ДЭЛХИЙД ҮНЭЛЭГДЭХ СЭТГҮҮЛ БОЛНО ГЭДЭГТ ЭРГЭЛЗЭХГҮЙ БАЙНА

2014-01-27 17:21
Нээлттэй нийгэм форумын менежер Н.Дорждарь:

Mongolian Mining Journal бол агуулгын хувьд маш нарийн мэдээллүүд шингээдэг сэтгүүл. Өөрөөр хэлбэл, мэдээллүүдээ мэргэжлийн түвшинд цуглуулж, боловсруулж, олны хүртээл болгож чаддаг. Ялангуяа тодорхой асуудлаар олон талын байр суурийг тэнцвэртэй гаргаж өгдгөөрөө онцлог. Ер нь бие даасан, хараат бус байдлаа хадгалж чадсан сэтгүүл гэж би үнэлдэг юм.

Уул уурхайн бодлого сүүлийн жилүүдэд ихээхэн хувьсан өөрчлөгдөж ирлээ. Энэ  хугацаанд Mongolian Mining Journal өрнөж байгаа үйл явдалтай холбоотой мэдээллүүдийг маш шуурхай, үнэн бодитойгоор уншигчдад хүргэсээр ирсэн. Тэр тусмаа Ашигт малтмалын тухай хуулийн төсөлтэй холбоотой хэлэлцүүлгүүдийг цаг тухайд нь шуурхай, үр дүнтэй зохион байгуулж ирсэнд би талархаж байгаа. Бодлого боловсруулагчид энэ сэтгүүлээс олон санааг авч, ажил хэрэгтээ тусгах боломжтой.

Хариуцлагатай уул уурхай хэмээн ярьж байгаа тохиолдолд мэдээллийн хурд, чанар маш чухал юм. Миний хувьд бодлого боловсруулагчдын өгсөн ярилцлага, салбарынхны байр суурь, мэдээ мэдээллүүдийг хөндлөнгийн ажиглагчийн хувиар тогтмол уншдаг.

Монголын уул уурхай дэлхийн хэмжээнд хүрч хөгжих үүд хаалга нээгдэж байх шиг байна. Тийм учраас Mongolian Mining Journal дэлхийн хэмжээний сэтгүүл болно гэдэгт эргэлзэхгүй байгаа. Сэтгүүлийн хамт олонд сайн сайхныг хүсэн ерөөе.

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 6 цаг 6 минутын өмнө
    Н.Алгаа нь 1975-1980 онд ОХУ-ын Свердловск хотын Уралын политехникийн дээд сургуульд суралцан өнгөт төмөрлөгийн инженер мэргэжил эзэмшсэн. 1990-1991 онд Японы Сендай хотын Тохоку их сургуульд мэргэжил дээшлүүлж, 2009-2012 онд МУИС-ийн хууль зүйн сургуульд эчнээгээр суралцжээ. Тэрээр Монголын Уул уурхайн Үндэсний Ассоциацийн Гүйцэтгэх захирал, Ерөнхийлөгчөөр тус тус ажиллаж байсан бөгөөд өдгөө “Дат консалтинг” ХХК-ийн Гүйцэтгэх захирлын албыг хашиж байна. Монголын уул уурхайн салбарын тэргүүлэх мэргэжилтэн Н.Алгаагийн салбарын үйл явцад дүн шинжилгээ хийсэн нийтлэлийг The Mongolian Mining Journal  уншигчдадаа цувралаар хүргэж байна.  
  • 2019-09-20 15:51
    Казахстан улс нь Хятадын Лянюнган боомтоор дамжин Зүүн өмнөд Азийн зах зээлд нүүрс экспортолно. Энэ тухай тус улсын Үйлдвэр, дэд бүтцийн хөгжлийн сайд Роман Скляр мэдэгджээ. Казахстаны Ерөнхийлөгч Касым-Жомарта Токаев анх удаа БНХАУ-д хийсэн айлчлалын үеэр хоёр улс тохиролцсон байна. Казахстан нь жил бүр  хоёр сая тонн нүүрсийг Хятадын нутгаар дамжуулан тээвэрлэж экспортлохоор урьдчилсан хэлэлцээр байгуулжээ. Казахстаны хувьд далайд гарцгүй орон бөгөөд Оросын нутгаар дамжин нүүрсээ экспортолдог. Сүүлийн жил Казахстаны экспортын нүүрсийг Оросын нутгаар дамжуулан тээвэрлэх асуудалд хүндрэл үүсээд байгаа юм.
  • 2019-09-20 11:11
    “Эрдэнэт үйлдвэр” ТӨҮГ өнгөрсөн тавдугаар сард Байгаль орчин, ногоон хөгжлийн хэлтэстэй болсон юм. Тус хэлтэс нь  Орхон аймгийн АЖБОГ-тай хамтран дүйцүүлэн нөхөн сэргээлтийн ажлыг хийж эхлээд байна. Энэ хүрээнд Баян Өндөр хайрханы Хүрэнбулагийн аманд нөхөн сэргээлтийн ажил үргэлжилж буй.   
  • 2019-09-20 11:01
    Бичил уурхайчид, нинжа, хувиараа алт олборлогчид гэж хэнийг хэлэх вэ? Өмнөговь аймгийн Бичил уурхай эрхлэгчдийн холбоо ямар үйл ажиллагаа явуулдаг талаарх мэдээллийг хүргэж байна
  • 2019-09-19 16:06
    “Трансвест Монголиа” ХХК нь Комацугийн уул уурхай, зам барилгын тоног төхөөрөмж болон тус брэндийн баталгаат сэлбэг хэрэгсэл, эд ангиудыг үйлдвэрээс шууд ханган нийлүүлэх хүчин чадал бүхий Комацугийн Монгол дахь цорын ганц албан ёсны дистрибьютер юм. Тус компани үүсэн байгуулагдсаны 10 жилийн ой энэ сард тохиолоо.