Гансүхээс үлдсэн төмөр замын өв

2014-10-23 12:52
Төмөр замын бүтээн байгуулалтыг геополитик, улсын нууц, тусгаар тогтнол гэсэн халхавчаар орлуулж, бодит амьдрал дээр олон төрлийн бантан хутгаж, 2-3 нэвтрүүлэг, хүүхэлдэйн киногоор дамжуулан ард түмний тархи угааж ирсэн нэр бүхий бүлгэм зам тээврийн салбараас зайлах цаг нь ирсэн бололтой.

Манай төмөр замын салбар бүхэлдээ гацаанд орсон гэж хэлж болно. Гадаадтай харилцах асуудлууд, дотооддоо төмөр зам барих гэж бантагнуулсан явдлууд, эрх зүйн орчинд нэг ч алхам урагшлаагүй гэсэн зүйлүүд шинээр томилогдох сайдад хүнд ачаа болох нь тодорхой.

Гадаад бэрхшээлүүд:
1.    ОХУ-тай шийдвэрлэх асуудлууд.

2009 оны 8 сард шинээр сонгогдсон ерөнхийлөгч Ц.Элбэгдорж ОХУ-ын ерөнхийлөгч Д.А.Медведевтэй “Монгол улс, ОХУ-ын хооронд стратегийн түншлэл хөгжүүлэх тунхаглал” гэгч баримт бичигт гаруун үсэг зурсан. Олон асуудал хөндсөн энэхүү баримт нь манай хоёр орны хамтын ажиллагаа, харилцааны түвшинг олон жилээр тодорхойлох нь дамжиггүй. Энэ баримтад дурдагдсан төмөр замтай холбоотой хэсгийг нь харья.


 
Энэхүү тунхаглалд дурдагдсан 1949 оны “УБТЗ” ХНН-ийг дүрмийг өөрчлөх гэсэн зорилго нь огт биелэлээ олоогүй. Одоогийн байдлаар хэрэгжих ямар ч үндэслэлгүй байгаа. Асуудлын гол нь оросын талын эзлэж байгаа хатуу байр сууриндаа биш, манай талаас ямар ч бодит алхмууд хийхгүй байгаад оршиж байна.

Орос-Монголын хамтарсан “УБТЗ” ХНН гэж байна. Үүний хажуугаар “Дэд бүтцийн хөгжил” ХХК гэж бас нэг аж ахуйн нэгж байгуулсан. Эхлээд талууд ижил хэмжээгээр хувьцаагаа эзэмшиж байсан бол хэдэн жилийн өмнө Монголын тал нь өөрт ноогдох 50 хувийг оросын талд шилжүүлж өгсөн. Яг адилхан зорилготой, тэнцүү хуваагдсан хоёр хамтарсан компаниар бид юу хийх болж байна?

Түүнчлэн манай төмөр замын сүлжээг 1520 мм өргөнтэй царигаар барьна гэж тохиролцсон хүнд асуудал байна. Энэ бүгдээс хамгийн хэцүү асуудал нь 2 талын харилцан тохирсон “Монголд хэрэгжих төмөр замын төслүүдийг монголын уул уурхайн баялгаар санхүүжүүлнэ” гэсэн санаанд оршино. Шинээр барих төмөр замын төслүүдэд Тавантолгойн орд, Асгатын уурхай гэх мэт томхон билэг барих нь тодорхой болсон. Энэ нь ч манай Гашуунсухайтын чиглэлийн асуудлууд шийдэгдэхгүй ирсэний гол шалтгаан болсон. Царигийн шийдэл, төмөр зам барихад манай эрдэс баялгийг ашиглах тохироог хийхэд хэн нь гол үүргийг гүйцэтгэсэн бол? Ерөнхийлөгчөөр сонгогдоод удаагүй байсан Ц.Элбэгдорж нь уу, аль эсвэл салбараа удирдаад бүтэн жил гаруй болсон Х.Баттулга нь байсан уу? Яадаг ч байсан энэ асуудлыг нэг тийшээ болгох хэрэгтэй. Энэ өнцгөөс Ерөнхий сайд Алтанхуягт хандсан “Оросын төмөр замуудын” ерөнхийлөгч В.И.Якунины олон захиаг уншихад оросын байр суурьхэвээрээ байгаа нь хялбархан ойлгогдож байна.

Нэг талаас 1435 мм, 1520 мм царигуудын өргөн сүлжээний зааг дээр оршдог манай улсын хувьд зөвхөн нэг талын төмөр замын сүлжээний стандартыг барих нь том гамшиг болсон. Нөгөө талаас төмөр замын бизнесийг нь уул уурхайтай хольж, хутгасан нь том гацаа болох шалтгаан болсон. Ер нь өөрийн мэдэлд байдаггүй уул уурхайн орд газрыг хөршүүддээ төмөр зам барих гэж амлах нь энгийн үзэгдэл болж байсан.

