Зэсийн экспорт 1.6 тэрбум доллараар өсөв

2015-01-15 17:29

ҮСХ-ны мэдээллээр 2014 онд Монгол улсын гадаад худалдаа 537.9 сая ам.долларын ашигтай гарсан байна. Экспорт 5 тэрбум 774 сая доллар болж, өмнөх оныхоос 35.3% өссөн бол импорт 5 тэрбум 236 сая доллар болж, 17.6% буурчээ.

Зэс, нүүрс, газрын тос, төмрийн хүдэр, алтны экспорт 4.9 тэрбум доллар болж, нийт экспортын 85%-ийг бүрдүүлж байна. 2013 оны дээрх 5 ашигт малтмалын экспорт 3.55 тэрбум доллар болж, нийт экспортын 83.1%-ийг бүрдүүлж байжээ.

Зэсийн баяжмалын экспортын биет хэмжээ 2.1 дахин нэмэгдэж, 1 сая 378.1 мянган  тонн болсон бол үнийн дүн нь 2.7 дахин нэмэгдэж, 2 тэрбум 573 сая доллар болсон байна. Зэсийн экспорт нийт экспортын 44.5%-ийг ганцаараа бүрдүүлжээ. 2013 онд уг үзүүлэлт 22.2%-тай байсан юм.

Нүүрсний экспортын биет хэмжээ 6.1%-иар нэмэгдэж, 19.5 сая тонн болсон бол экспортын орлого 24.3% буюу 373 сая доллараар буурч, 849 сая доллар болжээ. Нүүрсний экспорт нийт экспортын 14.7%-ийг бүрдүүлж байна. 2013 онд нүүрсний экспорт 26.2%-ийг бүрдүүлж, экспортын хамгийн том салбар болж байв.

Газрын тосны экспортын биет хэмжээ 31.3% буюу 1.6 сая баррелиар нэмэгдэж, 6.9 сая баррель болсон бол экспортын орлого 23.1%-иар нэмэгдэж, 634.6 сая долларт хүрчээ. Газрын тосны экспорт нийт экспортын 10.9%-ийг бүрдүүлж байна. 2013 онд уг үзүүлэлт 12%-тай байв.

Төмрийн хүдрийн экспортын биет хэмжээ 91 мянган тонноор ялимгүй буурч, 6.3 сая тонн болсон бол экспортын орлого 31.8% буюу 207 сая доллараар буурч 446 сая доллар болжээ. Төмрийн хүдрийн экспорт нийт экспортын 7.7%-ийг бүрдүүлжээ. 2013 онд 15%-ийг бүрдүүлж байв.

Алтны экспорт 2.4 тонноор нэмэгдэж, 10 тонн болсон бол экспортын орлого 95.4 сая доллараар нэмэгдэж, 405.2 сая доллар болсон байна. Алтны экспорт нийт экспортын 7%-ийг бүрдүүлж байгаа юм.



