Оюутолгой хулгайн антай тэмцэх загвар төсөл хэрэгжүүлжээ

2015-03-03 11:09

Байгаль, зэрлэг амьтдыг хамгаалах нийгэмлэг /WCS/  Оюутолгой ХХК-ийн захиалгаар “Өмнөд говийн биологийн төрөл зүйлийн мониторинг судалгаа”-ны эхний хэсгийг 2013-2014 онд хийжээ.

Энэ ажлын хүрээнд судалгааны багийнхан  говийн туруутан, шувууд, ховор ховордсон ургамал, заг, хайлаас,  бэлчээрийн төлөв байдлын судалгааг хийж, тодорхой дүгнэлтүүд гарган дараагийн шатны ажлыг эхлүүлэхэд бэлэн болгосон байна.

Улмаар  судалгааны гол үр дүнгээ холбогдох байгууллагууд, тэр дундаа  уул уурхайн салбарынхантай хуваалцах зорилгоор  “Биологийн олон янз байдлын мониторинг судалгаа 2013-2014” хэлэлцүүлгийг  өнөөдөр Улаанбаатар зочид буудалд  зохион байгуулсан юм.

Уг хэлэлцүүлэгт  WCS-ийн Байгаль хамгааллын судалгаа шинжилгээний удирдагч Б.Бүүвэйбаатар “Хулан болон хар сүүлтийн газрын тооллого”, Монголын зэрлэг амьтан судлах, хамгаалах төвийн судлаач П.Ганхуяг “Жороо тоодгийн судалгааны үр дүн”, “Ногоон алт” төслийн Хэрэглээний судалгааны хэсгийн зохицуулагч Д.Булгамаа “Өмнийн говийн бэлчээрийн төлөв байдал” зэрэг сэдвээр илтгэл тавьлаа. 

Өмнөд говийн нутагт агаарын болон газрын тооллогоор  ойролцоогоор 30-50 мянга орчим хулан, мөн 30-50 мянга орчим хар сүүлт идээшин амьдарч буйг  тогтоожээ.

Мөн Ханбогд сумын ховор ургамлыг судалгааг хийх үед  41 зүйл ховор ургамал байгаа нь  тогтоогдсон  байна.  Түүнчлэн судалгааны баг  жороо тоодог болон могойн загалай зэрэг шувуудын тоо толгойн хэмжээг тогтоох судалгааны ажлыг 2014 оны дөрөв, зургаадугаар саруудад хийжээ.  Тэдний судалгааны үр дүнгээс үзэхэд эдгээр шувуудын нягтшил бага байгаагийн дээр   өндөр хүчдэлийн шугам мөргөж үхэх явдал нэлээд гарч байгаа аж.  

Оюутолгойн Байгаль орчны дүйцүүлэн хамгааллын ажлын хүрээнд Зэрлэг амьтдын Хулгайн ан, тэдгээрийн эд эрхтэн бүтээгдэхүүний хууль бус худалдаатай тэмцэх 6 сарын загвар төслийг хэрэгжүүлсэн гэдгийг  судалгааны багийнхан мөн тодотголоо.

Байгаль орчин, ногоон хөгжил, аялал жуулчлалын яам, Зам тээврийн яам, Оюутолгой ХХК, уул уурхайн компаниуд, шинжлэн ухааны байгууллагын төлөөллүүд оролцож байгаа юм.


Г.Идэрхангай

 

    

