”Mining Journal Awards” шагнал гардууллаа

2014-01-15 19:32
Уул уурхайн салбарын Оны шилдэгийг шалгаруулж, зарлан хүндэтгэдэг Mining Journal Awards шагнал гардуулах ёслолын ажиллагаа өнөөдөр  боллоо. Уул уурхайн яамнаас салбарын өрсөлдөх чадвар, хариуцлага, үр ашгийг нэмэгдүүлэх зорилгоор анх  удаа Туушин зочид буудлын Соёмбо танхимд   зохион байгуулж буй “Эрдэс баялаг 2025” олон нийтийн хэлэлцүүлгийн  үеэр энэхүү нэр хүндтэй арга хэмжээ болсон юм. 2013 оны Mining Journal Awardsт энэ жил “Шилдэг уурхай”, “Шилдэг эко уурхай”, “Тогтвортой үйл ажиллагаа”, “Шилдэг технологи” гэсэн үндсэн дөрвөн номинацид  уул уурхай, ханган нийлүүлэлтийн  компаниуд өрсөлдсөн юм. 

Mongolian Mining Journal сэтгүүлийн дэргэдэх, геологи, уул уурхайн салбарын эрдэмтэн, мэргэжлийн хүмүүсээс бүрдсэн, хараат бус Шүүгчдийн зөвлөлийн шалгуураар “Шилдэг уурхай” номинацид “Багануур” ХК, “Шилдэг эко уурхай”-д  Оюутолгой ХХК, “Шилдэг технологи”-д  “Андриц сепэрэйшн”, “Тогтвортой үйл ажиллагаа”-д  “Вагнер Ази технологи” компани тус тус шалгарсан байна.

Mining Journal Awards-ийн “Оны шилдэг уурхай”-н эзэн “Багануур” ХК-ийн шагналыг Уул уурхайн сайд Д.Ганхуяг гардуулсан юм.  Тэрээр шагнал гардуулахдаа “2013 оны Шалгаруулалтад Энержи Ресурс ХХК, Оюутолгой ХХК, Багануур ХК, Шивээ Овоо ХК гэсэн дөрвөн компани өрсөлдсөн байна. Эдгээрээс Багануур ХК хамгийн өндөр оноо авч Шилдэг уурхай болсонд баяр хүргэе” гэлээ.

Мөн “Оны эко уурхай” номинацид шалгарсан Оюутолгой ХХК-н  шагналыг Байгаль орчин, ногоон хөгжлийн сайд С.Оюун гардууллаа. “Энэ номинацид өрсөлдөгчдийн тоо жилээс жилд олон болж байгаад Байгаль орчин, ногоон хөгжлийн Яам баяртай байдаг. Оюутолгой компани нь байгаль орчны суурь судалгаа, хяналт шинжилгээний хөтөлбөрөө 2010 оноос эхлүүлж, харин 2012 оноос эрсдэл, нөлөөллийн судалгааны ажлынхаа далайцыг ихээхэн нэмэгдүүлэн ажиллаж байна. Олон улсын стандартуудыг мөрдөн, байгаль орчны удирдлагын тогтолцоог уурхайн үйл ажиллагаа эхлүүлэхээс өмнө хэрэгжүүлж иржээ” хэмээн С.Оюун сайд онцоллоо.

 
Г.Идэр
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 4 цаг 42 минутын өмнө
    Олборлох үйлдвэрийн ил тод байдлын санаачилга гэдэг нь байгалийн баялгаас олж байгаа орлогыг олон нийтэд ил тод болгох, түүнийг нийтийн сайн сайхны төлөө зөв захиран зарцуулахад оролцогч талуудын хариуцлагыг өндөржүүлэх, сайн засаглалыг бэхжүүлэхэд төр хувийн хэвшил, иргэний нийгмийн тэгш оролцоо бүхий дэлхий нийтийн түншлэл юм. Уг санаачилгыг олон улсад 2003 оноос эхлэн хэрэгжүүлсэн бөгөөд одоогоор 55 улс нэгдээд байгаа юм. Монгол Улсын хувьд уг санаачилгад 2006 онд нэгдсэн бөгөөд шаардлагыг хангасан 9 орны тоонд багтдаг ажээ.
  • Өчигдөр 14 цаг 17 минутад
    Нүүрс олборлолт, борлуулалт, экспортын үйл ажиллагаа явуулдаг аж ахуйн нэгжүүд оролцсон “Жишиг үнэ ба АМНАТ” хэлэлцүүлэг өнөөдөр  /2021.10.25/ боллоо. Хэлэлцүүлэгт оролцогчид Сангийн яам нь сар бүр нүүрсний зах зээлийн жишиг үнийг тогтоохдоо, бодит бус, хөөсөрсөн үнэ тогтоож байна гэж үзээд, тус яаманд шаардлага хүргүүлэхээр боллоо. Тодруулбал, АМНАТ (Ашигт малтмалын нөөц ашигласны төлбөр)-ийг  2021 оны долдугаар сараас эхлэн зөвхөн жишиг үнээр тооцдог болсон бөгөөд энэ нь үндэслэлгүйгээр татвар төлөхөд хүргэж, татварын дарамтад оруулж, цаашлаад аж ахуйн нэгжүүд үйл ажиллагаагаа зогсооход хүргээд байна гэж уул уурхайн бүтээгдэхүүн тэр дундаа нүүрс олборлолт, борлуулалт, экспортын үйл ажиллагаа явуулдаг аж ахуйн нэгжүүд үзэж байгаа аж.   
  • 2021-10-22 15:49
    ОХУ-ын Гаалийн албаны мэдээллээр 2021 оны зургадугаар сард 2.85 сая тонн коксжих нүүрс экспортолжээ. Харин мөн сард Монгол Улсын экспортолсон нүүрсний хэмжээ 652.6 мянган тонн байсныг Гаалийн ерөнхий газраас мэдээлсэн. Энэ дүнгээс харахад Монголын нүүрсний экспортоос 4 дахин илүү хэмжээний коксжих нүүрсийг Орос гадаад зах зээлд гаргаж байна. Энэ оны хоёрдугаар улирал гарсаар Монголын экспортын нүүрсний тээвэр 0 зогсоогүй сар гэж байсангүй. Энэ зуур Оросын  коксжих нүүрсний экспорт Хятад руу тогтмол нэмэгджээ. 
  • 2021-10-21 16:22
    Зам, тээврийн хөгжлийн яамнаас есдүгээр сарын 31-ний байдлаар Гашуунсухайт боомтоор 4.9 сая тонн нүүрс экспортолсон тухай мэдээллээ. Энэ нь өнгөрсөн оны мөн үеэс 2.8 сая тонноор бага үзүүлэлт юм.  Харин Шивээхүрэн боомтоор дөрвөн сая тонн орчим буюу өнгөрсөн оны мөн үеийнхээс 800 мянган тонноор бага нүүрс гаргажээ.
  • 2021-10-21 13:05
    Хөдөлмөрийн аюулгүй байдлын тэргүүн туршлага, тулгамдсан асуудал, шийдвэрлэх арга замын талаар хэлэлцдэг “Нэн тэргүүнд ХАБ-2021” бага хурал өнөөдөр /2021.10.21/ нээлтээ хийлээ. Өдгөө 10 дахь жилдээ зохион байгуулж буй уг хурлыг цар тахлын нөхцөл байдалтай уялдуулан “Аюулгүй байдал ба цар тахал” уриан дор, танхим болон цахим хосолсон хэлбэрээр явуулж буйгаараа онцлог.