Салбарын хамгийн сүүлийн үеийн мэдээллийг авч чаддаг

2014-01-28 11:39
“Эрдмин” компанийн Үйлдвэрлэл эрхэлсэн дэд захирал Ц.Энхбаяр:

Монголд хэвлэл мэдээллийн маш олон хэрэгсэл байна. Тэр дундаас Mining Journal  сэтгүүл   ялгарах онцлогтой. Нэгдүгээрт, салбартаа чиглэсэн хамгийн сүүлийн үеийн мэдээллүүдийг тавьдаг. Би инженерингийн чиглэлээр гадны сэтгүүлүүд захиалж уншдаг л даа. Гадаад хэвлэлийн шуудангийн хүргэлт удаан тул бараг   2-3 сарын дараа ирэх жишээтэй. Тэр сэтгүүл дээр гарсан мэдээллүүдийг Mining Journal сэтгүүлээс 2-3 сарын өмнө авч чаддагтаа сэтгэл хангалуун байдаг. Түүнээс гадна зөвхөн сэтгүүлийн нийтлэл мэдээллээр үйл ажиллагаагаа хязгаарладаггүй нь хоёр дахь том онцлог нь.  Өөрийн сэтгүүлийн цахим хуудас болон www.news.mn сайт дээр уул уурхайн хуудас ажиллуулдаг. Би түүнийг байнга уншдаг. Уул уурхайн чиглэлийн сэтгүүл төдийгүй сайт, телевизийн студи зэрэг өргөн хүрээгээр мэдээллийг хүргэж чаддаг нь, бас хүргэж байгаа мэдээллүүд нь маш их таалагддаг. 

Гурав дахь том онцлогт нь би Mining Journal сэтгүүлийн хамт олны зохион байгуулдаг Mining Journal Awards шалгаруулалтыг хэлмээр байна. Бид “Эрдмин” үйлдвэрийнхээ технологийг хоёр жилийн өмнө энэ шалгаруулалтад нэр дэвшүүлээд шалгуур үнэхээр өндөр, бас шударга явагддагийг ойлгосон. Өөрсдийгөө эцсийн бүтээгдэхүүн үйлдвэрлэж байгаа, бас нэлээд сайн технологитой гээд нэрээ дэвшүүлсэн ч шалгараагүй. Сүүлд протоколыг нь уншихад үнэхээр нарийн зүйлс яригддаг юм билээ. Шүүгчдийн бүрэлдэхүүн нь ч өргөн төдийгүй нэр хүндтэй мундаг хүмүүсээс бүрддэг. Дараа жил нь дахиад нэр дэвшүүлж, Шилдэг технологийн шагнал авсан. Манай хамт олон цөөнгүй  шагналтай. Тэдгээрээс хамгийн нэр хүндтэй, үнэлэмж, шалгуур өндөр  нь Mining Journal Awards-ын “Шилдэг технологи”-ийн шагнал. Манай зэс утасны үйлдвэрийн хүндэтгэлийн буланд энэ шагнал байдаг. Эхлээд бид үйлдвэрийнхээ захиргаан дээр шагналаа байлгаж байснаа зэс утас хийж байгаа үйлдвэр дээрээ тавья гэж шийдсэн юм. Манай ажилчдын дийлэнх нь залуучууд. Технологийн залуучууд маань энэ шагналыг аваад маш их урам зориг орсон.

