Байгаль орчны үнэлгээг шинэ түвшинд гаргана

2014-04-15 16:48

Монгол улсад уул уурхай, дэд бүтцийн томоохон төслүүд хэрэгжиж буй энэ үед байгальд ээлтэй, тогтвортой хөгжлийн бодлого боловсруулж, бодит амьдралд хэрэгжүүлэх хойшлуулшгүй шаардлага тулгарч байгаа билээ. Энэ чухал цаг үед Байгаль орчин, ногоон хөгжлийн яам Байгаль орчинд нөлөөлөх байдлын үнэлгээний хууль, журамд тодорхой өөрчлөлтүүдийг оруулаад буй юм.

Аливаа төсөл, хөтөлбөрийг тогтвортой хөгжлийн чиг шугамд нийцүүлэн хөгжүүлэхэд байгаль орчны төлөв байдлын үнэлгээ, нөлөөллийн үнэлгээ суурь үндэс нь болдог. Тэгвэл өнөөдөр хувийн хэвшлийн байгууллагуудад салбарын яам үнэлгээний хууль, журамд орсон өөрчлөлтүүдийг танилцуулахаар "Байгаль орчны үнэлгээ-таны бизнесийн тогтвортой байдлын баталгаа" сэдэвт нээлттэй хэлэлцүүлгийг зохион байгууллаа. Энэхүү хэлэлцүүлэгт Байгаль орчин, ногоон хөгжлийн сайд С.Оюун болон салбарын яамны төлөөллүүд оролцож, холбогдох хууль журмын өөрчлөлтийн талаар илтгэл тавьснаас гадна ШУА-ийн Геоэкологийн хүрээлэн, Дэлхийн банкны мэргэжилтэн оролцож Монголын экосистемийн төлөв байдал, өөрчлөлт, энэ чиглэлд олон улсын байгууллагын туршлагын талаар илтгэл тавьсан юм.

Хэлэлцүүлэгт нийт 11 илтгэл тавьсны 6 нь Байгаль орчинд нөлөөлөх байдлын үнэлгээний хууль, журмын өөрчлөлтийн хүрээн дэх танилцуулга байлаа. Үүнд байгаль орчны нөлөөллийн болон нийгмийн үнэлгээг гүйцэтгэхэд төрийн захиргааны байгууллагын эрх үүрэг, тэдгээрийн уялдаа холбоо; үүнд олон нийтийн оролцоог хангах; Байгаль орчны менежментийн төлөвлөгөөг гаргах; нөхөн сэргээлтийн баталгааны данстай холбогдох журамд ямар ямар өөрчлөлт орсныг таниулсан юм. Үүнээс гадна Стратегийн болон Хуримтлагдах нөлөөллийн үнэлгээний тухай ойлголтыг шинээр оруулж ирснийг тайлбарласан нь хуралд оролцогчдын сонирхлыг ихээхэн татсан юм.

Манай улсад Хуримтлагдах нөлөөллийн үнэлгээ нь шинээр хэрэгжиж эхлэх гэж буй бөгөөд энэ нь олон томоохон төсөл хөтөлбөр нэг хэсэг нутагт хэрэгжсэнээр урт хугацаандаа эдгээрийн нөлөөлөл ямар үр дагавартай болохыг хамтатган авч үзэж шинжилдэг судалгааг хэлж буй юм. Мэргэжилтнүүдийн хувьд энэ ойлголт  хэдийнэ танил болсон ч яг ажил хэрэг болох цаг нь манайд хууль, журмын энэ өөрчлөлтөөр “албан ёсоор айсуй” гэдгийг тэмдэглэе.   

Ийм төрлийн үнэлгээг манай улсын Заамарын нутагт өнгөрсөн жил хийж боловсруулсныг одоо салбарын яамны мэргэжилтнүүд хянаж байна. Түүнчлэн Өмнийн говь болон бусад бүс нутагт энэ төрлийн судалгааг хийхээр төлөвлөжээ. Үндсэндээ салбарын яам байгаль орчны үнэлгээний тухай хууль, журмын өөрчлөлтийн талаар хийх ёстой ажлаа биелүүлж дуусчээ. Харин одоо хувийн хэвшлийн компаниуд шинэ журмын дагуу сэтгэл гарган ажиллах үлджээ. Тодруулбал, хувийн хэвшлийн идэвхтэй хамтын ажиллагааны үр дүнд байгаль орчны үнэлгээний хуулийн өөрчлөлтөөр дамжуулан хариуцлагатай уул уурхайг бүтээх зорилт биелэх нь дамжиггүй юм. Хууль, журмыг ийнхүү өөрчлөн боловсруулсан энэхүү ажлын бодит үр дүн ирэх жилийн эхээр мэдэгдэж, улмаар компаниудын санал хүсэлтийн дагуу шаардлагатай өөрчлөлтүүдийг хуульд нэмж оруулна гэж тооцож байна.




