Аль нэг тал руу хэлбийлгүй эдийн засгийн үр ашиг, мэргэжлийн талаас ханддаг нь зөв хандлага юм

2014-01-28 12:16
“Эрдэнэс МГЛ”, “Эрдэнэс Тавантолгой” компанийн Гүйцэтгэх захирал асан Б.ЭНЭБИШ

“Mongolian Mining Journal” сэтгүүлийн нийт хамт олонд 5 жилийн ойн мэндийг дэвшүүлье.

2008 он бол шинэ мянганы  хоёр, гуравдугаар оны орчмоос эхэлсэн геологийн хайгуул, судалгааны шинэ давалгааны үр дүнд ашигт малтмалын ордууд шинээр нээгдэж, хуучны орд газруудын нөөц нэмэгдэн шинээр тогтоогдож, Оюутолгой, Тавантолгой ордыг ашиглаж эхлэх тухай эрчимтэй яригдаж байсан он байв. Түүнчлэн олон улсын хөрөнгө оруулагчдын анхаарал Монголын уул уурхай руу хандан, монголчууд  уул уурхайн салбарыг улс орныхоо ирээдүйн хөгжлийн тулгуур  гэж найдаж эхэлсэн үе байлаа.

Энэ үед уул уурхайн хөгжил, хөрөнгө оруулалтын асуудлаар төрөлжсөн, хуучны мэргэжлийн сэтгүүл шиг нэг хэвийн, явцуурсан уйтгартай биш, шинэлэг сэтгүүл шинээр мэндэлсэн нь “Mongolian Mining Journal” байв.

Дээр дурдсанчлан геологийн хайгуул судалгааны өргөн хүрээтэй ажил, хөрөнгө оруулалтын үр дүнд олон төслүүд ашиглалтын үе шатандаа шилжих энэ үед уул уурхай, түүний дэд бүтэц, бүтээгдэхүүний зах зээл, хөрөнгө оруулалтын талаарх бодитой мэдээлэл олон нийтэд төдийгүй энэ салбарынханд чухал хэрэгтэй зүйл байв.

Танай сэтгүүлд Монгол орны ашигт малтмалын орд газрууд хийгээд тэдгээрийн ашиглалт, хөгжлийн загваруудын тухай цаг үеийн сонирхолтой ярилцлагууд гардгаас гадна хөрөнгө оруулалт, геологи, уул уурхайн ерөнхий ойлголт, мэдлэгээс эхлээд бусад орнуудын жишээ болохуйц олон улсын төслүүдийн талаар нийтэлдэг нь мэдээллийн их ач холбогдолтой байдаг. Уул уурхайн хөгжлийн талаарх  засаг төрийн бодлого, дотоодын санал зөрөлдөөний талаар танай сэтгүүл аль нэг тал уруу хэлбийлгүй эдийн засгийн үр ашиг, мэргэжлийн талаас ханддаг нь зөв хандлага гэж бодож байна. Цаашид энэ чиглэлээ бүү алдаарай гэж хүсье.

Миний хувьд 2008-2012 онд “Эрдэнэс МГЛ”,“Эрдэнэс Тавантолгой”компанийн Гүйцэтгэх захирлаар ажиллаж Тавантолгой, Оюутолгой ордыг эдийн засгийн эргэлтэд оруулах ажлыг компанийн түвшинд гардан хариуцаж байсны хувьд дэлхийн хэмжээний эдгээр  уул уурхайн том төслүүдийн  ашиглалтын явцын талаар өргөн хүрээтэй далайцтай, хүмүүст зөв мэдээлэл өгсөн ярилцлага,нийтлэл гаргаж байсанд тань, бас хамтран ажиллаж, бидний ажлыг дэмжиж ирсэнд танай сэтгүүлд талархаж байдгаа хэлмээр байна.  

Ингээд Монгол Улс бүс нутагтаа уул уурхайн нэгэн  томоохон тоглогч болохын цагт  зөвхөн дотооддоо төдийгүй олон улсад  нэр хүнд бүхий сэтгүүл болох ирээдүйг ерөөж, “Mongolian Mining Journal” сэтгүүлийн зөвлөл, хамт олонд  ажлын  өндөр амжилт хүсье.