2009 оны 7 сард (дээр дурдагдсан тунхаглалыг зурахаас 1 сарын өмнө) БНХАУ-ын төмөр замын яамтай зурсан санамж бичигт:


 
Мөн адил төмөр зам барих ажилд “ Монголын тал хайгуул хийн нөөц нь тогтоогдсон уул уурхайн ашигт малтмал ашиглах эрхээр хувь нийлүүлнэ” гэж заажээ.
Төмөр зам барих нэрээр өөрийн уул уурхайн орд газраа амлаж явах нь яадаг ч гэсэн зам тээврийн сайдаас хэтэрсэн асуудал байх.

2.    БНХАУ-тай шийдвэрлэх асуудлууд
Урд хөршийн тэргүүний хийсэн айлчлалын үеээр БНХАУ-ын 7-8 боомт ашиглах болсон гэж баахан шүудлаа. 7-8 боомт ч яах вэ, 2010 оноос хойш яригдсан Тяньжин боомтын асуудал юү болсон бэ? А.Гансүхийн ярих дургүй сэдэв нь бол Гашуун сухайтын төмөр замын асуудал.

Таван толгойн орд газраас манай тавьж байгаа төмөр зам нь цариг нь одоо хүртэл тодорхой бишээс гадна хятадын талын төмөр замтай нийлдэггүй чиглэлээр баригдаж байгаа. 2007 оноос манай сайд “Энержи ресурс”-ын зөвшөөрлийг цуцлаж наадаж байх хугацаанд нь ӨМӨЗО-ы Бугатаас Гашуунсухайтын чиглэлд хятадын компани төмөр зам барьж амжсан. Энэ нь хятадын төрийн өмчит “Шенхуа” группын барьсан “Ганчуан”-ы төмөр зам гэгч нь. Энэ үйлдлээрээ, эсвэл юу ч хийлгэхгүй эс үйлдлээрээ манай нүүрсний экспортын хувь заяаг хятадын нүүрсний компанид өгсөн. Үндсэндээ хятадын төмөр замын агентлагатайтохиролцохын оронд төрийн өмчит аж ахуйн нэгжтэй тохиролцохоос өөр аргагүй болгосон. Төрийн түвшинд тохиролцоо хийх ёстой байсан газар нүүрсний арилжаачинтай тохиролцоо хийлгэх гацаанд оруулсан. Үр дүн нь гэвэл хятадын “Шенхуа” группын 49 хувь эзэмшдэг 16 км төмөр зам барихаар болж байна. Бид өөрсдөө 100 хувь эзэмших боломжтой байхадзаавал өрсөлдөгчдөө эзэмших эрхийг олгов?

Тэгээд бид 32 метрийн өндөрт 6 км урт гүүр барьж “Шенхуа”-гийн төмөр замтай холбогдох болсон. Хятадын тал Гашуун сухайтын боомтын төмөр замын асуудлыг төрийн түвшинд шийдэхгүйгээр орхисон. Одоо яах вэ?

Дотоод бэрхшээлүүд:
1.    Баригдаж байгаа замууд


2010 оны төмөр замын бодлого нь Сайншандын аж үйлдвэрийн парк гэгчийг ажилд оруулах үүрэгтэй байлаа. Тэр мөрөөдөл нь өөрөө замхраад алга болсон учир үүнтэй холбоотой олон асуудлуудыг шийдэх хэрэгтэй болсон. Тавантолгой–Сайншанд–Хөөт гэсэн чиглэлийн төмөр зам ойрын 10 жилийн дотор лав баригдахгүй байх. Тэгэхэд тэрний зураг төслийг хийлгэх гээд японы компани ажиллаж байгаа. Бас л 10 гаруй сая доллар төлөх хэрэгтэй. Мөн тэр чиглэлд хөрс хуулсан, геодезийн ажил хийлгэсэн гээд нийт 35 тэрбум орчим төгрөгийг үндэсний 35 компанид төлөөгүй байгаа. Нэг талаас ямар ч зураг төсөлгүй хийлгэсэн ажлуудын төлбөрийг яаж барагдуулах вэ? Ямар үндэслэлээр? Эсвэл баахан үндэсний компаниудыг дампууруулах уу? Энэ нь бол монгол төрийн хувьд хоёр дахь хадгаламж, зээлийн хоршооны түүх болно.Түүх ч ойрхон давтагдаж байна даа.

Мөн Гашуунсухайтын ерөнхий гүйцэтгэгчээр “Самсунг” корпораци ажиллаж байна гэдэг. Явсаар байгаад энэ “Эс Си ти И Си Эм” ХХК гэгч нь “Самсунг”-тай огт хамаагүй болж хувирах вий. Яадаг ч байсан өнөөдөр бид гэрээлсэн ажлынхаа 25 хувийг ч гүйцэтгүйлээгүй байж төлбөрийн 50 хувийг хийсэн байгаа. Ганц гишүүнтэй тэр солонгос компани нь нэг өдөр алга болвол 100 гаруй сая долларын алдагдлыг хэн хариуцах вэ?

