Элизабет Эллис (Минтер Эллисон хуулийн фирмийн Монгол дахь салбарын Гүйцэтгэх захирал) Стратегийн ач холбогдол бүхий салбарт үйл ажиллагаа явуулж буй аж ахуйн нэгжид гадаадын хөрөнгө оруулалтыг зохицуулах тухай шинэ хуулийг (Стратегийн хөрөнгө оруулалтын тухай хууль) дэмжиж буй УИХ-ын гишүүд болон бусад төлөөлөгчид Монголын энэхүү шинэ хуулийн тогтолцоо нь Австралийн Гадаадын хөрөнгө оруулалтыг хянах зөвлөл бүхий /ГХОХЗ/ тогтолцоотой ихээхэн төстэй болсон гэж хэлж байв.
Доорх хүснэгтэд харуулсанчлан шинэ хуулийн хэд хэдэн концепц, үзэл баримтлал Австралийнхаас авч ашигласан тал байгаа ч үндсэн ялгаанууд бас оршиж байна.
Австралийн Гадаадын хөрөнгө оруулалтын тухай хууль нь бараг тавин жил мөрдөгдөж ирсэн юм. Учир нь Засгийн газрын бодлогын ил тод байдал, ГХОХЗ нь хоёр намын төлөөллөөс бүрдсэн байдаг, хөрөнгө оруулалтаас татгалзсан тохиолдол тун цөөн байсан зэрэг нь олон улсын хөрөнгө оруулагчдад өргөн барьсан хөрөнгө оруулалтын саналыг нь шалгах, зөвшөөрөх үйл явц шударга үнэн явдаг гэдэгт итгэлтэй байх хөрс болдог ажээ.
Монголын шинэ хуулинд тусгагдаагүй зарим нэг нэмэлт үзэл баримтлалууд Австралийн уг хуулийн тогтолцоонд байдаг нь Австрали улсыг гадаадын хөрөнгө оруулалтад нэлээд найрсаг ханддаг улс орон болгох хүчин зүйлс болдог гэж хэлж болно.
Үүнд дараах үзэл баримтлал багтсан байдаг:
- Мэдэгдэх ба батлах: Австралийн гадаадын хөрөнгө оруулалтын хуулийн тогтолцооны хүрээнд гадаадын хөрөнгө оруулалтад Засгийн газрын зөвшөөрөл шаардлагагүй. Харин уг хуулиар санал болгосон тодорхой хөрөнгө оруулалтын талаар зайлшгүй мэдэгдлийг шаарддаг. Мөн Австралийн Засгийн газар 30 хоногийн дотор /хугацааг сунгаж болно/ тухайн санал болгосон хөрөнгө оруулалтыг үндэсний эрх ашигт нийцэж буй эсэхийг тодорхойлно. Эсрэгээр Монголын шинэ хуулийн дагуу уг хуулийн хүрээнд хамаарах бүхий л хэлцэл тохиролцоог аль ч тохиолдолд Засгийн газар, зарим тохиолдолд УИХ-аар хэлэлцүүлж батлуулах ёстой. Энэхүү процессын талаар нарийвчилсан зохицуулалтууд хараахан боловсрогдоогүй боловч шинэ хуулиар 95 хоногийн дотор тухайн саналыг батлах талаар тодорхой шийдвэр гаргахаар заажээ.
