“Miner & Supplier 2012” форум 15,16-нд Чингис хаан зочид буудал

2013-10-30 12:50
"Miner and Supplier" уул уурхайн ханган нийлүүлэлтийн хоёр дахь удаагийн форумын эхний өдрийн хурал явагдлаа. Энэ өдрийн хуралд "Ханган нийлүүлэлтийн талаарх төрийн бодлого зохицуулалт", "Үндэсний ханган нийлүүлэгчдийг дэмжих нь", "Уул уурхайн ханган нийлүүлэлтийн салбарууд" гэсэн үндсэн гурван сэдвийн дор 10 илтгэл тавигдлаа.

Уул уурхайн компаниудад үзүүлэх бүтээгдэхүүн үйлчилгээг кластераар хөгжүүлэх боломж болон жижиг дунд үйлдвэрлэлийг хөгжүүлэх чиглэлээр төрөөс хэрэгжүүлж буй арга хэмжээний  талаарх илтгэлээр хурал эхэлсэн юм. 2010 оны судалгаагаар Монгол улсад үйлдвэрлэл үйлчилгээ явуулж буй нийт 66500 аж ахуйн нэгжийн 90 орчим хувь нь жижиг дунд үйлдвэрлэлийн салбар байдаг аж. Тиймээс хуралд ороцогчид энэ салбарт анхаарлаа хандуулах нь нэн тэргүүний асуудал мөн гэсэн байр суурьтай байлаа.

Хөдөө орон нутагт үйл ажиллагаа явуулж буй аж ахуйн нэгжүүдийн 45 хувь нь зөвхөн худалдаа үйлчилгээний ажил эрхэлдэг гэсэн судалгаа байдаг аж.  ҮХШХ-ны дарга Ч.Хашчулуун, нэн ялангуяа хөдөө орон нутаг дахь үйлдвэрлэлийн салбарыг түлхүү хөгжүүлэх шаардлагатай байна гэдгийг хэлсэн. Харин хөгжүүлэхдээ цогц байдлаар буюу кластераар хөгжүүлэх хэрэгтэй байгааг онцолсон юм.

Уул уурхайн талаарх асуудалд аюулгүй ажиллагаа, хөдөлмөр хамгааллын тухай зайлшгүй яригдах ёстой. Энэ талаар ЭБЭХ-ны уул уурхайн аврах албаны дарга Ц.Жанчив илтгэл тавилаа. Тэрээр хэлэхдээ уул уурхайн аюулгүйн ажиллагааны тал дээр хөрөнгө мөнгөө компаниуд харамлаад байдаг. Тэгээд осол гарсны дараа мөнгөө тооцоод эхэлдэг буруу тогтолцоо бий болчихоод байгааг шүүмжилсэн юм. Ялангуяа төмрийн хүдэр олборлодог гадаадын хөрөнгө оруулалттай уурхайнуудын ажилчид наад зах нь амны хаалтгүй ажиллаж байгааг буруутгалаа.

Хурлын хоёрдугаар хэсэгт Оюутолгой ХХК-ийн Орон нутгийн бизнесийг дэмжих хөтөлбөрийн зохицуулагч С.Мягмаржав, уул уурхайн компаниудын орон нутгийн хөгжилд оруулах хувь нэмрийн талаар компанийнхаа жишээн дээр сонирхолтой мэдээлэл өгсөн юм. Мөн үндэсний ханган нийлэгчдэд тулгардаг саад бэрхшээл болон ололт амжилтын талаар Мера ХХК-ийн Ж.Түвшинбаярын тавьсан илтгэл сонирхол татав.

Ер нь үйлдвэрлэл үйлчилгээний аль ч салбарт ажиллагсад, боловсон хүчний асуудал маш чухал. Энэ талаар болон ажилчдын нийгмийн халамж, хууль бус хөдөлмөрийн гэрээний талаар Монголын эрчим хүч, геологи уул уурхайн үйлдвэрчний эвлэлийн холбооны дарга С.Ганболд шүүмжлэлтэй хандаж байгаагаа илтгэлдээ хэлсэн. "Ажиллах хүчний ханган нийлүүлэлтэд маш сайн анхаарлаа хандуулж, боловсон хүчнээ бэлтгэх шаардлагатай байна" гэж тэрбээр дурдсан юм.

Уул уурхайн ханган нийлүүлэлтийн зарим нэг салбар болох геологи уул уурхайн өрөмдлөг, уул уурхайн хөдөлмөр хамгааллын хувцсыг үндэсний компаниуд нийлүүлэх тухай болон уул уурхайн хүнд машин механизмын тос тосолгооны материалын үндсэн үүрэг зарчмын талаар илтгэлүүд тавигдсанаар эхний өдрийн хуралдаан өндөрлөлөө.
Ханган нийлүүлэлтийн салбарт ажилладаг компаниудын үйл ажиллагаа, бүтээгдэхүүнийг танилцуулсан энэхүү хурал - үзэсгэлэнгийн арга хэмжээнд өнөөдөр маш олон хүн оролцож байна. Гэхдээ өнөөдрийн хувьд хурлын үзэсгэлэнгийн арга хэмжээг голдуу хуралд оролцогчид үзэж сонирхсон юм. Харин  маргааш уг үзэсгэлэн 9:00-13:00 цагийн хооронд хүн бүрт нээлттэй байх юм байна.


