Mining Journal Awards эхэллээ

2012-12-07 20:58
Уул уурхай, эдийн засгийн Mongolian Mining Journal сэтгүүлээс гурав дахь жилдээ уламжлал болгон зохион байгуулж буй Mining Journal Awards уул уурхайн шилдгүүдийг шалгаруулах ёслолын ажиллагаа эхэллээ. Энэ жил Уул уурхайн хариуцлагатай ажиллагаа номинацид “Шижир алт”, “Эрдэнэт Үйлдвэр”, “Энержи Ресурс”, “Шарын гол” компани өрсөлдсөнөөс Эрдэнэт Үйлдвэр шилдгээр тодроод байна.  Мөн Шилдэг технологи номинацид Катодын зэс, зэс утас болон бусад эцсийн бүтээгдэхүүн үйлдвэрлэгч Эрдмин компани шалгарлаа. Энэхүү номинацид салбарын компаниуд маш ширүүн өрсөлдсөн бөгөөд Элгэн, Энержи Ресурс, Эрдмин, Мэйжор Дриллинг, Фалкон Дриллинг, Шивээ Овоо, Бэрэн Майнинг, Бласт, Алтайн хүдэр зэрэг нийт есөн компани өрсөлдсөн юм. Тун удахгүй Шилдэг хайгуулын компани, Шилдэг эко уурхай, Шилдэг ханган нийлүүлэгч, Уул уурхайн салбарын оны хүн, Уул уурхайн салбарыг дэмжигч байгууллага зэрэг номинацийн эзэн тодрох гэж байна.

Хэдийгээр 2012 оны хувьд дэлхийн зах зээлд эрдсийн үнэ ханш ихээхэн буурч, салбарын хувьд өсөлттэй гэхээсээ уналттай жил байсан ч энэ жилийн Mining Journal Awards-д компаниуд урьд урьдны жилүүдийнхээс идэвхитэй оролцож, нийтдээ 35 компани оролцлоо.

Мөн Mining Journal Awards 2012-д Шилдэг эко номинацид илүү олон компани идэвхитэй оролцлоо. Энэ нь 2012 оны Mining Journal Awards-ын нэгэн онцлог төдийгүй салбарын компаниудын хандлага илүү хариуцлагатай, байгальд ээлтэй болж байгааг харуулж буйг уг ёслолын ажиллагааг зохион байгуулагч Mongolian Mining Journal сэтгүүлийн Ерөнхий эрхлэгч Л.Болормаа нээлтийн үгэндээ тэмдэглэсэн юм.

Уул уурхайн шилдэг компаниудыг салбарын холбогдох төрийн байгууллага шалгаруулдаг туршлага байдаг. Харин Mining Journal Awards нь уул уурхайн мэргэжлийн сэтгүүл зохион байгуулдгаараа, мөн хараат бус шүүгчдийн зөвлөл шилдгүүдийг шалгаруулдгаараа үүнээс илүү бие даасан онцлог болж чаддаг гэж салбарынхан үнэлдэг. Тиймдээ ч Монголын эдийн засагт хамгийн чухал байр суурь эзэлж буй уг салбарын шилдгүүдийг шалгаруулж, олон нийтэд хүргэх энэхүү ёслолын ажиллагааны цар хүрээ, ач холбогдол нь жил ирэх бүр нэмэгдсээр байгаа юм. Mining Journal Awards ёслолын ажиллагаа урлагийн тоглолтоор үргэлжилж байна. Тун удахгүй шилдгүүдийг үргэлжлүүлэн тодруулах болно.



 
Санал асуулга
Засгийн газрын хуралдаанаар, ашигт малтмалын хайгуулын тусгай зөвшөөрлийг нэг жилийн хугацаанд олгохгүй байхаар шийдвэрлэв. Энэхүү шийдвэрийг Та хэрхэн дүгнэж  байна вэ?
  • Зөв
  • Буруу
Үр дүн:
  • Зөв
  • Буруу
Эрдэс баялгийн салбарт хариуцлагатай үйл ажиллагаа явуулж буй аж ахуйн нэгжүүдийг нэгтгэх “Хариуцлагаар нэгд” аяныг МУУҮА-аас санаачлан УУХҮЯ-тай хамтран хэрэгжүүлж байна. Энэхүү санаачлагыг Та дэмжиж байна уу?
  • Дэмжиж байна
  • Мэдээлэл муу байна
Үр дүн:
  • Дэмжиж байна
  • Мэдээлэл муу байна