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 12 цаг 34 минутын өмнө
    Төсөл санаачлагчийг төлөөлж, “Эрдэнэс-тавантолгой” ХК төслийн нийт санхүүжилтийн 30 хүртэлх хувийг санхүүжүүлэх, тендерт оролцогч үлдэгдэл санхүүжилтийг Засгийн газрын баталгааг үндэслэн өөрөө санхүүжүүлэх (EPC+F) хувилбар санал ирүүлэх олон улсын нээлттэй тендер сонгон шалгаруулалтыг энэ оны аравдугаар сарын 21-ний өдөр зарлаж, 90 хоногийн хугацаанд гүйцэтгэгчийг сонгон шалгаруулна.
  • 14 цаг 48 минутын өмнө
    “Баян зам” тээвэрчдийн холбооноос өнөөдөр /2021.10.20/ мэдээлэл хийж, Зам тээврийн хөгжлийн сайд Л.Халтарыг иргэдэд буруу мэдээлэл өгсөн гэх үндэслэлээр шүүхэд өгч байгаагаа мэдэгдлээ. Төрийн тогтворгүй үйл ажиллагаанаас үүдэн нүүрс тээврийн үйл ажиллагаа зогссон гэж үзээд тус холбооны 2000 тээвэрчдийг  шланзтай нь хотод авчирна гэлээ. “Баян зам” тээвэрчдийн холбооны Удирдах зөвлөлийн дарга П.Баярхүү: -Зам тээврийн хөгжлийн сайд Л.Халтар мэдээлэл хийхдээ хэд хэдэн баримтаар тээвэрчдийг, тээвэрчдийн холбоог гүжирдлээ. Тодруулбал, “Баянзүрх” тээвэрчдийн холбоо нь тээвэрчдийн эрх ашгийг хамгаалах ёстой атлаа бизнес хийж байна гэж ярьсан. Мөн энэ холбоонд 100 гаруй компани байдаг байтал 31 компани гэсэн. Холбоог замын хураамжаа өг, үгүй бол тээвэрт явуулахгүй гэж дарамталдаг гэлээ. Ийм буруу мэдээлэл хийж, нэр төрд халдсан гэх үндэслэлээр өнөөдөр /2021.10.20/ түүнийг шүүхэд өгч байна.
  • 15 цаг 5 минутын өмнө
    Лондоны металын бирж дээр өчигдөр (2021.10.19) нэг тонн зэсийн шууд худалдааны үнэ 7.2%-иар өсч 11299.5 ам.долларт хүрснээр шинэ дээд амжилт тогтоосон байна. Мөн Нью-Йоркийн түүхий эдийн бирж дээр 10572 ам.доллар/тонн-д хүрсэн нь тус биржийн түүхэн дэх хамгийн өндөр ханшаар тэмдэглэгдлээ. Хаалтын ханшийн тухайд Лондоны металын бирж дээр өчигдөр зэсийн шууд худалдааны үнэ 10652 ам.доллар/тонн, гурван сарын гэрээт үнэ 10270 ам.доллар/тонн-оор тогтжээ. Ханш өсөхөд зэсийн нийлүүлэлт буурч буй мэдээлэл нөлөөлсөн байна.
  • 16 цаг 58 минутын өмнө
    Уул уурхайн салбарын төрийн зохицуулалтын нэгэн хэлбэр болгон Уул уурхайн бүтээгдэхүүний биржийг байгуулахаар зэхэж байна. Холбогдох хуулийн төслийг УУХҮЯ цахим хуудастаа нийтлэн танилцуулжээ. Эрдэс баялгийн бирж хэмээн өмнөх хэлэлцүүлгүүдийн үеэр нэрлэж байсан боловч хуулийн танилцуулгад Уул уурхайн бүтээгдэхүүний бирж хэмээн нэрийг нь өөрчлөв. Уул уурхайн салбар нь Монгол Улсын эдийн засгийн зонхилох салбар болоод удаж байна. Сүүлийн 15 жилд уул уурхайн салбарын улсын төсөвт төвлөрүүлэх орлого тогтвортой нэмэгдсээр ирсэн. 2021 оны эхний долоон сарын гүйцэтгэлээр Монгол Улсын нэгдсэн төсвийн орлогын 32.5%-ийг бүрдүүлж байна. Уул уурхайн бүтээгдэхүүний биржийг байгуулах шаардлага, үндсэн зорилгыг улсын эдийн засагт үзүүлж байгаа салбарын үр өгөөжийг улам нэмэгдүүлэх, салбарын орлогыг ил тод болгох, уул уурхайн экспортын бүтээгдэхүүний стандартыг хангах юм.
  • Уржигдар 10 цаг 48 минутад
    Хөдөлмөрийн аюулгүй байдал, эрүүл ахуйн үндэсний тогтолцоог төгөлдөржүүлэх, хүний аюулгүй байдлын соёлыг нэмэгдүүлэхэд тодорхой хувь нэмэр оруулж буй “Нэн түрүүнд ХАБ” (Хөдөлмөрийн аюулгүй байдал) бага хурал нь “Аюулгүй байдал ба Ковид-19” уриан дор 2021 оны 10-р сарын 21, 22-ны өдрүүдэд цахимаар зохион байгуулагдах гэж байна.