“Комацу”-гийн гидр экскаваторууд Монголын уул уурхайд илүү тохирдог

2014-09-29 12:31
Үүсэн байгуулагдсаныхаа 5 жилийн ойг энэ жил  тэмдэглэж байгаа “Комацу” брэндийн албан ёсны дистрибьютер “Трансвест Монголиа” компани ээлжит сургалтаа 9 дүгээр сарын 26-нд “Блю Скай” цогцолборт зохион байгууллаа. Сургалтад хамрагдсан харилцагчдын тоо өмнөхөөсөө нэмэгджээ. Энэ нь “Трансвест Монголиа” компанийн сургалтууд  чанартай, үр өгөөжтэй, мэдээлэл сайтай болдгийн илрэл юм.

Энэ удаагийн сургалт нь “Комацу гидр экскаваторууд” сэдвийн хүрээнд зохиогдсон бөгөөд  тус брэндийн экскаваторуудын ангилал, тэр дундаа гидр болон кабель экскаваторуудын ялгаа, ашиглалтын зардал зэргийн талаар  харилцагчдад тодорхой мэдээлэл өгсөнөөрөө онцлог боллоо. “Монголын уул уурхайн салбарт тэргүүлэх үйл ажиллагаа явуулж байгаа компаниудад “Комацу”-гийн хүчирхэг, найдвартай техникүүд хэдийнэ нийлүүлэгдсэн.  “Оюутолгой” уурхай дээр гэхэд “Комацу” брэндийн бүх техник цогц байдлаар ажилладаг” хэмээн “Трансвест Монголиа” компанийн Худалдааны менежер Д.Болдсүх ярьсан юм.
Уурхайнууд  дээр нэг экскаваторт дунджаар  таван самосвал ногддог гэхээр уг техникийн ач холбогдол их юм. Өөрөөр хэлбэл, экскаватор доголдоход уурхайн үйл ажиллагаанд  шууд нөлөөлж, маш их хохирол амсдаг. Тийм учраас экскаватор хамгийн найдвартай  ажиллагааг хангаж байх ёстой аж.

Комацугийн үйлдвэр  нь  аж ахуйн зориулалтаар ашигладаг 300 кг-ийн экскаватороос 800 тонны жинтэй хүртэлх экскаватор үйлдвэрлэдэг байна. Монголын уул уурхайн салбарт РС 2000-8 экскаваторууд голдуу ажиллаж байгаа бөгөөд энэ нь 55-150 тонны самосвалуудтай хоршиж ажиллахад нэн тохиромжтой ажээ. Сонирхуулахад, “Комацу” үйлдвэр өнгөрсөн жилээс экологийн шаардлага хангасан, ногоон технологийн шилдэг төлөөлөл болох  гибрид экскаваторуудыг үйлдвэрлэж эхэлсэн байна.

РС 2000-8 экскаваторын хувьд ашиглалтын жин нь 200 тонн бөгөөд хөдөлмөрийн бүтээмж сайн, операторыг тэргүүн ээлжинд тавьдаг, ашиглалтын зардал хамгийн бага, техникийн бэлэн байдал өндөр зэрэг үндсэн дөрвөн зарчмыг хангаж ажилладаг аж. “Комацу” үйлдвэр 1981 онд хамгийн анх 404 морины хүчтэй, 158 тонн бүхий ашиглалтын жинтэй  РС 1500 экскаваторыг үйлдвэрлэж эхэлсэн бол 1996 оноос РС 1600, 1999 оноос РС 1800, 2005 оноос  РС 2000 загварын экскаваторуудыг хэрэглэгчдэдээ хүргэж эхэлжээ. PC 2000 экскаватор нь PC 1800-ийг бодвол түлш зарцуулалтыг 10%-иар багасгасан зэрэг маш олон давуу талтай ажээ. 

