Нүүрсийг хуурай аргаар баяжуулах технологийг танилцууллаа

2014-09-19 14:56



ХБНГУ-ын  Hazemag & Allmineral компанийн бүтээгдэхүүн, үйл ажиллагаатай танилцах өдөрлөгийг  наймдугаар сарын 28-нд  “Blue Sky”  зочид буудалд зохион байгууллаа.

Уг өдөрлөгийн үеэр “Hazemag” компанийн Худалдаа хариуцсан захирал Хо́йер, “Аllmineral” компанийн Төслийн инженер  Хийс   нар танилцуулга хийсэн юм.

“Hazemag” группын “Allmineral” компани нь нүүрсийг хуурай аргаар баяжуулах түлхүүр хүлээлгэж өгөх нөхцөлтэйгээр тоног төхөөрөмжийн хамт нийлүүлдэг бөгөөд дэлхийн олон улсад энэхүү технологио нэвтрүүлсэн тухай тэд онцолж байсан юм. Тус компани нь том хэмжээний нүүрсийг нэг дор бутлах хүчин чадалтай, шууд ил уурхай дээрээ байрлуулан бутлах анхан болон хоёр дахь шатны хөдөлгөөнт бутлуурыг үйлдвэрлэдэг ажээ.

Танилцуулгад дурьдсанаар “Allmineral” нь  дэлхийн хамгийн том нүүрсийг хуурай аргаар баяжуулах /allair технологи/ үйлдвэрийг барьжээ. Мөн төмрийн хүдрийг баяжуулах дэлхийн хамгийн том /4000т/цагт/ үйлдвэрийг alljig технологиор барьсан байна.
Дэлхийн хамгийн өндөр хүчин чадалтай тунаах  alljig®  машинуудыг үйлдвэрлэдэг бөгөөд одоогоор тус компани нь 500 гаруй тунаах машин суурьлуулаад  байгаа юм байна. Үүгээрээ ч дэлхийд тэргүүлжээ.

АНУ-д 2000 тн/ц   хүчин чадалтай нүүрс баяжуулах  үйлдвэр, Өмнөд Африкт  4000 тн/ц  хүчин чадалтай  төмрийн  хүдэр баяжуулах үйлдвэрийг  тус тус ашиглалтад оруулсан тухай тус компанийн мэдээлэлд дурджээ.

Гадаргын ус багатай Монгол орны нөхцөлд тохирох ус ашигладаггүй allair®  төрлийн хуурай аргаар нүүрс баяжуулах технологийг   Allmineral үйлдвэрийн  шатанд амжилттай  нэвтрүүлсэн байна.  Энэхүү технологи нь гадаргын ус багатай Монгол орны нөхцөлд тохиромжтой ажээ.

Одоогийн байдлаар, нүүрсийг хуурай аргаар баяжуулах 75 allair® төхөөрөмж АНУ, Украйн, Энэтхэг, Турк, Испани, Колумб, Бразил зэрэг оронд ажиллаж байна. Тэр дундаа  Украйнд хамгийн бага хүчин чадалтай цагт 5 тонн, Испанид хамгийн өндөр хүчин чадалтай  цагт 600 тонн нүүрснийг хуурай аргаар баяжуулах үйлдвэр  ажиллаж байна.

“Allmineral”  компани нь allflux, alljig, gaustec технологиор баяжуулах үйлдвэрийг түлхүүр хүлээлгэж өгөх нөхцөлтэйгээр тоног  төхөөрөмжийн хамт үйлдвэрлэн нийлүүлдэг юм. Түүнчлэн элс болон хайрганы боловсруулалтын зах зээлээс гадна нүүрс болон төмрийн хүдэр, бусад хүдэр боловсруулалтын салбарт 1990 оноос хүч үзэж эхэлжээ.  Allair буюу хуурай аргаар нүүрс баяжуулах технологи нь хаягдлыг автоматаар зайлуулах, бүтээгдэхүүний чанарыг дээшлүүлэх, чанарыг жигдрүүлэх, шингэн хаягдалгүй технологи юм байна. 
 
