Зэсийн үнэ огцом буурлаа

2015-01-15 16:29

Аж үйлдвэрийн гол металын нэг болох зэсийн 3 сарын гэрээт үнэ Лондоны металын бирж дээр өчигдрийн байдлаар нэг тонн нь 5350 ам.доллар болж, 2009 оны 7 дугаар сараас хойшхи хугацаан дахь хамгийн доод үнэд хүрсэн тухай хэвлэлүүдээр мэдээлж байна. Гэхдээ зэсийн 3 сарын гэрээт үнэ тус бирж дээр өчигдөр хаалтын үеэр 5555 ам.долларт хүрч ялимгүй өсчээ. Өнөөдрийн худалдаагаар зэсийн үнэ 5770 ам.доллар болж дээшлээд байна.

Тус бирж дээр зэсийн нөөц өчигдөр 194 мянган тоннд хүрч өссөн нь өнгөрсөн оны 5 дугаар сараас хойшхи хамгийн дээгүүр үзүүлэлт юм. Энэ сарын 12-ны байдлаар Лондоны металын бирж дээрх зэсийн шууд худалдааны үнэ 6130 ам.доллар/тонн-д хэлбэлзэж байсан юм.

Шинжээчид зэсийн үнэ ердөө хоёрхон өдрийн хугацаанд ийнхүү огцом буурсныг Хятадын эдийн засгийн өсөлтийн удаашрал болон зэсийн эрэлтийн өсөлт хумигдах төлөвтэй холбон тайлбарлаж байна. Түүнчлэн энэ онд зэсийн нийлүүлэлт эрэлтээсээ хавьгүй давах төлөвтэй байгаа нь зах зээлийн байдлыг бүр ч дордоход нөлөөлжээ.

CRU группын мэдээлж буйгаар, Хятадын зэсийн эрэлт энэ онд 4%-д хүрэх төлөвтэй байгаа нь тус байгууллагын өмнө нь гаргаж байсан 5.5%-ийн таамгаас хавьгүй доогуур дүн юм. Өнгөрсөн 2002-2012 оны хооронд хүрэн металын эрэлтийн өсөлт урд хөршид дунджаар 10%-тай байжээ.

Goldman Sachs банкны мэдээлж буйгаар, дэлхийн зэсийн эрэлтийн 40 гаруй хувийг дангаараа бүрдүүлдэг Хятад улс энэ улиралд зэсийн нөөцийг нэмэгдүүлэхээр худалдан авалт хийх эсэхээс үнэ сэргэх нь шууд хамаарах ажээ. Гэвч энэ улиралд тус улсын хэмжээнд нөөцөө  нэмэгдүүлэхээр худалдан авалт хийхгүй байж тун мэдэхийг тус банк мэдээлжээ.

Үүнээс гадна Хятад улсын эдийн засгийн өсөлт энэ онд 7% болж саарахаар байгаагийн зэрэгцээ урд хөршийн банкны зээлийн хэмжээ хумигдаж буй нь зэсийн эрэлт удаашрах хүчин зүйл болж байна. Зэсийн зах зээлд томоохон макро түвшний хөрөнгө оруулагчид тоглодог учир хүрэн металын ханш бусад эрдсийг бодвол илүү хурдан үнэ нь буурч буйг Citigroup-ийн шинжээч тайлбарлажээ.

Энэ оны хувьд Монгол улсын төсөвт нэг тонн зэсийн үнийг 6354.7 ам.доллар байхаар тооцсон. Дэлхийн судалгааны байгууллагууд ч зэсийн үнийг 2015 онд 6500-6800 ам.доллар/тонн хэмжээнд байх таамгийг өнгөрсөн оны төгсгөлд дэвшүүлж байсан. Үнэхээр ч зэсийн үнэ өнгөрсөн онд харьцангуй бага хувиар буурч, хөрөнгө оруулагчдын хувьд итгэл хүлээж чадахуйц баталгаатай метал гэдгээ харуулсан. Гэсэн ч он гармагц зэсийн зах зээл дэх тоглолт тун муу байгаа нь үнийн төлөв биелэх эсэхэд эргэлзээ төрүүлж байна.


