Шүрэнгийн УЦС-ыг 244 МВт байхаар төлөвлөжээ

2015-01-19 15:21

Сэлэнгэ аймгийн Цагааннуур сумын нутаг дэвсгэр дээр баригдахаар төлөвлөж буй Шүрэнгийн усан цахилгаан станцын (УЦС) техник, эдийн засгийн болон байгаль орчны урьдчилсан судалгааг Герман болон Монголын зөвлөх компаниуд боловсруулж дуусгасан байна. Судалгаагаар энэхүү УЦС-ын нийт хүчин чадал нь 244 МВт байх бөгөөд жилдээ 930 ГВт.цаг цахилгаан үйлдвэрлэх юм байна. Далангийн өндөр 65 метр, урт нь 1230 метр байх ажээ. Монгол улсын цахилгаан үйлдвэрлэлийн хүчин чадал одоогийн байдлаар ойролцоогоор  900 гаруй МВт байгаа бөгөөд үүний 90.44% буюу 827.4 МВт нь дулааны цахилгаан станц, үлдсэн 9.55% буюу 87.42 МВт нь сэргээгдэх эрчим хүчнээс эх үүсвэртэй байгаа юм.

Ойролцоогоор 300 МВт-ын хүчин чадалтай байх төлөвтэй байсан Шүрэнгийн УЦС-ын хүчин чадал нь ийнхүү 244 МВт-ын бүтээмжтэй байж, жилдээ 50-60 сая долларын цахилгаан борлуулах боломжийг урьдчилсан судалгаагаар дэвшүүлжээ. Харин төсөлд зарцуулагдах нийт хөрөнгө оруулалт 780 гаруй сая ам.доллар байна гэж гарчээ. Уг УЦС-ын хүрээнд 4.8 тэрбум м3 ус хуримтлуулах юм. Энэ талаар өнгөрсөн баасан гаригт болсон Шүрэнгийн УЦС-ын байгаль орчны судалгааны талаарх хэлэлцүүлгийн үеэр хөндөн ярилцсан юм.

Уг төсөлд тулгарах гадаад эрсдэл болох хил дамнасан голын асуудал, маргааныг хэлэлцэх шаадлага юун түрүүнд тавигдахаар байна. Түүнчлэн дотоод эрсдэлд эрчим хүчний сул бодлого, 20300 га талбай усанд автах, нөлөөлөлд автах сум сууринг нүүлгэн шилжүүлэх зэрэг асуудлыг шийдвэрлэх ажил багтаж байна.

Гэхдээ уг төслийг сайтар судалж, төлөвлөгөөтэйгөөр барьж байгуулж чадвал Монгол улс эрчим хүчний аюулгүй байдлаа хангахад тун чухал алхам болох ажээ. Манай улс дотоодын цахилгааны хэрэглээгээ бүрэн хангаж чадахгүй байгаа тул ОХУ-аас жил бүр олон арван тэрбум төгрөгийн эрчим хүч импортолж авдаг. 2014 онд ОХУ-аас нийтдээ 287 сая КВт.цаг эрчим хүчийг 57 тэрбум төгрөгөөр импортолжээ.  1997 оноос хойш ОХУ-аас нийтдээ 320 сая долларын өртөг бүхий эрчим хүч авчээ.

Уг УЦС-ын ус хуримтлуулах талбай нь Сэлэнгэ аймгийн гурван сум, Булганы хоёр сумыг дайрах тооцоо гарсан. Нөлөөллийн бүс нутагт Монгол орны нэн чухал бөгөөд ховор ургамлын зүйлс ургадаг бөгөөд тэдгээрийг хамгаалж, нөхөн сэргээх ажлыг нухацтай авч үзэх шаардлагатай тухай Монголын Зөгийчдийн нийгэмлэг үзэж байна. Түүнчлэн усны хуримтлал ихэсч, тогтонгишсоноос үүдэн усны чанар өөрчлөгдөх, тэнд амьдрах биологийн төрөл зүйлийг хамгаалах ажлыг сайтар судалж, төлөвлөх нь чухлыг хэлэлцүүлэгт оролцогчид санууллаа.

Шүрэнгийн УЦС-ын төсөл Монгол орны экологийн хамгийн чухал бүсэд байршиж буй учраас экологийн хувьд нөлөөллийг хамгийн бага байлгахын тулд төслийн байгаль орчны судалгааг маш нарийн түвшинд, чадварлаг хийх шаардлага зүй ёсоор тавигдаж байна. Уг төслийн техник, эдийн засгийн судалгаа болоод Байгаль орчинд нөлөөлөх байдлын нарийвчилсан үнэлгээг 2016 онд боловсруулж дуусахаар тооцоолж буй ч наана нь хийх ажил тун арвин байгаа нь хэлэлцүүлгээс илэрхий харагдаж  байсан юм.

Дэлхий нийтээр нүүрсний цахилгаан станц шинээр байгуулахаас зайлсхийж, харин ч сэргээгдэх эрчим хүчний чиглэлд томоохон хөрөнгө оруулалт хийж эхэлж буй энэ үед энэ чиглэлийн төсөл нүдээ олсон хэрэг болж буй юм. Гэвч төслийг нарийн судалгааны хүрээнд хийж гэмээнэ жинхэнэ эко шийдэлтэй УЦС-ыг байгуулж чадах юм.