Allmineral компаний нүүрсийг хуурай аргаар баяжуулах allair технологи нь хаягдлыг автоматаар зайлуулах, бүтээгдэхүүний чанарыг дээшлүүлэх, бүтээгдэхүүний чанарыг жигдрүүлэх, зөвшөөрөл авахад хялбар, шингэн хаягдал байхгүй, процесст ус шаардлагагүй, баяжмалын чийглэгт торгууль төлөхгүй, ашиглалтын зардал бага зэрэг давуу талуудтай ажээ.

“Hazemag” компанийн хувьд  анхдагч-Цохилттой бортогон бутлагч-загварSB- нь   сайр чулуу, нүүрс, хүрэн нүүрс  болон дахин боловсруулалтад зориулсан дунд зэргийн хатуулагтай чулууны буталгаа, түүнчлэн туннель барихад хатуу чулуун давхарга хөндийлж ухахад ашигладаг юм байна.

Цохилттой бортогон бутлагч нь өөртө гинжит малтагчтай бөгөөд барилгын ямар нэгэн урьдчилсан арга хэмжээ авалгүйгээр бутлагчийн төхөөрөмжийн зориулалтаар бүхэлд нь шууд ангилах боломжтой  аж.
Харин Тэжээл таслагч /Бортогон бутлагч-Загвар FB/-ийн хувьд дунд зэргийн хатуулагтай чулуу, гол төлөв нүүрс, хүрэн нүүрс, кали болон чулуун давс бутлах механизм гэнэ.

Hazemag & Allmineral компанийн өдөрлөгийн  үеэр “Монголын алт” ХХК-ийн Төслийн ахлах менежер  М.Базаррагчаа “Нарийнсухайтын нүүрсийг Alliar технологиор баяжуулсан туршилтын үр дүн” хэмээх сонирхолтой танилцуулга хийлээ. Тэрээр уг технологийн талаар  “Технологийн гол онцлог нь 0-50мм бүхэллэгтэй нүүрсийг баяжуулах боломжтой бөгөөд Нарийнсухайтын нүүрсний хувьд 40% хүртлэх нь 0-5мм бүхэллэгтэй байсан тул 0-5мм, 1-5мм, 5-40мм гэсэн гурван анги тус бүр дээр туршилтыг гүйцэтгэсэн.

Туршилтаар 5-40мм бүхэллэгтэй, 25% -ийн анхдагч үнслэгтэй нүүрсийг баяжуулж 10% үнслэгтэй, 64% -ийн гарцтай баяжмал үйлдвэрлэх боломжтой нь тогтоогдсон ба туршилтын үр дүнд технологийн батлагаа өгсөн. Технологийн ерөнхий шаардлага нь анхдагч нүүрсний чийглэг <7%, бүхэллэг 0-50мм байх ба 1 модулийн хүчин чадал цагт  5-100 тонн байдаг” хэмээн тайлбарласан.
Нарийнсухайтын олон үет давхаргын 25.39% үнслэгтэй, 5-40м бүхэллэгтэй (60%) нүүрсийг хуурай Allair технологиор баяжуулж 9.89% үнслэгтэй, 63.97% гарцтай баяжмал үйлдвэрлэх боломжтой нь тогтоогджээ.  

Мөн олон үет давхаргын 18.90%-ийн үнслэгтэй, 0-5мм бүхэллэгтэй (40%) нүүрсийг хуурай Allair технологиор баяжуулж 13.98%-ийн үнслэгтэй, 77.81%-ийн гарцтай баяжмал үйлдвэрлэх боломжтойг батласан хэмээн тэрээр танилцуулгадаа онцолж  онцолж байсан юм.

 
       

 
    


Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 9 цаг 32 минутын өмнө
    Лондоны металын бирж дээр даваа гаригийн байдлаар (2020.07.06) нэг тонн зэсийн ханш 6112 ам.долларт хүрч хаагдсан байна. Энэ нь өнгөрсөн нэгдүгээр сарын 21-нээс хойших хамгийн өндөр дүн боллоо.  Зэсийн ханш ийнхүү өсч байгаа нь дэлхийн нийт зэс үйлдвэрлэлийн 25%-аас илүү хэсгийг бүрдүүлдэг Чили улсын уурхайчдын дунд шинэ коронавирусийн өвчлөл өндөр байгаа нь голлон нөлөөлж байгаа тухай шинжээчид тайлбарлалаа. Тухайлбал нийт 2433 уурхайчин уг өвчний халдвар авсан болохыг Чилийн зэс олборлолтын чиглэлээр ажилладаг төрийн өмчийн “Codelco” компани мэдээлсэн байна. Улмаар компанийн зэсийн томоохон төсөл болох El Teniente уурхайн өргөтгөлийн үйл ажиллагааг түр хугацаагаар зогсоохоор болсон ажээ. 
  • 14 цаг 27 минутын өмнө
    УИХ-ын Анхдугаар чуулганы (2020.07.07) нэгдсэн хуралдаанаар Засгийн газрын бүтэц, бүрэлдэхүүний талаар Монгол Улсын Ерөнхийлөгчтэй зөвшилцсөний үндсэн дээр Монгол Улсын Ерөнхий сайдаас өргөн мэдүүлсэн Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай болон холбогдох бусад хууль тогтоомжий төслүүдийн анхны хэлэлцүүлгийг хийлээ. Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай хуулийн төслийг эцэслэн батлах санал хураалт явуулахад Анхдугаар чуулганы нэгдсэн хуралдаанд оролцсон 61 гишүүний 50 нь буюу 82% нь дэмжив.
  • 17 цаг 5 минутын өмнө
    Оюутолгой төслийн хяналтын багцыг эзэмшигч “Туркойз Хилл Ресурс” компани өнгөрсөн баасан гаригт (2020.07.03) ордын нөөцийн шинэчилсэн тайлан болон техник, эдийн засгийн үндэслэлийн (ТЭЗҮ) шинэчилсэн хувилбарыг танилцууллаа. Шинэчилсэн ТЭЗҮ-ээр Оюутолгойн далд уурхайн төслийн ашиглалтад орох хугацаа 2016 оны ТЭЗҮ-д дурдсантай харьцуулахад 21-29 сараар хойшилно. Энэ нь 2022 оны аравдугаар сараас 2023 оны зургадугаар сарын хооронд далд уурхайн үйлдвэрлэл эхэлнэ гэсэн үг. Далд уурхайн хөрөнгө оруулалтын зардал анх тооцоолж байсан 5.3 тэрбум ам.доллар дээр нэмж 1.3-1.8 тэрбум ам.доллар шаардагдахаар болжээ.
  • Уржигдар 12 цаг 05 минутад
    2030 он гэхэд Япон улс нүүрсээр ажилладаг 100 цахилгаан станцыг хаахаар төлөвлөж буй тухай Kyodo агентлаг мэдээлжээ. Тус улсын хэмжээнд нийт 140 цахилгаан станц нүүрснээс эрчим хүч үйлдвэрлэж байна. Нүүрстөрөгчийн ялгарлыг бууруулах хөтөлбөрийн хүрээнд эрчим хүчний үйлдвэрлэлд нүүрсний хэрэглээг багасгаж, сэргээгдэх эрчим хүчийг нэмэгдүүлэх зорилтот ажлыг долдугаар сараас эхлүүлнэ гэж Японы Эрчим хүчний сайд мэдэгджээ. Өнөөгийн байдлаар, тус улсын нийт эрчим хүчний 32%-ийг нүүрснээс, 17%-ийг сэргээгдэх эрчим хүчээр үйлдвэрлэж байна. 2030 он гэхэд нүүрсний эрчим хүчний үйлдвэрлэлийг 26% хүртэл бууруулахаар зорьжээ. 
  • Уржигдар 11 цаг 22 минутад
    Дэлхийн уул уурхайн тэргүүлэгч компани “BHP group” нь анх удаа блокчейн платоформ ашиглан төмрийн хүдэр борлуулжээ. Тодруулбал, Хятадын “Baosteel” компанитай 14 сая ам.долларын худалдаа хийсэн байна. Энэхүү худалдаа нь Канадын технологийн “MineHub Technologies” компанийн боловсруулсан блокчейн платформоор хийгдсэн аж. “BHP group”-ийн Худалдаа, маркетинг хариуцсан захирал Михел Ховерс “Уг платформыг  ашиглан худалдааны гэрээг боловсруулж, баримт солилцон, ачааны тээвэрлэлтийн цаг хугацааг хянасан” гэдгийг тайлбарлажээ. Тус компани цаашид уул уурхайн бүтээгдэхүүний худалдааны төлбөр, баримт бичгийн боловсруулалтыг түргэвчлэх, тээвэрлэлтийг хянахад блокчейн платформыг ашиглахаар төлөвлөж буй аж.