Цахилгаан машины хувьсгал Тesla 5 тэрбумын үйлдвэр байгуулна

2014-03-10 16:29

Цахилгаан машины салбарт өнгөрсөн жилээс эхлэн дэлхийд шуугиан тариад буй АНУ-ын Tesla Motors компанийнхан нэг удаагийн цэнэглэлтээр бараг 500 км зам туулдаг Tesla машиндаа зориулан lithium-ion зай хураагуурын томоохон үйлдвэр байгуулахаар болоод байна. Энэхүү үйлдвэрийг нийт 5 тэрбум долларын хөрөнгө оруулалтаар байгуулах бөгөөд 2017 оноос ашиглалтад оруулах ажээ. Зай хураагуурын үйлдвэр нь Tesla машины хувьд маш чухал юм. Учир нь энэхүү цахилгаан машины суудлын доор хавтан хэлбэрийн маш том зай хураагуур байрлуулжээ.  Энэ нь бидний хэрэглэдэг хуруу зайтай бүтцийн хувьд адил боловч асар том хүчирхэг зай юм.

Энэхүү зай хураагуурын томоохон үйлдвэрийн хүчин чадал 2020 он гэхэд жилдээ 35 гигаватт.цаг бүхий зай үйлдвэрлэхүйц хэмжээнд хүрэх ажээ. Үйлдвэрийг дагаад эрдсийн зах зээлд графит, кобалтаас гадна бусад олон төрлийн эрдсийн эрэлт багагүй хэмжээгээр нэмэгдэхийг шинжээчид тайлбарлаж байна. Учир нь уг үйлдвэр ашиглалтад орж бүрэн хүчин чадлаараа үйлдвэрлэл явуулж эхэлснээр ийм төрлийн зай хураагуурын зах зээлийн орон зайг хоёр дахин тэлэх ажээ.

Энэхүү машин нь зөвхөн технологийн салбарт шуугиан тариад зогсохгүй, урт хугацаандаа зэсийн эрэлтийг нэмэгдүүлэх магадлал өндөр байна. Энэхүү машины хөдөлгүүр нь дотоод шаталтат хөдөлгүүрээс огт ангид зүйл бөгөөд зэс мотортой (copper rotor induction motor) ажээ. Хүмүүс дотоод шаталтат хөдөлгүүрээс цахилгаан хөдөлгүүр хүч султай гэж ярьдаг ч энэхүү машины мотор нь тун хүчирхэг болохыг эрдэмтэд баталж байна. Үүнээс гадна уг машины мотор урдаа биш хойноо байрлах ажээ. Тиймээс Tesla S загварын машин хойноо бас урдаа ч кабинтай нь хэрэглээнд маш дөмөгхөн болгожээ.

АНУ-ын автомашины шинэхэн компани Tesla Motors улсынхаа гол гол мужуудаар цэнэглэгч станцуудыг суурилуулж дууссан бөгөөд эдгээр станцад 20 минутын дотор зайг 50% цэнэглэх боломжтой ажээ. Харин гэртээ 240 вольтоор цэнэглэвэл таван цагийн дотор бүрэн цэнэглэх юм байна.

Саяхан Tesla машин борлуулалтын салбараа Хятадад байгуулжээ. Tesla S загварын машины хувьд харьцангуй өндөр үнэтэй буюу нэг бүр нь 100 орчим мянган долларын үнэтэй ч тансаг ангиллын бусад машинтай харьцуулахад үнийн хувьд тийм ч их биш ажээ.

Монголын хувьд Tesla-гийн зай хураагуур өвлийн улиралд цэнэгээ бүрэн барих эсэх нь эргэлзээтэй ч хүйтний улиралд зориулсан хувилбар гаргаж болохыг үгүйсгэх газаргүй юм. Үүнээс гадна зэс моторын технологийг Монголын эрдэмтэд сайтар судлан туршаад үйлдвэрлэлд нэвтрүүлж чадвал зэсээр баялаг Монголд түүхий эдээ нарийн технологи болгон дотооддоо хэрэглэх, экспортлох боломж харагдаж байна. Үнэндээ Tesla Motors компанийнхан машиныхаа зай хураагуур, мотор, эдгээрт холбогдох эд ангийг өөрсдөө үйлдвэрлээд бусдыг өөр компаниудаар хийлгэжээ. 

Tesla Motors компанийн хувьцаа Nasdaq-ийн бирж дээр өнгөрсөн тавдугаар сард 50 ам.доллараас 110 доллар болж огцом өсч байсан юм. Сүүлийн жил орчмын хугацаанд Tesla-гийн хувьцаа тасралтгүй өссөөр ирсэн бөгөөд зай хураагуурын үйлдвэр барих мэдээллээр хувьцаа нь 254 ам.доллар болж өсчээ. Ердөө жил хүрэхгүй хугацаанд тус компанийн хувьцаа хэд дахин өссөний зэрэгцээ автомашины салбарын хамгийн шилдэг шагналуудыг 2013 онд хүртэж чаджээ.