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 12 минутын өмнө
    Build Mongolia 2020 буюу Бүтээн байгуулалт-2020 барилга хот байгуулалт, зам тээвэр, эрчим хүч, хүнд үйлдвэрийн салбаруудыг багтаасан олон улсын үзэсгэлэн 2020 оны дөрөвдүгээр сарын  13 – 15-ны өдрүүдэд Буянт–Ухаа Спортын ордонд зохион байгуулна. Монгол Улсын бүтээн байгуулалт дэд бүтцийн хамгийн чухал салбаруудын төлөөлөл нэгэн дээвэр дор цугларч гурван өдрийн турш бараа материал, техник технологи зэргийг дэлгэн үзүүлэхээс гадна яамдын төлөөллүүд дээрх салбаруудад тулгамдаж буй асуудлын талаар семинар зөвлөгөөн зохион явуулна.
  • 16 цаг 36 минутын өмнө
    Монгол Улсын Засгийн газрын 2019 оны нэгдүгээр сарын 16-ны өдрийн 28 дугаар тогтоолд үндэслэн тавдугаар сарын 16-нд  Асгатын мөнгөний ордын ашиглалтын тусгай зөвшөөрлийг “Эрдэнэс Монгол” ХХК-д  шилжүүлж, улмаар тус ордыг эдийн засгийн эргэлтэд оруулахаар болсон юм. Далд уурхайн нөхцөл байдлыг үнэлэх хамтарсан Ажлын хэсэг энэ оны долдугаар сарын сүүлчээр ажиллаж, одоогийн байдлаар далд уурхайн 1 болон 1А амуудыг нээх, далд малталтын бэхэлгээг сэргээх, технологийн дээж бэлтгэх шатандаа оржээ. 
  • Уржигдар 15 цаг 04 минутад
    Монгол орны газрын ховор элементийн геологи, хайгуулын судалгааг идэвхжүүлэх, нөөц өсгөх, ашиглах, үйлдвэрлэл, техник, технологийг хөгжүүлэх, салбарын өрсөлдөх чадвар, хөрөнгө оруулалтыг нэмэгдүүлэх замаар улсын эдийн засагт эерэг нөлөө үзүүлэх, салбарын хөгжлийг дэмжих, боловсон хүчнийг чадавхижуулах, ажлын байр нэмэгдүүлэх зорилгоор “Газрын ховор элемент” хөтөлбөрийг Уул уурхай, хүнд үйлдвэрийн яам боловсруулж байна. Тус яамны хурлын танхимд өнөөдөр уг хөтөлбөртэй холбоотой талуудын хэлэлцүүлгийг зохион байгуулж байгаа бөгөөд тодорхой саналуудыг тусгахаар ажиллаж байна. 
  • Уржигдар 13 цаг 25 минутад
    Монгол Улсын нэгдсэн төсвийн орлого 2019 оны гүйцэтгэлээр 11.9 их наяд төгрөгт хүрч өнгөрсөн оны мөн үеэс 1.9 их наяд төгрөг буюу 18.6%-иар өссөн байна. Үүнээс, эрдэс баялгийн салбараас төсөвт төвлөрүүлсэн орлого 2.9 их наяд төгрөгт хүрч өнгөрсөн оны мөн үеэс 590.7 тэрбум төгрөг буюу 25.4%-иар өссөн байна. Улсын төсөвт оруулсан орлого өнгөрсөн оны мөн үетэй харьцуулахад 570.05 тэрбум төгрөг буюу 27.8%-иар өссөн байна. Гэхдээ энэ дундаа цайр болон бусад ангилалд багтах эрдсийн татварын үзүүлэлт буурчээ.
  • 2020-01-20 10:41
    Тэргүүлэх эдийн засагтай хоёр гүрэн  АНУ-Хятадын хооронд хоёр жил гаруй хугацаанд үргэлжилсэн худалдааны дайныг эцэслэх тухай эхний шатны хэлэлцээрт   хүрч чадсан талаар арванхоёрдугаар  сарын 13-нд талууд албан ёсоор мэдэгдэв. Энэхүү мэдээлэл цацагдсаны дараа хүрэн метал буюу зэсийн ханш Лондоны металын бирж дээр 6000 мянган ам.доллар/тонн-ын босгыг хол давж тавдугаар сараас хойших хамгийн өндөр түвшинд хүрэв. Газрын тосны ханш ч өсөх шинжтэй болж ирлээ. АНУ нь арванхоёрдугаар сарын 15-нд Хятадаас импортолдог 160 тэрбум ам.долларын бараа бүтээгдэхүүнд “торгууль” болгож нэмэлтээр 15%-ийн татвар ногдуулах  байснаа цуцаллаа.  Гэхдээ АНУ-ын Худалдааны төлөөлөгчийн газар Хятадын 250 тэрбум ам.долларын импортын татварын хувь хэмжээг 25%-иар хэвээр үлдээж, харин 120 тэрбум ам.долларын бараа бүтээгдэхүүний татварын хувь хэмжээг 7.5% руу буулгаж байгааг мэдэгдээд (2019.12.13) байна.