Уул уурхайн салбарын Оны шилдгүүдийг нэрлэв

2015-01-24 11:19
“Дандаа шүүмжлүүлэх амаргүй. Харин энэ шалгаруулалт дээр манай ололтыг олж тэмдэглэсэнд таатай байна” хэмээн Эрдэнэс Тавантолгой ХК-ийн Гүйцэтгэх захирал Я. Батсуурь онцлов.


Mongolian Mining Journal сэтгүүлийн газраас жил бүр уламжлал болгон зохион байгуулдаг Mining Journal Awards шалгаруулалт энэ жил 5 дахиа болов. Энэхүү шалгаруулалт мэргэжлийн Шүүгчдийн хараат бус үнэлгээнд үндэслэн, онооны нийлбэрээр шилдгийг тодруулдаг.

Дээр дурдсан “Эрдэнэс Тавантолгой” ХК-ийн хувьд үйл ажиллагаагаа явуулж буй 3 жил дөрвөн сарын хугацаанд хийсэн ажил олонтой ч, хэл ам ихтэй ажилласаар ирсэн. Харин 2014 оны эцэст 4.3 сая тонн нүүрс экспортолж, зардлаа 20 хувиар бууруулж чаджээ. Цагаан хадны гаалийн хэсгийг дамжилгүй, уурхайн гүний гаалиас шууд экспортод бүтээгдэхүүнээ ачсанаар тээврийн зардал хэмнэсэн амжилтаар энэхүү шалгаруулалтын нэг номинаци болох “Тогтвортой ажиллагааны үзүүлэлт”-д хамгийн өндөр оноо авчээ. Ажлын байрыг тогтвортой хадгалсан, хэмнэлтийн горимд шилжсэн, Цанхи хотхоныг ашиглалтад оруулсан, Зүүн Цанхийн гэрээт олборлогч компанитай зардал бууруулах талаар тохиролцож чадсан зэрэг амжилт нь Mining Journal Awards-ийн шалгуур үзүүлэлтийг хангасан байна.

Хэдийгээр “Эрдэнэс Тавантолгой” ХК-ийн тогтвортой үйл ажиллагааг төрийн буруу бодлогоор тасалдуулсаар ирсэн боловч зах зээл дээр үнэ 40 хүртэл хувиар унасан хүнд жилд хамгийн их экспорт хийж, хэмнэлтийн менежмент хэрэгжүүлснийг нь салбарын мэргэжлийн Шүүгчид бодитой өгүүлсэн юм.

“Тогтвортой ажиллагааны үзүүлэлт” номинаци нь хямрал эхэлсэн 2013 оноос Mining Journal Awards-т шинээр нэмэгдсэн байна. “Эрдэнэс Тавантолгой” ХК-аас гадна өөр нэг компани ижил оноогоор уг номинацид тэргүүн байрын шагнал авчээ. “Саусгоби сэндс” ХХК-г мөн л шүүмжилсэн, хардсан хандлага давамгайлж ирсэн. Тэгвэл тус компани нүүрсний зах зээлд үнэ унасан өнгөрсөн жил хэмнэлтийн горимд шилжин ажиллаж, ажлын байрыг тогтвортой хадгалжээ. Нарийнсухайт-Шивээхүрэн чиглэлд 24 см цементбетон хучилттай, 43 км автозамыг ашиглалтад оруулж, орон нутгийн хөгжилд дэмжлэг үзүүлэн, хөрөнгийн зах дээр санхүүжилт босгож, Байгаль орчны менежментийн төлөвлөгөөнийхөө хэрэгжилтийг 98.4 хувьтай дүгнүүлсэн амжилтаараа “Тогтвортой ажиллагааны үзүүлэлт” номинацид шагнал хүртсэн юм.

Эдүгээ хэвлэлүүдээр цацагдаж байгаа асуудал нь 2007-2011 оны татвар төлөлттэй холбоотой маргаан ба мөн хугацаанд тус компани нийт олсон орлогынхоо 22 хувийг татварт төлсөн атал дахин их хэмжээний татвар торгууль ногдуулж буй нь үндэслэлгүй хэмээн үзсээр иржээ. Харин Mining Journal Awards-т өрсөлдсөн 2014 оны ажлын үзүүлэлтийн тухайд Саусгоби Сэндс ХХК нь олборлолтын шууд мөнгөн зардлыг 10.30 ам. доллар болтол бууруулсан хэмнэлтийн амжилтаа тайлагнав. Уг зардал 2012 онд 25.10 ам. доллар байжээ.