2.    УБТЗ-ын шинэчлэл

2007 оны “төмөр замын тээврийн хууль”-иар тодорхойлогдсон бүх зорилгуудыг эхлүүлээгүй байгаа.Тэр хууль болон дэлхийн жишгийг дагахад УБТЗ нь хоёр бие даасан компани болох ёстой. Нэг нь суурь бүтэц эзэмшигч, нөгөөх нь тээвэрлэгч. Ингэхийн тулд төмөр замын суурь бүтэц ашигласны тарифыг тодорхойлох ёстой болно. Төмөр замын тээврийн бизнест хувийн хэвшлийн компаниудыг оруулах хэрэгтэй болно.Дуу бүжгийн чуулга, эмнэлэг, зочид буудал, сүлжээ дэлгүүрүүдтэй УБТЗ-ыг зах зээлийн орчинд ажиллаж чаддаг компани болгох хэрэгтэй болно. Манай зорчигч тээврийн асуудал, Улаанбаатар хотын нүүрсний хангамжийн асуудлыг оросуудаас салгах ёстой болно. Хийх ажил гэвэл маш их байна.

Зам тээврийн яам нь барилгын салбартай нэгдэж байгаа нөхцөлд мэргэжлийн сайд гэж олдохгүй нь ойлгомжтой. Төмөр замын, авто замын инженер барилгын мэргэжилтэй байдаггүй. Тийм хүн энэ хорвоод байхгүй. Гол нь шинээр томилогдох хүн нь геополитик гэж хийрхэлгүй, мэргэжлийн баг бүрдүүлж, бодитоор асуудалд хандах юм бол урьдчуулын үлдээсэн намагаас гарах бололцоо олдох болов уу.

Б.Саранцацрал /Төмөр замын инженерүүдийн холбоо,
Санхүүгийн шинжилгээ хариуцсан зөвлөх/

Сэтгэгдэл байхгүй байна

  • mongol uls mohovch genko uurd mandana
    2014 оны 10 сарын 24 | Хариулах
  • ИЧИЖ АМЬДАРДАА
    ЛМОНОСОВЫН ДЭЭД СУРГУУЛИЙН ОЮУТАН ИНГЭЖ ОРОСООР Ч БИЧИЖ ЧАДАХГҮЙ БАЙГАА НЬ ИЧМЭЭР БИШҮҮТЭГЧЭЭД ХУДЛАА НЭЭХ ИХ МЭДЭГЧ ЦАРАЙЛААД ДОНГОСООД БАЙХААР ЧИНЬ ҮНЭХЭЭР ДУРГҮЙ ХҮРЧ БАЙНАЮМАНД ХЭМЖЭЭ ГЭЖ БАЙДАГ ЮМ ШҮҮИНГЭЖ ТЭНЭГТЭЖ БАЙЖ УНАВДАА МАНГАР МИНЬЧИ МАНГАР ШҮҮ ДЭЭ ГЭХДЭЭ ДЭНДҮҮ
    2014 оны 10 сарын 23 | Хариулах
  • ОРОС ХЭЛЭЭ САЙЖРУУЛ МЯНГАНСҮРЭН БУЮУ САРАНЦАЦРАЛАА
    Обратная связь с бережливостью и инфляции Существуют банкноты 1 2 5 10 20 50 и 100 и монеты 1 в США 1 = 10 центов 100 центов или 1000 мельниц Есть монеты центов на 1 5 10 25 и 50 Существуют банкноты 10 руб 50 руб 100 руб 500 руб 1000 руб и 5000 руб и монеты достоинством 1 руб 5 руб и 10 руб в России 1 RUB = 100 копеек Есть монеты копеек 1 5 10 и 50 Есть и банкнот от 1 ₮ 5 ₮ 10 ₮ 20 ₮ 50 ₮ 100 ₮ 500 ₮ 1000 ₮ 5000 ₮ 10000 и 20000 ₮ ₮ и монеты в 20 ₮ 50 ₮ 100 ₮ 200 и 500 ₮ ₮ в Монголии 1 ₮ равна 100 mungus Когда Монголбанк испускаемых банкноты в 20000 ₮ в 2006 году она объявила что монгольская экономика растет и развивается Монгольской экономики до сих пор не догнали Америку и Россию Действительно эта купюра рост инфляции в экономике Монголии Когда есть продукт 5000 рублей 66 копеек в России не существует какого-либо продукта от 5001 ₮ 5005 ₮ или 5010 ₮ в нашей стране Потому что мы хотели бы круглый деньги мы используем 5100 ₮ или даже 6000 ₮ Когда 10 доллара 91 цент существу
    2014 оны 10 сарын 23 | Хариулах
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 14 цаг 56 минутад
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.