Сэргээгдэх эрчим хүчний салбарт Тайваньтай хамтарна

2014-02-18 17:41

Тайваний Эдийн засгийн хэргийн яам болон Монголын Эрчим хүчний яамны төлөөлөл сэргээгдэх эрчим хүчний салбар болон эрчим хүчний үр ашигтай ажиллагааг дээшлүүлэхэд хамтран ажиллах Санамж бичиг өчигдөр үзэглэжээ. Тайвань улсын талтай манай улс нар, салхины сэргээгдэх эрчим хүчний төсөлд хамтарч ажиллах үүд хаалга ийнхүү нээгдэж байна. Нөгөөтэйгүүр тус улс Монголын нүүрсний станцуудын хуучирсан генераторуудыг шинэчлэх тал дээр туршлагаасаа хуваалцахад бэлэн байгаагаа илэрхийлжээ.

Хэдийгээр Тайваний компаниуд нар, салхины сэргээгдэх эрчим хүчний салбарт чамгүй сайн технологи хөгжүүлж чадсан ч хүн амын нягтаршлаас үүдэн, олон улсын стандарт дүрэмд нийцсэн хэмжээний талбайд технологио хөгжүүлэхэд хүндрэл үүсдэг ажээ. Энэ нь тус улсын сэргээгдэх эрчим хүчний салбарын тоног төхөөрөмжийн экспортод чөдөр тушаа болдгийг тэмдэглэжээ. Харин Монголын зах зээлд тус улсын технологийг нэвтрүүлбэл манай улсад дэвшилтэт технологи нэвтрэхийн сацуу тус улсын хувийн компаниудад олон улсын стандартын хэмжээ бүхий талбайд технологио хөгжүүлэх боломж нээгдэж,  бизнесийн орон зай нь тэлэхэд эерэг нөлөөтэй тухай Тайваний Эдийн засгийн хэргийн яамны цахим хуудаст мэдээлжээ.

Ийнхүү манай улсын хувьд энэ чиглэлд туршлага, технологийн боломжоо зузаатгахыг зорьж буй бол Тайваний тал экспортын хүрээгээ өргөжүүлэхийг чармайж байна. Монголын Эрчим хүчний яам сэргээгдэх эрчим хүчний салбарт мэргэжилтнүүдээ Тайваньд богино хугацааны сургалтад хамруулахаар төлөвлөж буй ажээ.

Манай улсын хувьд 2020 он гэхэд нийт цахилгаан үйлдвэрлэлд эзлэх сэргээгдэх эрчим хүчний хувь хэмжээг 25%-д хүргэх зорилт тавиад буй билээ. 50 МВт-ын хүчин чадалтай “Салхит” салхины станцыг “Ньюком” компани өнгөрсөн онд ашиглалтад оруулсан нь сайн эхлэл байсан. Гэхдээ цаашид нар, салхины эрчим хүчний салбарт ихээхэн туршлага хуримтлуулах шаардлагатай байна. 