Уул уурхайн салбарын үйл ажиллагааг сайн, муугаар нь мэргэжлийн түвшинд бодитой үзүүлэлт дээр ялган дүгнэдэг ийм хандлага асар их үгүйлэгдсээр байгааг, нийгмийн ерөнхий уур амьсгал дор бүгдийг нэгтгэн харлуулдаг нь  салбарын хамт олны зүтгэлийг үнэгүйдүүлж байгааг энд үг хэлсэн олон Компанийн захирал онцолж байлаа.

2014 оны дүнгээр манай улсын экспортын нийт орлогод ашигт малтмалын бүтээгдэхүүний эзлэх хувь 2013 оноосоо нэмэгдэж, 89 хувийг бүрдүүлж байна. Хямралт хэмээн нэрлээд байгаа 2014 онд алт үйлдвэрлэгчид 13 тонн алт Монголбанкинд тушаасан, цаашид нэмэгдэх хандлагатай байгааг салбарынхан мөн онцлов.


Mining Journal Awards-ийн хамгийн олон оролцогчтой номинаци нь “Эко уурхай”. Өмнөх жилүүдэд уг номинцид 30 хүртэл компани өрсөлдөж байсан удаатай. Энэ удаа Монполимет групп хамгийн өндөр оноо авч, оны шилдэг “Эко уурхай” боллоо.
Тус компани 2014 онд 74.3 га талбайд техникийн нөхөн сэргээлт, 37.3 га талбайд биологийн нөхөн сэргээлт хийж, их хэмжээний мод бут суулган, орон нутгийн иргэдийг  энэ ажилдаа хамруулж, ажлын байраар хангасан байна. Уул уурхайн компани болгон байгалийг эвдэн сүйтгэдэггүйг ялган салгаж, сайныг нь урамшуулж, саарыг нь шахаж шаардаж явах ёстойг Шүүгчдийн Зөвлөлийн эрдэмтэд тэмдэглэлээ. “Эко уурхай” номинацийг дүгнэх шалгуур 9 үзүүлэлтийг Байгаль орчны яамны мэргэжилтнүүд гаргасан ба хамгийн хатуу шалгууртай номинаци гэдгийг уул уурхайнхан өгүүлж байлаа.
Уул уурхайн яам, Ашигт малтмалын газар зэрэг төрийн захиргааны байгууллагын захиргаадалт, үзэмж дор явагддагүй, харин мэргэжлийн Шүүгчдийн үнэлгээний зарчмаар, хараат бус дүгнэгддэг тул Mining Journal Awards-ийн нэр хүнд салбартаа өндөр байсаар иржээ.



Оны шилдэг технологи” номинацид “Бэрэн метал” ХХК төмрийн хүдрийг гүн боловсруулан, эцсийн бүтээгдэхүүн гаргаж эхэлсэн сайхан амжилтаараа, “Фокус метал майнинг” компани 2014 онд бүрэн хүчин чадлаар нь ашиглалтад оруулсан төмрийн нойтон баяжуулах үйлдвэрээрээ хүчтэй өрсөлдөв. Шүүгчдийн үнэлгээгээр “Фокус Метал майнинг”  оны технологийн компани болжээ.


Харин “Уул уурхайн хариуцлагатай ажиллагаа” номинацид Оюутолгой ХХК 2014 онд Баяжуулах үйлдвэрээ бүрэн хүчин чадлаар нь ажиллуулж, 27.5 сая тонн хүдэр боловсруулсан үзүүлэлтээрээ, аюулгүй ажиллагааны дэлхийн түвшний стандартыг Монголд нутагшуулж буй хөдөлмөрөөрөө тэргүүлэв. “Байнга шүүмжлүүлсээр иржээ. Гэхдээ манай хамт олны хийж бүтээснийг бодитой харж ийнхүү үнэлж буйд гүнээ талархаж байна” хэмээн Оюутолгой ХХК-ийн ТУЗ-ийн дарга Г. Батсүх тэмдэглэлээ.


