Төмрийн хүдрийн үнэ өсч, коксжих нүүрснийх буурав

2014-07-03 15:52

Ган бүтээгдэхүүн үйлдвэрлэлийн гол түүхий эд болох төмрийн хүдэр, коксжих нүүрсний үнэ дэлхийн зах зээлд нэлээд уналттай байгаа билээ. Өнгөрсөн сарын байдлаар нэг тонн коксжих нүүрсний FOB үнэ Австралийн боомтууд дээр 102 доллар байсан юм. Харин өчигдрийн байдлаар үнэ дахин буурч, 98.9 долларын үнэтэй болжээ. Гэхдээ энэхүү үнийн бууралт он гарснаас хойшхи анхны тохиолдол биш юм. Коксжих нүүрсний зах зээлд нийлүүлэлт хавьгүй их байгаа учир худалдан авагчид илүү доод үнээр нүүрс авах сонирхолтой байгаа талаар шинжээчид тэмдэглэж байна. Зах зээлд тогтоод буй энэхүү үнэ нь компаниудын ашигтай ажиллах үнээс хавьгүй доогуур хэмжээнд аль хэдийнэ хүрчихээд байгаа юм. Нүүрсний компаниудын хувьд 140 доллар бол ашигтай ажиллаж болохуйц доод үнэ гэж зах зээлийн шинжээчид тайлбарладаг. Гэвч энэ жил ч, ирэх жил ч коксжих нүүрсний үнэ өсөх таамаг бараг байхгүйг зах зээлийн нөхцөл байдал харуулсаар байна. Дэлхийн зах зээлд үнэ буурч буй тул Хятадын дотоодын олборлогчид ч үнээ буулгах болжээ. Хятадын нүүрс олборлогч Shanxi Coking Coal өнгөрсөн сард нүүрснийхээ тонн тутмын үнийг 2-3 доллараар буулгаад байсан бол 7 дугаар сар гарсаар үнээ дахин 2 доллараар татлаа.

Харин төмрийн хүдрийн баяжмалын хувьд өнгөрсөн сарын сүүлээр нэг тонн нь Тяньжины боомт дээр 89 доллар хүрч, сүүлийн хоёр жил орчмын хугацаан дахь хамгийн доод үнэдээ хүрсэн юм. Ийнхүү үнэ 100 доллараас доош буусан нь төмрийн хүдрийн томоохон олборлогчдын хувьд тун хүндхэн мэдээ болж байна. Хятадын дотоодын төмрийн хүдэр олборлогчдын олборлолтын зардал нь л гэхэд 100 гаруй доллар байдаг юм. Гэхдээ Хятадын эдийн засаг сайжирч, түүхий эдийн зах зээл эргэн сэргэх найдвар нэмэгдэж буй тул төмрийн хүдрийн үнэ өсч эхлээд байна. Тухайлбал өнгөрсөн мягмар гаригт Австралийн төмрийн баяжмалын үнэ нэг тонн нь Хятадын боомт дээр 1.5 доллараар нэмэгдэж 95 доллар болжээ. Үүний адилаар Хятадын Dalian түүхий эдийн бирж болон Сингапурын бирж дээр төмрийн баяжмалын үнэ 1.1-2 хувиар тус тус өсчээ. Төмрийн хүдрийн хувьд зах зээлд нийлүүлэлт харьцангуй өндөр байгаа ч үнэ ийнхүү өсч буй нь шинжээчдийн тайлбараас зарим талаар зөрж буй юм.

Дойче банкны хувьд энэ онд дэлхийн төмрийн хүдрийн зах зээлд 55 сая тонны нийлүүлэлтийн илүүдэл буй бөгөөд ирэх онд энэ нь 106 сая тонн болж өсч мэдэх тухай тооцоондоо дурджээ.

Коксжих нүүрс, төмрийн хүдрийн зах зээлд гол үүрэгтэй оролцдог Хятадын эдийн засаг оны хоёрдугаар улиралд 7.5%-иар өссөн урьдчилсан дүн гарахаар байгааг Хятадын банкны Олон улсын Санхүүгийн судалгааны агентлаг тайландаа дурджээ. Тайланд дурдсанаар тус улсын аж үйлдвэрлэл өнгөрсөн 5 дугаар сард 8.8%-иар өсчээ. Тус байгууллагын тооцоолж буйгаар оны 3 дугаар улиралд Хятадын эдийн засгийн өсөлт 7.6%-тай байх төлөвтэй байна.



Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 14 цаг 56 минутад
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.