Б.Төгс

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 13 цаг 54 минутын өмнө
    Манай улсын уул уурхай болон бусад хүнд, хөнгөн үйлдвэрийн салбарууд техник тоног төхөөрөмжүүдэд хийдэг техникийн урсгал засвар үйлчилгээний төлөвлөлт, хуваарилалт, тэдгээртэй холбогдох сэлбэг хэрэгслүүдийн бэлэн байдлын бүртгэл зэргийг ихэнхдээ уламжлалт аргаар буюу цаасан дээр эсвэл Microsoft Excel ашиглан хөтөлж нэлээдгүй олон жилийн нүүр үзэж байна. Энэхүү уламжлалт арга нь одоо үед гар ажиллагаа ихтэй, цаг шаардсан, ажлын бүтээмж муутай, мэдээлэл алдагдах өндөр эрсдэлтэй зэрэг сөрөг үр дагавруудтай ба төдийлөн оновчтой бус арга болоод байна. Тэгвэл энэхүү хүндрэлтэй асуудлыг барууны өндөр хөгжилтэй ихэнх орнууд Enterprise Asset Management (EAM) буюу Байгууллагын Хөрөнгийн Удирдлага (БХУ) болон Computerized Maintenance Management System (CMMS) буюу Цахим Засварын Удирдлагын Систем (ЦЗУС) гэгдэх компьютер программуудын тусламжтайгаар амар хялбар, маш өндөр бүтээмжтэйгээр шийдсэн байдаг.
  • 17 цаг 36 минутын өмнө
    "Рио Тинто" УИХ-ын “Оюутолгой ордын ашиглалтад Монгол улсын эрх ашгийг хангуулах” тухай тогтоолыг хүлээн зөвшөөрч буйгаа албан ёсоор (2019.12.11) илэрхийллээ. Уг тогтоолын төсөлд 2009 оны Хөрөнгө оруулалтын гэрээ, 2011 оны Хувь нийлүүлэгчдийн гэрээ (нэмэлт өөрчлөлт оруулсан)-ний хэрэгжилтийг сайжруулах, 2015 оны Дубайн гэрээг хуульд нийцүүлэн сайжруулах заалтууд багтсан юм.
  • 18 цаг 10 минутын өмнө
    Газрын тос боловсруулах үйлдвэрийг түүхий эдээр тасралтгүй, найдвартай хангаж байх зорилгоор Бүтээгдэхүүн хуваах гэрээний дагуу газрын тосны хайгуул хийж байгаа аж ахуйн нэгжийг дэмжих, ажлыг нь эрчимжүүлэх, газрын тосны нөөцийг нэмэгдүүлэх зэрэг чиглэлээр ажиллахыг холбогдох сайд, агентлаг, бүх шатны Засаг дарга нарт даалгахаар Засгийн газрын ээлжит хуралдаанаар шийдвэрлэлээ (2019.12.11).
  • Уржигдар 12 цаг 32 минутад
    Монгол Улсын Эрдэс баялгийн салбарын мэргэжлийн холбоодын үйл ажиллагаа, эрх зүйн орчин, тулгамдаж буй асуудал, цаашид шийдвэрлэх арга замыг тодорхойлж нэгдсэн зөвлөмж гаргах зорилготой Эрдэс баялгийн салбарын мэргэжлийн холбоодын анхдугаар зөвлөгөөн  өчигдөр “Туушин” зочид буудалд зохион байгуулагдлаа. Салбарын холбоодын төлөөллүүд оролцсон уг зөвлөгөөнийг Уул уурхай, хүнд үйлдвэрийн сайдын зөвлөх Г.Шархүү нээж, Уул уурхай, хүнд үйлдвэрийн яамны Геологи, уул уурхайн бодлогын хэрэгжилтийг зохицуулах газрын Уул уурхайн хэлтсийн дарга Б.Дэлгэржаргал салбарын эрх зүйн орчин, тулгамдсан асуудлын талаар мэдээлэл хийлээ.   “Өнөөдрийн зөвлөгөөнөөр анх удаа яамнаас санаачилж, төрийн бус байгууллагатай хамтын ажиллагааг өргөжүүлэх, цаашид хамтарч ажиллах, та бүгдийн мэдлэг туршлагыг хамтын ажилд оролцуулахаар сайдын шийдвэрээр зөвлөгөөнийг хийж байна. 1997 оны 1 дүгээр сарын 31-нд Монгол Улсын их хурал “Төрийн бус байгууллагын хууль”-ийг батлан гаргасан.
  • 2019-12-10 17:44
    ШУТИС-ийн Геологи, уул уурхайн сургуулиас  “Ашигт малтмалын салбарын сургалтын цогц хөтөлбөр” төслийн хүрээнд “Засаглал ба уул уурхай” сэдэвт семинарыг Эрдэнэт хотод зохион байгууллаа. Энэхүү семинарыг Канадын Бритиш Колумбын Их сургуулийн Уул уурхайн инженерийн сургуультай хамтран явуулсан юм. Энэ хүрээнд ШУТИС-ийн уул уурхайн ашиглалтын технологийн бакалавр, ашигт малтмал баяжуулалтын технологийн магистр, докторын сургултын хөтөлбөрт уул уурхайн үйл ажиллагаанаас улбаатай нийгэм, байгаль орчин, ашигт малтмалын нөөцийг хариуцлагатай, үр ашигтай, нийгэмдээ өгөөжтэй ашиглах зэрэг асуудлыг гадаадын ижил төстэй сургалтын хөтөлбөртэй харьцуулалт хийсэн судалгааг танилцуулах, салбар дундын судалгаа шинжилгээ хийх боломжуудыг нээх, цаашид энэ чиглэлээр судалгаа тогтмол хийх, олон талын мэдлэгийг бий болгох, хуримтлуулах боломжийг бүрдүүлэхийг зорьж байна.