- Босго: Хуулийн ерөнхий зохицуулалтаар бол Австралид гадаадын хөрөнгө оруулагч Засгийн газарт мэдэгдэлгүйгээр бага хэмжээний хөрөнгө оруулалт хийж болно. Учир нь ихэнх төрлийн хөрөнгө оруулалтад босго тогтоосон байдаг. Тухайлбал бизнесийн аж ахуй нэгжүүдэд 244 сая австрали доллараас бага буюу бага хэмжээний хөрөнгө оруулалт хийж буй тохиолдолд Засгийн газраар батлуулах шаардлагагүй. Гэхдээ гадаадын төрийн өмчийн компаниудын ямар ч хөрөнгө оруулалт нь Засгийн газраар хянуулж батлуулсан байх шаардлагатай юм. Монголын хуулиар мөн адил гадаадын төрийн өмчийн компаниудын хөрөнгө оруулалтыг Засгийн газар урьдчилан баталсан байх тухайд хуульчилсан боловч Австралийн хуулиас ялгаатай нь гадаадын хөрөнгө оруулалт Засгийн газраар зөвшөөрөгдөх шаардлагатай тохиолдолд хөрөнгө оруулалтын ямар хэмжээний босго байхыг тодорхой заагаагүй юм. Тухайн арилжаа нь 100 тэрбум төгрөгийн хөрөнгө оруулалт эсвэл тухайн худалдаж авах компанийн 49-өөс илүү хувийг эзэмших байвал УИХ-аар, үүнээс бусад тохиолдлын Стратегийн хөрөнгө оруулалтын хуулийн хүрээнд хамаарах ямар ч гадаадын хөрөнгө оруулалт нь хэмжээнээсээ үл хамааран Засгийн газраар батлагдсан байх ёстой)
- Зөрчилт үр дагаврыг “эерүүлэх нь”: Тухайн хөрөнгө оруулалт нь Гадаадын хөрөнгө оруулалтын тухай хуулийг ямар нэгэн байдлаар зөрчсөн тохиолдолд Австралийн Засгийн газар тухайн хөрөнгө оруулалтыг хүчингүй болгох эрх бүхий зохицуулалт бий. Энэ нь тухайн хөрөнгө оруулагчид илүү сайн үр дүн авчрах боломжтой юм. Учир нь энэ нь тухайн хөрөнгө оруулалтыг өөр хөрөнгө оруулагчид худалдах боломжийг олгодог. /жишээ нь: Засгийн газрын зөвшөөрлийг авч чадахуйц дотоодын эсвэл гадаадын хөрөнгө оруулагчид худалдаж болно/ Тухайн хөрөнгө оруулагч өөрийн хөрөнгө оруулалтыг ашиггүй болгож, өөрийн эзэмшиж буй бүх эрхээ алдаснаас /энэ нь Монголын шинээр батлагдсан хууль одоогийн байдлаар ингэж ойлгогдохоор байгаа/ дээрх шийдвэртэй алхмыг хийх нь ашигтай юм.
Зөвхөн Монгол төдийгүй хөрөнгө оруулалтын хууль шинээр батлах гэж буй аль ч улс орны хувьд тухайн хууль нь одоогийн буй, мөн ирээдүйн боломжит гадаадын шинэ хөрөнгө оруулалтад тодорхойгүй нөхцөл байдал үүсгэхээс сэргийлж чадсан байх ёстой юм. Эсвэл Засгийн газар шинэ хөрөнгө оруулалтыг дэмжих эсэхийг тодорхойгүй болгохгүй байх ёстой.
Австралид хийгдсэн Хятадын төрийн өмчийн компаниудын зарим хөрөнгө оруулалтын талаарХятадын хөрөнгө оруулагчдад Австралийн гадаадын хөрөнгө оруулалтыг хянах хууль, бодлого бусад орны хөрөнгө оруулагч нартай адил үйлчилдэг. Гэхдээ Монголын шинэ хуулийн адилаар тухайн хөрөнгө оруулалт нь гадаадын Засгийн газар эсвэл түүнтэй холбоотой бизнесийн аж ахуй нэгжээс эх үүсвэртэй хөрөнгө оруулалт мөн эсэхэд ялгаатай ханддаг.
