Д.Ганхуяг: Газрын тосны хууль өрсөлдөх чадвартай болсон

2014-07-02 10:43

УИХ-ын Хаврын чуулганы сүүлийн өдөр Газрын тосны тухай хуулийн шинэчилсэн найруулгыг баталсан билээ. Уг хуулийн талаар Уул уурхайн сайд Д.Ганхуягаас тодрууллаа.

Шинэчлэн батлагдсан Газрын тосны тухай хуулийн гол онцлог нь юу вэ?

Газрын тосны тухай хуулийн шинэчилсэн найруулга өргөн баригдсанаасаа хойш нэг жилийнхээ ой дээр батлагдлаа. Манай улсын газрын тосны харилцаа БНМАУ-ын хуулиар зохицуулагдаж байсан. Энэ хуулийн шинэчилсэн найруулгын төслийг баталъя гэсээр миний мэдэхийн 6-7 жил болсон. Шинэчилсэн найруулга батлагдсанаар газрын тосны салбарын эрхзүйн орчин маш ойлгомжтой, тодорхой, өрсөлдөх чадвартай болсон. Мөн газрын тосны салбарт уламжлалт бус газрын тос буюу занар, байгалийн хий, нүүрсний давхаргын метан хий, битум зэрэг ашигт малтмалтай холбоотой үйл ажиллагааг зохицуулах эрх зүйн орчинг шинээр бий болгож, хөгжих боломжтой болгож байгаагаараа онцлог.

Газрын тосны хууль хөрөнгө оруулагчдыг татах чадвартай, өрсөлдөх чадвартай болсон гэж үзэж байгаа. Нөөц ашигласны төлбөр авдаг, дараа нь зардлаа хасаад бүтээгдэхүүнээ хувааж авдаг дэлхийн нийтийн жишиг рүү орж байна. Мөн өөрийн оронд олборлож байгаа газрын тосоо газрын тос боловсруулах үйлдвэртээ ашиглана гэдэг зохицуулалт хийж өгсөн. Бүтээгдэхүүн хуваах гэрээгээр Монгол улсын Засгийн газарт ногдож байгаа газрын тосыг өөрсдөө шууд ашиглаж болно. Хөрөнгө оруулагчдад ногдож байгаа газрын тосыг тэргүүн ээлжинд зах зээлийн үнээр худалдаж аваад ашиглах боломжтой болсон. Олон жил ярьсан газрын тос боловсруулах үйлдвэр түүхий эдээр хангагдаж байгаагэдгийг хэлмээр байна.

Хууль эргэн үйлчлэх, үйлчлэхгүй байх талаар нэлээд маргаантай байсан. Хууль батлагдахаас өмнө байгуулагдсан Бүтээгдэхүүн хуваах гэрээнүүдэд эргэж үйлчлэх үү?

Бүтээгдэхүүн хуваах гэрээ олон улсын стандартын гэрээ байдаг. Гэрээ нь өөрөө олон зүйлийг тогтворжуулсан, өөрчлөлт оруулах боломжгүй байдаг. Ер нь дэлхий нийтийн жишигт гэрээгээр тохирчихоод хууль гаргаж, улс төрийн аргаар түрэмгийллийн чанартай шийдэх нь онцгүй. Гэхдээ анхны гэрээнүүдэд нөөц ашигласны төлбөр авахгүй байхаар тусгасан байдаг. Үүнийг гэрээлэгч талууд харилцан ярилцаж шийдвэрлэхээр оруулсан.

Роялти зэрэг зарим тохиолдолд хууль эргэж үйлчилнэ гэсэн үг үү?

Тийм.



