MTU хөдөлгүүр Монголын уул уурхайн амжилттай үйлдвэрлэлд чухал хувь нэмэр оруулна

2014-01-27 16:38
Уул уурхайн салбарт хүчин чадал, чанараараа танигдсан MTU хөдөлгүүрийг МСМ компанийн уул уурхай, барилгын тоног төхөөрөмжийн хэлтэс Монголын зах зээлд нэвтрүүлэхээр MTU үйлдвэрлэгчийг Ази бүсэд төлөөлдөг Тогнам Ази групптэй хамтран ажиллаж байна. Ингээд энэхүү гайхамшигтай хөдөлгүүрийн талаар Монголын хэрэглэгчдэд танилцуулахаар Тогним Ази компанийн мэргэжилтнүүдтэй ярилцаж байна.

MTU нь Монголд шинэ зүйл ч, Европт хэдийнэ маш нэр хүндтэй брэнд. Энэхүү брэндийн технологийн давуу тал, хүчин чадлын талаар танилцуулахгүй юу?
Хэдийгээр МТU нь Монголын зах зээлд шинэ зүйл мэт сонсогдож буй ч дэлхийн уул уурхайн зах зээлд бол аль хэдийнэ танил болчихсон. Оригналь тоног төхөөрөмж үйлдвэрлэгчид болон Liebherr, Hitachi, Le Tournea, Atlas Copco, Sandvik, Belaz гэх зэрэг тэргүүлэх брэндийн тоног төхөөрөмж үйлдвэрдэгчид MTU хөдөлгүүрийг сонгодог. Түлшний бага зарцуулалт, найдвартай байдал, их засвар хоорондын удаан хугацаа, хүчний нягтралын хэмжээ гэх зэрэг үзүүлэлт нь уул уурхайн үйл ажиллагаанд маш чухал байдаг бөгөөд энэ бүгд MTU хөдөлгүүрийн давуу талууд юм. Өнөөдөр MTU хөдөлгүүр нь өөрөө буулгагч автосамосвалоос авахуулаад экскаватор хүртэл түүнчлэн, өрмийн машин болон уул уурхайн хүнд даацын машин зэрэг бүхий л  төрлийн тоног тө¬хөө¬рөмжид зориулан хөдөлгүүр үйлд­вэрлэж, хэрэглэгчдэд нийлүүлж байна.

MTU бол цахилгаан үүсгүүрээс эхлээд уул уурхайн машин механизм, галт тэрэгний зүтгүүр гээд төрөл бүрийн хүчин чадал бүхий хөдөлгүүр үйлдвэрлэгч   болон дэлхийд танигдсан. Та  бүхэн Монголын зах зээл дэх бизнесийн боломжийг хэрхэн харж байна вэ? Яагаад Монголын хэрэглэгчид MTU хөдөлгүүрийг бусад хөдөлгүүрээс илүүд үзнэ гэж та бодож байна вэ?

Бид үлэмж хэмжээний байгалийн баялагтай Монгол улсыг уул уурхайн дараагийн шинэ зах зээл гэж харж байна. Учир нь ихэнх тохиолдолд уурхай алслагдмал нутагт оршдог тул  цахилгаан үүсгүүр  болон уул уурхайн тоног төхөөрөмж нь  найдвартай хөдөлгүүртэй байх нь танай улсын уул уурхайн амжилттай үйлдвэрлэлд маш чухал гэж бодож байна. Монголын хэрэглэгчид дээр дурдсан MTU хөдөлгүүрийн давуу талыг харгалзан үзэж, бусад үйлдвэрлэгчийн хөдөлгүүрээс илүүд үзэн өөрийн тоног төхөөрөмжид ашиглах болно.