Австралийн гадаадын хөрөнгө оруулалтыг батлах тухай зохицуулалтын дагуу төрийн өмчийн компани болон түүний охин компани нь гадаадын засгийн газрын харьяаны гэсэн ангилалд орно. Гадаадын төрийн өмчийн компаниуд Австралийн Засгийн газарт заавал мэдэгдэл хүргүүлсэн байх ёстой. Мөн хөрөнгө оруулалтын саналыг зөвшөөрсөн гэсэн зөвшөөрлийг урьдчилан авах ёстой. Хөрөнгө оруулалтын хэмжээнээс үл хамааран, тухайн өргөн барьсан санал нь тус улсын ГХОХЗ-өөр дамждаг. Үүгээрээ Монголын хуультай адилхан. Монголын хуулиар гадаадын төрийн өмчийн компани болон түүний охин компани хийж буй хөрөнгө оруулалтын хэмжээнээсээ үл хамааран, аль ч салбарт хөрөнгө оруулсан байсан Засгийн газраас зөвшөөрөл авах ёстой байдаг.
Австралийн Засгийн газрын гадаадын хөрөнгө оруулалтын өргөдөл саналыг, тухайлбал Хятадын төрийн өмчийн хөрөнгө оруулалтыг үнэлж дүгнэх нь хууль, бодлогын хүрээнд захирагдах ёстой. Австралийн Сангийн сайд тус улсын үндэсний эрх ашгийн эсрэг байна гэж үзсэн саналуудыг хориглож болно. “Үндэсний эрх ашиг”-ийг судалж авч үзэх үед, ГХОХЗ болон Сангийн сайдын авч үздэг зүйлсийн зарим нь Монголын шинэ хуулийн хүрээнд багтах хэлцэл арилжаа, гадаадын төрийн өмчийн компанийн хөрөнгө оруулалтыг батлахын өмнө Гадаадын хөрөнгө оруулалтын газрын уг хуулийн хүрээнд нягталж шалгадаг нөхцөлүүдтэй тун адилхан байгаа юм.
Sinosteel болон Midwest
Хятадын Sinosteel корпорацийн бүрэн эзэмшлийн нэгэн охин компани Midwest Corporation-ийг худалдаж авах асуудал дээр Минтер Эллисон зөвлөгөө үзүүлсэн юм. Sinosteel нь биржид бүртгэлтэй Австралийн эрдсийн компанийг бүрэн худалдаж авахаар тохиролцсон Хятадын анхны компани байв. Уг хэлцэл ГХОХЗ-өөр батлуулах ёстой байсан ба батлагдаж чадсан.
Хэлцлийг төвөгтэй болгож байсан хэд хэдэн зүйлс байсан нь:
• Sinosteel компани нь Мidwest-тэй тус (Midwest-ийн) компанийн төмрийн хүдрийн гол томоохон төсөл дээр хамтарсан компани байгуулсан нь
• Sinosteel компанийн өргөн барьсан саналтай зэрэгцэн Murchison Metals компанийн Midwest компанийг өөртөө нэгтгэхээр тавьсан санал /scheme of arrangement буюу сайн дурын тохиролцоон дээр үндэслэсэн гэрээний нөхцөлийн дагуу/
• Murchison болон Нью-Йоркийн хаалттай сан /hedge fund/ Harbinger Capital Partners Midwest-д эзэмших хувьцааны эзэмшлээ нэмэгдүүлсэн явдал
• Midwest болон Sinosteel эсвэл Murchison болон Mitsubishi хамтран хэрэгжүүлэх боомт, төмөр замын дэд бүтцийн бүтээн байгуулалтын төслийн асуудлууд ГХОХЗ-ийн шийдвэр: Тэмдэглэх асуудлууд
Хоорондоо холбоотой ч ар араасаа гарсан Murchison Metals/Sinosteel-ийн ГХОХЗ-д гаргасан хүсэлтийн хариуд, Sinosteel-ийг Murchison Metals-ийн 49.9 хүртэлх хувийг эзэмших хязгаар тогтоосон. Учир нь тус компани аль хэдийнэ Murchison-ы хөрш Midwest-ийг эзэмшилдээ авчихсан тул Murchison Metals-ийг хяналтдаа авбал Баруун Австралийн төмрийн хүдрийн өндөр магнетит бүхий үлэмж баялагтай шинээр тогтоогдсон газар нутгийн ихэнх хэсэг тэдний мэдэлд орох байв.