С.Болд-Эрдэнэ

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 11 цаг 42 минутын өмнө
    Баянхонгор аймгийн Мэргэжлийн хяналтын газар төлөвлөгөөт, урьдчилан сэргийлэх, төлөвлөгөөт бус болон иргэдээс ирсэн гомдлын дагуу хяналт шалгалтыг тогтмол хийдэг. Уул уурхайтай холбоотой эдгээр хяналт шалгалт болоод цаг үеийн асуудлаар аймгийн Мэргэжлийн хяналтын газрын Геологи, уул уурхайн улсын байцаагч Ц.Болорчимэгтэй ярилцлаа. 2019 онд аймагт хичнээн уул уурхайн компани ажиллаж байна. Эдгээрт хэдэн удаагийн хяналт шалгалтыг хийгээд байна вэ? Энэ онд бид 11 аж ахуйн нэгжийн үйл ажиллагааг шалгахаар төлөвлөсөн. Эдгээр аж ахуйн нэгжийг сонгож төлөвлөхдөө өмнөх жил үйл ажиллагаа явуулсан эсэх, одоо явуулж байгаа, цаашид явуулах эсэхийг хардаг.
  • 16 цаг 30 минутын өмнө
    2016 оны хоёрдугаар хагасаас эхлэн эрдсийн зах зээлд “урь” орж эхэлсэн бол одоо илүүтэй “хүйтрэх” шинжтэй болж ирж байна. Гэхдээ энэ бүхэн нь АНУ-Хятадын худалдааны дайнтай ихээхэн холбоотой. АНУ, Хятад дор бүрнээ дотоодын бизнесүүдийг хамгаалах оролдлого хийж байгаа ч тэдний тулааны нөлөө бусад голлох эдийн засгуудад муугаар нөлөөлж, улмаар дэлхийн эдийн засаг, түүхий эдийн зах зээлийг доош татаж байна. Нөгөөтэйгүүр эрдсийн зах зээлийн бууралтын мөчлөг эхэллээ гэж дүгнэх нь хэтэрхий эрт байгааг энд сануулья. Тухайлбал зэсийн хувьд бууралттай   ч урт хугацааны төлөв нь тун өөдрөг хэвээр. Гэхдээ яг одоогоор алтнаас бусад эрдсийн хувьд бууралттай тулгарч байна. Эрдэс тус бүрээр байдал ямар байгааг авч үзье.
  • 2019-09-13 14:06
    Өнгөрсөн хоёр сарын хугацаанд Баянхонгор аймаг дахь Алт сорьцлох хяналтын лаборатори 10 гаруй иргэн, гурван аж ахуйн нэгжээс 80 орчим кг алт авч Монголбанкинд тушаажээ. Тус лаборатори нь нийтдээ 90 орчим алтан гулдмай хэвлэн гаргаж, химийн сорьцын шинжилгээ хийсэн байна. Тэгвэл энэ оны есдүгээр сарын байдлаар 450 орчим кг алт Монголбанкинд тушаасан бөгөөд нийт 390 орчим алтан гулдмайг хэвлэж, сорьцын шинжилгээ хийсэн аж. Энэ хэмжээ ирэх хоёр сарын хугацаанд өсөх хандлагатай байна.
  • 2019-09-12 17:44
    Оны эхний найман сарын байдлаар Монгол улсын нүүрсний экспорт 25 сая тоннд хүрсэн тухай Үндэсний статистикийн хороо мэдээллээ. Өнгөрсөн оны мөн үеийнхээс жингийн хувьд 5.2%-иар өссөн үзүүлэлттэй байна. Сарын дүнгээр авч үзвэл, өнгөрсөн наймдугаар сард 4 сая 125 мянган тонн нүүрсний экспорт хийж түүхэн дээд амжилт тогтоолоо. Харин мөнгөн дүнгийн хувьд 15.6%-ийн өсөлттэй буюу 2.135 тэрбум ам.доллартай тэнцэж байна. Гэхдээ энэ онд нүүрсний экспорт 42 сая тонн байхаар улсын төсөвт тооцож буй төлөвлөгөө биелэхэд хүндрэлтэй байгааг тэмдэглэх нь зүйтэй. Үндэсний статистикийн хорооны мэдээллээр, оны эхний найман сарын байдлаар манай улсын гадаад худалдааны нийт бараа эргэлт 9.5 тэрбум ам.долларт хүрч 11.9%-иар өсчээ. Үүнд экспорт 5.4 тэрбум ам.доллар, импорт 4.1 тэрбум ам.долларыг эзэлсэн байна. Тодруулбал, экспорт өнгөрсөн оны мөн үеийнхтэй харьцуулахад 15.3%, импорт 7.6%-иар тус тус өслөө.
  • 2019-09-12 13:59
    Зам, тээврийн хөгжлийн сайд Б.Энх-Амгалан “Оросын төмөр замууд” НХН-ийн Ерөнхий захирал бөгөөд Ерөнхий хорооны дарга О.В.Белозёровыг хүлээн авч уулзжээ. Талууд Зүүнбаян-Ханги, Тавантолгой-Зүүнбаян, баруун босоо коридор буюу Арцсуурь чиглэлийн төмөр замыг холбох Кызыл-Курагинотой чиглэлийн шинэ төмөр замын  төслүүдийг, төмөр замын төв коридорын шинэчлэлтэй хамтатган хэрэгжүүлэхээр ярилцаж, хэрэгжүүлэх чиглэлд онцгой анхаарал хандуулан, хамтарч ажиллахаар тохиролцжээ.