Геологийн судалгаанд зарцуулах хөрөнгийг нэмэгдүүлнэ

2013-07-26 12:46

The Mongolian Mining Journal ээлжит хэлэлцүүлгээ эхэлж байна.


Уул уурхайн салбарын хөгжлийн чигийг цогцоор нь шийдэх суурь болох бодлогын баримт бичгийг эцэслэн батлуулахаар Уул уурхайн яамнаас төслөө УИХ-д өргөн бариад байгаа билээ. Наадмын өмнөхөн Эдийн засгийн байнгын хороогоор уг төслийг хэлэлцүүлэх явцад нэлээд санал шүүмж өрнөсөн. Эрдэс баялгийн салбарын хөгжлийн “Үндсэн хууль” нь болох учиртай уг төслийн талаар янз бүрийн байр суурь гарч байна. Тиймээс  The Mongolian Mining Journal олон талын үзэл бодлыг нээлттэй хүргэх, ойлголцох эхний алхам болгон энэ удаагийн Хэлэлцүүлгээ нээж байна.


Төслийн бүрэн эхтэй www.mongolianminingjournal.com сайтаас танилцаарай.


Та бүхэн санал бодлоо info@mongolianminingjournal.com, ider@mongolianminingjournal.com хаягаар ирүүлнэ үү.


Эрдэс баялгийн салбарт төрөөс баримтлах бодлогын баримт бичгийн талаар Уул уурхайн яамны Стратегийн бодлого төлөвлөлтийн газрын Геологийн бодлогын хэлтсийн мэргэжилтэн Б.Энхтуяагийн өгсөн тодруулгыг уншигч Танаа толилуулъя.


Эрдэс баялгийн салбарын Бодлогын баримт бичгийн гол үзэл баримтлал нь юу вэ?


Бодлогын гол үзэл баримтлал нь Монгол улсын нутаг дэвсгэрийн геологийн тогтцыг үе шаттай судлаад эрдэс баялгийн сан хөмрөгийг бэхжүүлэх аривжуулах, ил тод хариуцлагатай уул уурхайг хөгжүүлэх, нэмүү өртөг шингэсэн эцсийн бүтээгдэхүүн үйлдвэрлэх, улс орныхоо экологийн тэнцвэрт байдлыг хангах явдал. Тодруулбал гадаад орнуудтай эрдэс баялгийн салбарын хамтын ажиллагааг өргөжүүлэх, олон улсын хамтарсан төслүүдийг хэрэгжүүлж, орчин үеийн мэдээллийн инновацийн техник технологи нэвтрүүлэх, боловсруулах үйлдвэрлэлийг хөгжүүлэх бодлого баримтлах, төрөөс шинэ техник технологи бүхий боловсруулах үйлдвэрийг бодлогоор дэмжих  Ингэснээр Монгол улсын эдийн засгийн чадавхийг дээшлүүлж, тогтвортой хөгжлийн зорилтыг зөв залах. Энэ чигт Эрдэс баялгийн салбарт төрөөс баримтлах бодлогын үзэл баримтлал зангидагдаж буй юм.


Бодлогын баримт бичгийн төсөл нь өмнө Д. Зоригт Сайдын үед боловсруулж, танилцуулсан төслөөс юугаараа ялгаатай, ямар онцлогтой байгаа вэ?


Өмнөх төсөлд тодорхойгүй зүйл их байсан. Тиймээс одоо гарах энэхүү бодлогын баримт бичиг нь цаашдаа гарах хуулиудын баттай суурь нь болж өгөх юм. Тухайлбал Газрын тосны хууль шинэчлэгдэн гарлаа. Одоо Ашигт малтмалын хууль өргөн баригдах гээд бэлтгэл ажилдаа явж байна. Энэ мэтчилэн салбарын хуулиудын суурь болж өгнө. Өмнөх бодлогын баримт бичиг салбарын зарим хуультай уялдаагүй байсан тул эдийн засгийн талаасаа уул уурхайн салбартаа баримтлах гол бодлогод нөлөөлж чадахгүй байсан. Харин шинэ төсөл нь өмнөх алдаа дутагдлыг сайжруулах талдаа давуу талтай.  Эрдэс баялгийн салбарт төрөөс баримтлах шинэ бодлогын баримт бичиг бол нэлээд боловсронгуй болж гарч байгаа.


