JETCO- гэрэлтүүлгийн технологийн шинэ эрин

2014-01-27 16:56


Арваннэгдүгээр сарын 13-нд “Blue Sky” цамхагт зохион байгуулсан “Гэрэлтүүлгийн технологийн  шинэ эрин”  сургалт, уулзалтыг  олон улсад нэр хүндтэй “Жетко”  компанийн Баруун бүс хариуцсан менежер Лэс Сабо удирдлаа.  “Трансвест Монголиа” нь хүнд машин механизм, тоног төхөөрөмжийн ”Жетко” /Jetco/ гэрлийн онцгой эрхт дистрибьютор юм.

“Трансвест  Монголиа” ХХК нь өөрийн харилцагч нарынхаа дунд  сүүлийн үеийн дэвшилтэт технологи, түүнийг дагасан зөв зүйтэй хэрэглээ,  туршлага зэрэг олон талт мэдээллийг агуулсан сургалтуудыг зохион байгуулсаар байгаа билээ.  Энэ удаагийн сургалт ч мөн  хэрэглэгчдийн хүсэн хүлээсэн үнэ цэнэтэй, шинэлэг мэдээллээр дүүрэн байлаа.
Ж
етко”  компани бол  1988 онд Канад улсын Алберта мужийн Эдмонтон хотод байгуулагдсан бөгөөд хүнд даацын тоног төхөөрөмжийн иж бүрэн /bumper-to-bumper/ гэрэлтүүлгийн системийг үйлдвэрлэгч Канадын цорын ганц үндэсний  үйлдвэрлэгч хэмээн Лэс Сабо менежер танилцуулгаа эхэллээ. Тэрээр “Жетко” гэрлийн онцлог ялгаа, давуу талуудыг хэрэглэгч нартаа илүү ойлгомжтой болгох үүднээс тус бүрт нь тайлбарлан, тусгалынх нь хүчин чадал, өнгө  гэрэлтүүлгийн чанар чансааг  бодитоор үзүүлсэн нь сургалтыг бүр ч сонирхолтой болгосон юм. 
 
Жетко гэрэл нь эрс тэс агаарын температур, тоосжилт, ил болон гүний уурхай, доргилт чичиргээ, уур утаа, манан, цас, мөс, шавар, намаг, чийглэг нойтон нөхцөл гээд ямар үед  ашиглагддаг, тэр тусмаа төрөл бүрийн  уурхайнуудад өргөнөөр хэрэглэгддэг батлагдсан, найдвартай, туршлагатай бүтээгдэхүүн аж.

Энэ удаагийн сургалт “Гэрэл болон гэрэлтүүлэг яагаад чухал вэ”, “Хүнд машин тоног төхөөрөмжийн “ Жетко” гэрэл гэж юу вэ? Яагаад Трансвест Монголиа ХХК-ийг Жетко cонгосон бэ”, “HID Гэрэл - HID Гэрлүүд Хөрөнгө оруулалтын үр өгөөжийн томъёолол”, “LED Гэрлүүд  - LED Гэрлүүд Хөрөнгө оруулалтын үр өгөөж”, “Уул уурхайн аюулгүй ажиллагааны гэрэл” зэрэг үндсэн сэдвүүдийн хүрээнд өрнөлөө.

“Жетко” компани нь уул уурхай, барилга, ойн аж ахуй болон зам тээврийн салбаруудад хүнд машин тоног төхөөрөмжийн гэрлийн шийдлийн тэргүүлэгч нийлүүлэгч байх зорилгыг өмнөө тавин ажилладаг бол ”Трансвест Монголиа” ХХК нь хэрэглэгчдийнхээ өвөрмөц хэрэгцээ шаардлагад нийцүүлэн өөрсдийн бүтээгдэхүүн, үйлчилгээг цаг ямагт сайжруулан ажиллах эрхэм зорилготой хэмээн менежер Лэс Сабо яриагаа үргэлжлүүллээ.

Ерөөс “Жетко” гэрлийн давуу тал нь аюулгүй ажиллагаанд бүрэн суурилсан, цаг агаарын эрс тэс нөхцөл, доргио чичиргээ, донсолгоо, тоостой  орчинд тэнцвэртэй ажиллахаар бүтээгдсэн, дээр нь энэхүү гэрлийг стандартыг дагуу ашиглахын тулд сургалтад хамрагдсан мэргэжлийн хамт олныг бий болгодог.