Уул уурхайн салбарын хамгийн нэр хүндтэй шагнал “Оны шилдэг уурхай”-н шагналыг  “Алтан Дорнод Монгол” ХХК 2014 оны төлөвлөгөөгөө 100 хувь биелүүлэн, борлуулалтын орлогоо өмнөх оноос 60 хувиар нэмэгдүүлсэн, 15 сая куб метр уулын цул хөндөж, 1548 кг алт олборлон, улс орон нутгийн төсөвт 3.7 тэрбум төгрөг төвлөрүүлсэн зэрэг амжилтаар шалгарчээ.  
Хямралын жил гээд гар хумин суугаагүй ажилласаар, төсөвт орлого оруулсаар ирснийг уул уурхайн салбарын том, жижиг олон компанийн үйл ажиллагааны үзүүлэлт ийнхүү харуулав. Mining Journal Awards 2014 Ёслолын хүндтэй зочдын нэг академич П. Очирбатын өгүүлснээр “Уурхайчид маш сайн ажиллаж, харин төрийн буруу бодлого энэ салбарыг тасралтгүй бужигнуулсаар” иржээ.

MINING JOURNAL AWARDS-2014


  • Shuult ni shudraga haraat bus mergejliin shuugchidd shuusen sain arga hemjee boljee
    2015 оны 01 сарын 25 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 5 цаг 10 минутын өмнө
    “Дэлхийн эдийн засгийн чуулган”-аас (World Economic Forum /WEF/) Бүгд Найрамдах Ардчилсан Конго улс дахь кобальтын олборлолтод хөдөлмөрийн нөхцөл, хүний эрхийг сайжруулах шаардлагатай тухай “Уул уурхайг аюулгүй, шударга болгох нь: БНАКонго дахь гар аргаар кобальт олборлолт” тайлан гаргажээ. Кобальт нь цахилгаан машин болон ухаалаг гар утас, зөөврийн компьютерын зай хураагуурын үйлдвэрлэлд үндсэн чухал түүхий эд болдог. Энэхүү тайланд дурдсанаар дэлхийн кобальтын хэрэглээ 2030 он гэхэд одоогийнхоос 4 дахин нэмэгдэх хандлагатай ажээ. Одоогийн байдлаар дэлхийн нийт кобальтийн нийлүүлэлтийн 70% нь БНАКонго улсад ногдож байна. Харин тус улсын нийт олборлолтын 30 хүртэлх хувь нь бичил уурхайгаас эх үүсвэртэй юм. Гэвч Конго дахь кобальтын бичил уурхайнуудад хөдөлмөрийн аюулгүй байдал, хөдөлмөрийн шударга үнэлэмж орхигдох байдал түгээмэл байна. Ийм нөхцөлд дэлхийн кобальтийн нийлүүлэлтийн сүлжээнд олборлолтыг хариуцлагатай болгоход бэрхшээл учрах нь гарцаагүй юм.
  • 8 цаг 23 минутын өмнө
    АНУ-аас Монгол Улсад суугаа Элчин сайдын яамнаас (2020.09.14) Монгол дахь хөрөнгө оруулалтын орчны шинжилгээг хийж тайлан гаргасан байна. Тайланд  2017-2020 оны тавдугаар сарын хугацаанд Монгол Улсад хэрэгжсэн “Өргөтсөн санхүүжилтийн хөтөлбөр” амжилттай дуусч чадаагүй гэсэн ОУВС-ийн дүгнэлтийг дурджээ. Тодруулбал, тус тайланд “Монгол Улсын өр 2020 онд ДНБ-ий 77%-тай тэнцэх төлөвтэй байна. 2021 оноос эхлэн гадаад зээлдүүлэгчдэд төлөх өр төлбөрүүдтэй нүүр тулж байгаа нь төлбөрийн тэнцлийн дарамтыг үүсгэж болзошгүй. Монгол Улс гурван жилийн хугацаатай Олон улсын валютын сангийн хөтөлбөр хэрэгжүүлж эдийн засгийн эмзэг байдлыг мэдэгдэхүйц бууруулсан ч Засгийн газар банкны салбартай холбоотой ОУВС-ийн макро зохистой асуудлуудыг шийдвэрлэж чадаагүй тул хөтөлбөр 2020 оны тавдугаар сард амжилтгүй дуусгавар болсон" гэж үзсэн байна. 
