“Гацуурт” стратегийн орд болов

2015-01-27 16:24
Өнгөрсөн баасан гаригийн УИХ-ын чуулганы хуралдаанаар Гацууртын алтны үндсэн ордыг стратегийн ордод хамааруулах тухай УИХ-ын тогтоолын төслийг баталлаа. Энэ талаар “Центерра Гоулд” компани албан ёсоор мэдээлжээ. Ингэснээр Гацууртын орд нь Монгол улсын Стратегийн 16 дахь орд болж байгаа юм. Уул уурхайн яамнаас ойрын хугацаанд “Центерра Гоулд Монгол” компанитай хувь эзэмшил тохирох асуудлыг Засгийн газарт танилцуулж, УИХ-д өргөн барих юм байна. Хөрөнгө оруулагч талтай хийсэн хэлэлцээрийн урьдчилсан байдлаар Монголын Засгийн газар Гацуурт ордын 20%, эсвэл 34%-ийг эзэмшихээр тохиролцсон бөгөөд эцсийн шийдвэрийг УИХ гаргах юм. Хэрэв 34%-ийг эзэмшихээр бол өөрт ногдох хөрөнгө оруулалтаа “Центерра Гоулд Монгол” компаниас хүүтэй зээлэх юм. Харин 20%-ийг эзэмших бол өөрт ногдох хөрөнгө оруулалтаа хүүгүй зээлэхээр урьдчилсан байдлаар талууд тохиролцоод байгаа билээ.




Гацууртын ордыг стратегийн ордод хамааруулснаар тус ордыг ашиглах эрх зүйн орчин нээгдэж байгаа юм. Гацууртын ордыг ашигласнаар жилд 5 тонн орчим алтыг Монголбанкинд тушааж, нийт 600 орчим тэрбум төгрөгийн татварыг улсад төлөх юм. Гацууртын ордын асуудал шийдэгдсэнээр тус ордыг эзэмшигч “Центерра Гоулд Монгол” компанийн толгой компани “Центерра Гоулд” компанийн хувьцааны ханш огцом өсөхөд нөлөөлжээ. Урьд шөнө Торонтогийн хөрөнгийн бирж дээрх “Центерра Гоулд” компанийн хувьцаа 7.2%-иар өсч, 7.16 канад доллараар хаагдсан байна. Ингэснээр тус компанийн хувьцааны үнэ 2013 оны 2 дугаар сараас хойшхи хамгийн өндөр түвшинд хүрчээ. Мөн тус компанийн хувьцааны ханш сүүлийн нэг сарын хугацаанд 30 орчим хувь, он гарсаар 20 орчим хувиар өсөөд байна.

“Центерра Гоулд” компанийн Гүйцэтгэх захирал Лан Аткинсон “Гацууртын ордыг стратегийн орд болгосонд таатай байна. Монгол улсад үйл ажиллагаагаа олон жил үргэлжлүүлэх боллоо” хэмээн онцолжээ.

