“Урт нэртэй” хуулийг дагаж мөрдөх хуулийн өөрчлөлтийг түр хойшлуулав

2015-02-03 12:39

Байгаль орчин, хүнс, хөдөө аж ахуйн байнгын хорооны өнөөдрийн хуралдаанаар Гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулийг дагаж мөрдөх журмын тухай хуульд нэмэлт, өөрчлөлт оруулах тухай, Ашигт малтмалын тухай хуульд нэмэлт оруулах тухай хуулийн төслүүдийн анхны хэлэлцүүлгийг хийлээ. Өнгөрсөн баасан гаригт УИХ-ын нэгдсэн чуулганаар уг төслүүдийг хэлэлцэх нь зүйтэй хэмээн шийдсэн юм.

Байнгын хорооны өнөөдрийн хуралдаанаар дээрх хуулийн төслүүдийг хэлэлцэхийг түр хугацаагаар хойшлууллаа. Байнгын хорооны дарга С.Батболд “Намын бүлгүүд нэгдсэн байр суурьт хүрээгүй байна. Хоёр жил орчим ярьж байгаа, нийгэмд талцал үүсгэж буй уг асуудлыг нухацтай ярилцаж, шийдвэрлэх ёстой. Тиймээс намын бүлгүүд байр сууриа нэгтгэх нь чухал байна” гэсэн юм. МАН-ын бүлэг өчигдөр уг асуудлыг хэлэлцээд, усны энгийн хамгаалалтын бүсийн 200 метр дотор хайгуул, ашиглалтын ямар ч үйл ажиллагаа явуулахгүй гэсэн байр суурьтай байгааг УИХ-ын гишүүн Б.Бат-Эрдэнэ хэлэв.

“Урт нэртэй” хуулийг дагаж мөрдөх журмын тухай хуульд нэмэлт өөрчлөлт оруулах тухай хуулийн төслийг 2013 оны 9 дүгээр сард УИХ-д өргөн барьж, улмаар БОХХАА-н байнгын хорооноос УИХ-ын гишүүн Д.Арвинаар ахлуулсан Ажлын хэсэг байгуулагдсан. Ажлын хэсэг өнгөрсөн хугацаанд “Урт нэртэй” хууль үйлчилж байгаа 3 бүс, 8 аймагт ажиллаж, орон нутаг, компаниудын төлөөлөлтэй уулзан, байгаль орчинд үзүүлсэн нөлөөлөлтэй газар дээр нь танилцсан тухай Ажлын хэсгийн ахлагч Д.Арвин танилцуулав.

БОНХАЖЯ-ны мэдээлж буйгаар Монгол улсын хэмжээнд уул уурхайн ашиглалтаас үүдэж гэмтсэн 24 мянган га талбай байгаагаас “Урт нэртэй” хуулийн хүрээнд хамрах 5.7 мянган га, усны энгийн хамгаалалтын бүсэд 2.1 га талбай байгаа аж. “Урт нэртэй” хууль гарсантай холбогдуулан алтны шороон ордууд байгаль орчинд учруулсан хохирол нь 1.1 их наяд төгрөг болж байгааг БОНХАЖЯ-наас мэдээлэв. Харин үүний нөгөө талд компаниудаас 2.2 их наяд төгрөгийн хохирол, нөхөн олговор нэхэмжилж байгааг Д.Арвин гишүүн хэлсэн юм.

Нэгэнт төр нөхөн олговор олгож чадахгүй, бас байгаль орчныг нөхөн сэргээх мөнгө гаргах боломжгүй болохоор компаниудын ашиглалтыг хатуу чанга хяналт дор үргэлжлүүлж, нөхөн сэргээлт хийлгүүлж авах бодлогын хүрээнд “Урт нэртэй” хуулийг дагаж мөрдөх журмын тухай хуульд нэмэлт өөрчлөлт оруулахаар хуулийн төсөл өргөн барьсан нь энэ юм. Уг төслийн гол онцлог нь хайгуулын лицензүүдийг хэвээр үлдээж, зөвхөн ашиглалтын лицензтэй, уг талбай дээрээ ашиглалт явуулаад эхэлчихсэн байсан компаниудын ашиглалтыг үргэлжлүүлэх юм. Харин хайгуулын лиценз болон ашиглалт нь эхлээгүй ашиглалтын лицензийг цуцлах, мөн шинээр “Урт нэртэй” хуулийн хамрах талбайд ямар ч лиценз олгохгүй байхаар зохицуулсан.  

“Урт нэртэй” хуулийн хамрах талбайд нийт 123 тонн алтны нөөц байгаа аж. Үүнээс “Гацуурт” ордыг хасвал 70 орчим тонн алтны нөөц үлдэж байгаа бөгөөд үүнийг ашиглах нь эдийн засгийн хувьд үр ашигтай хэмээн тооцож байгаа аж. Хэрэв хуулийн төсөл батлагдвал хавраас томоохон нөөцтэй ордуудыг шууд ашиглаж эхлэхээр төлөвлөж байгаа юм.

