“Оюутолгой” шилдэг ханган нийлүүлэгчдээ тодруулав

2016-01-27 11:10




“Оюутолгой” компанийн шилдэг ханган нийлүүлэгчдийг тодруулах  “Эрдэнийн говь” ёслол 1 дүгээр сарын 21-нд Ханбогд суманд болов. 5 дахь жилдээ болж буй уг арга хэмжээ анх удаа орон нутагт, Ханбогд суманд болж байгаагаараа онцлог. Ёслолд Уул уурхайн яамны Төрийн нарийн бичгийн дарга Д.Артаг, Өмнөговь аймгийн ИТХ-ын дарга Батчулуун болон “Эрдэнэс Оюутолгой”, “Оюутолгой” компанийн удирдлагууд оролцсон юм.

2015 онд тус компани ханган нийлүүлэлтийн бодлогодоо үндэсний компаниуд, тэр дундаа Өмнөговь аймгийн компаниудаас худалдан авалт түлхүү хийхийг зорьсон нь бодит биеллээ олжээ. Нийт 989 ханган нийлүүлэгч компанитай хамтран ажилласнаас 60% буюу 633 нь үндэсний компани, 10 төгрөг тутмын 8 төгрөгийг дотоодын худалдан авалтад зарцуулсан нь үүний тод жишээ болж байгаа аж.

Мөн Өмнөговь аймгийн компаниудын худалдан авалт 2010 онд 0.5 сая ам.доллар байсан бол өнгөрсөн онд 66 сая доллар болж, 5 жилийн хугацаанд 130 дахин өссөн байна. Энэ нь Өмнөговь аймгийн төдийгүй Монгол улсын эдийн засагт багагүй дэмжлэг болж байгааг компанийн удирдлагууд онцолж байв.

“Оюутолгой” компанийн ТУЗ-ийн дарга Г.Батсүх “2016 он нэн хариуцлагатай жил болно. Монголын хамгийн том далд уурхайг та бид хамтран бүтээн байгуулах болно. Дуугарвал дуу нэг, дугтарвал хүч нэг байж ханган нийлүүлэгч компаниудтайгаа гүний уурхайн бүтээн байгуулалтад хамтран ажиллахад нэн таатай байна” хэмээн арга хэмжээг нээж хэлсэн үгэндээ онцолсон нь ханган нийлүүлэгч компаниудад эрч хүч, урам зориг өгсөн юм.

“Эрдэнийн говь” шагналыг 5 номинациар шалгаруулсан. Аюулгүй ажиллагааг эрхэмлэгч шилдэг ханган нийлүүлэгчээр “Эн Би Ай Кэй” ХХК, үндэсний шилдэг ханган нийлүүлэгчээр “Минерал Бэйг” ХХК, нийлүүлэлтийн гүйцэтгэлтэй шилдэг ханган нийлүүлэгчээр “Мэргэн чадвар” ХХК, Өмнөговийн шилдэг ханган нийлүүлэгчээр “Ханбогд хурд” ХХК хоёр дахь жилдээ дараалан, Шилдгийн шилдэг ханган нийлүүлэгчээр “Максам эксплосивс” ХХК тус тус шалгарав.
    

