Дамжин өнгөрөх тээврийн хэмжээг тохирно

2014-03-03 13:26

Төмөр замын  хамтын ажиллагааны байгууллагын гишүүн орнуудын гуравдугаар комиссын тавдугаар хэсгийн төмөр замууд буюу Монгол, БНХАУ, ОХУ, Казахстан, БНАСАУ,  Вьетнам улсын төмөр замуудын төлөөлөгчид Улаанбаатар хотноо  хуралдаж байна.

Уг хурлаар дээрх улсын төмөр замуудаар 2013 онд тээвэрлэгдсэн гадаад худалдааны ачааны хэмжээг дүгнэх,   2014 онд тээвэрлэгдэх экспорт импортын болон дамжин өнгөрөх тээврийн хэмжээг тохирох юм байна. Мөн тээвэрлэлттэй холбоотой техникийн болон зохион байгуулалтын арга хэмжээний талаар  авч хэлэлцэх бөгөөд хоорондоо хиллэдэг төмөр замууд тус бүрээр нийт 12 бүлэг хуралдаан болж байна.

Монголын тал буюу УБТЗ  нь Монгол-БНХАУ, Монгол-ОХУ, Монгол-БНХАУ-ОХУ, Монгол-ОХУ-Казахстан, Монгол-БНАСАУ, Монгол-Вьетнам гэсэн бүлгийн хуралдаануудад оролцдог. Тус хурлыг жил бүр  зохион байгуулдаг бөгөөд Монгол улсад зургаан жилийн хугацаанд нэг удаа болдог байна.  Энэ хуралдаанд оролцож байгаа таван орноос 100 орчим төлөөлөгч иржээ. ОХУ, БНХАУ-ын төмөр замуудаас өргөн бүрэлдэхүүнтэйгээр оролцож байгаа  нь бүх улстай төмөр замаараа хиллэдэгтэй холбоотой аж.

УБТЗ нь 2013 онд Монголоос ОХУ руу 1387,59 мянган тонн, Монголоос Хятад руу 5852.22 мянган тонн ачаа тээвэрлэжээ. Мөн онд ОХУ-аас БНХАУ руу 1530,46 мянган тонн, БНХАУ-аас ОХУ руу 226,31 мянган тонн дамжин өнгөрсөн ачаа тээвэрлэсэн байна.

 Уг хуралдаантай зэрэгцэн Зам, тээврийн яамнаас санаачлан “Транзит Монгол-2014” арга хэмжээг зохион байгуулах аж. Өнгөрсөн оны арванхоёрдугаар сарын 18-ны өдөр Зам, тээврийн яам, ЗГХЭГ-аас санаачлан Монгол, Орос, Хятад гурван улсын хил дамнасан төмөр замын Умард коридор зөвлөгөөнийг зохион байгуулсан.  Зөвлөгөөний мөрөөр авч хэрэгжүүлж буй арга хэмжээний үр дүнг Засгийн газраас сайшаажээ. Уг зөвлөгөөний шийдвэрийг хэрэгжүүлэх зорилгоор Монгол-Оросын хувь нийлүүлсэн УБТЗ-аас хийж гүйцэтгэх ажлыг тодорхойлжээ. 

Дашрамд дурьдахад, өнгөрсөн оны арванхоёрдугаар сарын 03-нд Хятадын Жүнжөү хотоос Германы Франкбурт хотын чиглэлд Монгол Улсын нутаг дэвсгэр дээгүүр чингэлгийн туршилтын галт тэргийг амжилттай аялуулжээ. Франкфуртаас Жүнжөү чиглэлд буцсан чингэлгийн уг галт тэргийг Монгол улсын нутаг дэвсгэр дээгүүр 29 цаг аялуулан БНХАУ-ын талд хүлээлгэн өгсөн аж.  Өнгөрсөн сарын 28-нд Жүнжөү-Франкфурт  чиглэлийн эхний галт тэргийг амжилттай аялуулаад байгаа аж.


Г.Идэр

       