Б.Төгс

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 8 цаг 31 минутын өмнө
    Лондоны металын бирж дээр даваа гаригийн байдлаар (2020.07.06) нэг тонн зэсийн ханш 6112 ам.долларт хүрч хаагдсан байна. Энэ нь өнгөрсөн нэгдүгээр сарын 21-нээс хойших хамгийн өндөр дүн боллоо.  Зэсийн ханш ийнхүү өсч байгаа нь дэлхийн нийт зэс үйлдвэрлэлийн 25%-аас илүү хэсгийг бүрдүүлдэг Чили улсын уурхайчдын дунд шинэ коронавирусийн өвчлөл өндөр байгаа нь голлон нөлөөлж байгаа тухай шинжээчид тайлбарлалаа. Тухайлбал нийт 2433 уурхайчин уг өвчний халдвар авсан болохыг Чилийн зэс олборлолтын чиглэлээр ажилладаг төрийн өмчийн “Codelco” компани мэдээлсэн байна. Улмаар компанийн зэсийн томоохон төсөл болох El Teniente уурхайн өргөтгөлийн үйл ажиллагааг түр хугацаагаар зогсоохоор болсон ажээ. 
  • 13 цаг 26 минутын өмнө
    УИХ-ын Анхдугаар чуулганы (2020.07.07) нэгдсэн хуралдаанаар Засгийн газрын бүтэц, бүрэлдэхүүний талаар Монгол Улсын Ерөнхийлөгчтэй зөвшилцсөний үндсэн дээр Монгол Улсын Ерөнхий сайдаас өргөн мэдүүлсэн Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай болон холбогдох бусад хууль тогтоомжий төслүүдийн анхны хэлэлцүүлгийг хийлээ. Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай хуулийн төслийг эцэслэн батлах санал хураалт явуулахад Анхдугаар чуулганы нэгдсэн хуралдаанд оролцсон 61 гишүүний 50 нь буюу 82% нь дэмжив.
  • 16 цаг 4 минутын өмнө
    Оюутолгой төслийн хяналтын багцыг эзэмшигч “Туркойз Хилл Ресурс” компани өнгөрсөн баасан гаригт (2020.07.03) ордын нөөцийн шинэчилсэн тайлан болон техник, эдийн засгийн үндэслэлийн (ТЭЗҮ) шинэчилсэн хувилбарыг танилцууллаа. Шинэчилсэн ТЭЗҮ-ээр Оюутолгойн далд уурхайн төслийн ашиглалтад орох хугацаа 2016 оны ТЭЗҮ-д дурдсантай харьцуулахад 21-29 сараар хойшилно. Энэ нь 2022 оны аравдугаар сараас 2023 оны зургадугаар сарын хооронд далд уурхайн үйлдвэрлэл эхэлнэ гэсэн үг. Далд уурхайн хөрөнгө оруулалтын зардал анх тооцоолж байсан 5.3 тэрбум ам.доллар дээр нэмж 1.3-1.8 тэрбум ам.доллар шаардагдахаар болжээ.
  • Уржигдар 12 цаг 05 минутад
    2030 он гэхэд Япон улс нүүрсээр ажилладаг 100 цахилгаан станцыг хаахаар төлөвлөж буй тухай Kyodo агентлаг мэдээлжээ. Тус улсын хэмжээнд нийт 140 цахилгаан станц нүүрснээс эрчим хүч үйлдвэрлэж байна. Нүүрстөрөгчийн ялгарлыг бууруулах хөтөлбөрийн хүрээнд эрчим хүчний үйлдвэрлэлд нүүрсний хэрэглээг багасгаж, сэргээгдэх эрчим хүчийг нэмэгдүүлэх зорилтот ажлыг долдугаар сараас эхлүүлнэ гэж Японы Эрчим хүчний сайд мэдэгджээ. Өнөөгийн байдлаар, тус улсын нийт эрчим хүчний 32%-ийг нүүрснээс, 17%-ийг сэргээгдэх эрчим хүчээр үйлдвэрлэж байна. 2030 он гэхэд нүүрсний эрчим хүчний үйлдвэрлэлийг 26% хүртэл бууруулахаар зорьжээ. 
  • Уржигдар 11 цаг 22 минутад
    Дэлхийн уул уурхайн тэргүүлэгч компани “BHP group” нь анх удаа блокчейн платоформ ашиглан төмрийн хүдэр борлуулжээ. Тодруулбал, Хятадын “Baosteel” компанитай 14 сая ам.долларын худалдаа хийсэн байна. Энэхүү худалдаа нь Канадын технологийн “MineHub Technologies” компанийн боловсруулсан блокчейн платформоор хийгдсэн аж. “BHP group”-ийн Худалдаа, маркетинг хариуцсан захирал Михел Ховерс “Уг платформыг  ашиглан худалдааны гэрээг боловсруулж, баримт солилцон, ачааны тээвэрлэлтийн цаг хугацааг хянасан” гэдгийг тайлбарлажээ. Тус компани цаашид уул уурхайн бүтээгдэхүүний худалдааны төлбөр, баримт бичгийн боловсруулалтыг түргэвчлэх, тээвэрлэлтийг хянахад блокчейн платформыг ашиглахаар төлөвлөж буй аж.