Одоо хийж дуусгаад буй техник, эдийн засгийн болон байгаль орчны урьдчилсан судалгааг Дэлхийн банкны стандартын дагуу “Уул уурхайн дэд бүтцийн хөрөнгө оруулалтыг дэмжих” төслийн хүрээнд боловсруулаад буй юм. Цаашид уг төслийн хүрээнд судалгааг боловсруулахдаа олон нийтийн санал бодлыг авч ажиллах бөгөөд ирэх онд боловсруулж дуусмагц мөн нийтэд мэдээлэх юм байна.



Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 2020-07-20 13:13
    Катодын зэс үйлдвэрлэлийн технологийг анх удаа Монгол орны уур амьсгалын эрс тэс нөхцөлд амжилттай нутагшуулж, зэсийн исэлдсэн эрдэс бүхий хүдрийг уусган баяжуулах аргаар боловсруулан, цэвэр зэс үйлдвэрлэж буй “Эрдмин” ХХК дотоодын төдийгүй гадаадын уул уурхайн зах зээлд хэдийнэ танил болжээ.  Тус компани нь “Эрдэнэт үйлдвэр”-ийн хаягдал, балансын бус хүдрийн овоолгуудыг 40 жилийн турш ашиглах гэрээ байгуулан ажиллаж байгаа билээ.The Mongolian Mining Journal сэтгүүлээс зохион байгуулсан уул уурхайн салбарын шилдгүүдийг тодруулах Mining Journal Awards-2013 ёслолын ажиллагааны “Шилдэг технологи” шагналыг “Эрдмин” компани хүртсэн түүхтэй. Жилд 2500 орчим тонн катодын цэвэр зэс үйлдвэрлэж экспортод гаргаж, 41 нэр төрлийн 3 сая гаруй метр зэс утас үйлдвэрлэн дотоодын зах зээлд нийлүүлж байгаа зэрэг үзүүлэлтүүдээрээ тус компани энэхүү нэр хүндтэй номинацийн эзэн болж байсан юм. 
  • 2020-07-20 13:09
    УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна. УИХ-ын дарга Г.Занданшатар, Уул уурхай, хүнд үйлдвэрийн сайд Г.Ёндон болон Зам, тээврийн хөгжлийн сайд Л.Халтар нар Дорноговь аймагт (2020.07.20)ажиллаж байна. Төлөөлөгчдийн бүрэлдэхүүнийг “Монгол газрын тос боловсруулах үйлдвэр” ТӨХХК-ийн Гүйцэтгэх захирал, ерөнхий инженер Д.Алтанцэцэг, “Улаанбаатар төмөр зам”ХНН-ийн дарга Р.Жигжиднямаа дагалдаж байна.
  • 2020-07-17 11:48
    Монгол Улсын Засгийн газраас хэрэгжүүлж буй Тавантолгой-Зүүнбаян чиглэлийн төмөр замын ажлын эхний 50 км зам бэлэн болж өнгөрсөн зургадугаар  сард нээлтээ хийсэн юм. 2019 оноос эхлэн жил гаруйн хугацаанд эрчимтэй өрнөж 416.1 км-ийн 200 км-т доод бүтэц, газар шорооны ажил мөн л дуусчээ. Уг бүтээн байгуулалтад “Тавантолгой төмөр зам” ХХК захиалагчийн хяналтын үүрэг гүйцэтгэн ажиллаж байна. Тус компани 2019 оны зургадугаар  сарын 19-нд  “Монголын төмөр зам” ТӨХК-тай хамтран ажиллах гэрээгээ байгуулсан бөгөөд  энэ оны долдугаар  сард гэрээний хугацаа дууссан ч талууд гэрээгээ дахин сунгаж,   захиалагчийн хяналтын үүргийг  үргэлжлүүлэн гүйцэтгэхээр болжээ.
  • 2020-07-17 11:05
    Монгол Улсын Засгийн газар  өчигдрийн /07.16/ хуралдаанаар  нэр бүхий албан хаагчдыг Ерөнхий сайдын санал болгосны дагуу танхимын гишүүдийн 100%-ийн саналаар яамдын дэд сайд нарыг томилсон юм. 2020-2024  онд бүрэх эрхийн хүрээнд ажиллах Уул уурхай, хүнд үйлдвэрийн дэд сайдаар Отгоншарын Батнайрамдлыг томилсон шийдвэрийг Засгийн газрын хуралдаанаар гаргалаа. О.Батнайрамдал нь 1984 онд Ховд аймгийн Жаргалант суманд төржээ. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвард их сургуулийг тус тус төгссөн байна.
  • 2020-07-10 16:41
    Гаалийн ерөнхий газрын мэдээлснээр, энэ оны эхний хагас жилийн байдлаар нүүрсний экспортын нийт хэмжээ 8.65 сая тоннд хүрч өмнөх оны мөн үеийнхээс 52%-иар буурсан байна. Тодруулбал, 2019 оны эхний хагас жилд манай улс нийт 18 сая тонн нүүрс экспортолж байсан бөгөөд энэ оны эхний хагас жилтэй харьцуулахад 9.4 орчим сая тонноор илүү их нүүрс гадагш нь худалдаалжээ. Ингэснээр нүүрсний экспортын орлого энэ оны эхний хагас жилийн байдлаар 690 сая ам.долларт хүрч өнгөрсөн оны мөн үетэй харьцуулахад 850 сая ам.доллараар буурсан байна.