоциаци” дэлхий дахинд тархаад буй коронавирусын улмаас Монголын зогсонги байдалд ороод буй коксжих нүүрсний экспортын цаашдын төлөв, Хятадын нүүрсний импортын төлөв байдлыг хэлэлцэхээр олборлогч болон худалдан авагчдын төлөөллийг оролцуулсан онлайн хурал (2020.03.26) зохион байгууллаа. Уг хуралд Монголын талаас Уул уурхай, хүнд үйлдвэрийн яам, Ашигт малтмал, газрын тосны газар, Зам, тээврийн хөгжлийн яам, Монгол Нүүрс ассоциаци, дотоодын нүүрс олборлогч компаниудын төлөөлөл, Хятадын талаас импортлогч компаниуд, нүүрсний мэргэжлийн холбоодын төлөөлөл оролцсон юм. Хурлын үеэр цаашид Монголын нүүрсийг импортлох хэрэгцээ Хятадын талд их байгаа ч шинэ коронавирусын дэгдэлтээс нөхцөл байдал шууд хамаарахыг тус улсын худалдан авагч  компаниудын төлөөлөл ярьж байна.