MINING JOURNAL AWARDS- 2012 УРЬЖ БАЙНА

2012-10-16 10:45
Mongolian Mining Journal сэтгүүл нь Уул уурхайн салбарын оны шагналын номинациа гурав дахь жилдээ зарлаж байна.

Дэлхийн уул уурхайн хөгжлийн амжилт ололт, бэрхшээл асуудлууд  Монгол оронд адилхан тулгарч буй энэ цаг үед хариуцлагатай уул уурхайн үйлдвэрлэлийн амин сүнсийг атгаж, ачааны хүндийг үүрч байгаа салбарынхныг хөхиүлэн дэмжиж,  Монголын олон нийтдээ таниулан өргөмжлөх учиртай хэмээн  Mongolian Mining Journal үзэж, салбараа түүчээлж яваа байгууллага, хамт олныг тодруулан нэрлэх болсон билээ.

Уул уурхайн салбарын бүтэн жилийн хөдөлмөр, хөлс хүч, оюун ухаан, менежментийн чадварыг үнэлэн цэгнэдэг Mining Journal Awards ёслол жил тутам арванхоёрдугаар сарын эхэнд зохион байгуулагддаг бөгөөд тухайн жилийн үйл ажиллагаагаар нь мэргэжлийн таван номинаци, мөн ханган нийлүүлэгчдийн номинацид өрсөлдөөн явагдаж, Шүүгчдийн зөвлөл үндсэн шалгаруулалтыг мэргэжлийн түвшинд, хараат бус хийдэг.

Дараахь зургаан ангилал тус бүрд уул уурхайн чиглэлээр үйлдвэрлэл явуулж буй байгууллагууд нэрээ дэвшүүлж, Mining Journal Awards-т оролцохыг урьж байна.

ШИЛДЭГ УУРХАЙ


Монгол орны ашигт малтмалын ба газрын тосны орд газарт олборлолт явуулж буй шилдэг уурхайд олгох шагнал.

УУЛ УУРХАЙН ХАРИУЦЛАГАТАЙ  АЖИЛЛАГАА

Олборлолтоос үйлдвэрлэлийн шатанд үйл ажиллагаа нь амжилттай дэвшин орж буй байдал болон нийгмийн хариуцлагын чиглэлээр явуулж байгаа ажлуудыг гол шалгуур болгох номинаци юм.

ШИЛДЭГ ЭКО УУРХАЙ

Энэхүү шагналыг уул уурхайн хайгуулын төдийгүй олборлолтын үйл ажиллагаа явуулж буй компанид олгоно. Тухайн компани байгаль орчныг хамгаалах, нөхөн сэргээх, дүйцүүлэн хамгаалах чиглэлээр хэр санаачилгатай ажиллаж байгааг шалгаруулах нэн чухал номинаци юм.

ШИЛДЭГ ТЕХНОЛОГИ


Дэвшилтэт техник, технологийг үйл ажиллагаандаа амжилттай нэвтрүүлсэн эсэхээр уг шалгаруулалтыг  дүгнэнэ.

ХАЙГУУЛЫН ШИЛДЭГ КОМПАНИ

Монгол улсад үйл ажиллагаа явуулж буй хайгуулын шилдэг компанийг шалгаруулах номинаци юм.

УУЛ УУРХАЙН ТЕХНИК, ТОНОГ ТӨХӨӨРӨМЖИЙН ШИЛДЭГ ХАНГАН НИЙЛҮҮЛЭГЧ


Уул уурхайн үйлдвэрлэлд нэн чухал дэвшилтэт техник тоног төхөөрөмжөөр тасалдалгүй хангаж, тэдгээр дээр ажиллах мэргэжилтнийг сурган дадлагажуулах ажилд уул уурхайн компаниудад мэргэжлийн туслалцаа үзүүлж буй шилдэг ханган нийлүүлэгчид олгох шагнал.

Нэр дэвшүүлэлт 2012 оны арваннэгдүгээр сарын 25 хүртэл явагдана.  Шалгуур үзүүлэлтийн дагуу материалыг бэлтгэх бөгөөд хүснэгтийг онлайн хувилбараар хүлээн авч бөглөж болно. Шаардлагатай нэмэлт материал, гэрэл зураг, видео дүрсийг хавсаргаж болно.

Шалгаруулалтад ирүүлсэн материалын нууцлалыг The Mongolian Mining Journal чандлан хамгаална. Уралдаант шалгаруулалтын материалыг Редакцийн хаягаар ирүүлнэ.

Мэргэжлийн Шүүгчдийн зөвлөл дээрх 6 номинацийн үнэлгээг шалгуур үзүүлэлтийн дагуу дүгнэнэ. Шүүгчдийн мэргэжлийн үнэлгээний зэрэгцээ олон нийтийн дунд онлайн санал асуулга, уул уурхайн мэргэжлийн байгууллагуудын дунд хуудсаар асуулга явагдана.

Мөн, “Уул уурхайн салбарын оны хүн”-ийг нэрлэх санал асуулга олон нийтийн дунд онлайн хэлбэрээр арваннэгдүгээр сарын 01-нээс эхлэн бүтэн сарын хугацаанд явагдах гэж байна. Санал асуулга нь www.news.mn, www.gogo.mn, www.mongolianminingjournal.com сайтуудаар нэгэн зэрэг явагдана.