Г. Батболд

Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 2019-07-19 17:15
    Уул уурхай, хүнд үйлдвэрийн яам нь Зэсийн баяжмал боловсруулах үйлдвэрийн техник, эдийн засгийн үндэслэл боловсруулах зөвлөхийг сонгон шалгаруулах гэж байгаа тул зөвлөхийн үйлчилгээ үзүүлэх хүсэлтэй хуулийн этгээдийг саналаа ирүүлэхийг урьж байна. Зөвлөх үйлчилгээ үзүүлэх санал ирүүлж буй этгээд нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14, 15, 16 дугаар зүйлд заасан шаардлагыг хангасан байх ба зөвлөх үйлчилгээг гүйцэтгэх чадвартайг нотлох дараах мэдээллийг ирүүлнэ.
  • 2019-07-19 11:28
    “Эрдэнэс Монгол” бол Монгол Улсын хамгийн том төрийн өмчит уул уурхайн компани. Сүүлийн арав гаруй жилийн хугацаанд тус компани стратегийн ордууд дахь төрийн эзэмшлийг төлөөлөх, ашигт малтмалын тусгай зөвшөөрлүүдийг удирдах, уул уурхайн салбарыг хувийн хөрөнгө оруулагчдад сурталчлах зэрэг зорилготой ажиллаж ирсэн. Өнөөдөр “Эрдэнэс Монгол” компани Монгол Улсын эрдэс баялгийн үйлдвэрлэлийн арав орчим хувийг хянадаг. Үүнд Тавантолгойн нүүрсний уурхай, Оюутолгойн зэсийн уурхай гол үүрэгтэй бөгөөд цаашид уран, алт зэрэг бусад эрдэс баялгийг ашиглахаар судалж байгаа юм.
  • 2019-07-16 14:21
    Оюутолгой төслийг удирдан хэрэгжүүлж буй “Рио Тинто” групп далд уурхайг ашиглалтад оруулах хугацаа 2022 оны тавдугаар сараас 2023 оны дунд үеийн хооронд болсон тухай өнөөдөр мэдэгдлээ. Энэ нь анх тооцоолж байснаас 16-30 сараар хойшлуулж байна гэсэн үг. Уг шалтгаан нь уул хөрсний нөхцөл ихээхэн хүндрэлтэй байгаагаас үүдэлтэй гэж тайлбарлажээ. Гэхдээ төслийн ашиглалтад орох хугацаа, зардлын талаарх эцсийн тооцооллыг ирэх оны хоёрдугаар хагаст гаргах юм байна. Мөн далд уурхайн бүтээн байгуулалтын зардал анх тооцоолж байсан 5.3 тэрбум ам.доллараас давж 6.5 -7.2 тэрбум ам.долларт хэлбэлзэх бөгөөд өргөтгөл шатны төслийн хөрөнгө оруулалт 1.2-1.9 тэрбум ам.доллараар нэмэгдэнэ гэж мэдэгдэв.
  • 2019-07-16 10:08
    Үндсэн хуульдаа өөрчлөлт оруулах гэсэн монголчуудын халуун мэтгэлцээн нарлаг  зуны  аагим халуун өдрүүдэд хөвөрч  байна. УИХ-ын Тамгын газрын ажилтнууд иргэд, олон нийтээс ирүүлсэн санал, дүгнэлтийг нэгтгэх ажлаа зургаадугаар сарын 25-наас эхлүүлсэнээ зарлав. Хууль тогтоох байгууллагын эрхэм гишүүд ч тойрогтоо ажиллан, олон нийтийн санаа бодлыг сонсож, төслийн талаар амаа цангатал ярьж буй.  2020 оны долдугаар сарын 1-ний  12.00 цагаас эхлэн улс даяар мөрдөх цаг хугацааны товтой Үндсэн хуулийн нэмэлт, өөрчлөлтийн төсөлд юу тусгагдсан бэ гэдэг мэдээж олны анхаарал татсан сэдэв. УИХ-д олонхийн суудалтай МАН  сонгуулийн мөрийн хөтөлбөртөө тусгасан  улс төрийн амлалтуудын  нэг нь Үндсэн хуульд нэмэлт өөрчлөлт оруулах.  Өмнө нь Үндсэн хуульд өөрчлөлт оруулах оролдлого хэдэнтээ гарч байсан ч янз бүрийн шалтгаанаар “бүтэлгүйтэж” байсан билээ. 
  • 2019-07-09 12:20
    Н.Алтанхуягийн Засгийн газрын үед  Австралийн “Golden Horde” компани Таван толгой ордод метаны нөөцийн судалгаа хийсэн байдаг. Урьдчилсан таамгаар зөвхөн нүүрсээр зогсохгүй метан хийн нөөц арвин байх магадлалтайг тогтоосон юм. Тэдний  судалгаагаар Тавантолгой уурхай дахь метан хийн агуулгын хэмжээ, хийн чанарын үзүүлэлт “маш сайн” гэж гарчээ.  Тиймээс Тавантолгойн бүлэг орд тэр чигээрээ метан хийн асар их хэмжээний нөөцтэй байх магадлалтайг судлаачид тооцоолж байна.