Гол асуудлууд:
Засгийн газар энэхүү хэлцлийн бусад холбогдох зах зээл дэх нөлөөллийг харгалзаж үзэх нь чухал / Midwest-ийн магнетит бүхий төмрийн хүдрийн олборлолт, экспортын зах зээл/.Minmetals болон Oz Minerals
2009 оны 2 дугаар сарын 16-нд China Minmetals Corporation (Minmetals) болон Oz Minerals (Oz Minerals) компани хамтран Minmetals нь Oz Minerals-ийн бүхий л хувьцааг эзэмших саналтай байгааг зарласан билээ. /scheme of arrangement буюу сайн дурын тохиролцоон дээр үндэслэсэн гэрээний нөхцөлийн дагуу/. Худалдааны тохиролцоог эцэслэх нь ГХОХЗ-ийн зөвшөөрөл болон бусад зүйлээс хамаарч байв.
Сангийн сайд 2009 оны 3 дугаар сарын 27-нд ГХОХЗ-ийн үнэлгээ дүгнэлтдээ анхаарах чухал хэсэг бол энэ хэлцэл үндэсний эрх ашигтай нийцэж байгаа эсэх гэсэн мэдэгдэл хийсэн.
Oz Minerals-ийн “Prominent Hill” /зэс, алтны уурхай/-ийн олборлолтын үйл ажиллагаа нь Өмнөд Австралийн Woomera-гийн Хориотой бүсэд хамаарч байсан юм. Тухайн хэсэг нь Австралийн Батлан хамгаалахын зэвсэг турших газарт хамаардаг ажээ. Сангийн сайд Minmetals-д хэрэв “Prominent Hill” багтсан тохиолдолд хөрөнгө оруулалтыг зөвшөөрөх боломжгүйг мэдэгджээ. ГХОХЗ-ийн шийдвэр: Тэмдэглэх асуудлууд
Өргөн барьсан өргөдөлөөс “Prominent Hill”-ийг хассанаар Minmetals ГХОХЗ-ийн зөвшөөрлийг авч чадсан. ГХОХЗ Мinmetals дараах шаардлагыг хангасан тохиолдолд хөрөнгө оруулалтыг зөвшөөрөх нөхцөл тавьсан:
• Эзэмшихээр болсон уурхайг худалдааны зорилгоор салангид бизнес болгон ашиглах.
• Уурхайг Австралид бүртгэлтэй, төв нь байрлах, удирдах баг нь дийлэнх нь Австралийн баг байх компани, аж ахуйн нэгжийн тусламжтайгаар ашиглах.
• Худалдагдаж буй зүйлийг олон улсын зах зээлийн жишгийн дагуу Австралид төвтэй худалдааны багаар үнэлүүлэн хоёр талын тэгш, бие даасан оролцоог бүрдүүлэн арилжааг зохион байгуулах.
• “Century”, “Rosebery”, “Golden Grove” уурхайн олборлолт болон ажилчдын ажлын байрыг хадгалах буюу эхний хоёр уурхайн олборлолтыг өсгөх. “Avebury” уурхайг дахин нээж ажиллуулах. Эдийн засгийн нөхцөл байдалтай уялдуулан “Dugald River” төслийг хэрэгжүүлэх.
• Австралийн аж үйлдвэрийн тухай хуулийн дагуу ажиллах, ажилчдын эрх ашгийг хүндэтгэн ажиллах.
• Орон нутгийн үйл ажиллагаандаа нутгийн уугуул иргэдийн хөдөлмөр эрхлэлтийг хэвээр байлгах буюу нэмэгдүүлэх, Австралийн уугуул иргэдийн байгууллагуудтай байгуулсан гэрээнүүдээ биелүүлж ажиллах.