С.Болд-Эрдэнэ

  • монгол хүн (112.72.13.172)
    та нарт өгөхгүй эсбөгөөс босноо харж л байгаарай
    2015 оны 01 сарын 29 | Хариулах
  • Mandaliin Irgen (98.125.74.79)
    Centerra Gold-n ediin zasag ni usuh ni ta nart chuhal yumuu Mongoliin ediin zasag chuhal yumuu hurungu oruulaltaa huugui zeelne geh shig tatvar zeeliin zuruu garahgui hamag yumaa ene companid beleglecheed baigaagaa uhaarahgui baina uu Tuuhiin uv soyoliin arvin bayalagtai ene gazriig yaj ingej ugch chadaj bainaaaa
    2015 оны 01 сарын 29 | Хариулах
  • Зочин (43.242.243.237)
    Хулгайч нар хуцаараа Ноен уулаа ухуулахгуй босно
    2015 оны 01 сарын 29 | Хариулах
  • Зочин (103.10.21.109)
    Hudalaa shaahgui shuu Gatsuurtiig ogno gej baihgui
    2015 оны 01 сарын 28 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 14 цаг 59 минутын өмнө
    Дорноговь аймгийн Алтанширээ сумын нутагт хэрэгжиж буй Газрын тос боловсруулах үйлдвэр байгуулах төслийн талбайд үйлдвэрийн барилгын ажлыг эхлүүлэх ёслол (2021.01.15) болов.Дэлхий дахинд дэгдсэн цар тахлын хүнд цаг үед Монгол Улс, БНЭУ-ын Засгийн газрууд,  холбогдох төрийн байгууллага, орон нутгийн дэмжлэгтэйгээр “Монгол газрын тос боловсруулах үйлдвэр” ТӨХХК, төслийн менежментийн зөвлөх (ТМЗ) “Инженерс Индиа Лимитэд” компанийн инженерүүд хүчээ дайчлан, хамтран ажилласны үр дүнд өнөөдөр үйлдвэрийн технологийн бус байгууламжуудын барилга-угсралтын ажлыг эхлүүлж байгааг төсөл хэрэгжүүлэгчид онцолсон байна. Өнөөдрийн ёслолын арга хэмжээнд БНЭУ-аас Монгол Улсад суугаа Онц бөгөөд Бүрэн эрхт Элчин сайд М.П.Сингх биечлэн оролцжээ.   
  • Уржигдар 18 цаг 32 минутад
    Уул уурхайн ажилчдын ээлж солих зохион байгуулалттай арга хэмжээний хүрээнд ажилчдаас PCR шинжилгээ авах ажиллагааг Нийслэлийн эрүүл мэндийн газартай хамтран 01 дүгээр сарын 16-ны өдөр эхлүүлэх боллоо. Гамшгаас хамгаалах уул уурхай, хүнд үйлдвэрийн улсын албаны Шуурхай штабаас Нийслэлийн эрүүл мэндийн газрын шинжилгээ авах цэгүүдэд аж ахуйн нэгжүүдийг хуваарилж байна. Шинжилгээ өгөх хуваарийг Уул уурхай, хүнд үйлдвэрийн яамны вэб сайтын “Мэдээ мэдээлэл” цонхны “Шуурхай штаб мэдээлэл”  хэсэгт өнөөдөр, 01 дүгээр сарын 14-ний өдөр байршуулах тул аж ахуйн нэгжүүд орон нутгаас ирж шинжилгээнд хамрагдан ээлжинд гарах ажилчдаа Улаанбаатарт ирүүлэх талаар холбогдох арга хэмжээг авч ажиллана уу. Үүний тулд аймгуудын Онцгой комиссын цахим хаягаар тухайн орон нутгаас ирэх ажилчдынхаа мэдээлэл бүхий аж ахуйн нэгжийн албан хүсэлтийг хүргүүлж өөрийн ажилчныг тодорхойлж өгөх шаардлагатай байна.  
  • Уржигдар 18 цаг 17 минутад
    ОХУ-ын гадаад валютын нөөцийн бүтцэд анх удаа алтны хувь хэмжээ ам.долларыг давжээ. Тодруулбал, тус улсын Төв банкны тайлангаар, нийт нөөцийн 23%-ийг алт (128.5 тэрбум ам.доллартай тэнцэнэ) бүрдүүлж еврогийн дараа оржээ. Харин 124.6 тэрбум америк доллар нь нийт нөөцийн 22% болж буурсан байна. 2018 онд нийт нөөцийн 44%-ийг америк доллар бүрдүүлж байжээ. Энэхүү өөрчлөлт нь Оросын эдийн засгийг америк доллараас үл хамаарах, хоёр улсын харилцаа муудаж буй нөхцөлд АНУ-ын хориг арга хэмжээнд өртөмтгий байдлыг бууруулах гэсэн ОХУ-ын Ерөнхийлөгч В.В.Путины бодлогын нэг хэсэг хэмээн шинжээчид тайлбарлаж байгаа юм. 2020 оны арванхоёрдугаар 25-ны байдлаар, тус улсын гадаад валютын нийт нөөц 592.4 тэрбум ам.доллартай тэнцэж байв.   
  • Уржигдар 15 цаг 39 минутад
    Үнэт металын бүлэгт багтах родийн (Rh) ханш өссөөр байна. Өнгөрсөн арванхоёрдугаар сард, дэлхийн зах зээл дээр унц родий 16.9 мянган ам.доллар хүрч түүхэн дээд үзүүлэлтэд тооцогдсон юм. Тэгвэл 2021 он гарснаас хойш тухайн металын ханш 19%-иар өсчээ. Лхагва гаригийн (2021.01.13) байдлаар, унц родий 20.19 мянган ам.долларын үнэтэй худалдаалагдаж байна.  Ердөө 615 ам.долларын үнэтэй байсан родийн үнэ сүүлийн таван жилийн хугацаанд 3000% өсчээ. Энэхүү метал нь автомашины үйлдвэрлэлийн ойролцоогоор 85%-д хамаардаг гол түүхий эд юм. Улс орнууд агаарын бохирдлыг бууруулах хүчин чармайлтаас үүдэн аж үйлдвэрийн салбарт родийгийн хэрэгцээ нэмэгдсээр байна.
  • Уржигдар 13 цаг 37 минутад
    2021 онд Хятад улс нь зам тээврийн дэд бүтцэд 2.4 их наяд юанийн хөрөнгө оруулахаар төлөвлөөд байна. Энэ тухай тус улсын Зам, тээврийн сайд Ли Сяопин мэдэгджээ. Ингэхдээ 3700 км төмөр зам шинээр барьж байгуулах төсөөлөлтэй байна. Гэхдээ дэд зам тээврийн салбарын хөрөнгө оруулалтын талаарх тодорхой төлөвлөгөө, хөрөнгө оруулалтын хэмжээг албан ёсоор мэдээлээгүй байгаа юм. Өнгөрсөн оны хөрөнгө оруулалтын хэмжээтэй харьцуулахад 2021 онд мэдэгдэхүйц буурахаар байна. Тодруулбал, 2020 онд зам тээврийн дэд бүтцэд 3.42 их наяд юань (523.47 тэрбум ам.доллар) хөрөнгө оруулсан тухай Хятадын Үндэсний зам тээврийн хурлаар танилцуулжээ.