Зэсийн үнэ буурах биш өсөх найдвар давамгайлав

2015-09-18 13:51

Зэсийн үнийн төлөвийг хөрөнгө оруулалтын банкууд харьцангуй өөдрөгөөр төсөөлж байна. Оны сүүлийн улиралд зэсийн үнэ дунджаар 5700 ам.доллар/тонн байх тухай Citigroup таамаглал дэвшүүлжээ. Тус банк энэ онд уурхайгаас нийлүүлэх зэсийн хэмжээ 18.9 сая тонн байх бөгөөд нийлүүлэлт эрэлтээс ялимгүй давах тооцоо гаргажээ. Харин ирэх жил нийлүүлэлт эрэлтээсээ 280 гаруй мянган тонноор бага байна гэж үзжээ. Улмаар нийлүүлэлтийн хомсдолтой байдал 2019 он хүртэл хэвээр үргэлжлэх гэнэ. Энэ жилийн хувьд цаг агаарын таагүй байдал хийгээд уурхайн ажилчдаас үүдсэн асуудал 1.5 сая тонн нийлүүлэлтийг танаж амжсан талаар Citigroup онцолжээ.

Ийнхүү Хятадын зэсийн эрэлт буурах сөрөг төлвийн улмаас зах зээлд үүсээд байсан үнийн бууралтыг нийлүүлэлт багасах чимээ хазаарлаж, улмаар цаашид үнэ буурах биш харин өсөх найдвар давамгайлсан долоо хоног болж байна. Гэхдээ Goldman банк нийлүүлэлтийн илүүдэл ирэх жил 673 мянган тонн байна гэж үзэж байгаа юм. Учир нь Хятадын эрэлт сул, нийлүүлэлтийн эрчим нэмэгдэнэ гэж тооцжээ.

Зэсийн үнэ сүүлийн саруудад эрчимтэй доошилж өнгөрсөн 8 дугаар сарын сүүлд 4887 ам.доллар/тонн болоод байсан. Чухамдаа зах зээлд үнийн бууралт ноёлох хандлага давамгайлах агшинд Glencore, Freeport, Codelco зэрэг томоохон үйлдвэрлэгч төслийн өргөтгөлөө хойшлуулах, борлуулалтаа бууруулах зэрэг арга хэмжээ авах болсон нь нийлүүлэлтийг эрчимтэй бууруулах үндэслэл болсон билээ. Зөвхөн Glencore гэхэд Африк дахь хоёр уурхайн төслөө жил хагасын хугацаанд хаахаар болсноор зах зээл дэх нийлүүлэлтийн төлөвөөс 400 мянган тонн хасагдаж буй юм. Одоогийн нөхцөл байдал нь эрэлтээс давсан хэт илүүдлийг бүрэн арилгах дүр зургийг хөрөнгө оруулагчдад тод харуулж байна.

Дээр нь лхагва гаригийн шөнө Чилийн эрэг орчмоор болсон 8.3 магнитудын хүчтэй газар хөдлөлтийн улмаас тус улсын зэсийн зарим уурхайг түр хугацаанд хаасан нь ханш өсөхөд нэмэр болжээ. Гэхдээ уурхайнуудын аюулгүй ажиллагаанд хяналт хийсний дараа эргээд нээж эхэлжээ.

Өчигдрийн байдлаар Лондоны металын бирж дээр нэг тонн цэвэр зэсийн үнэ 5369 ам.доллар/тонн байна. Гэхдээ мөн өдөр биржийн арилжааны эхэн үеэр зэсийн үнэ 5440.5 ам.доллар/тоннд хүрсэн нь сүүлийн хоёр сар орчмын хугацаан дахь хамгийн өндөр үзүүлэлт байв. Зэсийн үнэ оны эхэнд 6000 гаруй ам.доллар/тонн байсантай харьцуулахад одоогийн үнэ доогуур хэдий ч хүрэн металын ханшийн ерөнхий төлөв нийлүүлэлтийн эрсдэлээс үүдэн сайжирч эхэллээ.


Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 3 цаг 56 минутын өмнө
    Олборлох үйлдвэрийн ил тод байдлын санаачилга гэдэг нь байгалийн баялгаас олж байгаа орлогыг олон нийтэд ил тод болгох, түүнийг нийтийн сайн сайхны төлөө зөв захиран зарцуулахад оролцогч талуудын хариуцлагыг өндөржүүлэх, сайн засаглалыг бэхжүүлэхэд төр хувийн хэвшил, иргэний нийгмийн тэгш оролцоо бүхий дэлхий нийтийн түншлэл юм. Уг санаачилгыг олон улсад 2003 оноос эхлэн хэрэгжүүлсэн бөгөөд одоогоор 55 улс нэгдээд байгаа юм. Монгол Улсын хувьд уг санаачилгад 2006 онд нэгдсэн бөгөөд шаардлагыг хангасан 9 орны тоонд багтдаг ажээ.
  • Өчигдөр 14 цаг 17 минутад
    Нүүрс олборлолт, борлуулалт, экспортын үйл ажиллагаа явуулдаг аж ахуйн нэгжүүд оролцсон “Жишиг үнэ ба АМНАТ” хэлэлцүүлэг өнөөдөр  /2021.10.25/ боллоо. Хэлэлцүүлэгт оролцогчид Сангийн яам нь сар бүр нүүрсний зах зээлийн жишиг үнийг тогтоохдоо, бодит бус, хөөсөрсөн үнэ тогтоож байна гэж үзээд, тус яаманд шаардлага хүргүүлэхээр боллоо. Тодруулбал, АМНАТ (Ашигт малтмалын нөөц ашигласны төлбөр)-ийг  2021 оны долдугаар сараас эхлэн зөвхөн жишиг үнээр тооцдог болсон бөгөөд энэ нь үндэслэлгүйгээр татвар төлөхөд хүргэж, татварын дарамтад оруулж, цаашлаад аж ахуйн нэгжүүд үйл ажиллагаагаа зогсооход хүргээд байна гэж уул уурхайн бүтээгдэхүүн тэр дундаа нүүрс олборлолт, борлуулалт, экспортын үйл ажиллагаа явуулдаг аж ахуйн нэгжүүд үзэж байгаа аж.   
  • 2021-10-22 15:49
    ОХУ-ын Гаалийн албаны мэдээллээр 2021 оны зургадугаар сард 2.85 сая тонн коксжих нүүрс экспортолжээ. Харин мөн сард Монгол Улсын экспортолсон нүүрсний хэмжээ 652.6 мянган тонн байсныг Гаалийн ерөнхий газраас мэдээлсэн. Энэ дүнгээс харахад Монголын нүүрсний экспортоос 4 дахин илүү хэмжээний коксжих нүүрсийг Орос гадаад зах зээлд гаргаж байна. Энэ оны хоёрдугаар улирал гарсаар Монголын экспортын нүүрсний тээвэр 0 зогсоогүй сар гэж байсангүй. Энэ зуур Оросын  коксжих нүүрсний экспорт Хятад руу тогтмол нэмэгджээ. 
  • 2021-10-21 16:22
    Зам, тээврийн хөгжлийн яамнаас есдүгээр сарын 31-ний байдлаар Гашуунсухайт боомтоор 4.9 сая тонн нүүрс экспортолсон тухай мэдээллээ. Энэ нь өнгөрсөн оны мөн үеэс 2.8 сая тонноор бага үзүүлэлт юм.  Харин Шивээхүрэн боомтоор дөрвөн сая тонн орчим буюу өнгөрсөн оны мөн үеийнхээс 800 мянган тонноор бага нүүрс гаргажээ.
  • 2021-10-21 13:05
    Хөдөлмөрийн аюулгүй байдлын тэргүүн туршлага, тулгамдсан асуудал, шийдвэрлэх арга замын талаар хэлэлцдэг “Нэн тэргүүнд ХАБ-2021” бага хурал өнөөдөр /2021.10.21/ нээлтээ хийлээ. Өдгөө 10 дахь жилдээ зохион байгуулж буй уг хурлыг цар тахлын нөхцөл байдалтай уялдуулан “Аюулгүй байдал ба цар тахал” уриан дор, танхим болон цахим хосолсон хэлбэрээр явуулж буйгаараа онцлог.