Борлуулалтын дараах үйлчилгээ нь үр ашигтай тоног төхөөрөмжийн шийдэлд хамгийн чухал байдаг. Та­най тоног төхөөрөмжийн Монгол дахь энэ төрлийн үйлчилгээний тухайд?
MTU брэнд нь хэрэглэгчдэдээ цогц шийдэл үзүүлэх зарчимд тулгуурлан үйл ажиллагаагаа явуулдаг. Цогц шийдэл гэдэг нь чанартай,  найдвартай хөдөлгүүрийн үйлдвэрлэлт, ханган нийлүүлэлтийг  борлуулалтын дараах чадамжтай үйлчилгээний сүлжээтэй хослуулах тухай ойлголт юм. Монголын тухайд бид “Mongolian Star Melchers”  компанийг MTU брэндийн бүтээгдэхүүний борлуулалтын дараах үйлчилгээг Монголын хэрэглэгчдэд үзүүлэх түншээрээ сонгоод буй юм.

Уул уурхай, барилгын салбарын хэрэглэгчдэд бүрэн цогц шийдэл хүргэх  зорилгоор МСМ компани Барилга, уул уурхайн тоног, төхөөрөмж борлуулалтын бие даа­сан хэлтсийг 2012 онд байгуулсан.  МСМ компани нь одоо MTU брэндийн Монгол дахь цорын ганц  бүрэн эрхт төлөөлөгч бөгөөд Монгол дахь MTU-гийн бүтээгдэхүүнд найдвартай борлуулалтын дараах үйлчилгээ үзүүлэх зорилт тавин ажиллаж байна. MTU брэндийн Монгол дахь Бүрэн эрхт төлөөлөгчийн хувьд МСМ компани нь MTU-гийн бүхий л бүтээгдэхүүнийг зах зээлд өрсөлдөхүйц үнээр санал болгох болно. Мөн хөдөлгүүр сэргээх шийдэл,  хөдөлгүүрийн  их засвар, баталгаат засвар, дуудлагын засвар  зэрэг үйлчилгээг хийж гүйцэтгэдэг.

