Зэсийн үнэ 4400 ам.доллар руу буув

2016-01-12 11:56

Хятадын эдийн засгийн таагүй мэдээллүүдээс үүдэн он гармагц хувьцааны индексүүд ар араасаа уналттай гарсан нь эрдсийн захыг “зүгээр” байлгахгүй байна. Өчигдрийн байдлаар Лондоны металын бирж дээр зэсийн үнэ ганцхан өдрийн дотор 1.6%-иар буурч гурван сарын гэрээт үнэ нь 4406 ам.доллар/тонн, шууд худалдааны үнэ нь 4402.5 ам.доллар/тонн болж, 2009 оны тавдугаар сараас хойшхи хамгийн бага дүнд хүрч буурчээ.

Үнэ ийнхүү буурмагц зэсийн гол томоохон компаниудын хувьцааны ханш ч огцом “урууджээ”. Тухайлбал Индонезийн Грасбэрг зэсийн үлэмж уурхайд үйл ажиллагаа явуулж буй АНУ-ын Аризонад төвтэй Freeport McMoran компанийн хувьцаа өчигдөр Нью-Йоркийн бирж дээр ганц өдөрт 20%-иар буурсан нь тус компанийн хувьцааны ханшийн хувьд 2008 оноос хойшхи хугацаан дахь хамгийн огцом уналтад тооцогдож байна.

Монголын “Оюутолгой” төслийн 66%-ийг эзэмшдэг “Туркойз Хилл” компанийн хувьцаа өчигдөр Нью-Йоркийн бирж дээр 8.6%-иар үнэлгээ нь буурчээ. Харин “Рио Тинто”, BHP Billiton зэрэг компанийн хувьцаа 2.5%-иар үнэлгээ нь тус тус багассан байна.

Ийнхүү зэсийн үнэ өчигдөр 6 жил хагасын хугацаан дахь доод ханшид хүрч хямдарсан бол бусад аж үйлдвэрийн метал болох хөнгөн цагаан, цайр, хар тугалга, цагаан тугалга, никель бүгд 1-2.2%-иар үнэ нь танагджээ.

Хятадын аж үйлдвэрлэл, үйлчилгээний салбарын үзүүлэлт муу гарч буй нь цаашид энэхүү эрдсийн түүхий эдийн хамгийн том хэрэглэгчийн эрдэс түүхий эдийн хэрэглээний “дуршил” буурч болзошгүй гэсэн дохиог зах зээлд аль хэдийнэ өгч орхиод байна. Өнгөрсөн долоо хоногт 10%-иар буучихаад байгаа Хятадын CSI 300 индекс өчигдөр 5 хувиар буурч, өмнөх есдүгээр сараас хойшхи хамгийн бага түвшинд очжээ.

 

Б.Төгс
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 4 цаг 26 минутын өмнө
    Олборлох үйлдвэрийн ил тод байдлын санаачилга гэдэг нь байгалийн баялгаас олж байгаа орлогыг олон нийтэд ил тод болгох, түүнийг нийтийн сайн сайхны төлөө зөв захиран зарцуулахад оролцогч талуудын хариуцлагыг өндөржүүлэх, сайн засаглалыг бэхжүүлэхэд төр хувийн хэвшил, иргэний нийгмийн тэгш оролцоо бүхий дэлхий нийтийн түншлэл юм. Уг санаачилгыг олон улсад 2003 оноос эхлэн хэрэгжүүлсэн бөгөөд одоогоор 55 улс нэгдээд байгаа юм. Монгол Улсын хувьд уг санаачилгад 2006 онд нэгдсэн бөгөөд шаардлагыг хангасан 9 орны тоонд багтдаг ажээ.
  • Өчигдөр 14 цаг 17 минутад
    Нүүрс олборлолт, борлуулалт, экспортын үйл ажиллагаа явуулдаг аж ахуйн нэгжүүд оролцсон “Жишиг үнэ ба АМНАТ” хэлэлцүүлэг өнөөдөр  /2021.10.25/ боллоо. Хэлэлцүүлэгт оролцогчид Сангийн яам нь сар бүр нүүрсний зах зээлийн жишиг үнийг тогтоохдоо, бодит бус, хөөсөрсөн үнэ тогтоож байна гэж үзээд, тус яаманд шаардлага хүргүүлэхээр боллоо. Тодруулбал, АМНАТ (Ашигт малтмалын нөөц ашигласны төлбөр)-ийг  2021 оны долдугаар сараас эхлэн зөвхөн жишиг үнээр тооцдог болсон бөгөөд энэ нь үндэслэлгүйгээр татвар төлөхөд хүргэж, татварын дарамтад оруулж, цаашлаад аж ахуйн нэгжүүд үйл ажиллагаагаа зогсооход хүргээд байна гэж уул уурхайн бүтээгдэхүүн тэр дундаа нүүрс олборлолт, борлуулалт, экспортын үйл ажиллагаа явуулдаг аж ахуйн нэгжүүд үзэж байгаа аж.   
  • 2021-10-22 15:49
    ОХУ-ын Гаалийн албаны мэдээллээр 2021 оны зургадугаар сард 2.85 сая тонн коксжих нүүрс экспортолжээ. Харин мөн сард Монгол Улсын экспортолсон нүүрсний хэмжээ 652.6 мянган тонн байсныг Гаалийн ерөнхий газраас мэдээлсэн. Энэ дүнгээс харахад Монголын нүүрсний экспортоос 4 дахин илүү хэмжээний коксжих нүүрсийг Орос гадаад зах зээлд гаргаж байна. Энэ оны хоёрдугаар улирал гарсаар Монголын экспортын нүүрсний тээвэр 0 зогсоогүй сар гэж байсангүй. Энэ зуур Оросын  коксжих нүүрсний экспорт Хятад руу тогтмол нэмэгджээ. 
  • 2021-10-21 16:22
    Зам, тээврийн хөгжлийн яамнаас есдүгээр сарын 31-ний байдлаар Гашуунсухайт боомтоор 4.9 сая тонн нүүрс экспортолсон тухай мэдээллээ. Энэ нь өнгөрсөн оны мөн үеэс 2.8 сая тонноор бага үзүүлэлт юм.  Харин Шивээхүрэн боомтоор дөрвөн сая тонн орчим буюу өнгөрсөн оны мөн үеийнхээс 800 мянган тонноор бага нүүрс гаргажээ.
  • 2021-10-21 13:05
    Хөдөлмөрийн аюулгүй байдлын тэргүүн туршлага, тулгамдсан асуудал, шийдвэрлэх арга замын талаар хэлэлцдэг “Нэн тэргүүнд ХАБ-2021” бага хурал өнөөдөр /2021.10.21/ нээлтээ хийлээ. Өдгөө 10 дахь жилдээ зохион байгуулж буй уг хурлыг цар тахлын нөхцөл байдалтай уялдуулан “Аюулгүй байдал ба цар тахал” уриан дор, танхим болон цахим хосолсон хэлбэрээр явуулж буйгаараа онцлог.