Шенхуа сүүлийн мөчид эргэлзсэн тал бий, гэвч...

2015-04-09 18:42
Тав дахь жилдээ зохион байгуулагдаж байгаа Coal Mongolia чуулга уулзалт энэ удаа сонирхолтой цаг үед нээгдлээ. Coal Mongolia арга хэмжээ нь өнгөрсөн таван жилийн хугацаанд Монголын коксжих нүүрсийг дэлхийн брэнд болгох тэмүүллийг зангидаж ирсэн бөгөөд Тавантолгой ордыг ашиглах Хөрөнгө оруулалтын гэрээг Парламентаар хэлэлцэхийн өмнө зохион байгуулагдаж буйгаараа онцлог болж байна.

Монгол Улсын Сайд М. Энхсайхан үндсэн илтгэл тавьж, асуулт хариултад идэвхтэй оролцсон ба хуралдааны завсарлагаар хэвлэл мэдээллийнхэнд цөөнгүй ярилцлага өгсөн. Энэ бүхэнд дурдагдаагүй хоёр асуултад Mongolian Mining Journal дараах хариултыг авав.

Сайд аа, Тавантолгой ордын Хөрөнгө оруулалтын гэрээнд эрх бүхий талууд гарын үсэг зурахын өмнөхөн УИХ-ын дарга мэдэгдэл хийж, Парламентаар Гэрээний төслийг хэлэлцэх болсон. Хөрөнгө оруулагч талын нэг “Шенхуа Энержи” дахин хэлэлцээрийн ширээний ард суухгүй гэсэн яриаг улстөрчдөөс цөөнгүй сонслоо. Та энэ талаар юу гэж бодож байна вэ?

Тавантолгой ордод Хөрөнгө оруулалтын гэрээ байгуулах хэлэлцээрийг УИХ-ын тогтоолын дагуу гаргасан Засгийн газрын 268 дугаар тогтоолын бүх нөхцөлд нийцүүлэн Ажлын хэсэг Хөрөнгө оруулагч талтай явуулж ирсэн. Дээрх нөхцөлийг эрх зүйн хувьд чадамжтай хэмээн хоёр талаас харж, өдийг хүртэл хэлэлцэж ирсний хувьд УИХ-ын даргын мэдэгдэл Шенхуа Энержи-г багахан шооконд оруулсан тал бий.  Монгол-Хятадын Засгийн газар хооронд урт хугацаанд хэлэлцэн тохирсон асуудлууд Гэрээний үндсэн нөхцөл болж байсан учир Шенхуа сүүлийн мөчид эргэлзсэн тал бий болов уу. УИХ энэхүү Гэрээнд “үгүй” гэсэн хариулт өгвөл хөрөнгө оруулагчид маань хүлээн зөвшөөрөх биз ээ. Харин Их хурал энэ Гэрээг байгуулах шийдвэр гаргавал ажил үргэлжлээд явах нь дамжиггүй.

“Эрдэнэс Тавантолгой” компанийн “Чалко” компанитай байгуулсан Гэрээний үүргийг “Шенхуа” үргэлжлүүлнэ гэж ойлгож болох уу? Хөрөнгө оруулалтын гэрээнд Засгийн газрын 268-р тогтоолын холбогдох заалтыг хэрхэн томъёолсон бэ?

“Чалко”-той байгуулсан “Эрдэнэс Тавантолгой” компанийн гэрээ хэвээр үлдэж байгаа. Өөрөөр хэлбэл “Эрдэнэс Тавантолгой” ба “Чалко” хоорондын гэрээний үлдэгдэл төлбөр 150 сая ам. долларыг нэг жилийн хугацаанд нүүрсээр төлөх нөхцөлийг үргэлжлүүлэн биелүүлнэ гэсэн үг.

Тавантолгой ордын гэрээ нь Монгол улс Хятадын зах зээлээс бүрэн хамаарах нөхцөлийг бүрдүүлж байна хэмээн УИХ-ын дарга ярьсанд Та ямар тайлбар өгөх вэ?

Эсрэгээр нь тайлбарламаар байна. Өнөөдөр Хятадын гангийн зах зээл Австралиас хамаарч байна. Тэгвэл Хятадын гангийн үйлдвэрүүд Монголын коксжих нүүрснээс хамаардаг болоосой гэж хүсч байна. Монгол Хятадаас биш, харин Хятад Монголоос  бага ч атугай хамаардаг болгох нь чухал гэдгийг эрүүл саруул хэн бүхэн ойлгоно гэдэгт итгэж байна.



Л. Болормаа

Сэтгэгдэл байхгүй байна

  • зочин
    Энгийн иргэдийн улс төр эдийн засгийн мэдлэг нийт улсын хөгжлийн стратегийн бодлогыг тэртэй тэргүй ойлгохгүйЦуу үгшар мэдээнд хууртсан хүмүүсийн үгээр төр засгийн ажил явдаг гэж байхгүйМонгол шиг жижигхэн эдийн засагтай орон уул уурхайгаар л юм юмны захад жаахан хүрнэЭнэ ч эхнээсээ мэдрэгдээд байгаа шүү дээТТОТ -г хурдан явуулах хэрэгтэйИх удаан байна
    2015 оны 04 сарын 19 | Хариулах
  • Зочин
    Монгол улсаа зарчихаж байгаан биш биз дээ Мөнгө хэрэгтэй л бна
    2015 оны 04 сарын 12 | Хариулах
  • хүрлээ
    Амжилт хүсье Гэрээний хувьд нарийн сайн мэдэхгүй ч таны мэдлэг чадварт итгэж байна цаг хугацааны шалгуур бүгдийг хэлээд өгөх байх
    2015 оны 04 сарын 11 | Хариулах
  • TT saadgui yavaasaa bilee jenco giin nohod zasagiin gazariin ajiliig n hiilgehgui nuraahaar chuluu atgasan zogsoj baigaag yaltai bilee
    2015 оны 04 сарын 09 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Өчигдөр 13 цаг 53 минутад
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • Өчигдөр 13 цаг 52 минутад
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • Өчигдөр 13 цаг 00 минутад
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.
  • 2020-05-21 14:53
    Засгийн газар шинэ коронавирусээс үүдэн эрсдэлд орсон  эдийн засгийг аврахаар гуравдугаар сарын сүүлээр дуугарч эхэлсэн нь 5.1 их наяд төгрөгийн багц хөтөлбөр байв. Үүнийг нь дөрөвдүгээр сарын 9-нд УИХ-ын чуулганаар “амь оруулан” баталлаа. 5.1 их наяд төгрөгийн   хөтөлбөр   яг хэрхэн эдийн засгийг аврах эсэх нь одоо ч тодорхой биш байгаа юм. Үүнээс хавьгүй эрт буюу гуравдугаар сарын 11-нд Монголбанк бодлогын хүүгээ буулгаж, төд удалгүй арилжааны банкуудыг “захиргаадаж”  хэрэглээний зээл  төлөлтийн  хугацааг сунгахыг хүчлэх болсон. Улмаар дөрөвдүгээр сарын 13-нд төв банк бодлогын хүүгээ дахин бууруулав. Гол асуулт нь эдийн засгийн төлөв бүрхэг байгаа нь иргэдийн сэтгэл зүйд сөргөөр нөлөөлж,  улмаар худалдаа, үйлчилгээний салбарын борлуулалтад шууд нөлөөлнө.  Энэхүү нөхцөл байдал эдийн засгаа сэргээхээр оролдож байгаа Хятадад ихээхэн тод илэрч байна.