“HID Гэрэл”-ийн тухайд  авто самосвал, бульдозер, экскаватор гэх мэт хүнд даацын тоног төхөөрөмжид тохирох төгс гэрэл бөгөөд D1S болон Ballast-н ламп хэрэглэдэг /2,000 цаг;галоген лампаас 15 дахин урт хугацаагаар хэрэглэгддэг/ бага эрчим хүч зарцуулагддаг, батарей болон өөр хэрэгслийн зардлыг багасгадаг,  70W Галоген ваттын лампаас 3-4 дахин илүү гэрлийн цацраг гаргадаг байна.  Энэхүү гэрэл нь улмаар жолоочийн алжаал, нүдний ачаалал зэргийг багасгаж аюулгүй байдлыг нэмэгдүүлдэг ба хөнгөн цагаан цутгамал бүрхүүл бүхий зэвэрдэггүй ган төмөр бэхэлгээний эд анги болон чичиргээнээс хамгаалсан ризенэн зөөлөвчтэй зэрэг олон талын давуу талтай ажээ.
Харин “Led гэрэл” нь доргио чичиргээнд тэсвэртэй, 50000 цаг ажиллах чадамжтай, IP, UL стандартыг хангадаг, цаг агаарын хүнд хэцүү нөхцөлд ашиглагддаг, туршигдаж батлагдсан, нягтрал сайтай, өнгө өнгийн цацраг ялгаруулдаг ба  гэрлээс ялгарах халалтыг бууруулах дэвшилтэт технологи юм.
Менежер  Лэс Сабогийн тайлбарласнаар “Аюулгүй ажиллагааны гэрэл” хэмээх  ойлголтыг нэлээд чухалчилж үзэх ёстой ажээ.  Аюулгүй ажиллагааны гэрэл нь хүний амь нас, эд хөрөнгийг авран хамгаалах цогц систем. Тиймээс уг гэрлийг тухайн нөхцөлд маш сайн тохируулан төлөвлөгдсөн, хангалттай хэмжээгээр суурилуулж өгөх ёстой ажээ.

Энэхүү гэрлийг ажлын талбай дээр батлагдсан, олон улсын стандартад бүрэн нийцсэн, дэлхийн олон уурхайд ашигладаг байна.  

“Жетко” гэрэлтүүлгийн систем бол уурхай дээр зайлшгүй шаардлагатай, хөдөлмөрийн аюулгүй ажиллагааг бүрэн хангасан, ялангуяа уурхайн үйл  ажиллагаа 24 цагаар явагдаж байгаа тохиолдолд шөнийн ээлжийн ажилтан ажиллагсдад өдөр ажиллаж байгаа мэт аюулгүй байдлыг бүрдүүлдэг, харагдах орчин сайжруулдаг ажээ. Үзэгдэх орчин сайжирснаар хөдөлмөрийн бүтээмж эрс нэмэгддэг нь судалгаагаар тогтоогджээ.

Тэр ч утгаараа “Жетко”нь   Монголын нөхцөлд маш тохиромжтой, манай цаг агаар, уур амьсгалд нийцсэн шилдэг технологи юм.
Монгол улсад тохиолддог нийт аваар ослын 19 хувь нь уул уурхайн салбарт ногддог. Тиймээс осол аваараас урьдчилан сэргийлэх нэг нөхцөл нь батлагдсан, найдвартай,  туршлагатай “Жетко”-гийн гэрэл, гэрэлтүүлгийг  хэрэглэх явдал юм. Тиймээс ямар ч техникт тохирох гэрлийг суурилуулснаар тухайн техникийн аюулгүй байдал нь дээшилж, үзэгдэх орчин сайжирдаг. Энэ нь болзошгүй тохиолдолд хариу үйлдэл хийх, самбаачлах хугацааг уртасгах, осол аваараас сэргийлэх нөхцөлийг бүрдүүлж өгдөг байна.