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • Уржигдар 14 цаг 56 минутад
    Монгол Улс Санхүүгийн хориг арга хэмжээ авах байгууллага (ФАТФ)-ын мөнгө угаах, терроризмыг санхүүжүүлэхтэй тэмцэх стратегийн дутагдалтай орнуудын жагсаалтад 2019 оны аравдугаар сард орсноор нийт 4 шууд хэрэгжилтийн зөвлөмж дээр 6 үүрэг даалгавар авсан. Монгол Улсын Засгийн газраас байгуулагдсан ажлын хэсэг, Үндэсний зөвлөл, Хамтын ажиллагааны зөвлөлийн гишүүн байгууллагууд, хувийн хэвшил болон мэргэжлийн холбоодын хамтарсан ажлын хэсгүүд ФАТФ-ын стратегийн дутагдалтай орнуудын жагсаалтаас гарах чиглэлээр эрчимтэй ажиллаж, төлөвлөгөөнд тусгасан ажлуудтай холбоотой тайланг ФАТФ-ын Ази, Номхон Далай бүс хариуцсан хамтарсан бүлэгт цаг тухайд нь хүргүүлж ажиллалаа.
  • 2020-05-25 13:53
    Цар тахлын тархалтаас урьдчилан сэргийлэх үүднээс Засгийн газраас хөл хорио тогтоох арга хэмжээ авч хэрэгжүүлж байна. Өвчний тархалтаас сэргийлэх талаар амжилттай боловч хөл хорионы сөрөг нөлөөнөөс уул уурхайн салбарын үйлдвэрлэл, экспорт буурах, худалдааны салбарын идэвх сулрах, аялал жуулчлал, тээвэр, үйлчилгээний салбар орлогогүй болоход хүрч, улмаар бусад салбаруудад нөлөөлж байна. Энэ  гинжин холбоогоор банкны салбарт ч тодорхойгүй байдал, эрсдэл, сөрөг нөлөөг үзүүлж байгаа. Монголбанкны судалгаагаар коронавирусын нөлөөлөлд 54 мянган зээлдэгчийн 3.5 их наяд төгрөгийн зээл өртөж байгаа гэсэн тооцоо бий. Манай улсын хувьд санхүүгийн зах зээлийн 90 орчим хувийг банкны систем бүрдүүлдэг. Иргэд, аж ахуйн нэгж хямралд өртөн орлогогүй болж, зээлээ эргэн төлөхөд хүндрэл үүссэнээр банкуудын өөрийн хөрөнгө, ашигт ажиллагаа буурч, эрсдэлийн сангаа нэмэгдүүлэх шаардлагатай тулгарна.
  • 2020-05-25 13:52
    Монгол Улсын парламент  2019 оны арваннэгдүгээр сарын 14-ний пүрэв гарагийн хуралдаанаараа Үндсэн хуульдаа нэмэлт өөрчлөлт оруулсан. 1992 оны нэгдүгээр сарын 13-нд ардчилсан тодотголтой Үндсэн хуулиа баталснаас хойш 2000 онд анх удаа “гар хүрч”, “дордох”-ын хэмээгддэг 7 заалтад оруулсан нь цаг хугацааны эрхээр багагүй маргаан дагуулж ирсэн юм. Энэхүү 7 заалтаас зургаад нь нэмэлт, өөрчлөлт хийснээр Үндсэн хуулийн өнгө төрх багагүй сайжирсан юм. Хоёр удаа нийгмээрээ хэлэлцэж, гурав дахь удаагийн хэлэлцүүлгээ парламентын хуралдаанд гуравхан цагийн дотор хийсэн Үндсэн хуулийн нэмэлт өөрчлөлтийг өнөөдөр /2020 оны тавдугаар сарын 25/ 12.00 цагт буюу 17-р жарны төмөр хулгана жилийн зуны тэргүүн сарын шинийн 3-ны морин цагаас эхлэн улс орон даяар мөрдөж эхэлж байна.
  • 2020-05-25 13:00
    “Шивээ-Овоо” ХК-ийн Төлөөлөн удирдах зөвлөлийн ээлжит хурлыг тус уурхай дээр зохион байгуулж, үйл ажиллагаанд тулгамдаж буй асуудалтай танилцан, хэд хэдэн чиглэлээр үүрэг өглөө. Төлөөлөн удирдах зөвлөлийн дарга Э.Дөлгөөн уурхайн олборлолтын зардлыг бууруулах чиглэлээр тооцоо судалгаа хийж, танилцуулах, компанийн худалдан авалтын сонгон шалгаруулалтыг хуулийн хүрээнд нээлттэй зарлахыг компанийн удирдлагуудад чиглэл болгосон байна. Мөн 2020-2021 оны өвөлжилтийн бэлтгэл ажлыг хангах хүрээнд нарийвчилсан төлөвлөгөө боловсруулж, шаардлагатай арга хэмжээг ирэх саруудад авахаар болжээ. 
  • 2020-05-22 14:01
    Монгол улсын Засгийн газар, МҮХАҮТ хамтран Монгол Улсын ТОП-100 аж ахуйн нэгжийг эрэмбэлэн өргөмжлөх үйл ажиллагааг 19 дахь жилдээ анх удаа /тавдугаар сарын 20/ цахим хэлбэрээр зохион байгууллаа. Цахим арга хэмжээг нээж МҮХАҮТ-ын Ерөнхийлөгч О.Амартүвшин  “2020 он бол бид бүхний хувьд туйлын өндөр сорилттой жил болж байна. Монголын эдийн засгийг нуруун дээрээ үүрч, Монголын хөгжлийг  түүчээлж байгаа та бүхэнд ТОП 100 ААН-д эрэмбэлэгдсэнд МҮХАҮТ-ын зүгээс халуун баяр хүргэж, эдийн засгийн сорилыг төр засагтай хамтран хамтдаа даван туулъя” хэмээн уриалав. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Үндэсний статистикийн хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн  хэмжээ гэсэн үндсэн 5 үзүүлэлтийг чухалчилжээ.