 

С.Болд-Эрдэнэ

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • саяхан
    Ховд аймгийн Хөшөөтийн уурхайн дэргэдэх Хөшөөт тосгоны иргэдийг нүүлгэн шилжүүлэх гэрээ хийгдээд дуусах шатандаа явж байна. Тус тосгонд нийт 174 айл оршин суудаг бөгөөд эдгээр айлтай “МоЭнКо” компани нүүлгэн шилжүүлэлтийн гэрээ хийж, гэрээний хүрээнд өрх бүрт 8 сая төгрөгийн нөхөн олговор олгохоор болсон бөгөөд гэрээ хийгдээд дуусмагц үнийн дүнгийн 50 хувь нь иргэдийн дансанд орж, улмаар айлуудыг нүүлгэн шилжүүлж байгаа юм. Айлууд түрүүчээсээ илүү гэр, зарим бараа таваараа өөрсдийн эзэмшлийн хашаандаа нүүлгээд эхэлжээ. Хөшөөт багийн даргийн мэдээлж байгаагаар 10 гаруй айл зарим гэр, эд хогшлоо нүүлгэж буулгасан байна.  
  • 2019-10-11 10:49
    “Оюутолгой” төслийг гүний уурхайгүйгээр төсөөлөхийн аргагүй гэдэг. Тэгвэл гүний уурхайн туслан гүйцэтгэх ажлыг “Рэдпаф Монгол” компани сүүлийн 15 жил амжилттай гүйцэтгэсээр ирснийг  бүгд мэднэ. Энэ бүх амжилтын цаана “Рэдпафийн бүргэдүүд” байдаг гэж уурхайчдаа магтан хэлж, тэднийхээ овог нэрийг цээжээр дурдах энэ эрхэм бол тус компанийн Дэд захирал Б.Баярцэнгэл юм. Тэрбээр компанийг үүсэн байгуулагдахад жолоочийн албан тушаалаас гараагаа эхлэн эдүгээ удирдлага болох хүртлээ дэвшин ажиллажээ. Түүний ажил бол компанийн бүхий л үйл ажиллагааг хэвийн явуулахад анхаардаг хариуцлагатай алба юм. Компанийн гаргасан амжилт болон цаашдын хийж бүтээхээр төлөвлөсөн ажлынх нь талаар энэхүү эрхэмтэй ярилцлаа. 
  • 2019-10-10 11:15
    Зэс, коксжих нүүрсний томоохон уурхай орших Өмнөговь аймгийн баруун хаяанд 2.9 га  газар нутаг бүхий Гурвантэс суманд энэ жил зуншлага сайхан болжээ. Сүүлийн жилүүдэд нүүрсний экспорт улсын нийт экспортын 40%-ийг бүрдүүлж, зэсийн урд алхах болсон. Тэгвэл Гурвантэс суманд орших нүүрсний уурхайнууд улсын нүүрсний нийт экспортын 40%-ийг бүрдүүлдэг.  Хүмүүс энд өрнөх нүүрсний уурхайдыг Нарийнсухайтын бүлэг орд  гэж нэрийддэг билээ. Гэхдээ эндхийн нүүрсний компаниуд зүгээр л экспортлох хэмжээгээрээ   бус чанараараа өрсөлдөх болсныг хийж буй ажлаараа тод харуулна. Энд “Монголын алт” (МАК), “Саусгоби Сэндс” (SGS), “Өсөх зоос”, “ЧинхуаМАКНарийнсухайт”, “Терра Энержи”, “Жавхлант Орд” зэрэг компани одоогоор нүүрсний чиглэлээр үйл ажиллагаа явуулдаг.  Эндээс олборлох нүүрс Тавантолгойнх шиг өндөр чанарын коксжих   биш, зөвхөн хагас коксжих нүүрс байдаг учир  магадгүй анхаарлын төвд орохгүй үлддэг   байж мэднэ.
  • 2019-10-08 17:18
    Дорноговь аймгийн Алташирээ сумын нутагт газрын тос боловсруулах үйлдвэр барих 150 га газрыг 255 га-гаар өргөтгөж нийт 405 га газрыг улсын тусгай хэрэгцээнд авав. Газрын тос боловсруулах үйлдвэр олон төрлийн дулаан химийн урвал явах байгууламж, өндөр даралт болон температурт тэсвэртэй тоног төхөөрөмж зэргээс бүрдэнэ. Мөн химийн бодис, галын болон тэсэрч дэлбэрэх, хялбар авалцах шингэн, хий бүхий бүтээгдэхүүн үйлдвэрлэж, хөнгөн нүүрс устөрөгчийн хий, хүхрийн исэл, аммиак зэрэг хий үүсгэх юм. Үйлдвэр цаашид хүчин чадлаа нэмэгдүүлж, импортыг орлох, нэмүү өртөг шингэсэн бусад бүтээгдэхүүн үйлдвэрлэх нефть-химийн үйлдвэр болж өргөжихөөр байна.
  • 2019-10-08 15:46
    Гвиней улсын Засгийн газар нь төмрийн хүдрийн үлэмж нөөцтэй Симандоу ордын I,II талбайг ашиглах эрхийн тендерийн сүүлчийн шатанд тус улсын бокситын томоохон экспортлогч “SMB-Winning” болон Австралийн “Fortescue” компаниудыг шалгаруулаад байна. Гвинейн Засгийн газраас олон улсын тендерийг өнгөрсөн долдугаар сард эхлүүлсэн бөгөөд эцсийн ялагчийг ирэх арваннэгдүгээр сард тодруулахаар төлөвлөжээ. Тус улсын Симандоу ордыг ашиглах тендерт Бразилийн Вале компани оролцсон ч хасагдсан аж. Симандоу ордын III, IV талбайг Австралийн Рио Тинто групп (45.05%) болон Хятадын Чайналко компани (39.95%) тус тус эзэмшиж байна.