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 14 цаг 20 минутын өмнө
    Оросын коксжих нүүрсний “Колмар” компани Алс Дорнод дахь “Ванино Транс уголь” боомтыг байгуулж байгаа бөгөөд туршилтаар коксжих нүүрсний анхны экспортыг Хятад руу хийлээ. Тодруулбал, долдугаар сарын 1-нд эхний 38.5 мянган тонн коксжих нүүрс, дараагийн өдөр 45.5 мянган тонныг далайгаар тээвэрлээд байна. “Ванино Транс уголь” боомтын эхний ээлжийн 12 сая тоннын хүчин чадалтай терминалыг ийнхүү ашиглалт оруулж байгаа бол 2023 онд бүрэн хүчин чадлаар буюу жилд 24 сая тонн нүүрс нэвтрүүлэх аж. “Колмар” компанийн тухайд, Өмнөд Якутын нутагт “Денисовский”, “Инаглинский” гэсэн нүүрс баяжуулах цогцолбор төслийг хэрэгжүүлж байна. 2021 онд Алс Дорнод  дахь өөрийн эзэмшлийн “Ванино Транс уголь” боомтоор 22 сая тонн коксжих нүүрс Ази-Номхон далайн орнууд руу экспортлох төлөвлөгөөтэй. 
  • 16 цаг 17 минутын өмнө
    Парламентын найм дахь удаагийн сонгуулийн санал хураалт (2020.06.24)  амжилттай зохион байгуулагдаж, 73.64%-ийн ирцтэй  өндөрлөлөө. Үндсэн хуульд нэмэлт өөрчлөлт оруулснаас хойших анхных гэдгээрээ, түүхэнд  байгаагүй олон хүн (нийт 606) өрсөлдсөнөөрөө, шүүхэд яллагдагчаар татагдсан нэр дэвшигчдийг хоморголон баривчилснаараа энэ удаагийн сонгууль ихээхэн онцлогтой, үйл явдлын өрнөл ихтэй болов. Монгол Ардын Нам 62, Ардчилсан нам 11, Зөв хүн электорат эвслээс 1, бие даагч 1, “Та бидний эвсэл”-ээс 1 нэр дэвшигч тус тус  сонгогдлоо. Дөрвөн жил төр барьсан МАН үнэмлэхүй ялалтаараа дахин дөрвөн жил Засгийн эрх мэдлийг атгах хувь тохиож байна. 606 нэр дэвшигчээс 13 эмэгтэй ялалт байгуулж, 2020-2024 оны парламент 13 эмэгтэй гишүүнтэй байх бөгөөд Ардчилсан намаас нэг эмэгтэй гишүүнтэй боллоо.  
  • Уржигдар 14 цаг 52 минутад
    УИХ-ын чуулганы (2020.07.02) нэгдсэн хуралдаанд Монгол Улсын 31 дэх удаагийн Ерөнхий сайд У.Хүрэлсүх хэлсэн үгэндээ, шинэ Засгийн газрын ирэх 4 жилийн мөрийн хөтөлбөр бол “Алсын хараа 2050” буюу Монгол Улсын ирэх 30 жилийн эхний 4 жилийн зорилт, төлөвлөлт байх болно гэдгийг онцоллоо. Дараагийн 4 жилд хэрэгжүүлэх 4 зорилтын нэн тэргүүнд “Импортлогч улсаас экспортлогч улс болох”-д хийж хэрэгжүүлэх уул уурхайн төслүүд, боловсруулах үйлдвэр, дэд бүтэц, эрчим хүчний чиглэлийн ажлуудын талаар танилцуулсан юм. Монгол Улсын эдийн засаг өрийн дарамтгүй, өрсөлдөх чадвартай, бүс нутгийн худалдааны идэвхтэй оролцогч болох арга зам бол экспортыг нэмэгдүүлэх явдал юм. Ирэх дөрвөн жилд Тавантолгой-Гашуунсухайт, Тавантолгой-Зүүнбаян чиглэлийн төмөр замыг барьж дуусгана. Уул уурхайн томоохон төслүүдийг дэд бүтцээр холбож, боловсруулах үйлдвэрүүдийг байгуулахын зэрэгцээ Үндэсний баялгийн сангаар дамжуулан эдийн засгаа бодитой тэлэх явдал чухал байна.
  • Уржигдар 12 цаг 41 минутад
    Улсын Их Хурлын найм дахь удаагийн сонгуулийн дүнгээр бүрдсэн Улсын Их Хурлын Анхдугаар чуулган үргэлжилж байна. Чуулганы (2020.07.02) хуралдаанаар Монгол Улсын Ерөнхий сайдаар У.Хүрэлсүхийг томилох асуудлаар санал хураалт явуулж, санал хураалтад оролцсон 71 гишүүний 98.5%-ийн саналаар Монгол Улсын Ерөнхий сайдаар улиран сонгогдлоо. Ингэснээр У.Хүрэлсүх нь Монгол Улсын 31 дэх Ерөнхий сайд болж байна. 1990 оноос хойш улиран ажиллаж буй хоёр дахь Ерөнхий сайд болж байгаа юм. Өмнө нь С.Баяр улиран Ерөнхий сайд болж байсан бол Ц.Элбэгдорж нь дунд нь завсартайгаар Ерөнхий сайдын албыг хашиж байсан билээ. 
  • 2020-07-01 15:09
    УИХ-ын анхдугаар чуулганы хуралдаанаар УИХ-ын даргаар Г.Занданшатарыг томилсон. Шинээр байгуулагдсан УИХ ойрын хугацаанд дараах таван чиглэлд ажлын хэсэг байгуулж, хугацаа алдалгүй ажилдаа орох ёстойг УИХ-ын дарга Г.Занданшатар мэдэгдлээ. Хуулийн реформоо хугацаа алдалгүй үргэлжлүүлнэ. Монгол Улсын Үндсэн хуульд оруулсан нэмэлт өөрчлөлтөө баталгаажуулж томоохон хуулиудыг өөрчилнө. Эхний ээлжид 37 хуульд нэмэлт өөрчлөлт оруулж, шинэчлэн найруулна.