Төрөөс эрдэс баялгийн салбартаа баримтлах бодлогын гол онцлог юу байх вэ?


Геологийн салбарын чиглэлд өмнөхөөсөө онцлог гэж хэлж болох дэвшил гарч буй. Тухайлбал геологийн судалгааны ажилд улсын төсвөөс зарцуулах хөрөнгийг жил бүр нэмэгдүүлэх замаар геологийн зүй тогтол, ашигт малтмалын тархац, байршлын зүй тогтлоо судална гэсэн үг. Ингэснээр улсын эрдэс баялгийн сан хөмрөгийг арвижуулахад хувь нэмэр оруулна.

Мөн Монгол Улсын нөхцөл, онцлогт тохирсон техник технологийг нэвтрүүлэх. Энэ ажлыг дэмжих бодлогын хүрээнд олон улсад хүлээн зөвшөөрөгдсөн төрөл бүрийн технологи, нано технологийг нэвтрүүлэх, энэ чиглэлийн ажлууд тусгагдсан байгаа.

Эрдэс баялгийн салбарт мөн хүний нөөцөө хөгжүүлэх чиглэлд хөтөлбөр боловсруулж ажиллана. Үүний дээр байгаль орчинд ээлтэй, нэмүү өртөг шингэсэн, ил тод хариуцлагатай уул уурхайг хөгжүүлэх үндсэн чиглэлүүд тусгагдсан.


Бодлогын баримт  бичгийг боловсруулах ямар Ажлын хэсгүүд байгуулагдсан бэ?


Ерөнхийлөгчийн дэргэд Уул уурхайн сайдаар ахлуулсан Ажлын хэсгийг байгуулж ажилласан. Мөн Уул уурхайн яаман дээр мэдээллээр хангах чиг үүрэг бүхий Дэд ажлын хэсэг байгуулж ажилласан. Ерөнхийдөө энэ ажлын хэсэг ажлаа дуусгаад бодлогын баримт бичгийг УИХ-д өргөн барьчихсан. Санал авах ажилдаа ороод, саналууд ирж байна. Бодлогын баримт бичгийг салбарын хүрээнд дэмжиж байгаа. 

Уг бодлогын баримт бичиг суурь болж гарсны дараа цаашдаа салбарын үйл ажиллагааг зохицуулах гол  хуулиуд хэлэлцэгдэнэ. Сая Газрын тосны тухай хууль УИХ-д өргөн баригдсан. Удахгүй Ашигт малтмалын тухай хуулийн төслийг өргөн барих биз ээ. Тэгээд хуулиудаа дагасан журмуудыг боловсруулна.


Ашигт малтмалын тухай хуулийн төсөл энэ жилдээ амжиж хэлэлцэгдэх үү?


Уул уурхайн яам хуулийн төслийг хэлэлцүүлэхээр зорьж ажиллаж байгаа.