• Сангийн сайд 2000 австраличуудын ажлын байрыг хамгаалсан энэ зохицуулалт нь Австралийн үндэсний эрх ашгийн зарчмыг хангаж буй хэмээн онцолсон.
Гол асуудлууд:
• Стратегийн ач холбогдолтой батлан хамгаалах асуудалтай холбоотой хэсгийг оруулахгүйгээр тохироогүй тохиолдолд иймэрхүү хэлцлээр хөрөнгө оруулах зөвшөөрөгдөхгүй байх магадлалтай.
• ГХОХЗ эхлээд хориг тавьсан тохиолдолд ч ихэвчлэн дараагийн сайжруулсан саналыг харгалзаж үздэг.
• Австралийн Засгийн газар Австралийн оролцоо, Австралийн төслийн удирдлагыг дэмжиж ажиллах саналуудыг илүүд үздэг.
• Австралийн Засгийн газар түүхий эдийн худалдан авагчид үнийг хянах нөхцөл байдлыг хязгаарлахыг хүсдэг. Худалдааны тохиролцоон дахь ирээдүйн гэрээт худалдааны үнийг олон улсын үнэлгээний дагуу байх шаардлагыг тавих нь нийтлэг. Valin болон Fortescue
2009 оны 2 дугаар сарын 25-нд “Hunan Valin Iron” болон “Steel Group” (Valin) “Fortescue Metals group” (Fortescue)-ийн 16.5 хувийг “Fortescue”-гийн гаргасан 225 сая ширхэг шинэ хувьцааг, мөн АНУ-ын хаалттай сан “Harbinger Capital Partners” (Fortescue-гийн тэр үеийн хувьцаа эзэмшигч)-ээс 275 сая ширхэг хувьцааг худалдаж авах замаар эзэмшихээр тохиролцсон.
2009 оны 3 дугаар сарын 9-нд “Fortescue” нэмж 35 сая ширхэг хувьцааг “Valin”-нд худалдахаар тохиролцсон юм. Тийнхүү “Valin” нь “Fortescue”-гийн 17.4 хувьтай тэнцэхүйц хувийн хувьцааг эзэмшихээр болсон.
Тохиролцооны нөхцөлд оруулсан “Standstill” гэрээнд “Valin”-ийг “Fortescue”-гийн 17.55 хувиас илүүг эзэмшихээс сэргийлсэн заалт багтсан. Хувьцааны энэхүү гэрээний зэрэгцээ, мөн “Fortescue” болон “Valin”-ий хамтын ажиллагааны гэрээ байгуулагдан Valin руу чиглэсэн, төмрийн хүдрийн худалдааг нэмэгдүүлэхээр болсон. Мөн Fortescue-ийн агуулга багатай хүдрийг боловсруулах шинэ технологийг судлахаар уг гэрээнд тусгасан.
Уг гэрээнд хоёр компани 50:50 хувийн эзэмшлийн хамтарсан компани байгуулах заалт багтсан. Тус компани нь “Fortescue” –гийн эзэмшлийн талбайн зарим хэсгийн бага агуулгатай хүдрээс бүтээгдэхүүн үйлдвэрлэх ба “Fortescue”-гийн шинээр хэрэгжүүлэх төслүүдэд “Valin” оролцох боломжтойгоор тусгажээ.
Хувьцааны захиалгын үндсэн гэрээ нь ГХОХЗ-д хэд хэдэн шаардлагуудыг тодруулж өгөхөд зориулагдсан байв.