Б.Төгс

Сэтгэгдэл байхгүй байна

  • Арчих туслах матери*****
    Арчих материал бөөний үнээр байнга нийлүүлнэ Утас 99843232
    2014 оны 04 сарын 16 | Хариулах
Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • Уржигдар 14 цаг 21 минутад
    Оюутолгой төслийг удирдан хэрэгжүүлж буй “Рио Тинто” групп далд уурхайг ашиглалтад оруулах хугацаа 2022 оны тавдугаар сараас 2023 оны дунд үеийн хооронд болсон тухай өнөөдөр мэдэгдлээ. Энэ нь анх тооцоолж байснаас 16-30 сараар хойшлуулж байна гэсэн үг. Уг шалтгаан нь уул хөрсний нөхцөл ихээхэн хүндрэлтэй байгаагаас үүдэлтэй гэж тайлбарлажээ. Гэхдээ төслийн ашиглалтад орох хугацаа, зардлын талаарх эцсийн тооцооллыг ирэх оны хоёрдугаар хагаст гаргах юм байна. Мөн далд уурхайн бүтээн байгуулалтын зардал анх тооцоолж байсан 5.3 тэрбум ам.доллараас давж 6.5 -7.2 тэрбум ам.долларт хэлбэлзэх бөгөөд өргөтгөл шатны төслийн хөрөнгө оруулалт 1.2-1.9 тэрбум ам.доллараар нэмэгдэнэ гэж мэдэгдэв.
  • Уржигдар 10 цаг 08 минутад
    Үндсэн хуульдаа өөрчлөлт оруулах гэсэн монголчуудын халуун мэтгэлцээн нарлаг  зуны  аагим халуун өдрүүдэд хөвөрч  байна. УИХ-ын Тамгын газрын ажилтнууд иргэд, олон нийтээс ирүүлсэн санал, дүгнэлтийг нэгтгэх ажлаа зургаадугаар сарын 25-наас эхлүүлсэнээ зарлав. Хууль тогтоох байгууллагын эрхэм гишүүд ч тойрогтоо ажиллан, олон нийтийн санаа бодлыг сонсож, төслийн талаар амаа цангатал ярьж буй.  2020 оны долдугаар сарын 1-ний  12.00 цагаас эхлэн улс даяар мөрдөх цаг хугацааны товтой Үндсэн хуулийн нэмэлт, өөрчлөлтийн төсөлд юу тусгагдсан бэ гэдэг мэдээж олны анхаарал татсан сэдэв. УИХ-д олонхийн суудалтай МАН  сонгуулийн мөрийн хөтөлбөртөө тусгасан  улс төрийн амлалтуудын  нэг нь Үндсэн хуульд нэмэлт өөрчлөлт оруулах.  Өмнө нь Үндсэн хуульд өөрчлөлт оруулах оролдлого хэдэнтээ гарч байсан ч янз бүрийн шалтгаанаар “бүтэлгүйтэж” байсан билээ. 
  • 2019-07-09 12:20
    Н.Алтанхуягийн Засгийн газрын үед  Австралийн “Golden Horde” компани Таван толгой ордод метаны нөөцийн судалгаа хийсэн байдаг. Урьдчилсан таамгаар зөвхөн нүүрсээр зогсохгүй метан хийн нөөц арвин байх магадлалтайг тогтоосон юм. Тэдний  судалгаагаар Тавантолгой уурхай дахь метан хийн агуулгын хэмжээ, хийн чанарын үзүүлэлт “маш сайн” гэж гарчээ.  Тиймээс Тавантолгойн бүлэг орд тэр чигээрээ метан хийн асар их хэмжээний нөөцтэй байх магадлалтайг судлаачид тооцоолж байна.
  • 2019-07-08 12:27
    Архангай аймгийн Өндөр-Улаан сумын ЗДТГ-т “Нуклер Энержи Монголиа” ХХК-иас хоёр удаа бичиг ирүүлжээ. Хамгийн сүүлд, сумын Засаг дарга болон Байгаль орчны улсын байцаагчид доорх бичгийг 2019 оны дөрөвдүгээр сарын 15-нд ирүүлсэн байна. Уг бичгийн хариуд сумын Өндөр-Улаан сумын Засаг дарга доорх албан бичгийг дөрөвдүгээр сарын 22-нд өгчээ. “Нуклер Энержи Монголиа” ХХК-иас ирүүлсэн “Байгаль орчны менежментийн төлөвлөгөө”- г аймгийн БОАЖГ-ын дарга мөн батлаагүй байна.Өндөр-Улаан, Жаргалант, Тариат сумдын удирдлагууд тус газарт ямар нэгэн үйл ажиллагаа явуулахыг зөвшөөрөхгүй гэсэн байр суурьтай байдгийг сумын Засаг дарга Б.Эрдэнэхүү онцолж буй. Аймгийн БОАЖГ-аас  мөн ямар нэгэн зөвшөөрөл өгөхгүй гэж тэрээр хэлж байна.
  • 2019-07-05 14:19
    Хоёр сарын өмнө тээвэрлэлтийн замыг хучих боломжгүй хэмээн хэлэлцээрийн үеэр мэдэгдэж байсан “Петро Чайна Дачин Тамсаг” ХХК-тай Сүхбаатар аймгийн удирдлагууд цөөнгүй удаагийн уулзалт хийснээр 100 км замыг хатуу хучилттай болгох тохиролцоонд хүрчээ. Зам хучих ажлыг 2020-2022 онд багтаан гүйцэтгэхээр болсон байна. Тус компанийн тээвэрлэлт хийдэг замын 100 километр нь Сүхбаатар аймгийн нутаг дэвсгэрээр дамжин өнгөрдөг юм.