  • 9 цаг 7 минутын өмнө
    Монгол Улсын Ерөнхий сайд У.Хүрэлсүх “Дарханы төмөрлөгийн үйлдвэр”-т ажиллах үеэрээ  "Иргэдийг орон сууцжуулах хөтөлбөр" ийг хэрэгжүүлэхэд чухал хувь нэмэр оруулах ёстой. Засгийн газар дотоодын үйлдвэрлэлийг бүх талаар дэмжинэ” гэв. Дарханы төмөрлөгийн үйлдвэр" компани 1990 онд байгуулдсан, уул уурхайн олборлолт, боловсруулалт, төмөрлөгийн үйлдвэрлэл, гадаад болон дотоод худалдаа зэрэг үндсэн чиглэлээр үйл ажиллагаа явуулдаг. “Монгол гангаар Монголыг хөгжүүлнэ” гэсэн уриа, зорилготой. Улсдаа металлургийн анхдагч, хамгийн том ган үйлдвэрлэгч юм. Гангийн үйлдвэр нь жилдээ 121.7 мянган тонн хаягдал төмөр хайлж, 108.7 мянган тонн бэлдэц үйлдвэрлэн, 100 мянган тонн цувимал үйлдвэрлэх хүчин чадалтай.
  • Өчигдөр 17 цаг 52 минутад
    Санхүүгийн зохицуулах хороо 2007 онд компанийн засаглалын кодексыг 9 бүлэгтэй боловсруулан баталсан бол 2014 онд онд тус кодексыг 10 бүлэгтэйгээр дахин шинэчилжээ. Түүнд хамаарах хувьцаат компаниудын санхүүгийн тайлагнал, мэдээллийн ил тод нээлттэй байдал болон хувьцаа эзэмшигчдийн ээлжит хурлыг журмын дагуу зохион байгуулах, тэмдэглэл болон шийдвэрийн нээлттэй, ил тод байдал нь нийт хувьцаа эзэмшигчид, хөрөнгө оруулагч нарт тэгш боломж олгох чухал үүрэгтэй юм. Өнөөдөр (2020.09.17) Санхүүгийн зохицуулах хороо, Нээлттэй нийгэм форум хамтран “Хувьцаат компанийн комплайнс, мэдээллийн ил тод байдал” хэлэлцүүлгийг зохион байгууллаа. Хэлэлцүүлгийн эхний хэсэгт “Хувьцаат компаниудын хуулиар хүлээсэн үүргийн нийцэл” сэдвээр мэдээлэл хүргэж, “Хувьцаа эзэмшигчдийн ээлжит хурлын зохион байгуулалтын үнэлгээний тайлан”-г танилцуулсан юм.
  • Өчигдөр 15 цаг 43 минутад
    Дэлхийн банкнаас есдүгээр сард боловсруулан гаргасан “Уул уурхай ба Оюун ухаан: Байгалийн баялгийн өгөөжийг институц болон хүний хөгжилд чиглүүлэх нь” тайландаа Монголын хөгжлийн одоогийн загварыг задлан шинжилжээ. Уг тайланг өнөөдөр (2020.09.17) танилцуулсан бөгөөд Монгол Улсын эдийн засаг нь уул уурхайн салбарт бус оюун ухаан, институцийн хөгжил рүү чиглэх ёстойг онцолсон байна. Тайланд тооцсоноор, сүүлийн хорин жилийн хугацаанд манай улс эрдэс баялгийн орлогын 1 ам.доллар тутмаас ердөө нэг центийг үр хойчдоо хуримтлуулжээ. Монгол Улс 2008 оноос эхлэн төсвийн зарлагаа огцом нэмэгдүүлж, улмаар хуримтлалгүй өдий хүрсэн байна. Энэ бүхэн нь манай улс эрдсийн зах зээлийн мөчлөг дагасан бодлого явуулж ирсний тод илрэл юм. Гэхдээ 2017 оноос эхлэн Байгалийн баялгийн санд бага зэрэг хөрөнгө хуримтлуулах болсон нь сайшаалтайг тайланд тэмдэглэжээ.