Г.Идэр

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 3 цаг 36 минутын өмнө
    “Дэлхийн эдийн засгийн чуулган”-аас (World Economic Forum /WEF/) Бүгд Найрамдах Ардчилсан Конго улс дахь кобальтын олборлолтод хөдөлмөрийн нөхцөл, хүний эрхийг сайжруулах шаардлагатай тухай “Уул уурхайг аюулгүй, шударга болгох нь: БНАКонго дахь гар аргаар кобальт олборлолт” тайлан гаргажээ. Кобальт нь цахилгаан машин болон ухаалаг гар утас, зөөврийн компьютерын зай хураагуурын үйлдвэрлэлд үндсэн чухал түүхий эд болдог. Энэхүү тайланд дурдсанаар дэлхийн кобальтын хэрэглээ 2030 он гэхэд одоогийнхоос 4 дахин нэмэгдэх хандлагатай ажээ. Одоогийн байдлаар дэлхийн нийт кобальтийн нийлүүлэлтийн 70% нь БНАКонго улсад ногдож байна. Харин тус улсын нийт олборлолтын 30 хүртэлх хувь нь бичил уурхайгаас эх үүсвэртэй юм. Гэвч Конго дахь кобальтын бичил уурхайнуудад хөдөлмөрийн аюулгүй байдал, хөдөлмөрийн шударга үнэлэмж орхигдох байдал түгээмэл байна. Ийм нөхцөлд дэлхийн кобальтийн нийлүүлэлтийн сүлжээнд олборлолтыг хариуцлагатай болгоход бэрхшээл учрах нь гарцаагүй юм.
  • 6 цаг 49 минутын өмнө
    АНУ-аас Монгол Улсад суугаа Элчин сайдын яамнаас (2020.09.14) Монгол дахь хөрөнгө оруулалтын орчны шинжилгээг хийж тайлан гаргасан байна. Тайланд  2017-2020 оны тавдугаар сарын хугацаанд Монгол Улсад хэрэгжсэн “Өргөтсөн санхүүжилтийн хөтөлбөр” амжилттай дуусч чадаагүй гэсэн ОУВС-ийн дүгнэлтийг дурджээ. Тодруулбал, тус тайланд “Монгол Улсын өр 2020 онд ДНБ-ий 77%-тай тэнцэх төлөвтэй байна. 2021 оноос эхлэн гадаад зээлдүүлэгчдэд төлөх өр төлбөрүүдтэй нүүр тулж байгаа нь төлбөрийн тэнцлийн дарамтыг үүсгэж болзошгүй. Монгол Улс гурван жилийн хугацаатай Олон улсын валютын сангийн хөтөлбөр хэрэгжүүлж эдийн засгийн эмзэг байдлыг мэдэгдэхүйц бууруулсан ч Засгийн газар банкны салбартай холбоотой ОУВС-ийн макро зохистой асуудлуудыг шийдвэрлэж чадаагүй тул хөтөлбөр 2020 оны тавдугаар сард амжилтгүй дуусгавар болсон" гэж үзсэн байна. 
  • 7 цаг 33 минутын өмнө
    Монгол Улсын Ерөнхий сайд У.Хүрэлсүх “Дарханы төмөрлөгийн үйлдвэр”-т ажиллах үеэрээ  "Иргэдийг орон сууцжуулах хөтөлбөр" ийг хэрэгжүүлэхэд чухал хувь нэмэр оруулах ёстой. Засгийн газар дотоодын үйлдвэрлэлийг бүх талаар дэмжинэ” гэв. Дарханы төмөрлөгийн үйлдвэр" компани 1990 онд байгуулдсан, уул уурхайн олборлолт, боловсруулалт, төмөрлөгийн үйлдвэрлэл, гадаад болон дотоод худалдаа зэрэг үндсэн чиглэлээр үйл ажиллагаа явуулдаг. “Монгол гангаар Монголыг хөгжүүлнэ” гэсэн уриа, зорилготой. Улсдаа металлургийн анхдагч, хамгийн том ган үйлдвэрлэгч юм. Гангийн үйлдвэр нь жилдээ 121.7 мянган тонн хаягдал төмөр хайлж, 108.7 мянган тонн бэлдэц үйлдвэрлэн, 100 мянган тонн цувимал үйлдвэрлэх хүчин чадалтай.
  • Өчигдөр 17 цаг 52 минутад
    Санхүүгийн зохицуулах хороо 2007 онд компанийн засаглалын кодексыг 9 бүлэгтэй боловсруулан баталсан бол 2014 онд онд тус кодексыг 10 бүлэгтэйгээр дахин шинэчилжээ. Түүнд хамаарах хувьцаат компаниудын санхүүгийн тайлагнал, мэдээллийн ил тод нээлттэй байдал болон хувьцаа эзэмшигчдийн ээлжит хурлыг журмын дагуу зохион байгуулах, тэмдэглэл болон шийдвэрийн нээлттэй, ил тод байдал нь нийт хувьцаа эзэмшигчид, хөрөнгө оруулагч нарт тэгш боломж олгох чухал үүрэгтэй юм. Өнөөдөр (2020.09.17) Санхүүгийн зохицуулах хороо, Нээлттэй нийгэм форум хамтран “Хувьцаат компанийн комплайнс, мэдээллийн ил тод байдал” хэлэлцүүлгийг зохион байгууллаа. Хэлэлцүүлгийн эхний хэсэгт “Хувьцаат компаниудын хуулиар хүлээсэн үүргийн нийцэл” сэдвээр мэдээлэл хүргэж, “Хувьцаа эзэмшигчдийн ээлжит хурлын зохион байгуулалтын үнэлгээний тайлан”-г танилцуулсан юм.
  • Өчигдөр 15 цаг 43 минутад
    Дэлхийн банкнаас есдүгээр сард боловсруулан гаргасан “Уул уурхай ба Оюун ухаан: Байгалийн баялгийн өгөөжийг институц болон хүний хөгжилд чиглүүлэх нь” тайландаа Монголын хөгжлийн одоогийн загварыг задлан шинжилжээ. Уг тайланг өнөөдөр (2020.09.17) танилцуулсан бөгөөд Монгол Улсын эдийн засаг нь уул уурхайн салбарт бус оюун ухаан, институцийн хөгжил рүү чиглэх ёстойг онцолсон байна. Тайланд тооцсоноор, сүүлийн хорин жилийн хугацаанд манай улс эрдэс баялгийн орлогын 1 ам.доллар тутмаас ердөө нэг центийг үр хойчдоо хуримтлуулжээ. Монгол Улс 2008 оноос эхлэн төсвийн зарлагаа огцом нэмэгдүүлж, улмаар хуримтлалгүй өдий хүрсэн байна. Энэ бүхэн нь манай улс эрдсийн зах зээлийн мөчлөг дагасан бодлого явуулж ирсний тод илрэл юм. Гэхдээ 2017 оноос эхлэн Байгалийн баялгийн санд бага зэрэг хөрөнгө хуримтлуулах болсон нь сайшаалтайг тайланд тэмдэглэжээ.