С.Болд-Эрдэнэ 


Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 3 цаг 2 минутын өмнө
    “Цагаан тоос” дэд хөтөлбөрийг батлах үед иргэдийн төлөөлөх чадварын үнэлгээг гаргаж,  387 иргэнийг сонгон шалгаруулж эрүүл мэндийн урьдчилсан үзлэгт хамруулахаар болсон билээ. Ингэхдээ Цагаан тоосны голомтод бүс буюу Эрдэнэт хотын Говил баг, вокзал орчмын өрхүүдээс сонгоно. 2019 онд төсвийн хүрээнд тус шинжилгээнд 101 иргэнийг нэмэлтээр хамруулах боломжтой гэж үзэн, нийт 488 болгож нэмэгдүүлсэн байна.        
  • Өчигдөр 10 цаг 16 минутад
    “Зогсолтгүй хүч-Шантаршгүй зүтгэл” (Unstoppable Effort. Extreme support) уриатайгаар  үйл ажиллагаа явуулдаг “ЗаМайн Сервисиз” ХХК нь 2010 оноос хойш “Customer Appreciation Day” /Харилцагчдын хүндэтгэлийн өдөр/-ийг хоёр жил тутамд зохион байгуулдаг уламжлалтай. Энэ жилийн арга хэмжээг тус компанийн зүгээс  есдүгээр сарын 13-нд “Скай ресорт” цогцолборт зохион байгуулсан юм. Хүндэтгэлийн өдөрлөгт “ЗаМайн Сервисиз” ХХК-ийн хөрөнгө оруулагч компаниуд, харилцагч байгууллагууд, банк санхүүгийн салбарын  370 орчим төлөөлөл болон “Хитачи констракшн машинери”, “Марубени” корпорацийн уул уурхайн хэлтсийн менежерүүд уригдан иржээ.   
  • Уржигдар 15 цаг 46 минутад
    Баянхонгор аймгийн Мэргэжлийн хяналтын газар төлөвлөгөөт, урьдчилан сэргийлэх, төлөвлөгөөт бус болон иргэдээс ирсэн гомдлын дагуу хяналт шалгалтыг тогтмол хийдэг. Уул уурхайтай холбоотой эдгээр хяналт шалгалт болоод цаг үеийн асуудлаар аймгийн Мэргэжлийн хяналтын газрын Геологи, уул уурхайн улсын байцаагч Ц.Болорчимэгтэй ярилцлаа. 2019 онд аймагт хичнээн уул уурхайн компани ажиллаж байна. Эдгээрт хэдэн удаагийн хяналт шалгалтыг хийгээд байна вэ? Энэ онд бид 11 аж ахуйн нэгжийн үйл ажиллагааг шалгахаар төлөвлөсөн. Эдгээр аж ахуйн нэгжийг сонгож төлөвлөхдөө өмнөх жил үйл ажиллагаа явуулсан эсэх, одоо явуулж байгаа, цаашид явуулах эсэхийг хардаг.
  • Уржигдар 10 цаг 58 минутад
    2016 оны хоёрдугаар хагасаас эхлэн эрдсийн зах зээлд “урь” орж эхэлсэн бол одоо илүүтэй “хүйтрэх” шинжтэй болж ирж байна. Гэхдээ энэ бүхэн нь АНУ-Хятадын худалдааны дайнтай ихээхэн холбоотой. АНУ, Хятад дор бүрнээ дотоодын бизнесүүдийг хамгаалах оролдлого хийж байгаа ч тэдний тулааны нөлөө бусад голлох эдийн засгуудад муугаар нөлөөлж, улмаар дэлхийн эдийн засаг, түүхий эдийн зах зээлийг доош татаж байна. Нөгөөтэйгүүр эрдсийн зах зээлийн бууралтын мөчлөг эхэллээ гэж дүгнэх нь хэтэрхий эрт байгааг энд сануулья. Тухайлбал зэсийн хувьд бууралттай   ч урт хугацааны төлөв нь тун өөдрөг хэвээр. Гэхдээ яг одоогоор алтнаас бусад эрдсийн хувьд бууралттай тулгарч байна. Эрдэс тус бүрээр байдал ямар байгааг авч үзье.
  • 2019-09-13 14:06
    Өнгөрсөн хоёр сарын хугацаанд Баянхонгор аймаг дахь Алт сорьцлох хяналтын лаборатори 10 гаруй иргэн, гурван аж ахуйн нэгжээс 80 орчим кг алт авч Монголбанкинд тушаажээ. Тус лаборатори нь нийтдээ 90 орчим алтан гулдмай хэвлэн гаргаж, химийн сорьцын шинжилгээ хийсэн байна. Тэгвэл энэ оны есдүгээр сарын байдлаар 450 орчим кг алт Монголбанкинд тушаасан бөгөөд нийт 390 орчим алтан гулдмайг хэвлэж, сорьцын шинжилгээ хийсэн аж. Энэ хэмжээ ирэх хоёр сарын хугацаанд өсөх хандлагатай байна.