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-11-27 12:23
    Орд, уурхай бүрийн нүүрсний шинж чанар   харилцан адилгүй бөгөөд нүүрс баяжуулах үйлдвэрийг байгуулахад технологийн сонголт хамгийн чухал. Тэр дундаа ус зарцуулалт багатай технологийг нэвтрүүлэх нь манай улсад нэн ач холбогдолтой. Манай уул уурхайн салбарт нүүрс баяжуулах 30 орчим үйлдвэр үйл ажиллагаа явуулж байна. Үүнээс 20 орчим нь нойтон аргаар, үлдсэн нь хуурай аргаар баяжуулах технологитой.  “Эрдэнэс Тавантолгой” компани жилдээ 20 сая тонн нүүрс боловсруулах хүчин чадалтай баяжуулах үйлдвэрийн төслийг ТЭЗҮ-дээ тусгажээ. Тус үйлдвэр нүүрс хүлээн авах, бутлах, баяжуулах, усгүйжүүлэх, эргэлтийн ус хангамж болон хаягдлын аж ахуй зэрэг хэсгүүдээс бүрдэх юм. 
  • 2020-11-24 15:46
    Ковид-19 цар тахлын шинээр үүссэн нөхцөл байдалтай холбогдуулан УУХҮ-ийн сайд Г.Ёндон уул уурхайн бүтээгдэхүүн экспортлогч компаниудын төлөөлөл, газрын тосны бүтээгдэхүүний худалдаа эрхлэгч, аж ахуйн нэгжүүдтэй зургаан удаагийн шуурхай цахим хуралдааныг хийсэн. Уг хурлаар аж ахуйн нэгжүүдэд тулгарч буй хүндрэл, бэрхшээлийг сонсож, асуудлыг шийдвэрлэх арга замын талаар санал солилцож, албан даалгавар зөвлөмжийг өгсөн. Уул уурхайн компаниудын зүгээс үйл ажиллагаа хэвийн үргэлжилж байгаа, шатахуун, түлш, хүнсний нөөц хангалттай хэмжээнд байгаа боловч хөл хориотой холбоотойгоор компаниудын үйл ажиллагаа хаагдсан учир сэлбэг хэрэгсэл, тоног төхөөрөмж татан авах асуудал хүндэрч болзошгүйг илэрхийлсэн.
  • 2020-11-24 15:31
    УОК-ийн даргын арваннэгдүгээр сарын 21-ний өдрийн 30 дугаар тушаалын дагуу Өмнөговь аймгийн Оюутолгой, Тавантолгой, Нарийнсухайтын ордод үйл ажиллагаа явуулж буй уул уурхайн компаниуд болон Гашуунсухайт, Шивээхүрэнгийн боомт, хилийн хяналтын бүсэд ажиллаж буй иргэдийг цар тахлаас урьдчилан сэргийлэх, компаниудын хэвийн үйл ажиллагааг хангах, шаардлагатай арга хэмжээг тодорхойлж нэгдсэн удирдлагаар хангах зорилгоор Уул уурхай, хүнд үйлдвэрийн дэд сайдаар ахлуулсан ажлын хэсэг Гашуунсухайт боомтод ажиллаж байна. 
  • 2020-11-24 15:22
    Гашуунсухайт дахь Гаалийн газрын мэдээлснээр, одоогоор Хятадын тал Монголын нүүрсийг өдрийн гурван цаг хүртэл нэвтрүүлж байгаа ажээ. Өнгөрсөн бямба гаригт (2020.11.21) ердөө 20 машин хилээр нэвтэрч байсан бол өнөөдрийн байдлаар 300 нүүрсний машин хилээр нэвтэрсэн байна. Энэ нь өчигдөр 211 машин Гашуунсухайт боомтын хилээр нэвтэрсэнтэй харьцуулахад өссөн дүн юм. Ийнхүү нүүрсний тээврийн жолооч нар шинжилгээнд хамрагдаж, тэр хэрээр нэвтрэлт шат дараатайгаар нэмэгдэх төлөвтэй байна. Гэвч нүүрс тээврийн жолооч нар Хятадын талд хонох боломжгүй болсон учир Гашуунсухайт боомтоор өдөрт нэвтрэх машины тоо дээд тал нь 500 хүрэх боломжтой ажээ.
  • 2020-11-23 15:42
    Монголбанкны Мөнгөний бодлогын хороо КОВИД-19 цар тахал дотоодод тархаж, бүх нийтийн бэлэн байдлын зэрэгт шилжиж хөл хорио тогтоосонтой холбоотойгоор 2020 оны арваннэгдүгээр сарын 23-ны өдөр ээлжит бусаар хуралдлаа. Улмаар бодлогын хүүг 2 нэгж хувиар бууруулж 6%-д хүргэх; банкны тѳгрѳгийн заавал байлгах нѳѳцийн хувь хэмжээг 2.5 нэгж хувиар бууруулж 6%-д тогтоох; эргэн тѳлѳлт нь доголдсон хэрэглээний зээлд бүтцийн ѳѳрчлѳлт хийж, хугацааг сунгах арга хэмжээг 2021 оны долдугаар сарын 1-ний өдрийг хүртэл үргэлжлүүлэн хэрэгжүүлэх; жижиг, дунд үйлдвэрлэл, уул уурхайн бус экспортыг дэмжихэд зориулсан урт хугацаат дахин санхүүжилтийн хэрэгслийг нэвтрүүлэх зэрэг багц шийдвэрийг гаргалаа.