Дэлгэрэнгүй мэдээллийг  77220200, 77220900, 77222300, 77222400, 99992019, 99997400, 99280900, 88080317, 91998874 утсаар лавлана уу.

Редакцийн хаяг: Улаанбаатар, Чингэлтэй дүүрэг, Жуулчны гудамж 4/4 МАКС Цамхаг 402, 403

info@mongolianminingjournal.com
ider@mongolianminingjournal.com
ariun@mongolianminingjournal.com

The Mongolian Mining Journal









Сэтгэгдэл байхгүй байна

Санал асуулга
Уул уурхайн тухай хуулийн төслийг дэмжиж байна уу?
  • -Дэмжинэ
  • -Дэмжихгүй
  • -Зарим заалтыг өөрчлөх
Үр дүн:
  • -Дэмжинэ
  • -Дэмжихгүй
  • -Зарим заалтыг өөрчлөх

ШИНЭ

  • 12 цаг 30 минутын өмнө
    Нүүрс нэгэн цагт хүн төрөлхтний хөгжлийн гол суурь байсан. Тэр “баатар” одоо харин хамгийн их бохирдуулагч түлшээр өргөмжлөгдөв. Нүүрс бол хүн төрөлхтний хувьд “маш эртний найз”. Тиймээс “салах ёслол” хийхэд тийм ч хялбар байхгүй нь мэдээж хэрэг. Тэр дундаа эрс тэс уур амьсгалтай Монгол Улсын хувьд нүүрсгүйгээр амьдралаа төсөөлөхийн ч аргагүй. Бас болоогүй 2010 оноос коксжих нүүрс Монголын экспортод голлох үүрэгтэй болж эхэлсэн төдийгүй экспортод эзлэх байр сууриа одоо улам бүр бэхжүүлэн байна. Үүний зэрэгцээ Монголд асар олон нүүрсний цахилгаан станцын төслүүд хэрэгжихээр яригдан байна. Нүүрс рүү тэмүүлэх үйл явц Монголд ийн өрнөж байх зуур нөгөө талд дэлхий нүүрснээс татгалзах үйл явц хурдацтайгаар явагдаад эхэлжээ. 
  • Өчигдөр 18 цаг 22 минутад
    Дорноговь аймгийн Даланжаргалан суманд дөрөвдүгээр сарын 14-нд “Эко хэлхээ” компанийн жонш Баяжуулах үйлдвэрийн хаягдлын далан сэтэрч химийн хорт бодистой ус алдагдсан билээ. Уг явдлаас хойш хоёр сарын хугацаа өнгөрч байгаа бөгөөд нөлөөллийн бүсийн ус, хөрсний дээжээс авсан шинжилгээний хариу хоёр төрлөөр гарсан байна.   
  • Өчигдөр 10 цаг 36 минутад
    Эрин зууны түлш гэж тодорхойлдог метан хийг дэлхийн томоохон хотууд “шүтэж”, энэ салбарын хөгжилд хөрөнгө хүч хаяж эхэллээ. Хүн төрөлхтөнд хамгийн тулгамдсан асуудал цаг агаарын дулаарал, уур амьсгалын өөрчлөлт. Гэтэл уур амьсгалын өөрчлөлтийг түргэсгэж, азоны давхаргын цоорхойг нэмэгдүүлдэг хүлэмжийн хий бол метан хий. Нүүрс олборлож байгаа уурхайнуудаас их хэмжээний метан хий ялгарч байгаль орчинд хор хөнөөл учруулдаг байна. Өндөр хөгжилтэй орнууд түүхий нүүрснээс татгалзаж метан хийг хэрэглэж агаарын бохирдлоо бууруулж эхэлжээ. Өмнөговь аймагт метан хийн хайгуул, судалгаа хийж буй “Жи Өү Эйч” ХХК-ийн Ахлах зөвлөх, Монгол Улсын  зөвлөх инженер З. Төмөрбаатартай ярилцлаа.
  • Өчигдөр 00 цаг 00 минутад
  • 2019-06-21 15:38
    Дорнод аймгийн удирдлага, Ашигт малтмал, газрын тосны газар, “Петрочайна Дачин тамсаг” компанийн хамтран байгуулсан гурван талт хэлцлийн үр дүн гарч эхэллээ. Тодруулбал тус компани хэлцэлд тусгасны дагуу тендер сонгон шалгаруулалтаа анх удаа ил тод зарлалаа.  Энэ онд тус компани 1 тэрбум гаруй төгрөгийн өртөг бүхий байгаль орчныг хамгаалах төслийн тендерийг 12 багцад хуваан нээлттэй зарласан байна. Мөн тендер сонгон шалгаруулахдаа гурван талт хэлцэлд тусгагдсаны дагуу орон нутгийн аж ахуйн нэгжид давуу эрх олгох юм. Уг тендер шалгаруулалт энэ сарын 17-нд болсон төдийгүй 12 ажилд нийт 15 аж ахуй нэгж оролцсоны 10 нь орон нутгийнх байв.