Сэтгэгдэл байхгүй байна

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 18 цаг 9 минутын өмнө
    Тэргүүлэх эдийн засагтай хоёр гүрэн  АНУ-Хятадын хооронд хоёр жил гаруй хугацаанд үргэлжилсэн худалдааны дайныг эцэслэх тухай эхний шатны хэлэлцээрт   хүрч чадсан талаар арванхоёрдугаар  сарын 13-нд талууд албан ёсоор мэдэгдэв. Энэхүү мэдээлэл цацагдсаны дараа хүрэн метал буюу зэсийн ханш Лондоны металын бирж дээр 6000 мянган ам.доллар/тонн-ын босгыг хол давж тавдугаар сараас хойших хамгийн өндөр түвшинд хүрэв. Газрын тосны ханш ч өсөх шинжтэй болж ирлээ. АНУ нь арванхоёрдугаар сарын 15-нд Хятадаас импортолдог 160 тэрбум ам.долларын бараа бүтээгдэхүүнд “торгууль” болгож нэмэлтээр 15%-ийн татвар ногдуулах  байснаа цуцаллаа.  Гэхдээ АНУ-ын Худалдааны төлөөлөгчийн газар Хятадын 250 тэрбум ам.долларын импортын татварын хувь хэмжээг 25%-иар хэвээр үлдээж, харин 120 тэрбум ам.долларын бараа бүтээгдэхүүний татварын хувь хэмжээг 7.5% руу буулгаж байгааг мэдэгдээд (2019.12.13) байна. 
  • 2020-01-17 19:42
    Оюутолгой төслийн зэс үйлдвэрлэл энэ онд 140-170 мянган тонн, алт үйлдвэрлэл 120-150 мянган унцаар хэмжигдэх тухай “Туркойз Хилл Ресурс” компани 2019 оны дөрөвдүгээр улирлын үйлдвэрлэлийн тайландаа онцолжээ. 2020 онд Оюутолгой уурхайн алтны үйлдвэрлэл өнгөрсөн оныхоос даруй 40 орчим хувиар буурахаар байгаа нь ил уурхайн бага агуулгатай хүдрийн олборлолт үргэлжлэхээр байгаатай холбоотой юм. Харин зэсийн үйлдвэрлэл энэ онд өнгөрсөн оны дүнгээс ахиу гарах төлөвтэй байгааг Туркойз Хилл онцолжээ. 2020 оны тухайд далд уурхайн нэвтрэлтээс гаргасан хүдрийн биетийг боловсруулж эхэлнэ гэдгийг тус компани тэмдэглэжээ.
  • 2020-01-17 16:09
    2019 онд Хятад 46.33 мянган тонн газрын ховор метал экспортолсон нь 2015 оноос хойших хамгийн бага үзүүлэлт болохыг тус улсын Гаалийн Ерөнхий газраас мэдээлжээ. Өнгөрсөн оны арванхоёрдугаар сард 3657 тонн газрын ховор метал экспортолсон нь 2018 оны мөн үетэй харьцуулахад 32.5%-иар буурчээ. Энэхүү бууралтыг Хятадын шинжээчид дэлхийн эдийн засгийн өсөлт буурч, Япон, АНУ болон Европын Холбооны аж үйлдвэрлэл саарч буйтай холбон тайлбарлаж байна. АНУ-Хятадын худалдааны зөрчилтэй шууд холбоогүй гэдгийг ч тэмдэглэж байгаа юм. 
  • 2020-01-17 13:11
    2019 онд Монгол Улсын гадаад худалдааны нийт эргэлт 13.7 тэрбум ам.долларт хүрсэн нь 2018 онтой харьцуулахад 6.7%-иар нэмэгдсэн тухай Үндэсний статистикийн хороо (ҮСХ) мэдээллээ. Үүнээс экспортын үзүүлэлт 7.6 тэрбум ам.доллартай тэнцсэн бол импортын хэмжээ 6.1 тэрбум ам.доллартай тэнцсэн байна. Өөрөөр хэлбэл, импортын хэмжээ 2018 оныхтой харьцуулахад 8%-иар, экспортын үзүүлэлт 8.7%-иар нэмэгджээ. Гадаад худалдааны тэнцэл өнгөрсөн онд 1.5 тэрбум ам.долларын ашигтай гарсан байна. Энэ нь 2018 оны үзүүлэлтээс 31.3% буюу 355.4 сая ам.доллараар өссөн үзүүлэлт төдийгүй гадаад худалдаа 2014 оноос хойш ашигтай гарч эхэлснийг ҮСХ онцлов.
  • 2020-01-17 12:56
    Азийн Хөгжлийн Банкны (АХБ) Захирагч нарын зөвлөл Масацугу Асакаваг өнөөдөр тус банкны Ерөнхийлөгчийн алба хашиж эхэлж байна. Япон Улсын Ерөнхий сайдын болон Сангийн сайдын тусгай зөвлөхийн албыг хашиж буй 61 настай Асакаваг АХБ-ны Удирдах зөвлөлөөс 10 дахь Ерөнхийлөгчөөр сонгосон юм.Тэрээр Сангийн дэд сайдын хувиар 2019 онд Япон Улсын Осака хотноо зохион байгуулагдсан “Их 20”-ийн дээд хэмжээний уулзалт, Фукуока хотод зохион байгуулагдсан “Их 20”-ийн Сангийн сайд нар болон Төв банкны Ерөнхийлөгч нарын түвшний уулзалтуудад чухал үүрэг гүйцэтгэсэн байна. Түүнчлэн, дэлхийн эдийн засгийн хямралын дараахан зохион байгуулагдсан “Их 20”-ийн анхны дээд хэмжээний чуулга уулзалтад тухайн үеийн Ерөнхий сайд Таро Асогийн шадар туслахын хувиар оролцож байв.