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 13 цаг 42 минутын өмнө
    Төсөл санаачлагчийг төлөөлж, “Эрдэнэс-тавантолгой” ХК төслийн нийт санхүүжилтийн 30 хүртэлх хувийг санхүүжүүлэх, тендерт оролцогч үлдэгдэл санхүүжилтийг Засгийн газрын баталгааг үндэслэн өөрөө санхүүжүүлэх (EPC+F) хувилбар санал ирүүлэх олон улсын нээлттэй тендер сонгон шалгаруулалтыг энэ оны аравдугаар сарын 21-ний өдөр зарлаж, 90 хоногийн хугацаанд гүйцэтгэгчийг сонгон шалгаруулна.
  • 15 цаг 56 минутын өмнө
    “Баян зам” тээвэрчдийн холбооноос өнөөдөр /2021.10.20/ мэдээлэл хийж, Зам тээврийн хөгжлийн сайд Л.Халтарыг иргэдэд буруу мэдээлэл өгсөн гэх үндэслэлээр шүүхэд өгч байгаагаа мэдэгдлээ. Төрийн тогтворгүй үйл ажиллагаанаас үүдэн нүүрс тээврийн үйл ажиллагаа зогссон гэж үзээд тус холбооны 2000 тээвэрчдийг  шланзтай нь хотод авчирна гэлээ. “Баян зам” тээвэрчдийн холбооны Удирдах зөвлөлийн дарга П.Баярхүү: -Зам тээврийн хөгжлийн сайд Л.Халтар мэдээлэл хийхдээ хэд хэдэн баримтаар тээвэрчдийг, тээвэрчдийн холбоог гүжирдлээ. Тодруулбал, “Баянзүрх” тээвэрчдийн холбоо нь тээвэрчдийн эрх ашгийг хамгаалах ёстой атлаа бизнес хийж байна гэж ярьсан. Мөн энэ холбоонд 100 гаруй компани байдаг байтал 31 компани гэсэн. Холбоог замын хураамжаа өг, үгүй бол тээвэрт явуулахгүй гэж дарамталдаг гэлээ. Ийм буруу мэдээлэл хийж, нэр төрд халдсан гэх үндэслэлээр өнөөдөр /2021.10.20/ түүнийг шүүхэд өгч байна.
  • 16 цаг 13 минутын өмнө
    Лондоны металын бирж дээр өчигдөр (2021.10.19) нэг тонн зэсийн шууд худалдааны үнэ 7.2%-иар өсч 11299.5 ам.долларт хүрснээр шинэ дээд амжилт тогтоосон байна. Мөн Нью-Йоркийн түүхий эдийн бирж дээр 10572 ам.доллар/тонн-д хүрсэн нь тус биржийн түүхэн дэх хамгийн өндөр ханшаар тэмдэглэгдлээ. Хаалтын ханшийн тухайд Лондоны металын бирж дээр өчигдөр зэсийн шууд худалдааны үнэ 10652 ам.доллар/тонн, гурван сарын гэрээт үнэ 10270 ам.доллар/тонн-оор тогтжээ. Ханш өсөхөд зэсийн нийлүүлэлт буурч буй мэдээлэл нөлөөлсөн байна.
  • 18 цаг 6 минутын өмнө
    Уул уурхайн салбарын төрийн зохицуулалтын нэгэн хэлбэр болгон Уул уурхайн бүтээгдэхүүний биржийг байгуулахаар зэхэж байна. Холбогдох хуулийн төслийг УУХҮЯ цахим хуудастаа нийтлэн танилцуулжээ. Эрдэс баялгийн бирж хэмээн өмнөх хэлэлцүүлгүүдийн үеэр нэрлэж байсан боловч хуулийн танилцуулгад Уул уурхайн бүтээгдэхүүний бирж хэмээн нэрийг нь өөрчлөв. Уул уурхайн салбар нь Монгол Улсын эдийн засгийн зонхилох салбар болоод удаж байна. Сүүлийн 15 жилд уул уурхайн салбарын улсын төсөвт төвлөрүүлэх орлого тогтвортой нэмэгдсээр ирсэн. 2021 оны эхний долоон сарын гүйцэтгэлээр Монгол Улсын нэгдсэн төсвийн орлогын 32.5%-ийг бүрдүүлж байна. Уул уурхайн бүтээгдэхүүний биржийг байгуулах шаардлага, үндсэн зорилгыг улсын эдийн засагт үзүүлж байгаа салбарын үр өгөөжийг улам нэмэгдүүлэх, салбарын орлогыг ил тод болгох, уул уурхайн экспортын бүтээгдэхүүний стандартыг хангах юм.
  • Уржигдар 10 цаг 48 минутад
    Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэх, хүний аюулгүй байдлын соёлыг нэмэгдүүлэхэд тодорхой хувь нэмэр оруулж буй “Нэн түрүүнд ХАБ” (Хөдөлмөрийн аюулгүй байдал) бага хурал нь “Аюулгүй байдал ба Ковид-19” уриан дор 2021 оны 10-р сарын 21, 22-ны өдрүүдэд цахимаар зохион байгуулагдах гэж байна.