ШИНЭ

  • 7 цаг 32 минутын өмнө
    Уул уурхай, хүнд үйлдвэрийн яам (2021.03.03) “Газрын тос дамжуулах хоолойг санхүүжүүлж, барих төсөл”-ийн сонгон шалгаруулалтыг зарлалаа. Дорнод аймгийн нутаг дахь Тамсагийн ордоос түүхий тос дамжуулах 530 км урт хоолой, шаардлагатай дагалдах байгууламжийн хамт иж бүрнээр барих төсөл юм. Энэ нь Дорноговь аймгийн нутагт баригдаж буй Газрын тос боловсруулах үйлдвэрийн төсөлд Монгол Улсын хариуцах хамгийн том хөрөнгө оруулалт юм. Уг ажлыг гүйцэтгэхэд шаардагдах санхүүжилтийг урт хугацааны бага хүүтэй эх үүсвэрээр шийдвэрлэнэ гэж УУХҮЯ-наас мэдээлжээ.
  • 7 цаг 44 минутын өмнө
    Манай улсын 100 гаруй төсөлд 57 их наяд төгрөг шаардлагатай байна. Энэ дөрвөн жилд 10 хүрэхгүй их наяд төгрөгийг улсын төсвийн санхүүжилт болон төсөвт хамааралтай гадаад доноруудаас урт хугацааны санхүүжилт авч зарим төслөө урагшлуулах урьдчилсан төлөв гарчээ. Харин 47 гаруй их наяд төгрөгийг гадаадын шууд хөрөнгө оруулалт, төр-хувийн хэвшлийн түншлэлийн концесс хэлбэрээр, хувийн хэвшлээр 100% хэрэгжүүлэх зэргээр санхүүжилтийн боломжит бүх хувилбарыг Сангийн яам ид судалж байна. Монгол Улсын эдийн засаг, нийгэмд үзүүлэх үр өгөөжөөр нь ангилан, эдийн засаг дотроо импортыг орлох, экспортын орлого оруулах байдлаар нь эрэмбэлсэн тэргүүлэх 100 төслийг шинэ Засгийн газар ажлын 100 хоногийн дараа олон нийтэд зарлахаар төлөвлөжээ. Дөрөвдүгээр сард эхлэх УИХ-ын хаврын чуулганаар төсөл, эх үүсвэрүүд илүү тодрох бололтой. Төр-хувийн хэвшлийн түншлэлийг дэмжих “лоозон” одоо л хэрэгжих цаг үе. 
  • 11 цаг 24 минутын өмнө
    ОХУ-ын Ерөнхийлөгч В.В.Путин (2021.03.02) нүүрсний салбарын асуудлаар цахим хурал хийжээ. Нүүрсний экспортыг нэмэгдүүлэхэд шаардлагатай шинэ төмөр замын төслийг РЖД компани хэрэгжүүлэхийг дэмжсэн байна. Тодруулбал, Якутын бүс нутгаас Алс Дорнодын далайн боомт хүртэлх 1000 гаруй км үргэлжлэх “Тында-Комсомольск-Ванино” чиглэлд төмөр зам барих төсөл юм.  Уг төмөр зам нь Якутын ордуудаас нүүрсийг Хятад руу экспортлох гол дэд бүтэц болох аж. Шаардлагатай тохиолдолд шинэ төмөр замын төслийн санхүүжилтийг ОХУ-ын Үндэсний баялгийн сангаас гаргах боломж буйг Ерөнхийлөгч Путин мэдэгдэлдээ дурджээ.  
  • Уржигдар 15 цаг 05 минутад
    “Степ голд” компанийн эзэмшлийн Алтан цагаан овоо алтны ордын нөөц 1.22 саяас 2.45 сая унц болж хоёр дахин өссөн байна. Уг нөөцийн тооцоололд үндэслэн 2021 оны хоёрдугаар улиралд ТЭЗҮ-ээ шинэчлэн боловсруулна. Анхдагч хүдрийн нөөц нэмэгдсэнээр төслийн үргэлжлэх хугацааг уртасгаж жилд 150 мянган унц алт олборлох хүчин чадалд хүрнэ гэж төсөл хэрэгжүүлэгчид үзэж байна.
  • Уржигдар 13 цаг 25 минутад
    Дэлхийн уул уурхайн хоёр дахь том компани “Рио Тинто” 2020 оны тайлангаа танилцууллаа. Тус компанийн мэдээлснээр өнгөрсөн онд нийт борлуулалтын нэгдсэн орлого 44.6 тэрбум ам.долларт хүрсэн байна. Уг үзүүлэлт 2019 онд 43.2 тэрбум ам.доллартай байсан юм. Энэ дундаа төмрийн хүдрийн борлуулалт дийлэнхийг бүрдүүллээ. Тодруулбал Австралийн Пилбара дахь төмрийн хүдрийн уурхайнуудаас нийтдээ 333.4 сая тонн төмрийн хүдэр олборлож, борлуулалтын орлого нийтдээ 27.5 тэрбум ам.доллараар хэмжигдлээ. Өнгөрсөн онд зах зээлд төмрийн хүдрийн ханш нэмэгдсэнтэй холбоотойгоор тус компанийн суурь орлогын (underlying earnings) үзүүлэлт 12.5 орчим тэрбум ам.долларт хүрсэн нь 2019 оны дүнгээс даруй 2.1 тэрбум ам.доллараар өсөлттэй гарчээ.