• “Fortescue” дахь “Valin”-ий эзэмших хувьцаа дээд тал нь 17.5 хувь байна (үүнийг Standstill гэрээгээр зааж өгчээ)
• “Valin”-ий томилсон ТУЗ-ийн нэг гишүүн нь “Valin”-ий захирал байх ёстой
• “Fortescue” нь “Valin”-аас томилсон ТУЗ дахь төлөөлөлтэй холбоотой компанийн засаглалын тухай протоколыг гаргана. Протоколд “Valin” нь “Fortescue” группын ТУЗ болон удирдлагын багт нэг ч төлөөллийн хүнээ оруулахгүй байх гэсэн шаардлага багтана.
• “Valin” нийлүүлэлт болон үнэд нөлөөлөх маркетингийн зохион байгуулалтад оролцохгүй.ГХОХЗ-ийн батламж: Тэмдэглэх асуудлууд
2009 оны 3 дугаар сарын 31-нд “Hunan Valin Iron” болон “Steek Group” ГХОХЗ, Сангийн сайдаас “Fortescue”-гийн 17.55 хүртэлх хувийг эзэмших зөвшөөрөл авсан. Ингэхдээ ГХОХЗ нь Fortescue-гийн зөвшөөрснөөр Valin дараах нөхцөлийг хүлээн зөвшөөрсөн тохиолдолд хөрөнгө оруулалт хийхийг зөвшөөрнө гэсэн. Үүнд:
Үүнд:
“Valin”-ий томилсон “Fortescue”-гийн ТУЗ-ийн гишүүн тус компанийн захирлын гаргасан Захирлын дүрмийг мөрдөж ажиллана.
“Fortescue”-гийн ТУЗ-д дэвшүүлж буй Valin-ий төлөөлөл нь Австралийн компанийн тухай хуулийн дагуу Fortescue-гийн маркетинг, борлуулалт, үнэ тогтоолт, үйлчлүүлэгчийн ашиг, үнэлгээ болон тээвэрлэлтийн бүтцийн өртөг зэрэгтэй ашиг сонирхлын зөрчилдөөн буй эсэхээ мэдэгдэж байх ёстой.
“Valin” болон түүний “Fortescue”-гийн ТУЗ-д санал болгосон хүн нь хоёр компанийн харилцан зөвшилцсөн мэдээлэл тусгаарлах тохиролцоог дагаж ажиллах ёстой.
Сангийн сайд энэхүү дагаж мөрдөх үүрэг нь Австралийн үндэсний эрх ашигтай нийцэж буйг мэдэгджээ. Мөн “Fortescue”-гийн худалдааны үйл ажиллагаа болон үйлчлүүлэгчийн сонирхлыг зохистойгоор ялган салгаж, Австралийн ашигт малтмалын салбарын зах зээлд түшиглэсэн хөгжилд дэмжлэг үзүүлж буйг тэмдэглэжээ.
Гол асуудлууд:
• Хяналтын бус түвшний хувьцаа эзэмшил нь хяналтын хувьцаа эзэмшихээс бага асуудал үүсгэдэг.
• “Standstill” гэрээ нь ГХОХЗ-ийн зөвшөөрлийг авахад дөхөм болдог.
• Захирлуудын эрх мэдлийг хязгаарлаж, зохицуулсан нарийн тодорхой компанийн засаглал нь гадаадын засгийн газрын байгууллагын хийсэн хөрөнгө оруулалтад баримталдаг Австралийн үндэсний эрх ашгийн зарчимтай нийцдэг юм.
• Австралийн Засгийн газар түүхий эд худалдан авагч нар үнэ тогтоохыг хүсдэггүй, үнэ ханш тогтоох нь ямар нэгэн хөнгөлөлтгүйгээр олон улсын зах зээлийн жишиг үнэд үндэслэж байх ёстой.Yanzhou болон Felix
2009 оны 8 дугаар сарын 13-нд “Yanzhou Coal Mining” компани “Felix Resources” компанийг бүхэлд нь худалдаж авахаар төлөвлөж буйгаа мэдэгдэв. /Scheme of arrangement буюу сайн дурын тохиролцоонд үндэслэсэн гэрээний нөхцөлийн дагуу/.