Б. Төгс

Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 20 минутын өмнө
    Брэнт маркийн газрын тосны ханш 86.04 ам.доллар/баррель болж 2018 оны аравдугаар сараас хойших хамгийн дээд түвшинд хүрлээ. Дэлхийн зах зээлд байгалийн хий, нүүрсний үнэ нэмэгдсэнээс үүдэлтэйгээр дизель генераторуудын эрчим хүч үйлдвэрлэл нэмэгдэх болсон байна. Үүнээс үүдэн энэ оны дөрөвдүгээр улиралд газрын тосны эрэлтг 450 мянган баррель/өдөр-өөр нэмэгдэж болзошгүй байна. 
  • 2 цаг 58 минутын өмнө
    Монголын тал түүнчлэн аж ахуйн нэгжүүд нүүрсний худалдааны урт хугацааны гэрээ байгуулахад дэмжлэг үзүүлэх, Гашуунсухайт, Шивээхүрэн боомтоор чингэлгээр нүүрс тээвэрлэхийг нэмэгдүүлэх, Гашуунсухайт, Бичигт, Ханги, Шивээхүрэн чиглэлээр хоёр улсын хооронд төмөр замаар харилцан холбогдох ажлыг эрчимжүүлэх саналтай байгаагаа хурлын үеэр илэрхийлсэн юм. Гашуунсухайт-Ганцмод боомтын төмөр замын улсын хил огтлолцлын цэгийг хоёр улсын холбогдох аж ахуйн нэгжүүд тохиролцсонд баяртай байгаагаа талууд илэрхийлж, уг тохиролцоог ГХЯ-дын шугамаар шуурхай баталгаажуулж, төмөр замыг холбох дэд бүтцийн байгууламжийг барихад идэвхтэй хамтран ажиллах нь чухал болохыг тэмдэглэлээ. 
  • 3 цаг 15 минутын өмнө
    Элчин сайд Т.Бадрал, Шивээхүрэн-Сэхээ боомт нь хоёр орны худалдаа, эдийн засгийн хамтын ажиллагаанд чухал үүрэгтэй боомт гэдгийг онцолж, хоёр талын худалдааны эргэлтийг нэмэгдүүлэх боломжийг бүрэн дүүрэн ашиглах чиглэлээр идэвх, санаачилгатай ажиллаж, нэг өдөрт хил нэвтрэх тээврийн хэрэгслийн тоог 400 хүргэх зорилт дэвшүүлэхийг санал болгов. Альшаа аймгийн дэд дарга Цэцэн, Монгол Улстай хийж буй худалдааны эргэлт, барааны төрлийг нэмэгдүүлэх хүсэлтэй байгаа илэрхийлж, тус аймгаас Монгол Улсын Баянхонгор аймагт 728 мянган юанийн буцалтгүй тусламж үзүүлж буйгаа мэдэгдэв.
  • 4 цаг 40 минутын өмнө
    Жил бүрийн намар Монгол банк ирэх оны мөнгөний бодлогын үндсэн чиглэлээ УИХ-аар батлуулдаг. Энэ дагуу Төрөөс  мөнгөний бодлогын талаар 2022 онд баримтлах үндсэн чиглэлийн төслийг тус банк УИХ-д өргөн барьсан билээ. Энэ талаар Монгол банкны Ерөнхийлөгч Б.Лхагвасүрэн болон холбогдох албаны хүмүүс өнөөдөр сэтгүүлчдэд мэдээлэл өглөө. Ковид 19 цар тахлын нөлөөгөөр 2020 онд  дэлхийн эдийн засаг огцом уналтад орсон. Гэхдээ 2020 оны сүүлээс эхлэн хөгжингүй орнуудын эдийн засаг, санхүүгийн зах зээл идэвхжиж, зах зээлд оролцогчдын хүлээлт сайжирч, сэргэлт гарч байна.
  • 7 цаг 0 минутын өмнө
    Өмнөговь аймаг дахь Ухаахудагийн коксжих нүүрсний уурхайд олборлолт эрхэлж буй “Энержи Ресурс” буюу “Mongolian Mining Corporation”-ын олзворлолт 2022 онд хэвэндээ орно гэж Фитч агентлаг тооцоолсон байна. Учир нь, цар тахлын үед экспортыг нэмэгдүүлэхээр ашиглалтад оруулж буй нүүрсний терминал нь борлуулалтыг нэмэгдүүлэхэд түлхэц үзүүлнэ гэж тооцжээ. Шинэ терминал ашиглалтад орсноор ирэх онд нийт дүнгээрээ 18 сая тоннын экспорт уг терминалаар дамжиж худалдаалагдана гэж тус агентлаг үзжээ.