Б.Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 7 цаг 38 минутын өмнө
    Уул уурхай, хүнд үйлдвэрийн яам (2021.03.03) “Газрын тос дамжуулах хоолойг санхүүжүүлж, барих төсөл”-ийн сонгон шалгаруулалтыг зарлалаа. Дорнод аймгийн нутаг дахь Тамсагийн ордоос түүхий тос дамжуулах 530 км урт хоолой, шаардлагатай дагалдах байгууламжийн хамт иж бүрнээр барих төсөл юм. Энэ нь Дорноговь аймгийн нутагт баригдаж буй Газрын тос боловсруулах үйлдвэрийн төсөлд Монгол Улсын хариуцах хамгийн том хөрөнгө оруулалт юм. Уг ажлыг гүйцэтгэхэд шаардагдах санхүүжилтийг урт хугацааны бага хүүтэй эх үүсвэрээр шийдвэрлэнэ гэж УУХҮЯ-наас мэдээлжээ.
  • 7 цаг 50 минутын өмнө
    Манай улсын 100 гаруй төсөлд 57 их наяд төгрөг шаардлагатай байна. Энэ дөрвөн жилд 10 хүрэхгүй их наяд төгрөгийг улсын төсвийн санхүүжилт болон төсөвт хамааралтай гадаад доноруудаас урт хугацааны санхүүжилт авч зарим төслөө урагшлуулах урьдчилсан төлөв гарчээ. Харин 47 гаруй их наяд төгрөгийг гадаадын шууд хөрөнгө оруулалт, төр-хувийн хэвшлийн түншлэлийн концесс хэлбэрээр, хувийн хэвшлээр 100% хэрэгжүүлэх зэргээр санхүүжилтийн боломжит бүх хувилбарыг Сангийн яам ид судалж байна. Монгол Улсын эдийн засаг, нийгэмд үзүүлэх үр өгөөжөөр нь ангилан, эдийн засаг дотроо импортыг орлох, экспортын орлого оруулах байдлаар нь эрэмбэлсэн тэргүүлэх 100 төслийг шинэ Засгийн газар ажлын 100 хоногийн дараа олон нийтэд зарлахаар төлөвлөжээ. Дөрөвдүгээр сард эхлэх УИХ-ын хаврын чуулганаар төсөл, эх үүсвэрүүд илүү тодрох бололтой. Төр-хувийн хэвшлийн түншлэлийг дэмжих “лоозон” одоо л хэрэгжих цаг үе. 
  • 11 цаг 29 минутын өмнө
    ОХУ-ын Ерөнхийлөгч В.В.Путин (2021.03.02) нүүрсний салбарын асуудлаар цахим хурал хийжээ. Нүүрсний экспортыг нэмэгдүүлэхэд шаардлагатай шинэ төмөр замын төслийг РЖД компани хэрэгжүүлэхийг дэмжсэн байна. Тодруулбал, Якутын бүс нутгаас Алс Дорнодын далайн боомт хүртэлх 1000 гаруй км үргэлжлэх “Тында-Комсомольск-Ванино” чиглэлд төмөр зам барих төсөл юм.  Уг төмөр зам нь Якутын ордуудаас нүүрсийг Хятад руу экспортлох гол дэд бүтэц болох аж. Шаардлагатай тохиолдолд шинэ төмөр замын төслийн санхүүжилтийг ОХУ-ын Үндэсний баялгийн сангаас гаргах боломж буйг Ерөнхийлөгч Путин мэдэгдэлдээ дурджээ.  
  • Уржигдар 15 цаг 05 минутад
    “Степ голд” компанийн эзэмшлийн Алтан цагаан овоо алтны ордын нөөц 1.22 саяас 2.45 сая унц болж хоёр дахин өссөн байна. Уг нөөцийн тооцоололд үндэслэн 2021 оны хоёрдугаар улиралд ТЭЗҮ-ээ шинэчлэн боловсруулна. Анхдагч хүдрийн нөөц нэмэгдсэнээр төслийн үргэлжлэх хугацааг уртасгаж жилд 150 мянган унц алт олборлох хүчин чадалд хүрнэ гэж төсөл хэрэгжүүлэгчид үзэж байна.
  • Уржигдар 13 цаг 25 минутад
    Дэлхийн уул уурхайн хоёр дахь том компани “Рио Тинто” 2020 оны тайлангаа танилцууллаа. Тус компанийн мэдээлснээр өнгөрсөн онд нийт борлуулалтын нэгдсэн орлого 44.6 тэрбум ам.долларт хүрсэн байна. Уг үзүүлэлт 2019 онд 43.2 тэрбум ам.доллартай байсан юм. Энэ дундаа төмрийн хүдрийн борлуулалт дийлэнхийг бүрдүүллээ. Тодруулбал Австралийн Пилбара дахь төмрийн хүдрийн уурхайнуудаас нийтдээ 333.4 сая тонн төмрийн хүдэр олборлож, борлуулалтын орлого нийтдээ 27.5 тэрбум ам.доллараар хэмжигдлээ. Өнгөрсөн онд зах зээлд төмрийн хүдрийн ханш нэмэгдсэнтэй холбоотойгоор тус компанийн суурь орлогын (underlying earnings) үзүүлэлт 12.5 орчим тэрбум ам.долларт хүрсэн нь 2019 оны дүнгээс даруй 2.1 тэрбум ам.доллараар өсөлттэй гарчээ.