“Yanzhou”-г ГХОХЗ-д өөрийн өргөдлийг шинэчлэн хоёр дахь удаагаа өгөхийг мэдэгджээ (ГХОХЗ 30 хоногийн дотор хянах хугацаа дуусахаас өмнө). Уг саналыг 2009 оны 10 дугаар сард баталжээ. ГХОХЗ дараах нөхцөлтэйгээр “Yanzhou”-гийн саналыг баталжээ.
• “Felix”-ийн ордуудыг зөвхөн Австралид төвтэй Yancoal Australia (Yancoal) компаниудын оролцоотойгоор ашиглах ёстой.
• “Yanzhou” 2012 он гэхэд “Yancoal”-ыг Австралийн хөрөнгийн биржид заавал бүртгүүлсэн байх ёстой, мөн өөрийн хувьцааны эзэмшлийг 70-аас доош хүртэл хувь болгож бууруулах ёстой.
• “Yancoal” хувьцаагаа гаргасны дараа “Yanzhou”-гийн энэхүү орд газар дахь эзэмшил 50 хувь эсвэл түүнээс доогуур байх ёстой (энэ нь тус компанийг Австрали дахь бусад хөрөнгөө зарахыг шаардана)
• “Yancoal”-ийн Гүйцэтгэх захирал болон Санхүүгийн асуудал эрхэлсэн захирал Австралид оршин суух ёстой
• “Yancoal” заавал Австралид төвтэй байх ёстой, Австралийн удирдлагын багийн давуу байдлыг хангаж ажиллах ёстой, мөн худалдааны багт ч энэ шаардлага үйлчилнэ.
• “Yancoal” нь өөрийн Австрали дахь бүх уурхайгаас олборлосон нүүрсээ шударга, ижил тэгш нөхцөлөөр олон улсын зах зээлийн ханштай уялдуулан борлуулна.ГХОХЗ зөвшөөрөл: Тэмдэглэх асуудлууд
Гол асуудлууд:
• “Yanzhou” нь “Felix”-ийн өмнөх удирдлага, ажиллах хүчнийг хадгалж үлдэн, мөн New South Wales мужийн “Austar” нүүрсний уурхайн ажилчдын ажлын байрыг хэвээр үлдээн ажиллах болсон нь ГХОХЗ-ийн зөвшөөрлийг авах нөхцөлүүдийн чухал хэсэг нь байсан юм.
• Хөрөнгө оруулалтыг батлуулахад удирдлагын багт Австралийн оролцоо хэр түлхүү оруулсан байна вэ гэдэг нь ихээхэн чухал.
• Эрдсийн төслүүдэд Австралийн Засгийн газар Австралийн оролцоотой байхад таатай ханддаг. Засгийн газар мөн Австралийн хөрөнгийн биржээр дамжих боломж ихтэй эсэхийг харгалзан үздэг.
• ГХОХЗ-д өргөдөл гаргаснаас хойш 30 хоногийн дотор өргөдлийг дахин шинэчлэн гаргаж болдог. Энэ нь хянах хугацааг дахин сунгаж 90 хоног болгох хувилбарыг бодвол илүү түргэн хугацаанд шийдвэр гарахад нөлөөлдөг.
• “Yanzhou”-той холбоотой ГХОХЗ-ийн гаргасан шийдвэр нь ирээдүйд төрийн оролцоотой хуулийн этгээдээс оруулах хөрөнгө оруулалтыг дэмжсэн жишиг тогтлоо гэсэн байр сууринд ГХОХЗ татгалзсан хариу өгсөн ба энэ шийдвэр нь тухайн тохиолдолд л хамааралтай гэсэн мэдэгдэл хийсэн. 
Элизабет Эллис (Минтер Эллисон хуулийн фирмийн Монгол дахь салбарын Гүйцэтгэх захирал) 